City Health Office Mati - Community Mental Health Program

19/08/2026

📅 August 19, 2026

🌿 WEEKLY TELEPSYCHIATRY CONSULTATION

Padayon ang atong serbisyo alang sa kahimsog sa pangisip pinaagi sa Weekly Telepsychiatry Consultation sa City Health Office – Crisis Intervention Unit, Mental Health Community-Based Services.

Dili man pirmi makita ang atong mga gibati, apan importante nga kini paminawon ug tagaan og hustong pag atiman. 🤍

Pinaagi sa telepsychiatry, atong gipaduol ang mental health services ngadto sa mga tawo nga nanginahanglan og suporta, konsultasyon, ug professional guidance.

Ayaw kahadlok mangayo og tabang. Ayaw ikaulaw ang pagpakonsulta. Kay ang pag atiman sa mental health dili kahuyang kini usa ka porma sa pagmahal ug pag atiman sa kaugalingon. 💚

Magpadayon kita sa pag amuma, pagpaminaw, ug pagtabang sa usag usa.

Together, Yes We Can!
Para Sa Tanan! 🌱

12/08/2026

August 12, 2026

WEEKLY TELEPSYCHIATRY CONSULTATION
City Health Office – Crisis Intervention Unit, Mental Health Community-Based Services

Padayon ang atong Weekly Telepsychiatry Consultation, usa ka importante nga serbisyo nga naghatag og oportunidad sa atong mga kliyente nga makadawat og propesyonal, accessible, ug hapsay nga mental health care bisan pa sa gilay-on.

Pinaagi sa telepsychiatry, atong gipalig-on ang atong paningkamot nga ang mga tawo nga nanginahanglan og tabang sa panglawas sa pangisip dili kinahanglan mag inusara sa ilang mga kabalaka ug kalisdanan. Ang matag konsultasyon usa ka higayon alang sa pagpaminaw, pagsabot, paghatag og hustong giya, ug pagplano sa angay nga pag-atiman alang sa matag kliyente.

💚 Ang mental health kabahin sa kinatibuk ang kahimsog. Walay angay ikaulaw ang pagpangayo og tabang, pagpakonsulta, o paghisgot sa atong gibati. Sama sa atong lawas, ang atong hunahuna ug emosyon kinahanglan usab nga atimanon.

Padayon kita sa paghimo og usa ka komunidad nga mas matinabangon, mas masinabtanon, ug mas open sa mental health awareness. Kay ang pagpangayo og tabang dili timailhan sa kahuyang kundili usa ka maisog nga lakang padulong sa pagkaayo ug mas maayong kinabuhi. 🌱

Together, Yes We Can!
Para Sa Tanan!

12/08/2026

Agosto 12, 2026 | Benchmarking Activity

LF-Razo Medical and Diagnostic Center, Lupon, Davao Oriental 🤝 City Health Office – Crisis Intervention Unit Mental Health (Community-Based)

Usa ka makahuluganon nga benchmarking activity ang gihimo aron mapalalom ang pagsabot ug pagkat-on bahin sa pagdumala ug pag operate sa mental health services, ilabi na sa mga best practices alang sa PhilHealth accreditation sa mental health services.

🎯 Mga Tumong sa Benchmarking:

🔹 Pagkat-on sa mga best practices sa operations ug management, ilabi na sa proseso ug requirements sa PhilHealth accreditation alang sa mental health services.

🔹 Masabtan ang mga standards, requirements, ug proseso sa pag-accredit sa mental health services aron masiguro ang kalidad ug episyenteng paghatag og serbisyo.

🔹 Pag-obserbar ug pagtuon sa patient flow, service delivery, ug clinical workflows nga gigamit sa pasilidad aron mahimong mas hapsay, organisado, ug patient-centered ang serbisyo.

🔹 Pag-review sa mga documentation, policies, protocols, ug quality assurance practices nga may kalabutan sa mental health care.

🔹 Pag-ila sa mga epektibong strategies ug operational improvements nga mahimong ma-adopt sa LF-Razo Medical and Diagnostic Center sa pag-establisar ug pagpalambo sa kaugalingong mental health services.

💚 Ang maong kalihokan usa ka maayong oportunidad alang sa knowledge sharing, collaboration, ug mutual learning tali sa mga healthcare professionals ug mental health service providers.
Padayon sa pagpalig-on sa mental health services mas duol, mas accessible, mas kalidad, ug mas responsive alang sa komunidad. 🧠💚

Together, Yes We Can!
Para sa Tanan!

