https://www.facebook.com/116000464739187/

Ang Daluyan, St. Francis, Gasak, Meycauayan (2026)

15/05/2026

𝐏𝐚𝐠𝐥𝐢𝐥𝐢𝐧𝐠𝐚𝐩 𝐧𝐠 𝐈𝐬𝐚𝐧𝐠 𝐃𝐚𝐥𝐮𝐛𝐡𝐚𝐬𝐚
Ni: Althea Borondia

Sa ilang taong paglilingkod,
Araw gabing dala-dala ang pagod.
Ngunit nananatili siyang matatag,
At sa kahit ano ma’y hindi nagpapatinag.

Pagka’t alam niya ang kaniyang halaga,
Dahil pinaghihirapan niya ng lubusan ang mga bagay na nais makuha.
Papasok at magtuturo ng napaka-aga,
Pagtuturo sa mga mag-aaral ang nagpapasaya sa kanya.

Sa gabi’y nakaharap sa kompyuter
Upang gampanan ang pagiging dalubhasang School Paper Adviser.
Mga mag-aaral ay itinuturing niyang parang tunay na mga anak,
Dedikasyo’y di mabubuwag kahit luha ma’y pumatak.

Ngunit hindi lahat ng kabanata sa buhay ay positibo,
Maraming beses na rin siyang muntikang sumuko.
Pero kahit tamaan pa man ng malalakas na bagyo,
Ay makikita pa rin natin siyang lumalaban at nakatayo.

Hindi mapapalitan ng sinuman,
Ang iyong pagmamahal na parang isang tunay na ina.
Ang pag-aalaga at pagdamay sa oras ng problema,
At pagsama sa laban kahit nahihirapan ka na.

Sa tatlumpu’t tatlong taon na ika’y nabubuhay,
Narito kami’t patuloy na umaalalay.
Nawa’y bigyan ka pa ng madaming lakas at pag asa,
At patuloy na magpakatatag sa kabila ng mga problema.

02/04/2026

𝗣𝗮𝗴𝗯𝗮𝘁𝗶 𝗮𝘁 𝗣𝗮𝘀𝗮𝘀𝗮𝗹𝗮𝗺𝗮𝘁 𝘀𝗮 𝗺𝗴𝗮 𝗔𝘁𝗲 𝗮𝘁 𝗞𝘂𝘆𝗮 𝗻𝗴 𝗔𝗻𝗴 𝗗𝗮𝗹𝘂𝘆𝗮𝗻!

Kasabay ng pagtatapos ng taong panuruan 2025–2026 ay ang pagsisimula ng panibagong yugto para sa mga mamamahayag ng Ang Daluyan na naglipat-antas noong ika-31 ng Marso 2026.

Isang matagumpay na taon ang ating pinagsaluhan. Baunin ninyo ang aming taos-pusong pasasalamat sa pagbabahagi ng inyong talino, talento, at oras sa pagsusulong ng tapat at makatotohanang pamamahayag.

Kaisa ninyo ang buong patnugutan sa pagdiriwang ng inyong tagumpay. Ikinararangal naming kayo ay naging bahagi ng pagbuo at paghubog ng ating pahayagan.

Patuloy na maging DALUYAN ng kahusayan at katotohanan, JourKnows! ✨

08/03/2026

NAILATHALA AT KINILALA NA!

Sa diwa ng 𝐓𝐀𝐏𝐀𝐓 at 𝐌𝐔𝐋𝐀𝐓 na 𝐏𝐀𝐆𝐒𝐔𝐋𝐀𝐓, buong lugod na isinasapubliko ng 𝐀𝐧𝐠 𝐃𝐚𝐥𝐮𝐲𝐚𝐧 ang ikaapat na elektronikong sipi ng pahayagan na kinilalang 𝐒𝐃𝐎 𝐂𝐢𝐭𝐲 𝐨𝐟 𝐌𝐞𝐲𝐜𝐚𝐮𝐚𝐲𝐚𝐧’𝐬 𝟐𝐧𝐝 𝐁𝐞𝐬𝐭 𝐒𝐜𝐡𝐨𝐨𝐥 𝐏𝐚𝐩𝐞𝐫 𝐢𝐧 𝐒𝐞𝐜𝐨𝐧𝐝𝐚𝐫𝐲 𝐅𝐢𝐥𝐢𝐩𝐢𝐧𝐨 𝐬𝐚 𝐧𝐚𝐠𝐝𝐚𝐚𝐧𝐠 𝟐𝟎𝟐𝟔 𝐒𝐜𝐡𝐨𝐨𝐥𝐬 𝐃𝐢𝐯𝐢𝐬𝐢𝐨𝐧 𝐏𝐫𝐞𝐬𝐬 𝐂𝐨𝐧𝐟𝐞𝐫𝐞𝐧𝐜𝐞 𝐆𝐫𝐨𝐮𝐩 𝐂𝐨𝐧𝐭𝐞𝐬𝐭 𝐟𝐨𝐫 𝐁𝐞𝐬𝐭 𝐒𝐜𝐡𝐨𝐨𝐥 𝐏𝐚𝐩𝐞𝐫𝐬.

