Municipality of Moises Padilla "Birada Moises Padilla”

03/09/2026

SADYA KAG SERBISYO SA BULAN SANG SETYEMBRE!

Puno sang kalipay kag paghiliusa nga gin-sugdan sang Lokal nga Gobyerno ang Civil Service Month kag Tourism Month!

Ginpangungahan sang LGU ang pagtipon sang mga empleyado kag sang komunidad sadtong Lunes, Setyembre 1, sa municipal auditorium para sa opisyal nga pagsugod sang sining pinasahi nga saulog.

Nagsugod ang adlaw sa isa ka fun walk gikan sa Barangay Odiong pakadto sa auditorium.

Kaupod sang LGU nga naglakat ang mga katapo sang Bureau of Fire Protection (BFP), Philippine National Police (PNP), kag nagakalain-lain nga sektor sang komunidad.

Sa espiritu sang pagbuligay kag serbisyo, nakigbahin man ang sektor sang LGBTQIA+ nga nagboluntaryo sa pag-atipan sang pagkaon para sa mga partisipante.

Nangin masadya man ang programa paagi sa saot sang Magallon Street Dance Community, ang opisyal nga pagpakilala sa mga kandidato kag kandidata sang LGU para sa Mr. and Miss CSC, kag ang Tricycle Beautification Competition diin nagdaog ang mga drayber nga nagabiyahe sa rota sang CPSU.

Damo pa nga mga aktibidad ang gin-preparar sang LGU sa bug-os nga bulan sang Setyembre:

Para sa Civil Service Month: Sports and Wellness Week, Employees’ Fellowship Week, Earth Care Week, kag Community Care Week.

Para sa Tourism Month: Mural Painting Competition, Basketball League, Vlogging Competition, kag Floating Cottage Beautification and Racing!

Upod naton nga ipagpabugal ang katutom sang aton mga lingkod-bayani kag ang kagayon sang aton banwa!

03/09/2026

LGU MOISES PADILLA KAG MLNHS, NAGPIRMAHANAY SANG KASUGTANAN PARA SA MATEO LIBO-ON FARM SCHOOL

Nagpirmahanay sang Memorandum of Agreement (MOA) ang Lokal nga Gobyerno sang Moises Padilla kag ang Mateo Libo-on National High School (MLNHS) sadtong Mierkoles, Setyembre 2, sa Munisipyo para sa paghimo sang nasambit nga eskwelahan bilang Mateo Libo-on Farm School.

Panguna nga nagrepresentar sa lokal nga gobyerno si Mayor Ella Celestina D. Garcia-Yulo, samtang si Mr. Jeriel Jade D. Talabon, Teacher-in-Charge sang MLNHS, ang nagrepresentar sa bahin sang eskwelahan.

Nagtindog nga mga saksi sa pagpirmahanay sanday Municipal Engineer Agnes Glia G. Mabag para sa LGU kag Public Schools District Supervisor Nery B. Dulaca para sa Department of Education (DepEd) District sang Moises Padilla.

Ang lima ka tuig nga kasugtanan may tuyo nga pabaskugon ang Technical-Vocational-Livelihood (TVL) Agriculture Education paagi sa pagpaayo sang mga pasilidad, pagpabaskog sang paghanas sa panguma sang mga estudyante kag manunudlo, kag pagpatindog sang dugang nga pasilidad sa agrikultura.

Sa idalom sang kasugtanan, ang LGU magahatag sang technical assistance paagi sa Engineering, Agriculture, MPDO, kag MENRO, magabulig sa pagpatindog sang mga pasilidad sa panguma, magahatag sang pinansyal nga suporta depende sa pondo sang banwa kag COA rules, kag magapanguna sa pakig-angot sa iban nga ahensya.

Sa bahin naman sang MLNHS, sila ang magapatuman sang Farm School curriculum suno sa standards sang DepEd, maga-atipan sang mga pasilidad kag kagamitan, kag maga-upod sa Municipal Engineering Office sa pag survey sang duta sang eskwelahan.

