31/07/2026
🚧MAYNILAD Project
Ngayong araw, nagtabon/nagtambak napo ng hukay ang Maynilad, halos 3/4 napo ng hukay ang natabunan.
Commitment ng Maynilad na sa buwan ng Agosto ay naisaayos na ang kalsada sa bahagi ng kanto ng Palico at harap ng SouthStar Drugs.
Ipinatawag natin ang Maynilad dahil sa dumaraming reklamo ng ating mga kababayan kaugnay ng matagal nang ginagawang Wastewater Conveyance System Project sa boundary ng Brgy. Buli at Cupang.
Apektado na ang araw-araw na biyahe ng mga residente, estudyante, at mga pumapasok sa trabaho. Kaya humingi tayo ng paliwanag kung bakit hindi pa rin natatapos ang proyekto, na layuning dalhin ang wastewater ng mga kabahayan sa Maynilad treatment facility sa Cupang upang malinis bago ito ilabas sa kapaligiran.
Ayon sa Maynilad at sa kanilang contractor, hindi nila natapos ang proyekto sa loob ng original schedule dahil kinailangang baguhin ang kanilang construction methodology, na dapat ay pasado sa Engineering Department, kaya nag-expire ang kanilang work permit. After ng consultation meeting, na-issuehan naman sila ng provisional permit para makapagpatuloy.
Sa kasalukuyan, nasa 81.67% complete na umano ang project at target itong matapos by December 2026.
Nag-commit din ang Maynilad na magdagdag ng mga traffic flagmen upang makatulong sa daloy ng trapiko, lalo na sa oras ng pasukan at uwian ng mga estudyante ng Buli Elementary School at Muntinlupa Business High School-Main.
Malinaw ang ating bilin sa Maynilad at sa kanilang contractor: sundin ang mga ipinangakong timetable, pabilisin ang natitirang trabaho, tiyaking ligtas ang lugar ng construction, at maibalik sa maayos na kondisyon ang mga kalsadang naapektuhan sa lalong madaling panahon.