Taglay ng bawat pahina ang diwa ng 𝑽𝑶𝑿 𝑫𝑰𝑺𝑪𝑰𝑷𝑼𝑳𝑨, 𝑫𝑰𝑼𝑹𝑵𝑨𝑹𝑰𝑨 𝑯𝑶𝑵𝑬𝑺𝑻𝑨. Tapat na tinig ng mga mag-aaral ang laman ng bawat artikulo. Katotohanan ang puhunan at katapatan ang gabay. Iyan ang tatak ng Ang Daluyan.

Tuluyang nailathala ang mulat na isyung ito dahil sa husay ng mga mag-aaral at g**o sa pangunguna nina Punong Patnugot Jerbin T. Acosta, Kawaksing Patnugot Kylle A. Consad, Tagapamanihalang Patnugot Althea Jasmin Borondia, at Punong Taga-anyo G. Wendell M. Reyes, katuwang ang Tagapayo ng Pahayagan Bb. Iana Pauline G. Bulaong at ang mga patnugot sa iba’t ibang seksyon.

Sa paggabay nina Punongg**o IV, Dr. Edgar Allan R. Calora at G**ong Tagapag-ugnay sa Filipino Bb. Eliza Mae A. Evangelista, patuloy na dumadaloy ang tinig ng kabataang mamamahayag.

Handa nang basahin ang buong isyu. I-click lamang ang link na ito:

https://tinyurl.com/AngDaluyan2026

Ipagmalaki ang galing ng mga mamamahayag na Kanluranin sapagkat ang mga 𝒏𝒂𝒎𝒖𝒍𝒂𝒕 𝒏𝒂 𝒎𝒈𝒂 𝒎𝒂𝒏𝒖𝒏𝒖𝒍𝒂𝒕 𝒂𝒚 𝒑𝒂𝒕𝒖𝒍𝒐𝒚 𝒏𝒂 𝒅𝒂𝒅𝒂𝒍𝒐𝒚, 𝒎𝒂𝒈𝒎𝒖𝒎𝒖𝒍𝒂𝒕, 𝒂𝒕 𝒉𝒊𝒏𝒅𝒊 𝒏𝒂 𝒎𝒖𝒍𝒊𝒏𝒈 𝒑𝒊𝒑𝒊𝒌𝒊𝒕.

04/03/2026

𝐀𝐧𝐠 𝐧𝐚𝐌𝐔𝐋𝐀𝐓 𝐚𝐲 𝐡𝐢𝐧𝐝𝐢 𝐧𝐚 𝐦𝐮𝐥𝐢𝐧𝐠 𝐩𝐢𝐩𝐢𝐤𝐢𝐭!

Bilang patuloy na pagtindig para sa 𝗠𝗔𝗟𝗔𝗬𝗔 at 𝗠𝗔𝗞𝗔𝗧𝗢𝗧𝗢𝗛𝗔𝗡𝗔𝗡𝗚 pamamahayag, inihahandog ng 𝐀𝐧𝐠 𝐃𝐚𝐥𝐮𝐲𝐚𝐧 ang 𝗶𝗸𝗮𝗮𝗽𝗮𝘁 𝗻𝗮 𝗱𝗶𝗵𝗶𝘁𝗮𝗹 𝗻𝗮 𝘀𝗶𝗽𝗶 na tampok ang mga 𝗶𝘀𝘆𝘂𝗻𝗴 𝗽𝗮𝗻𝗹𝗶𝗽𝘂𝗻𝗮𝗻 𝗮𝘁 𝗽𝗮𝗺𝗽𝗮𝗮𝗿𝗮𝗹𝗮𝗻 na tuwirang nakaaapekto sa mga mag-aaral.

