28/02/2025
LANTAWA | Congressman Rufus B. Rodriguez mipasaka ug usa ka balaodnon sa pagpadako sa PhilHealth benefits sa tanang pasyent nga ma admit sa mga WARD na tambalanan.
π₯π’ππ₯πππ¨ππ π ππ£ππ¦πππ π’π πππππ’ππ‘π’π‘ π‘ππ π πππ£πππππ’ π¦π π£ππππππππ§π πππ‘ππππ§π¦ ππππ‘π π¦π π§ππ‘ππ‘π π£ππ¦π¬ππ‘π§π π‘ππ π π - πππ ππ§ π¦π π ππ πͺππ₯π
Mipasaka si Cagayan de Oro 2nd District Rep. Rufus Rodriguez sa House Bill 11456 o ang "Expanded Philhealth Ward Accommodation Act" nga nagmando sa Philhealth sa pagtaas sa 50% tanang benepisyo sa mga pasyenteng na-admit sa mga akreditadong ospital o health facilities.
Ang balaodnon nga gisang-at ni Cong. Rodriguez nagingon nga ang PhilHealth dapat magtakda ug guidelines nga mogarantiya nga ang mga na-admit sa mga ward walaβy mabayran gamit ang kwarta gikan sa ilang mga bulsa o out-of-pocket (OOP), lakip na ang bayad sa tambal, diagnostic tests, ug uban pa.
Matod ni Cong. Rodriguez, ang ginaduso nga pagtaas sa mga benepisyo sa ward accommodation magsilbing usa ka hinungdan alang sa pag-uswag o pag-improbar sa mga kagamitan ug kalidad sa mga serbisyong panglawas sa mga ospital.
Dugang pa, mahimo usab kini nga awhagon ang mga pribado nga pasilidad sa sa pag-convert sa ilang mga pribado nga kwarto ngadto sa mga ward aron sa pagdawat sa mas daghan pang pasyente, labi na ang mga kabus.
"Gikasubo nato nga ang mga Pilipino mahadlok sa pag-adto sa mga ospital tungod sa kakulangon sa pinansyal. Kasagaran, ang atong katawhan mangayo lamang og tabang kung ang sakit nagkagrabe na, hangtod sa punto nga nanginahanglan na ma-admit ang pasyente,β ingon ni Cong. Rufus.
Siya midugang, "Tungod kay ang mga kabus dili makakuha tarong nga mga serbisyong panglawas, ang ilang gastohonon mas dako na ug mas lisod na apason."
Pinaagi niini nga balaodnon, Si Cong. Rodriguez nagtinguha nga walaon ang kahadlok sa mga Pilipino nga muduol ug magpa-tambal sa mga ospital, ug pag-garantiya nga ang tanan, hilabi na ang mga kabus, adunay access sa libre ug kalidad nga serbisyong panglawas.
