Brgy Saluysoy Population & Nutrition Program - TIC

Brgy Saluysoy Population & Nutrition Program - TIC POPULATION AND NUTRITION PROGRAM

Enero 22 2025,sa ilalim ng PPD-POA para sa Special Population Group, isinagawa ng aming Barangay ang Profiling of Teen M...
22/01/2026

Enero 22 2025,
sa ilalim ng PPD-POA para sa Special Population Group, isinagawa ng aming Barangay ang Profiling of Teen Moms (AHD – Adolescent Health and Development). Layunin ng aktibidad na ito na makuha ang mahahalagang impormasyon tungkol sa mga kabataang ina upang matukoy kung anong uri ng tulong at serbisyong maaaring maibigay ng Barangay alinsunod sa kanilang pangangailangan.
Ang naturang profiling ay nagsilbing mahalagang batayan upang makapagplano ng mga programang may kaugnayan sa kalusugan, nutrisyon, edukasyon, at psychosocial support para sa mga teen moms. Kasabay nito, binigyang-diin ang kahalagahan ng pagpapatuloy ng edukasyon at wastong kaalaman sa responsableng pagpaplano ng pamilya bilang pundasyon ng mas maayos na kinabukasan para sa kanila at sa kanilang mga anak.
Ang aktibidad ay isinagawa sa pangunguna ng aming butihing Punong Barangay Arnaldo Velasco , katuwang ang Sangguniang Barangay, sa paggabay ng aming Hepe ng Populasyon at Nutrisyon na sina Boss Nick Sangalang at Ma’am Emy Sangalang . Salamat sa aking Barangay Nutrition Scholar (BNS) at mga Mother Leaders sa matagumpay na pagpapatupad ng programa.
Sa kabuuan, ang Profiling of Teen Moms ay patunay ng patuloy na pagsisikap ng Barangay na tugunan ang pangangailangan ng mga kabilang sa special population group at itaguyod ang kalusugan, edukasyon, at kapakanan ng kabataan sa aming komunidad.

❤️saluysoy

December 9, 2025Noong December 9, 2025, matagumpay na isinagawa ang bunutan ng unit para sa mga Informal settler na Seni...
10/12/2025

December 9, 2025

Noong December 9, 2025, matagumpay na isinagawa ang bunutan ng unit para sa mga Informal settler na Senior Citizens at Persons With Disabilities (PWD) sa Pabahay 2 at 3. Ang aktibidad ay isinagawa upang matiyak ang patas, maayos, at transparent na proseso ng pamamahagi ng mga unit para sa mga kwalipikadong residente.

Pinangunahan ang nasabing gawain ng ating butihing Mayor, Atty. Herny R. Villarica, kasama ang aming Butihing Punong Barangay Arnaldo Velasco , na kapwa nagbigay ng gabay at mensahe ng suporta para sa mga benepisyaryo.

Mahalaga ring bahagi ng aktibidad ang pagsusuri at beripikasyon ng mga requirements ng bawat aplikante upang matiyak na makatatanggap ng unit ang mga tunay na karapat-dapat.

Nagpamalas ng mahusay na koordinasyon ang aming Hepe ng Populasyon, Boss Nick Sangalang , kasama ang mga staff na sina Ma’am Malen Lapeña , Sir Merwin Sanchez Quines , at Sir Raphael Clemente , na tumulong sa pagproseso at pag-aasikaso sa mga dokumento at partisipante.

Kasama rin sa matagumpay na pagsasagawa ng aktibidad ang aking kapwa BNS Dahlia Dahlia Encinares Ocampo , maging ang aming Mother Leaders na sina Rosie Sta Ana at Dolores Godoy Enorme , na tumulong sa pag-organisa at pag-gabay sa mga benepisyaryo.

Sa kabuuan, naging maayos, mapayapa, at matagumpay ang isinagawang bunutan. Nagpapasalamat ang buong pamunuan sa lahat ng nakiisa at nagbigay ng suporta upang matupad ang layuning maihatid ang serbisyong may malasakit at katarungan para sa ating mga Informal settlers.