05/08/2026

August 5,2026
Weekly Telepsychiatry Consultation | City Health Office – Crisis Intervention Unit, Mental Health

Padayon ang atong Weekly Telepsychiatry Consultation aron mahatagan og dekalidad ug hapsay nga serbisyo ang atong mga kliyente sa panglawas sa pangisip. Ang matag pasyente adunay katungod nga maminaw, masabtan, ug maatiman.

Duyog ta sa pagpalig-on sa kahimsog sa pangisip tungod kay ang mental health importante ug walay angay ikaulaw sa pagpangayo og tabang.

"Together, we heal. Together, we grow." 💚

Together, Yes We Can
Para Sa Tanan!

30/07/2026

July 30,2026
Benchmarking Visit | Mental Health Program

Ang Municipal Health Office (MHO) sa Banaybanay, Davao Oriental nagpahigayon og benchmarking visit sa City Health Office Crisis Intervention Unit aron makakat-on sa mga epektibong pamaagi sa paghatag og serbisyo sa mental health.

Pinaagi sa pagbinayloay og kahibalo ug kasinatian, gipalig-on ang atong kapasidad sa crisis intervention, referral system, case management, ug community-based mental health services aron mas mapalambo ang kalidad sa serbisyo alang sa atong komunidad.

Magtinabangay kita sa pag-atiman sa panglawas sa pangisip ug sa pagtukod og mas himsog ug malipayong komunidad. 💚🧠

Together Yes We Can
Para Sa Tanan

03/06/2026

JUNE 3, 2026 | Weekly Tele Psychiatric Consultation 🧠💬

Nagpadayon ang atong paningkamot sa paghatag og accessible ug kalidad nga mental health services pinaagi sa weekly tele psychiatric consultation. Kini nga inisyatiba naghatag og higayon sa mga kliyente nga makadawat og propesyonal nga tambag ug suporta bisan pa pinaagi sa online nga pamaagi. 💙

Ang matag konsultasyon usa ka oportunidad aron mapaminawan ang ilang mga kabalaka, masabtan ang ilang kahimtang, ug matabangan sila sa pag-atubang sa mga hagit nga ilang nasinati.

Dako ang among pagpasalamat sa tanang nagpakita og pagsalig ug aktibong partisipasyon. Uban sa inyong suporta, mas mapalig-on nato ang atong adbokasiya alang sa usa ka komunidad nga adunay kahibalo, kalinga, ug pag-atiman sa mental health. 🤝

“Ang pagpangayo og tabang dili timaan sa kaluya, kundili usa ka timaan sa kaisog.”

Together, Yes We Can
Para sa Tanan

13/05/2026

MAY 13, 2026 | Weekly Tele Psychiatric Consultation 🧠💬

Padayon nga nag-alagad ang among team aron mahatagan og panahon ang matag usa nga gustong maminaw, mosulti, ug mangayo og suporta alang sa kahimsog sa pangisip. 💙

Sa matag konsultasyon, among gipakita nga importante ang pagpaminaw ug pag-atiman sa matag miyembro sa komunidad. Ang mental health usa ka butang nga kinahanglan tagaan og bili ug pagtagad.

Daghang salamat sa inyong pagsalig ug kooperasyon sa among programa. Magpadayon kita sa pagtinabangay alang sa mas himsog, mas lig-on, ug mas malinawon nga komunidad. 🤝

Together, Yes We Can
Para sa Tanan

09/05/2026

MAY 06, 2026 | Weekly Tele Psychiatric Consultation 🧠💬
Bisan sa kainit sa adlaw, padayon ang among serbisyo aron maminaw, mosabot, ug mohatag og suporta sa kahimsog sa pangisip sa matag usa sa komunidad. 💙
Ang matag istorya adunay bili, ug ang matag tawo takos paminawon.
Dili kita nag inusara sa atong gibati kay ania ang team nga andam maminaw ug motabang. Salamat sa inyong padayon nga pagsalig ug kooperasyon. 🤝
Padayon ta sa pag amuma sa mental health alang sa mas lig-on ug mas malipayong komunidad.

Together Yes We Can
Para sa Tanan

08/05/2026