Iyang mga ginikanan sila si Junior Odchigue ug Lita Poligrates. Si Kimboy sa iyang pagkabata sa barangay Cabug sulod sa unom ka tuig nga puno sa kalipay nga walay sama uban sa iyang pamilya ug mga kababata. Sa tuig 1987, ang pamilyang Odchigue nibalhin pagpuyo sa ilang bag-ong pinuy-anan sa Purok 6, South Poblacion. Ang batang Kimboy nagtungha sa unang grado sa iyang Elementarya sa Governor Pelae
z Elementary School, pagka sunod tuig tingtungha, iyang gipadayon ang iyang ikaduhang grado (Grade 2) sa tunghaan sa Christ the king college, dakbayan sa Gingoog hangtud na sa iyang pag gradwar sa Sekondarya (High School) sa tuig 2001 didto sa nahisgutang eskwelahan. Alang sa iyang kolehiyo, nag tungha si Kimboy sa Liceo de Cagayan University ug mikuha sa kurso nga Bachelor of Science in Commerce major in Management Accounting. Tungod sa iyang damgo sa pagkab-ot sa kursong Abogasiya, nag madasigon siya sa pag enrol sa kursong abogasiya didto sa Misamis University, Ozamis City ug kini iyang gihuman sa tuig 2008. Tungod sa usa ka Philosopiya nga iyang natun-an nga nag sulti “There is no such graduation with comes to Mental Capacity” mao nga mipadayon siya pag kuha ug units sa kursong Masters in Public Administration didto sa La Salle University, Ozamis City. Sa tuig 2009, nagtudlo siya isip Part- time Instructor sa Bukidnon State University (BSU), Medina ug Gingoog External Studies Center sulod sa 7 ka tuig o hangtud sa 2016. Ang Politikanhong Kinabuhi ni Kimboy Odchigue:
Sa tuig 2010, Local and National Election, nisulod siya ka politika ug napili numero uno isip miembro sa Sangguniang Bayan ug nahimong Majority Floor Leader ug nagdala sa komitiba sa Agriculture, Rules and Ordinances an public Accountability. Iyang gipangunahan ang 90 ka resolution ug 25 ka ordinansa lokal. Sa Tuig 2013, nagpapili pag usab si Kimboy alang sa ikaduhang termino ug nabuligan nga nagserbisyo pag-usab sa katawhan sa Medina isip Bise-Mayor sa lungsod. Gipalapdan pa ang tinooray ug kinasing- kasing sa pagserbisyong pulido para sa mga lungsuranon. Ug sa tuig 2014, naminyo kang Celeste Sonia Jamis Chang nga usa ka doktora ug gibuligan sa usa ka anak nga si kim Gabriel Odchigue. Sa tuig 2016, Gihatagan sa laing higayun sa makabubuhong nga suporta sa ikahudang termino sa pagka Bise- Mayor ug napili isip Bise-Presidente sa kahugpungan sa mga Bisi-Mayor sa Probinsya “Vice Mayor’s League of the Philippines, Misamis Oriental Chapter”. Sa tuig 2019, lain na usab nga makabubuhong nga suporta ang gihatag sa katawhan sa Medina sa ika tulo nga termino isip Bise- Mayor ug napili na usab isip Bise Presidente sa Vice Mayor’s league of the Philippines, Misamis Oiental Chapter ug Region 10 Chapter, ug gitudlo isip usa ka Deputy Auditor for Mindanao Vice Mayor’s League National Chapter. Sa tuig 2022, sa katapusang termino, iyang nahatagan sa dako nga dungog ang lungsod sa Medina uban sa paningkamot sa mga miembro sa konseho sa 25th Sangguniang Bayan Council nakab-ot sa lungsod sa Medina ang usa ka prestiyosong pasegarbo (award) isip “Most Outstanding Sangguniang Bayan” probinsya sa Misamis Oriental. Ang maong award gitunol gikan sa Department of Interior and Local Government (DILG). Ug usab ang buhatan sa DILG mituboy sa lungsod sa Medina isip Regional Nominee sa Region 10 Level. Niadtong June 6, 2022, Ang Vice Mayor’s League of the Philippines, National Chapter, mitunol ug laing pasigarbo as “Golden Gavel Award as recognition for Excellence in Public Service” ug kini personal nga gidawat sa inyong Bise-Mayor atoll sa maong Awarding Ceremonies nga gihimo didto sa Sofitel Philippine Plaza, Pasay City, Metro Manila. Karong pinili-ay sa Mayo 12, 2025, gipadayon na gayud ni Kimboy ang paghanyag sa iyang kaugalingon nga mo-alagad sa lungsod isip inyong Mayor. Nag madasigon siya nga mo BAROG alang sa katawhan sa lungsod sa Medina. Busa, kinasingkasing akong mangayo sa inyong pagtugot nga hatagan ug higayon nga mo-alagad sa atong lungsod ug sa katawhan ug akong ipasalig ang gipangadoy nga usa ka ligdong, limpyo ug maki-angayon/patas nga pang gobyerno sa lungsod.
“ALAGARAN TAKA PINALANGGA KONG MEDINA.“
