Office of the Vice Mayor - Mendez Nuñez

Office of the Vice Mayor - Mendez Nuñez The Official page of the Vice Mayor's Office-Municipality of Mendez-Nuñez,Province of Cavite

Happy Birthday Vice Mayor Raygan Noche Dimapilis!Sa pagsapit ng kaarawan ni Vice Raygan ngayong araw, nais na iparating ...
30/08/2026

Happy Birthday Vice Mayor Raygan Noche Dimapilis!

Sa pagsapit ng kaarawan ni Vice Raygan ngayong araw, nais na iparating ng ating tanggapan ang mainit na pagbati kasama ang panalangin para sa patuloy na kalakasan ng katawan at biyaya ng Poong Maykapal.

Sa paglipas ng panahon ay pinatunayan ni Vice Raygan ang pagkakaloob niya ng serbisyong hindi nagbabago na alay sa lahat ng mga Mendezeño.

Muli, Maligayang Kaarawan po, Vice Raygan!

ABISO SA LAHAT | Sa bisa ng Proclamation No. 1006, s. 2025, idineklarang Regular Holiday ang Agosto 31, 2026 (Lunes) bil...
28/08/2026

ABISO SA LAHAT | Sa bisa ng Proclamation No. 1006, s. 2025, idineklarang Regular Holiday ang Agosto 31, 2026 (Lunes) bilang paggunita sa National Heroes Day.

Kaugnay nito, walang regular na transaksyon sa mga tanggapan ng Pamahalaang Bayan sa nasabing araw. Muling magpapatuloy ang regular na serbisyo sa Setyembre 1, 2026 (Martes).

Sa Araw ng mga Bayani, ating bigyang-pugay ang mga bayaning nag-alay ng kanilang buhay at tapang para sa bayan. Nawa’y manatiling buhay sa ating puso ang kanilang kabayanihan.

Alinsunod sa Memorandum Circular No. 132, ngayong Biyernes, Agosto 28, 2026, ang suspensyon ng klase sa lahat ng antas, ...
28/08/2026

Alinsunod sa Memorandum Circular No. 132, ngayong Biyernes, Agosto 28, 2026, ang suspensyon ng klase sa lahat ng antas, pampubliko man o pribadong paaralan, gayundin ang trabaho sa mga Tanggapan ng Pamahalaan, ay ipatutupad simula alas-1:00 ng hapon (1:00 PM).

Pinapayuhan ang lahat na manatiling ligtas, maging alerto, at sundin ang mga kaukulang abiso ng mga kinauukulang awtoridad.

ABISO SA LAHAT | Sa bisa ng Proclamation No. 1006, s. 2025, idineklarang Special Non-Working Holiday ang Agosto 21, 2026...
20/08/2026

ABISO SA LAHAT | Sa bisa ng Proclamation No. 1006, s. 2025, idineklarang Special Non-Working Holiday ang Agosto 21, 2026 (Biyernes).

Kaugnay nito, ang regular na transaksyon sa mga tanggapan ng Pamahalaang Bayan ay muling magpapatuloy sa Agosto 24, 2026 (Lunes).

Samantala, bilang bahagi ng nalalapit na pagdiriwang ng Founding Anniversary ng Bayan ng Mendez-Nuñez, magbubukas na rin bukas, Agosto 21, 2026, ganap na ika-2:00 ng hapon, ang Food Bazaar sa Mendez Town Plaza.

Situation Briefing ukol sa kasalukuyang lagay ng Bayan Agosto 19, 2026 – Nakipagpulong ngayong araw Si Vice Mayor Raygan...
19/08/2026

Situation Briefing ukol sa kasalukuyang lagay ng Bayan

Agosto 19, 2026 – Nakipagpulong ngayong araw Si Vice Mayor Raygan N. Dimapilis sa Municipal Disaster Risk Reduction and Management Officer, Municipal Agriculturist at Municipal Social Welfare and Development Officer at sa mga TODA Presidents ng ating Bayan, upang alamin ang sitwasyon ng ating mga kababayan sa gitna ng paghagupit ng habagat sa bansa.

Bukod dito, nakipag-ugnayan rin si Vice Raygan sa Tanggapan ng Rural Health Unit at AMIGA District Hospital upang alamin ang kanilang kahandaan sa mga posibleng problema sa kalusugan ng ating mga kababayan dala pa rin ng tuloy-tuloy na pag-ulan.

Samantala, ipinanawagan din ni Vice Raygan ang ibayong pag-iingat ng ating mga kababayan maging ang patuloy na kahandaan ng mga tanggapan ng Lokal na Pamahalaan sa mga posibleng epekto ng masamang panahon.

Sa kasalukuyan ay gumaganap si Vice Raygan bilang Acting Municipal Mayor ng ating Bayan habang naka-Official Leave si Mayor Cocoy Mendoza.