EMERGENCY MEETING PARA PAG HAHANDA SA DARATING NA BAGYONG UWANPetsa: Nobyembre 8, 2025Lugar: Barangay SaluysoyNoong Noby...
09/11/2025

EMERGENCY MEETING PARA PAG HAHANDA SA DARATING NA BAGYONG UWAN
Petsa: Nobyembre 8, 2025
Lugar: Barangay Saluysoy

Noong Nobyembre 8, 2025, ay ginanap ang isang emergency meeting sa Barangay Saluysoy bilang paghahanda sa paparating na Bagyong Uwan. Ang pagpupulong ay pinangunahan ng ating butihing Punong Barangay Arnaldo Velasco, kasama ang mga kawani ng barangay tulad ng Barangay Nutrition Scholars (BNS), Barangay Population Worker(BPW), Mother Leaders, Barangay Tanod, at mga volunteers. Dumalo rin ang mga kapulisan upang makipag-ugnayan at magbigay ng gabay sa pagpapanatili ng kaayusan at kaligtasan ng mga residente.

Tinalakay sa nasabing pagpupulong ang mga hakbang na dapat gawin upang matiyak ang kahandaan ng barangay sa posibleng epekto ng bagyo. Kasama rito ang paglalagay ng mga evacuation center, pagmomonitor sa mga mabababang lugar na maaaring bahain, at ang pagbibigay ng paalala sa mga mamamayan na maging alerto at agad makipag-ugnayan sa barangay kung kinakailangan ng tulong.

Ipinabatid din ni Kapitan Velasco ang kahalagahan ng pagtutulungan ng bawat isa sa oras ng kalamidad. Binigyang-diin niya na ang disiplina, kooperasyon, at maagap na aksyon ang susi upang maiwasan ang anumang sakuna o pinsala dulot ng bagyo.

Sa pagtatapos ng pagpupulong, nagkaroon ng pagbabahagi ng mga tungkulin at responsibilidad ng bawat grupo upang masiguro ang maayos na pagpapatupad ng mga plano. Ang lahat ay pinaalalahanang maging alerto, manatiling kalmado, at sundin ang mga tagubilin ng barangay at lokal na pamahalaan.

"Maging handa, magtulungan, at manatiling ligtas" ito ang naging paalala ng Barangay Saluysoy sa lahat ng residente habang pinaghahandaan ang bagyong Uwan.

UNANG PAGTATASA – GULAYAN SA BARANGAY: GULAYANG SULIT, GAWING HABIT FOR LIFE📅 Nobyembre 7, 2025Ginanap ngayong araw, ika...
09/11/2025

UNANG PAGTATASA – GULAYAN SA BARANGAY: GULAYANG SULIT, GAWING HABIT FOR LIFE
📅 Nobyembre 7, 2025

Ginanap ngayong araw, ika-7 ng Nobyembre 2025, ang unang pagtatasa para sa Gulayan sa Barangay: Gulayang Sulit, Gawing Habit for Life.

Lubos po ang aming pasasalamat sa ating mga hurado at sa buong City Nutrition and Population Office (CNPO) sa pangunguna ni Boss Nick Sangalang, sa kanilang oras at dedikasyon sa pagbisita at pagsusuri ng aming barangay gulayan.

Isang malaking pasasalamat din sa lahat ng kawani at Barangay nutrition scholar at mga mother leader ng Barangay Saluysoy na nagkaisa at nagsikap upang mapanatiling maayos, masigla, at maganda ang ating mga pananim. Ang kanilang sipag at pagtutulungan ang tunay na susi sa tagumpay ng proyektong ito. 🌿

Hindi rin po magiging posible ang lahat ng ito kung wala ang walang sawang suporta ng aming butihing Punong Barangay, Hon. Arnaldo Velasco, kasama ang buong Sangguniang Barangay ng Saluysoy , na patuloy na nagbibigay ng inspirasyon at suporta sa mga programang nagtataguyod ng kaunlaran at kalusugan ng ating pamayanan.

