MIS Muntinlupa

15/07/2026

Your feed, your choice. 📱✨

Bawat like, follow, at share mo humuhubog sa feed mo. Kaya i-curate ito para mas maging source ng info, inspiration, at good vibes araw-araw.

13/07/2026

10/06/2026

Kaisa sa pagdiriwang ng 𝐍𝐚𝐭𝐢𝐨𝐧𝐚𝐥 𝐈𝐂𝐓 𝐌𝐨𝐧𝐭𝐡 𝟐𝟎𝟐𝟔, kinikilala ng City Government of Muntinlupa - OFFICIAL ang ika-sampung taong paglilingkod ng Department of Information and Communications Technology - DICT na may temang “𝙄𝙨𝙖𝙣𝙜 𝘿𝙚𝙠𝙖𝙙𝙖𝙣𝙜 𝘿𝙞𝙜𝙞𝙩𝙖𝙡: 𝙆𝙤𝙣𝙚𝙠𝙩𝙖𝙙𝙤 𝙨𝙖 𝙋𝙪𝙨𝙤 𝙖𝙩 𝙎𝙚𝙧𝙗𝙞𝙨𝙮𝙤.”

Sa loob ng isang dekada, naging katuwang ang DICT sa pagpapalawak ng digital connectivity, pagsusulong ng e-Government services, pagpapatibay ng cybersecurity, at pagpapalaganap ng digital literacy sa buong bansa—mula sa mga urban na komunidad hanggang sa mga liblib na lugar.

Sa pakikiisa sa adhikaing ito, patuloy na isinusulong ng City Government of Muntinlupa, sa pamamagitan ng 𝐌𝐚𝐧𝐚𝐠𝐞𝐦𝐞𝐧𝐭 𝐈𝐧𝐟𝐨𝐫𝐦𝐚𝐭𝐢𝐨𝐧 𝐒𝐲𝐬𝐭𝐞𝐦𝐬 (𝐌𝐈𝐒) 𝐎𝐟𝐟𝐢𝐜𝐞, ang digital transformation upang higit pang mapabuti ang paghahatid ng serbisyong pampubliko. Layunin nitong gawing mas 𝙁𝙖𝙨𝙩, 𝙍𝙚𝙨𝙥𝙤𝙣𝙨𝙞𝙫𝙚, 𝙀𝙛𝙛𝙞𝙘𝙞𝙚𝙣𝙩, 𝙀𝙛𝙛𝙚𝙘𝙩𝙞𝙫𝙚 ang mga serbisyo para sa bawat Muntinlupeño sa pamamagitan ng makabagong teknolohiya, alinsunod sa adhikaing “𝐅𝐫𝐞𝐞 𝐒𝐞𝐫𝐯𝐢𝐜𝐞 𝐰𝐢𝐭𝐡 𝐚 𝐒𝐦𝐢𝐥𝐞” ng lungsod. Bukod dito, layunin din nitong gawing mas accessible ang mga serbisyo para sa lahat.

Patuloy tayong magtulungan sa pagbuo ng isang makabago, inklusibo, at makataong digital na pamahalaan para sa lahat.

𝐌𝐚𝐥𝐢𝐠𝐚𝐲𝐚𝐧𝐠 𝐢𝐤𝐚-𝟏𝟎 𝐚𝐧𝐢𝐛𝐞𝐫𝐬𝐚𝐫𝐲𝐨, 𝐃𝐈𝐂𝐓! 🎉

19/05/2026

19/05/2026

𝗕𝗿𝘂𝗴𝗲𝗿 𝗦𝘁𝗿𝗲𝗲𝘁 𝗗𝗿𝗮𝗶𝗻𝗮𝗴𝗲 𝗣𝗿𝗼𝗷𝗲𝗰𝘁

𝗧𝘂𝗻𝗴𝗸𝗼𝗹 𝘀𝗮𝗮𝗻 𝗯𝗮 𝗮𝗻𝗴 𝗽𝗿𝗼𝘆𝗲𝗸𝘁𝗼?

Ang drainage project sa Bruger Street ay bahagi ng solusyon sa matagal nang pagbaha sa national road, partikular sa tapat ng City Hall.

Matagal na nating problema ang pagbaha sa lugar na ito. Ang orihinal na plano sana ay dumaan ang drainage sa ilang private properties, pero hindi ito napayagan kaya kinailangan nating humanap ng ibang ruta.

Dito napagdesisyunan na idaan sa Bruger Street ang drainage line papunta sa Laguna de Bay.

𝗕𝗮𝗸𝗶𝘁 𝗹𝘂𝗺𝗮𝗴𝗽𝗮𝘀 𝘀𝗮 𝗻𝗮𝘂𝗻𝗮𝗻𝗴 𝗱𝗲𝗮𝗱𝗹𝗶𝗻𝗲?

Habang ginagawa ang proyekto, may mga natuklasang underground utilities tulad ng linya ng tubig, kuryente, at telco na kinailangang i-relocate muna bago maituloy nang maayos ang drainage works.

Hindi rin madali ang relocation dahil maraming residente at serbisyo ang maaaring maapektuhan. Nakipag-coordinate tayo sa mga public utility companies para mapabilis ang proseso habang sinisigurong minimal ang abala sa mga tao.

𝗔𝗻𝗼 𝗻𝗮 𝗮𝗻𝗴 𝗸𝗮𝘀𝗮𝗹𝘂𝗸𝘂𝘆𝗮𝗻𝗴 𝘀𝘁𝗮𝘁𝘂𝘀?