Bawat pahina ay isinulat upang 𝗺𝗮𝗴𝗺𝘂𝗹𝗮𝘁 𝗻𝗴 𝗸𝗮𝗺𝗮𝗹𝗮𝘆𝗮𝗻 at maghatid ng 𝗱𝗶𝘄𝗮𝗻𝗴 𝘁𝗮𝗽𝗮𝘁 sa gitna ng mga umuusbong na 𝗸𝗮𝗵𝘂𝘄𝗮𝗱𝗮𝗻 𝗮𝘁 𝗸𝗮𝗯𝗮𝗹𝗶𝗻𝘁𝘂𝗻𝗮𝗮𝗻.

Ngayong ika-4 ng Marso 2026, halina’t saksihan ang 𝗽𝗮𝗴𝘀𝗮𝘀𝗮𝗽𝘂𝗯𝗹𝗶𝗸𝗼 ng 𝗽𝗮𝗻𝗶𝗯𝗮𝗴𝗼𝗻𝗴 𝗺𝘂𝗸𝗵𝗮 ng 𝐀𝐧𝐠 𝐃𝐚𝐥𝐮𝐲𝐚𝐧!

25/02/2026

𝐈𝐬𝐚𝐧𝐠 𝐦𝐚𝐚𝐥𝐚𝐛 𝐧𝐚 𝐩𝐚𝐠𝐛𝐚𝐭𝐢 𝐬𝐚 𝐦𝐠𝐚 𝐦𝐚𝐦𝐚𝐦𝐚𝐡𝐚𝐲𝐚𝐠 𝐧𝐠 𝐀𝐧𝐠 𝐃𝐚𝐥𝐮𝐲𝐚𝐧 𝐧𝐚 𝐧𝐚𝐠𝐰𝐚𝐠𝐢 𝐬𝐚 𝐢𝐬𝐢𝐧𝐚𝐠𝐚𝐰𝐚𝐧𝐠 𝟐𝟎𝟐𝟔 𝐂𝐥𝐮𝐬𝐭𝐞𝐫 𝐁𝐚𝐬𝐞𝐝 𝐅𝐞𝐬𝐭𝐢𝐯𝐚𝐥 𝐨𝐟 𝐓𝐚𝐥𝐞𝐧𝐭𝐬. 🎉

🥇𝑪𝒓𝒆𝒂𝒕𝒊𝒗𝒆 𝑷𝒂𝒊𝒏𝒕𝒊𝒏𝒈 𝑪𝒐𝒏𝒕𝒆𝒔𝒕
Unang Puwesto – Kylle A. Consad
Tagapagsanay: Bb. Romina S. Evangelista
DFOT Qualifier

🥇𝑷𝒐𝒑 𝑫𝒆𝒗–𝑷𝒐𝒑 𝑸𝒖𝒊𝒛
Unang Puwesto – Nikki C. Zamudio
Tagapagsanay: Bb. Geline T. Fajardo
DFOT Qualifier

🥇𝑫𝒐𝒌𝒚𝒖𝑾𝒆𝒏𝒕𝒐
Unang Puwesto
Ykho M. Giron
Luvi G. Binamira
Tagapagsanay: Bb. Iana Pauline G. Bulaong
DFOT Qualifiers

🥇𝑷𝒊𝒏𝒂𝑺𝒂𝒚𝒂𝒘
Unang Puwesto
Enrico Pascual
Gerardo Delfin Barretto
Tagapagsanay: G. Aljon B. Valenzuela
DFOT Qualifiers

🥈𝑺𝒐𝒏𝒈𝒘𝒓𝒊𝒕𝒊𝒏𝒈 𝑪𝒐𝒏𝒕𝒆𝒔𝒕
Ikalawang Puwesto – Nazh Ivler Gonzales
Tagapagsanay: Gng. Monica Alison A. Luza

🥉𝑨𝒅𝒗𝒐𝒄𝒂𝒄𝒚 𝑷𝒊𝒕𝒄𝒉
Ikatlong Puwesto – Kurt Laurence R. Villanueva
Tagapagsanay: Bb. Shiena May A. Carullo

🥉𝑷𝒓𝒐𝒋𝒆𝒄𝒕 𝑴𝒂𝒌𝒂𝒃𝒂𝒏𝒔𝒂
Ikatlong Puwesto– Rhian Marie C. Pramoso
Tagapagsanay: Bb. Regene T. Torres

Ang inyong husay, talino, at talento ang patuloy na nagpapatingkad sa pangalan ng ating paaralan hindi lamang sa larangan ng pamamahayag bagkus maging sa sining.