Ang proyektong ito ay patunay na kapag sama-sama, tiyak na uunlad ang ating barangay! 💚






NOVEMBER 4, 2025DAY TIME POPULATION SURVEYBarangay Saluysoy, Meycauayan CityInitiated by: Philippine Statistics Authorit...
07/11/2025

NOVEMBER 4, 2025
DAY TIME POPULATION SURVEY
Barangay Saluysoy, Meycauayan City
Initiated by: Philippine Statistics Authority (PSA) and Commission on Population and Development (CPD)

Ang Day Time Population Survey ay isang proyekto na pinagsamang inisyatibo ng Philippine Statistics Authority (PSA) at Commission on Population and Development (CPD), sa pakikipag-ugnayan sa Pamahalaang Lungsod ng Meycauayan sa pangunguna ni Mayor Henry Villarica, at sa City Population Office. Ang naturang aktibidad ay matagumpay na isinagawa sa Barangay Saluysoy sa tulong ng aming masigasig na Barangay Captain Arnaldo Velasco , Sangguniang Barangay, Sa aming Sk kagawad Angelo Mala sa Pag sama sa amin sa aming pag iikot ,Sa aming boss Nick Sangalang sa patuloy na pag gabay sa aking Barangay Nutrition Scholars (BNS), at mga Mother Leaders.

Layunin ng survey na ito na makakalap ng mahahalagang impormasyon hinggil sa pang-araw-araw na gawain ng mga mamamayang naiiwan sa bahay. Nilalayon din nitong maunawaan kung paano ginagamit ng bawat indibidwal ang kanilang oras sa trabaho, pamilya, at iba pang gawaing pangkomunidad. Ang mga datos na makakalap ay magsisilbing batayan sa pagbuo ng mga programa at polisiya na makatutulong sa pagpapabuti ng kalidad ng buhay ng bawat Meycauayeño.

Ang aktibidad ay naging matagumpay dahil sa aktibong partisipasyon ng mga Barangay Population Workers, Mother Leaders, at suporta ng mga opisyal at kawani ng Barangay Saluysoy. Lubos ding ipinapaabot ang pasasalamat sa mga residente na bukas-loob na nakibahagi at nagbahagi ng kanilang oras para sa kabutihan ng komunidad.

Sa kabuuan, ang Day Time Population Survey ay naging isang makabuluhang hakbang tungo sa mas epektibong pagpaplano at pagpapatupad ng mga programang pangkaunlaran para sa mga mamamayan ng Meycauayan City.

Maraming salamat sa lahat ng tumulong at nakibahagi sa proyektong ito!

❤️saluysoy

Magandang araw po sa lahat! Ipinababatid po ng Barangay Saluysoy na magkakaroon ng libreng delayed registration ng birth...
03/11/2025

Magandang araw po sa lahat! Ipinababatid po ng Barangay Saluysoy na magkakaroon ng libreng delayed registration ng birth certificate para sa mga batang may edad 0 hanggang 17 taong gulang.

Gaganapin po ito bukas, Nobyembre 4, 2025, mula ika-9 ng umaga hanggang ika-1 ng hapon, sa ikalawang palapag ng tanggapan ng Barangay Saluysoy.

Inaanyayahan po ang lahat ng kwalipikadong residente na personal na pumunta at dalhin ang mga kinakailangang requirements na nakalista sa ibaba.

Ito po ay isang magandang pagkakataon upang maayos ang mga dokumentong mahalaga sa ating mga kabataan. Huwag palampasin ang libreng serbisyong ito!

Maraming salamat po, at magkita-kita tayo bukas sa Barangay Saluysoy!

October 2,2025POPDEV PROGRAM Research Data-Driven Youth Plans and ActivitiesThe Barangay Population Office of Saluysoy p...
02/10/2025

October 2,2025
POPDEV PROGRAM
Research Data-Driven Youth Plans and Activities

The Barangay Population Office of Saluysoy provide total number of Informal settlers and other relevant data to the students and researchers of Saint Mary’s College of Meycauayan. These data will serve as the foundation for their planning and programming of youth-related activities and development initiatives.

This undertaking is made possible under the leadership of our dedicated Punong Barangay Arnaldo Velasco with the guidance of our Population Office Head Sir Nick Sangalang


♥️ saluysoy

PopDev - PERSON'S DEPRIVED OF IDENTITY✅ In Support Force Empowerment and Active Healthy Ageing HEADS UP! Barangay Saluy...
24/09/2025

PopDev
- PERSON'S DEPRIVED OF IDENTITY
✅ In Support Force Empowerment and Active Healthy Ageing

HEADS UP! Barangay Saluysoy magkakaroon po ng libreng LATE REGISTRATION ang Local Civil Registry Office na gaganapin sa November 2025..Para sa mga willing ,ito po mga requirements na maari po ihanda at dadalhin sa araw na yun..

PS: PARA LANG PO ITO SA MGA PINANGANAK DITO SA MEYCAUAYAN

Salamat po!