Ang ini nga proyekto isa ka madugay na nga plano ni Mayor Garcia-Yulo para mas mapabaskog ang agrikultura sang banwa, masigurado ang food security, kag mapasanyog ang kinaadman sang mga pamatan-on sa panguma.

01/09/2026

FINANCIAL ASSISTANCE FOR MP COLLEGE STUDENTS!

Blue-collar families and qualified tertiary students are encouraged to apply!

The Commission on Higher Education (CHED), in partnership with the Office of Senator Ronald “Bato” Dela Rosa and the Local Government Unit of Moises Padilla, is opening applications for a one-time financial assistance program for qualified college students.

📍 SLOTS AVAILABLE: Limited to 25 qualified applicants only.

📋 QUALIFICATIONS

⦁Must be a bona fide resident of Moises Padilla
⦁Must be a 1st Year or 2nd Year College Student currently enrolled in any recognized College or University
⦁Must NOT be a recipient of any other ongoing scholarship program
⦁Must belong to an indigent family

📄 DOCUMENTARY REQUIREMENTS

1.Certificate of Registration / Enrollment (COR / COE) - Official certificate issued by your school verifying your current enrollment status for the ongoing term/semester.

2.Certificate of Indigency - Official certificate issued by your respective Punong Barangay attesting to your family’s indigent status.

🗓️ SUBMISSION DETAILS

Where to Submit: Mayor’s Office, Municipal Hall, Moises Padilla

Deadline: On or before September 8, 2026 (During regular office hours)

Applications will be processed on a first-come, first-served basis upon evaluation of complete requirements.

31/08/2026

HAPPENING NOW. Mga empleyado sang gobyerno preparado na para sa FUN WALK para sa opening sang CSC kag Tourism Month subong nga adlaw.

Nakig bahin man sa parada ang nga tricycle associations.

Maga parade ang mga partisipante gikan sa Barangay Odiong padulong sa Municipal Auditorium kung sa diin paga hiwaton ang opening program.

31/08/2026

Beyond health insurance enrollment, more than 1,000 residents accessed essential services during the caravan, including medical consultations, dental care, First Patient Encounter processing, Local Civil Registrar birth certificate issuance, Municipal Treasury Office cedula processing, agricultural support services, and onboarding for the national government’s Unified Package for Livelihoods, Industry, Food Transport (UPLIFT) program.

Read more:
https://digicastnegros.com/more-than-2000-moises-padilla-residents-enroll-in-philhealths-yakap-program/

31/08/2026

GUGMA SA MOISES PADILLA 💍 | Opisyal na nga nagsumpaanay bilang mag-asawa ang duha ka pumuluyo sang Barangay Guinpana-an!

Ginpangunahan ni Mayor Ella Celestina Garcia-Yulo ang civil wedding nanday Mark Mission kag KC Paguntalan sa opisina sang Alkalde sadtong Huwebes, Agosto 27.

Sa 32 ka mga opisyal nga saksi sa ila kasal, kabahin sanday Vice Mayor Felix Mathias Segundo “Pimpoy” Yulo III, Sangguniang Bayan Members Dowen Michael Ogatis kag Joenes Frias, kag anay Punong Barangay sang Guinpana-an Federico Timbad para magpa-ambit sang ila pagtamyaw sa bag-ong kasal.

Si Mark bata nanday Wilson Mission kag Merlyn Magsico, samtang si KC naman bata nanday Jojit Paguntalan kag Jocelyn Gonzales.

Mainit nga ginatamyaw sang Lokal nga Panguluhan sanday Mark kag KC sa ila pagsugod sang bag-o nga kapitulo sang ila kabuhi bilang mag-asawa!

31/08/2026

29/08/2026

SOBRA 2,000 KA PUMULUYO, NA-REHISTRO SA PHILHEALTH YAKAP SA APAT KA ADLAW NGA KASANAG SERBISYO CARAVAN SANG LOKAL NGA PANGULUHAN

Masobra sa 2,000 ka mga pumuluyo sang Moises Padilla ang na-rehistro sa Yaman ng Kalusugan Program (YAKAP) sang PhilHealth sa ginhiwat nga apat ka adlaw nga Kasanag Serbisyo Caravan sang lokal nga gobyerno halin Agosto 25 tubtob 28.