Sa ngayon, tapos na ang malaking bahagi ng drainage works sa Bruger Street at asphalting na lamang ang hinihintay. Magagawa ito matapos makumpleto ang ongoing drainage works sa tapat ng City Hall.

𝗞𝗮𝗶𝗹𝗮𝗻 𝗯𝗮 𝗺𝗮𝘁𝗮𝘁𝗮𝗽𝗼𝘀?

Target nating matapos ang drainage works sa harap ng City Hall ngayong May, at susunod agad ang asphalting sa Bruger sa June.

Sa ngayon, may ginagawang adjustment sa design dahil may nakitang active gas line. Kung hindi iingatan, posibleng masira ang active gas lines dahil sa bigat ng mga sasakyang dumadaan sa National Road.

Unfortunately, wala ring existing o kumpletong records on file ng eksaktong lokasyon ng ilang underground utilities tulad ng gas lines, water lines, electrical at telco facilities, at iba pang linya sa ilalim ng kalsada.

Dahil dito, isa-isa pa itong kinailangang tukuyin at i-validate habang ongoing ang paghuhukay at konstruksyon upang maiwasan ang mas malaking aberya at pagkaantala ng serbisyo.

Malinaw sa kontraktor ang kanilang obligasyon. Kapag may hindi nasunod sa kontrata o hindi katanggap-tanggap na delay, may kaakibat itong multa at kaukulang parusa.

Sa ngayon, hinihingi po namin ang kaunting pang-unawa at pasensya habang tinatapos ang proyektong magbibigay ng pangmatagalang ginhawa laban sa pagbaha.

10/05/2026

𝐒𝐚 𝐦𝐠𝐚 𝐢𝐥𝐚𝐰 𝐧𝐠 𝐭𝐚𝐡𝐚𝐧𝐚𝐧 𝐚𝐭 𝐦𝐠𝐚 𝐩𝐮𝐬𝐨𝐧𝐠 𝐰𝐚𝐥𝐚𝐧𝐠 𝐤𝐚𝐩𝐚𝐧𝐭𝐚𝐲 — 𝐇𝐚𝐩𝐩𝐲 𝐌𝐨𝐭𝐡𝐞𝐫'𝐬 𝐃𝐚𝐲! 💖

Maraming salamat po sa walang sawang pagmamahal, sakripisyo, at paggabay. Kayo ang tunay na inspirasyon ng bawat pamilyang Muntinlupeño. 💐

07/05/2026

29/04/2026

𝐌𝐮𝐧𝐭𝐢𝐧𝐥𝐮𝐩𝐚, 𝐍𝐚𝐠𝐤𝐚𝐦𝐢𝐭 𝐧𝐠 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐕𝐨𝐥𝐮𝐧𝐭𝐞𝐞𝐫 𝐀𝐰𝐚𝐫𝐝 𝐦𝐮𝐥𝐚 𝐬𝐚 𝐏𝐍𝐕𝐒𝐂𝐀

Kinilala ang Pamahalaang Lungsod ng Muntinlupa bilang International Local Volunteer Partner Institution Awardee ng Philippine National Volunteer Service Coordinating Agency (PNVSCA), katuwang ang Korea International Cooperation Agency Philippines - KOICA 필리핀사무소 (KOICA), bilang pagkilala sa pakikipagtulungan nito sa international volunteer programs.

Nagpasalamat si Mayor Ruffy Biazon sa patuloy na suporta ng Korean volunteers sa Early Childhood Education Division (ECED) at mga Child Development Centers, at binigyang-diin ang halaga ng partnership na kapwa nakikinabang ang komunidad at mga volunteers.

Matatandaang noong December 2023, kinilala ang Muntinlupa bilang kauna-unahang Volunteerism Local Learning Hub sa bansa—isang hakbang upang lalo pang mapalakas ang volunteerism sa lungsod.

Kaugnay nito, lumagda ang lokal na pamahalaan sa isang Memorandum of Understanding (MOU) kasama ang PNVSCA para sa mas pinalawak na training, workshops, at community outreach programs.

26/04/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, 𝐂𝐨𝐧𝐠. 𝐉𝐢𝐦𝐦𝐲 𝐅𝐫𝐞𝐬𝐧𝐞𝐝𝐢! 🎉🎂

Sa mahabang panahon ng iyong paglilingkod bilang Mayor ng Muntinlupa, naging matibay kang haligi ng kaunlaran para sa ating lungsod. At hanggang ngayon, bilang Congressman, tuloy-tuloy pa rin ang iyong dedikasyon sa paghahatid ng serbisyo at oportunidad para sa bawat Muntinlupeño.

Kasama ang Pamahalaang Lungsod sa pangunguna ni Mayor Ruffy Biazon, kami po ay nagpapasalamat sa iyong patuloy na paggabay at suporta sa ating lungsod.

Hangad namin ang inyong mabuting kalusugan at mas marami pang taon ng makabuluhang paglilingkod.

Maligayang kaarawan, Cong. Jimmy Fresnedi!

22/04/2026

Sa pagdiriwang ng Earth Day 2026 na may temang “Our Power, Our Planet,” hinihikayat ng Pamahalaang Lungsod ng Muntinlupa ang bawat Muntinlupeño na makiisa sa pangangalaga ng kalikasan.

Nasa ating mga kamay ang kapangyarihang protektahan ang ating planeta para sa susunod na henerasyon. 🌏💚