BNPC 3rd Quarter MeetingSetyembre 19, 2025Isinagawa noong ika-19 ng Setyembre 2025 ang Barangay Nutrition and Population...
19/09/2025

BNPC 3rd Quarter Meeting
Setyembre 19, 2025

Isinagawa noong ika-19 ng Setyembre 2025 ang Barangay Nutrition and Population Council (BNPC) 3rd Quarter Meeting sa pangunguna ng ating Punong Barangay Arnaldo R. Velasco, kasama sina Kagawad Sephus Lunaria (Committee on Health), Kagawad Romeo Legaspi, at SK Kagawad Angelo Mala (Committee on Health), kasama ang mga dumalo galing sa iba't ibang sektor ng aming barangay.

Layunin ng pagpupulong na pagtibayin at higit pang pag-ibayuhin ang mga programang nakatuon sa kalusugan, nutrisyon, at populasyon, upang matiyak ang kapakanan ng bawat residente ng barangay.

Mga Paksang Tinalakay para sa Nutrition Program:

Nutrition Month Activities – Pagpaplano ng mga aktibidad para palawakin ang kaalaman sa wastong nutrisyon.

Culminating Activities – Pagtatapos ng mga gawaing may kinalaman sa Nutrition Month.

Feeding Program – Pagbibigay ng masustansiyang pagkain para sa mga batang nangangailangan.

SK Supplemental Feeding – Karagdagang feeding program na pangungunahan ng Sangguniang Kabataan.

PABASA sa Nutrition – Edukasyong pang-nutrisyon para sa mga magulang at tagapag-alaga.

Lactation Station – Pagtitiyak ng maayos at ligtas na lugar para sa mga ina na nagpapasuso.

Dietary Supplementation Feeding – Pagbibigay ng karagdagang nutrisyon para sa mga buntis at nagpapasusong ina.

Mga Paksang Tinalakay para sa Population Program:

Katropa at Jr. Katropa – Pagsasanay at pagtuturo sa mga kalalakihan at kabataan ukol sa responsableng pagiging magulang.

Responsible Parenthood Movement (RPM) – Pagpapalawak ng kamalayan ukol sa tamang pagpapamilya.

Teenage Pregnancy Seminar – Pagtalakay sa mga isyu at solusyon hinggil sa maagang pagbubuntis.

Updating of Barangay Profile – Pagpapanatiling tama at napapanahon ang talaan ng populasyon.

Demographic (Population) Data – Pag-uulat at pagsusuri ng datos ukol sa populasyon ng barangay.

Teen Moms Program – Pagsuporta at pagbibigay-gabay sa mga kabataang ina.

Ang pagpupulong na ito ay mahalagang hakbang upang mapalakas ang mga programang pang-nutrisyon at pang-populasyon. Sa pagtutulungan ng pamunuan, at ng mga dumalo sa pag pag pupulong na ito ay patuloy na maisusulong ang kalusugan, wastong kaalaman, at magandang kinabukasan para sa buong komunidad. Maraming salamat sa aming Hepe ng Cnp office Boss Nick Sangalang sa pag gabay po sa aking Bns Dahlia Encinares Ocampo at mga mother leader. Muli po kaming nag papasalamat sa inyong pag tugon.



♥️ saluysoy

Ang Barangay Saluysoy sa pangunguna ng aming Punong Barangay Arnaldo Velasco at Sangguniang Barangay at sa patnubay ng ...
18/09/2025

Ang Barangay Saluysoy sa pangunguna ng aming Punong Barangay Arnaldo Velasco at Sangguniang Barangay at sa patnubay ng Tanggapan ng Nutrisyon and Populasyon sa pangungunga ng aming Hepe Boss Nick Sangalang , Ma'am Emy Sangalangat mga Cpo Meycauayan Staff, Bns Dahlia Encinares Ocampoat Mga Mother Leader ay nakikiisa
at sumusuporta sa pagdiriwang ng
"WORLD CONTRACEPTION DAY"...sa pamilyang planado...panalo.

Address

Saluysoy
Meycauayan
3020

Website

Alerts

Be the first to know and let us send you an email when Brgy Saluysoy Population & Nutrition Program - TIC posts news and promotions. Your email address will not be used for any other purpose, and you can unsubscribe at any time.

Shortcuts

Share

Category