Sa bisa ng Memorandum Circular No. 131, suspendido ang mga klase sa lahat ng antas, pampubliko man o pribado, ngayong Ag...
19/08/2026

Sa bisa ng Memorandum Circular No. 131, suspendido ang mga klase sa lahat ng antas, pampubliko man o pribado, ngayong Agosto 20, 2026 (Huwebes).

Samantala, ang Lokal na Pamahalaan ng Mendez-Nuñez ay magpapatupad ng skeletal workforce mula 8:00 ng umaga hanggang 5:00 ng hapon upang matiyak ang tuloy-tuloy na paghahatid ng mahahalagang serbisyo sa mamamayan.

Pinapayuhan ang lahat na manatiling ligtas at patuloy na subaybayan ang mga opisyal na anunsyo ng pamahalaan.

Batay sa anunsyo ni Gov. Abeng Remulla, suspendido ang pasok sa lahat ng antas sa mga pampubliko at pribadong paaralan s...
18/08/2026

Batay sa anunsyo ni Gov. Abeng Remulla, suspendido ang pasok sa lahat ng antas sa mga pampubliko at pribadong paaralan sa buong lalawigan ng Cavite bukas, Agosto 19, 2026, dahil sa patuloy na epekto ng Habagat.

Pinapayuhan ang lahat na manatiling alerto at patuloy na sumubaybay sa mga opisyal na anunsyo para sa mga karagdagang impormasyon. Mag-ingat at unahin ang kaligtasan ng bawat isa.

Sa buong buwan ng Hulyo 2026, idinaos ang ika-52 hanggang ika-55 Regular Session ng 38th Sangguniang Bayan ng Mendez-Nuñ...
13/08/2026

Sa buong buwan ng Hulyo 2026, idinaos ang ika-52 hanggang ika-55 Regular Session ng 38th Sangguniang Bayan ng Mendez-Nuñez, kung saan tinalakay at inaprubahan ang mahahalagang resolusyon at ordinansa para sa patuloy na pag-unlad at kapakanan ng ating mga Mendezeño.

Kabilang dito ang Supplemental Investment Program at Supplemental Budget ng Barangay Asis III (₱125,000.00), Poblacion I (₱145,000.00), Anuling Lejos II (₱27,000.00), Asis II (₱12,700.00), Poblacion IV (₱110,000.00), at Poblacion V (₱300,000.00). Inaprubahan din ang mga kasunduan para sa student internship at pangangalaga sa kalikasan, Deed of Usufruct with Mendez Water District, pagkilala sa PUKNAT bilang CSO, at reclassification ng 20 Child Development Centers. Kasama rin dito ang mga ordinansang may kaugnayan sa pagtaas ng tricycle fares at paglikha ng apat na bagong posisyon sa Local Economic Enterprise

Makakaasa po kayo na patuloy ang Serbisyong Hindi Nagbabago ng inyong Sangguniang Bayan sa pagsusulong ng mga programa at panukalang makatutulong sa ating mga Mendezeño.

Sa ngalan ng mga bumubuo sa Sangguniang Bayan at ng Tanggapan ng inyong lingkod, taos-puso naming binabati si Mayor Fran...
09/08/2026

Sa ngalan ng mga bumubuo sa Sangguniang Bayan at ng Tanggapan ng inyong lingkod, taos-puso naming binabati si Mayor Francisco “Cocoy” T. Mendoza Jr. ng isang maligaya at pinagpalang kaarawan.

Nawa’y patuloy kayong pagpalain ng ating Panginoon ng mabuting kalusugan, karunungan, at lakas upang maipagpatuloy ang inyong paglilingkod sa ating minamahal na bayan ng Mendez-Nuñez.

Sa inyong espesyal na araw, hangad namin ang inyong kaligayahan kasama ang inyong pamilya at mga mahal sa buhay. Muli, Maligayang kaarawan po, Mayor Cocoy!

Naramdaman ng pagyanig bandang 10:38 ng umaga ngayong araw, Agosto 7, 2026, dulot ng lindol na may lakas na Magnitude 5...
07/08/2026

Naramdaman ng pagyanig bandang 10:38 ng umaga ngayong araw, Agosto 7, 2026, dulot ng lindol na may lakas na Magnitude 5.8 mula sa bahagi ng Occidental Mindoro, ayon sa ulat ng PHIVOLCS.

Naramdaman ang pagyanig sa loob ng humigit-kumulang 20 segundo.

Pinapaalalahanan ang lahat na manatiling kalmado at manatiling nakaantabay sa mga opisyal na anunsyo para sa karagdagang impormasyon.

Stay safe and updated, Mendezeños!

Address

JP Rizal Street Poblacion II
Mendez
4121

Website

Alerts

Be the first to know and let us send you an email when Office of the Vice Mayor - Mendez Nuñez posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Office of the Vice Mayor - Mendez Nuñez:

Shortcuts

Share

Category