Ang buong patnugutan ay lubos kayong ipinagmamalaki.👏👏👏

𝐏𝐚𝐝𝐚𝐲𝐨𝐧, 𝐃𝐚𝐥𝐮𝐲𝐚𝐧 𝐉𝐨𝐮𝐫𝐊𝐧𝐨𝐰𝐬! ✨

12/02/2026

𝐃𝐢𝐠𝐢𝐭𝐚𝐥 𝐋𝐚𝐲𝐨𝐮𝐭𝐢𝐧𝐠, 𝐓𝐚𝐦𝐩𝐨𝐤 𝐬𝐚 𝐈𝐤𝐚𝐥𝐚𝐰𝐚𝐧𝐠 𝐀𝐫𝐚𝐰 𝐧𝐠 𝐏𝐫𝐨𝐣𝐞𝐜𝐭 𝐃𝐈𝐆𝐌𝐀
Balita nina: Althea Reileen Ragsac at Catherine Roberto.
Larawan kuha ni: Ccier Ian Ceriales

Isinagawa kahapon, ika-11 ng Pebrero 2026, ang ikalawang araw ng pagpapatuloy ng Project DIGMA o Dihital na Galaw ng mga Mamamahayag, na naglalayong palawakin ang kaalaman at kasanayan ng mga mag-aaral sa larangan ng digital journalism.

Tampok na tagapagsalita si G. Wendell M. Reyes, School ICT Coordinator at Head Layout Artist ng Ang Daluyan. Sa kaniyang talakayan, ibinahagi niya ang mahahalagang kaalaman sa Digital News Paper Layouting, kabilang ang wastong pag-aayos ng ulo ng balita, larawan, teksto, at paggamit ng angkop na disenyo upang maging malinaw, organisado, at kaaya-aya ang isang digital na pahayagan.

Matapos ang talakayan, isinagawa ang isang aplikasyon kung saan inatasan ang lahat ng kalahok na lumikha ng kani-kanilang sariling layout. Layunin nitong masukat ang kanilang pag-unawa at malikhaing kakayahan sa pagdidisenyo ng isang digital na pahayagan.

Sa pagtatapos ng programa, itinampok ang isang awarding session kung saan kinilala ang mga natatanging kalahok. Itinanghal na mga wagi sina Zander Pepanio, Kylle Consad, at Khloe Jade Caniete dahil sa kanilang kahusayan at malikhaing presentasyon ng layout.

Naging masigla at makabuluhan ang ikalawang araw ng Project DIGMA, lalo na sa awarding session na nagbigay inspirasyon sa mga batang mamamahayag na higit pang paghusayin ang kanilang kasanayan sa digital na pamamahayag.

10/02/2026

𝐔𝐧𝐚𝐧𝐠 𝐀𝐫𝐚𝐰 𝐧𝐠 𝐏𝐫𝐨𝐣𝐞𝐜𝐭 𝐃𝐈𝐆𝐌𝐀, 𝐏𝐨𝐫𝐦𝐚𝐥 𝐧𝐚 𝐒𝐢𝐧𝐢𝐦𝐮𝐥𝐚𝐧
Balita nina: Althea Reileen S. Ragsac at Catherine M. Roberto
Mga larawan kuha ni: Ccier Ian Ceriales

Pormal na inilunsad ngayong araw ang Project DIGMA (Dihital na Galaw ng mga Mag-aaral), isang inisyatibong naglalayong hasain ang kakayahan ng mga mag-aaral sa larangan ng digital journalism.

Maalab at masayang binuksan ni Punongg**o IV Edgar Allan R. Calora, PhD ang programa sa pamamagitan ng pambungad na pananalita. Binigyang-diin niya na ang pagbabago ang tanging permanente sa mundo at, kasabay ng mabilis na pag-unlad ng teknolohiya, kinakailangang makasabay ang mga publikasyong pampaaralan. Sa gitna ng pagdami ng mga content creator na kung minsa’y mas nagiging maingay kaysa sa tunay na pamamahayag, hinikayat niya ang mga mag-aaral na magsilbing tanglaw ng katotohanan sa digital na espasyo.

Tinalakay sa unang araw ang paksang “Digital Editorial Cartooning: Visual Commentary in the Age of Online Journalism.” Naging panauhing tagapagdaloy sina Bb. Mary Precious Mayel L. Capiral, Circulation Manager ng Ang Lagusan at dating Punong Patnugot ng Ang Daluyan, at si G. Dave Adrian DP. Vivo, SK Chairman ng Brgy. Pajo at dating dibuhista ng Ang Hiyas. Ibinahagi ng mga tagapagsalita ang mahahalagang prinsipyo ng biswal na komentaryo at ang papel nito sa makabagong pamamahayag.

