08/10/2023
Mapagpalang araw po sa ating lahat!
Ito po ang opisyal na pahayag patungkol sa naganap na gusot sa pagitan ng ilang manlalaro ng Anuling Cerca Uno, at Asis Uno sa 1st Quarter ng 2023 SK Cup Men's Basketball Semi-finals ganon din ang ilang manlalaro ng Anuling Cerca Dos noong ika-7 ng Oktubre, eksaktong 09:30 ng gabi sa Mendez Covered-Court Plaza.
Sa tulong ng mga testimonya mula sa ating mga saksi, CCTV footage at ilang video na naipadala sa ating tanggapan ay madali po nating natukoy kung sino ang mga manlalaro at indibidwal na sangkot sa naging kaguluhan ng magkabilang kupunan. Bilang tugon, sila po ay napatawan ng karampatang game suspension.
Gayon pa man, kasalukuyan padin po tayong gumagawa ng hakbang at imbestigasyon upang mapanatili ang pagkakaisa ng kabataan sa tulong ng palakasan.
Ang layunin po ng SK Federation at ng Mendez Sports Development Council ay mapag ayos ang dalwang kupunan at ilang indibidwal sa pamamagitan ng isang maayos na pagdinig at pagpupulong sa pangunguna ng ating SK Federation at mga namumuno sa MSDC upang maipagpatuloy ang ating magandang nasimulan para sa kabataan at sa ating mga kapatid na manlalaro.
Para sa mga katanungan at impormasyon, makipag ugnayan nalamang po tayo sa mga SK Chairperson na nakakasakop.
Hinihiling po namin ang patuloy na suporta at pagunawa ng bawat isa.
Maraming salamat po.
