07/11/2024
ISANG HAKBANG PATUNGO SA MASUSTANSYANG KINABUKASAN: ANG FEEDING PROGRAM SA BARANGAY BOLO
Bilang kawani ng Sangguniang Kabataan at mamamayan ng Barangay Bolo, lubos na napagsang-ayonan ng mga leader ng Kabataan na nag-aalala sa kalagayan ng mga batang malnourished sa ating komunidad. Ang kakulangan sa nutrisyon ay hindi lamang nakakaapekto sa kanilang pisikal na kalusugan, kundi pati na rin sa kanilang pag-aaral at pangkalahatang kaunlaran. Kaya naman, nagsimula ang ating SK Chairman na si Jayson L. Gaton kasabay ang konseho ng mga leader Ng Kabataan, at ang tulungan mula sa barangay officials na sina Kagawad Doryle Porteros, Kagawad Mariluo Balasta, and Kagawad Jeremai Gacis. Sa patnubay ng punong barangay Rico C. Gallanosa, nagkaroon ng isang feeding program na naglalayong matulungan ang mga batang ito na makamit ang masustansyang kinabukasan. Nakasupporta rin ang kawani ng BHW na nganuna sa pag-orginisa ng feeding program at nakaalalay sa project ng Sangguniang Kabataan.
Isa ito sa mga programa ng Sangguniang Kabataan na dapat makatanggap ng malaking suporta mula sa komunidad, at magkaroon ng isang joint resolution na naglalayong palawakin ang saklaw nito. Ang joint resolution na ito ay naglalayong pagsamahin ang mga pagsisikap ng iba't ibang sektor sa barangay, mula sa mga opisyal ng barangay hanggang sa mga pribadong organisasyon at mga indibidwal, upang mas mahusay na matulungan ang mga batang malnourished.
Ang feeding program na ito ay isang patunay na ang pagtutulungan at pagkakaisa ay makakapagdulot ng malaking pagbabago sa ating komunidad. Sa pamamagitan ng pagbibigay ng sustansya sa mga bata, hindi lamang natin tinutulungan silang lumaki nang malusog, kundi pinapatatag din natin ang pundasyon para sa isang mas maunlad na kinabukasan.