Sa hapon, isinagawa ang isang hands-on activity kung saan aktuwal na lumikha ang mga kalahok ng sariling digital editorial cartoons. Isa-isang sinuri at binigyan ng puna ng mga tagapagdaloy ang mga nagawang likha ng mga mag-aaral, na nagbigay-daan sa mas malalim na pag-unawa sa teknik, mensahe, at biswal na bisa ng isang epektibong kartung editoryal.

Isasagawa bukas ang ikalawang araw ng Project DIGMA na tutuon sa pag-aanyo ng mga pahayagang pampaaralan, na pangungunahan ni G. Wendell M. Reyes. Inaasahang higit pang mapauunlad nito ang kasanayan ng mga mag-aaral sa paglikha ng makabago at makabuluhang publikasyong pampaaralan sa digital na panahon.

03/02/2026

𝐌𝐠𝐚 𝐦𝐚𝐠-𝐚𝐚𝐫𝐚𝐥 𝐬𝐚 𝐁𝐚𝐢𝐭𝐚𝐧𝐠 𝟏𝟎, 𝐥𝐮𝐦𝐚𝐡𝐨𝐤 𝐬𝐚 𝐮𝐧𝐚𝐧𝐠 𝐚𝐫𝐚𝐰 𝐧𝐠 𝟐𝟎𝟐𝟔 𝐂𝐚𝐫𝐞𝐞𝐫 𝐓𝐚𝐥𝐤
Ni: Catherine M. Roberto
Mga larawan kuha ni : Ccier Ian Ceriales

Lumahok ang mga mag-aaral sa Baitang 10 ng MWCIS sa isinagawang unang araw ng 2026 Career Talk and Orientation ngayong araw sa bulwagang pampaaralan ng paaralan bilang bahagi ng paghahanda sa kanilang pagpili ng angkop na strand at track sa senior high school.

Layunin ng aktibidad na gabayan ang mga mag-aaral sa mas malalim na pagkilala sa kanilang sarili, kakayahan, at interes upang makagawa ng matalinong desisyon kaugnay ng kanilang akademikong landas at hinaharap na karera.

Tumagal ng apat na oras ang talakayan na binubuo ng iba’t ibang paksang may kaugnayan sa career development. Tinalakay ni Gng. Ma. Aida D. Bautista ang paksang Self Awareness: Me, Myself and My Career na nakatuon sa kahalagahan ng pagkilala sa sariling lakas at interes. Sinundan ito ng talakayan ukol sa Strands and Tracks na pinangunahan ni Gng. Ma. Erica C. Peñaflorida, G**o III mula sa ASHSCOM, kung saan ipinaliwanag ang iba’t ibang opsyon sa senior high school.

Ibinahagi naman ni Gng. Eleonor N. Francisco ang paksang Career Exploration: World of Work na nagbigay ng kaalaman tungkol sa iba’t ibang larangan ng trabaho at oportunidad sa hinaharap. Samantala, tinalakay ni Gng. Sherry May L. Capiral, G**o II mula sa ASHSCOM, ang Crafting Your Career Plan na gumabay sa mga mag-aaral sa pagbuo ng konkretong plano para sa kanilang napiling karera.

Isasagawa bukas ang ikalawang araw ng 2026 Career Talk and Orientation kung saan inaasahang dadalo ang iba’t ibang paaralang nag-aalok ng senior high school upang ipakilala ang kanilang mga programa at magbigay ng karagdagang impormasyon sa mga mag-aaral.

08/01/2026

𝐈𝐬𝐚𝐧𝐠 𝐦𝐚𝐚𝐥𝐚𝐛 𝐧𝐚 𝐩𝐚𝐠𝐛𝐚𝐭𝐢, 𝐂𝐜𝐢𝐞𝐫 𝐈𝐚𝐧 𝐂𝐞𝐫𝐢𝐚𝐥𝐞𝐬, 𝐛𝐚𝐠𝐨𝐧𝐠 𝐡𝐚𝐥𝐚𝐥 𝐧𝐚 𝐈𝐤𝐚𝐥𝐚𝐰𝐚𝐧𝐠 𝐏𝐚𝐧𝐠𝐮𝐥𝐨 𝐧𝐠 𝐒𝐜𝐡𝐨𝐨𝐥𝐬 𝐃𝐢𝐯𝐢𝐬𝐢𝐨𝐧 𝐨𝐟 𝐂𝐢𝐭𝐲 𝐨𝐟 𝐌𝐞𝐲𝐜𝐚𝐮𝐚𝐲𝐚𝐧 𝐒𝐞𝐜𝐨𝐧𝐝𝐚𝐫𝐲 𝐄𝐝𝐢𝐭𝐨𝐫𝐬’ 𝐆𝐮𝐢𝐥𝐝.