Ang aktibidad ginpangunahan ni Mayor Ella Celestina Garcia-Yulo, upod si Vice Mayor Felix Mathias Segundo “Pimpoy” Yulo III, mga katapo sang Sangguniang Bayan, kag mga opisyales sang barangay sa apat ka venues: sa Municipal Evacuation Center, Barangay Montilla Covered Court, Barangay Quintin Remo Covered Court, kag Barangay Guinpana-an Covered Court.

Suno kay Reynaldo Salutin Jr., Head sang Membership and Collection Division sang PhilHealth Bacolod, yara na sa 17% sang kabug-osan nga populasyon sang Moises Padilla ang na-rehistro sa YAKAP.

Sa bug-os nga probinsya sang Negros Occidental, ikatatlo ang Moises Padilla sa may pinakamataas nga porsyento sang na-rehistro sa amo nga programa, sunod sa banwa sang Don Salvador Benedicto (24%) kag Syudad sang Victorias (17%).

Masobra naman sa 1,000 ka mga pumuluyo ang naka-agum sang libre nga serbisyo sang LGU pareho sang konsulta sa doktor, pag-gabot sang ngipon, First Patient Encounter processing, birth certificate sa LCR, Cedula sa Treasury Office, serbisyo sa mga mangunguma, kag pag-assist sa Unified Package for Livelihoods, Industry, Food Transport (UPLIFT) nga programa sang nasyonal nga gobyerno.

Nagbulig man sa bug-os nga apat ka adlaw ang mga katapo sang LGBTQIA+ community sang Moises Padilla paagi sa paghatag sang libre nga tupi kag pag-assist sa mga pumuluyo para makakuha sang libre nga serbisyo sang gobyerno.

Ang Caravan, nga isa ka inisyatibo ni Mayor Garcia-Yulo, isa ka madugay na nga outreach program sang lokal nga panguluhan para madala ang libre nga mga serbisyo sang lokal nga gobyerno sa mga pumuluyo, labi na sa mga yara sa malayo nga lugar nga nabudlayan magkadto sa poblacion.

29/08/2026

29/08/2026

KASANAG SERBISYO CARAVAN SANG MOISES PADILLA, MADINALAG-ON NGA NAGTAPOS SA BARANGAY GUINPANA-AN

Malapit sa 300 ka mga pumuluyo gikan sa Barangay Guinpana-an kag Barangay Magallon Cadre ang naka-agum sang libre nga serbisyo sa ika-apat kag katapusan nga adlaw sang Kasanag Serbisyo Caravan sang lokal nga panguluhan nga ginhiwat sa Barangay Guinpana-an Covered Court sadtong Biyernes, Agosto 28.

Ang aktibidad ginpangunahan ni Vice Mayor Felix Mathias Segundo “Pimpoy” Yulo III, kaupod ang mga katapo sang Sangguniang Bayan kag mga opisyales sang barangay.

Sa katapusan nga adlaw sang caravan, naghatag ini sang libre nga konsulta sa doktor kag pag-gabot sang ngipon, pag-rehistro sa PhilHealth kag YAKAP, First Patient Encounter, birth certificate processing sa LCR, Cedula sa Treasury Office, serbisyo sa mga mangunguma, kag pagparestro sa UPLIFT program sang nasyonal nga gobyerno.

Nagbulig man ang mga katapo sang LGBTQIA+ community sang Moises Padilla paagi sa paghatag sang libre nga tupi kag pag-assist sa mga pumuluyo para makakuha sang mga libre nga serbisyo sang gobyerno.

Ang Caravan, nga inisyatibo ni Mayor Ella Celestina Garcia-Yulo, isa ka outreach program sang lokal nga gobyerno para madala sang madasig kag libre ang mga serbisyo sang banwa sa mga pumuluyo, labi na sa mga yara ga istar sa malayo nga lugar sang banwa nga nabudlayan magkadto sa poblacion.