Lubos na ipinagmamalaki ng patnugutan ng Ang Daluyan ang iyong pagkakahirang. Nawa ay patuloy kang maging daluyan ng kahusayan at katotohanan hindi lamang sa kanluran kundi sa buong Meycauayan.

Mabuhay ang makabuluhang pamamahayag! 📰

10/12/2025

𝐀𝐧𝐠 𝐃𝐚𝐥𝐮𝐲𝐚𝐧, 𝐖𝐚𝐠𝐢 𝐬𝐚 𝟐𝟎𝟐𝟓 𝐒𝐜𝐡𝐨𝐨𝐥𝐬 𝐃𝐢𝐯𝐢𝐬𝐢𝐨𝐧 𝐏𝐫𝐞𝐬𝐬 𝐂𝐨𝐧𝐟𝐞𝐫𝐞𝐧𝐜𝐞

Pinatunayan ng mga mamamahayag ng Ang Daluyan ng Meycauayan West Central Integrated School (MWCIS) ang kanilang husay sa larangan ng campus journalism matapos magwagi sa iba’t ibang kategorya sa 2025 Schools Division Press Conference na ginanap noong Disyembre 4 at 5 sa Malhacan Integrated School (MIS).

Dinaluhan ang naturang patimpalak ng mga pampubliko at pribadong paaralan sa Lungsod ng Meycauayan bilang bahagi ng patuloy na pagpapaunlad sa kasanayan ng mga mag-aaral sa iba’t ibang larangan ng pamamahayag.

Idinaos kahapon, Disyembre 9, 2025, sa MIS ang awarding ceremony kung saan nasungkit ng mga mamamahayag ng Ang Daluyan ang iba’t ibang parangal sa kani-kanilang kategorya. Kabilang sa mga nagwagi ay sina:

Ccier Ian Ceriales, 1st Place – Photojournalism
G**ong Tagapagsanay: Iana Pauline G. Bulaong

Janus V. Ladrera, 3rd Place – Editorial Cartooning
G**ong Tagapagsanay: Ma. Aida M. Bautista

Rhian Marie C. Ramoso, 4th Place – Sportswriting
G**ong Tagapagsanay: Wendell M. Reyes

Jerbin T. Acosta, 4th Place – Science Writing
G**ong Tagapagsanay: Teresita A. Ruiz

Kinilala rin ang Meycauayan West Central Integrated School bilang 3rd School Highest Pointer sa Secondary Filipino, patunay ng patuloy na pag-angat ng paaralan sa campus journalism sa pangunguna nina Bb. Iana Pauline G. Bulaong, School Paper Adviser sa Filipino, Bb. Eliza Mae A. Evangelista, Tagapag-ugnay sa Filipino, at sa paggabay ni Punongg**o IV, Edgar Allan R. Calora PhD.

Inaasahang magiging masinsinan ang paghahanda nina Ceriales at Ladrera, kasama ang kanilang mga g**ong tagapagsanay, para sa nalalapit na 2026 Regional Schools Press Conference kung saan kakatawan sila sa dibisyon ng Meycauayan.

06/12/2025

𝗔𝘁𝗹𝗲𝘁𝗮𝗻𝗴 𝗪𝗘𝗦𝗧, 𝗧𝗮𝘁𝗮𝗸 𝘁𝗵𝗲 𝗕𝗘𝗦𝗧!

Narito ang kabuoang bilang ng mga medalyang naibulsa ng mga atleta mula sa Meycauayan West Central Integrated School - Meycauayan City - Secondary Level sa naganap na Meycauayan City Wide Athletic Meet, Disyembre 5-6.

Ang mga datos na ito ay nagmula sa mga g**ong tagapagsanay at mga manlalaro.

Ang Daluyan

15/05/2026

02/04/2026

08/03/2026

04/03/2026

25/02/2026

12/02/2026

10/02/2026

03/02/2026

08/01/2026

10/12/2025

06/12/2025

Address

Website

Alerts

Shortcuts

Share

Category