Muntinlupa City Muslim Affairs Office

04/09/2026

UGNAYAN DIALOGUE | SOUTHERN POLICE DISTRICT

Noong Setyembre 4, 2026, isinagawa ang Ugnayan Dialogue sa pagitan ng Southern Police District (SPD) at Muntinlupa City Muslim Affairs Office (MCMAO) sa Timbol Compound, Barangay Putatan, Muntinlupa City.

Kinatawan ng Muntinlupa City Muslim Affairs Office (MCMAO) si Brother JANALODIN T. GUILING Pinuno ng Tanggapan. Dumalo naman mula sa SPD sina PMSg MANSOR S. CADAL ng Salaam Police Center, PCOL SAMUEL B. PABONITA, Chief ng District Community Affairs and Development Division (DCADD), at PSSg EDFUELO L. TANJILI, Salaam Focal ng Muntinlupa City Police Station.

Layunin ng nasabing dayalogo na mapalakas ang koordinasyon, ugnayan, at pagtutulungan ng kapulisan at ng pamayanang Muslim, gayundin ang pagpapalalim ng komunikasyon at pagkakaunawaan para sa kapayapaan at kaayusan ng komunidad.

Patuloy na isinusulong ng Muntinlupa City Muslim Affairs Office sa pamamagitan ng suporta ng butihing ama ng lungsod Mayor RUFFY BIAZON ang mga programang nagtataguyod ng maayos na koordinasyon, inklusibong serbisyo, at matatag na ugnayan sa pagitan ng pamahalaan at ng pamayanang Muslim.

18/08/2026

ANNOUNCEMENT !!!

Mananatiling operational ang mga sumusunod na frontline offices bukas, Wednesday, August 19, 2026:

• Business Permits and Licensing Office
• City Security Office
• Social Services Department
• Environmental Sanitation Center
• Public Order and Safety Office
• Lake Management Office
• Kalingang Munti Action Center (KMAC)
• Office of the Building Official
• Local Civil Registry Office
• Office of the City Assessor
• Muntinlupa City Public Market
• City Treasurer's Office

Operational din ang mga tanggapang responsable sa health, disaster response, at iba pang vital services, kabilang ang City Health Office, Ospital ng Muntinlupa, City Engineering Department, at Department of Disaster Resilience and Management.

25/07/2026

PAHAYAG NG MUNTINLUPA CITY MUSLIM AFFAIRS OFFICE (MCMAO)

Nais po naming magbigay ng maayos at malinaw na paglilinaw kaugnay ng mga katanungan at hinaing tungkol sa pamamahagi ng 10-kilong bigas.

Una sa lahat, nauunawaan po namin ang saloobin ng ating mga kapatid na hindi napabilang sa listahan ng mga benepisyaryo. Ang bawat puna at komento ay aming tinatanggap nang may paggalang at nagsisilbing gabay upang lalo pa naming mapabuti ang aming serbisyo sa komunidad.

Kaugnay nito, nais naming ipabatid na bago isinagawa ang pamamahagi ay ilang ulit pong ipinaabot ng Muntinlupa City Muslim Affairs Office ang panawagan sa ating mga Muslim brothers and sisters na makipag-ugnayan sa aming tanggapan upang maitala, ma-verify, at makumpleto ang kanilang mga impormasyon. Ang prosesong ito ay isinagawa upang matiyak na ang mga kwalipikadong benepisyaryo ay maayos na maisama sa opisyal na talaan.

Sa araw ng registration at validation, umabot po sa 142 pamilya ang personal na na-interview at na-accommodate ng aming mga staff. Hanggang gabi po ay patuloy kaming nagsagawa ng interview at validation upang matugunan ang lahat ng dumulog sa aming tanggapan.

Tulad din ng naipaliwanag ni Datu Johnny Guiling, ang MCMAO ay may sinusunod na proseso ng pag-validate at pagbuo ng database ng mga benepisyaryo. Ang layunin nito ay maging patas, maayos, at transparent ang pamamahagi ng anumang tulong na ipinagkakaloob sa ating komunidad.

Kung mayroon man pong mga hindi naisama sa kasalukuyang listahan, hindi po ito nangangahulugan na isinantabi o hindi sila mahalaga sa amin. Patuloy po naming inaanyayahan ang lahat na makipag-ugnayan sa Muntinlupa City Muslim Affairs Office upang maitala at ma-update ang kanilang impormasyon para sa mga susunod na programa at serbisyong ipagkakaloob.

Maraming salamat po sa inyong patuloy na pag-unawa, pakikiisa, at tiwala. Ang Muntinlupa City Muslim Affairs Office ay nananatiling bukas sa inyong mga katanungan at handang magbigay ng malinaw na paliwanag sa lahat ng usaping may kinalaman sa aming mga programa at serbisyo. Patuloy po tayong magtulungan tungo sa isang mas maayos, patas, at nagkakaisang pamayanang Muslim sa Lungsod ng Muntinlupa.

08/07/2026

Isinagawa kahapon ang Islamic Education Seminar for Police Personnel na may temang “Spiritual and Values Formation and Cultural Sensitivity,” na pinangunahan ng Muntinlupa City Muslim Affairs Office (MCMAO) sa pamumuno ni Brother JANALODIN “JOHNNY” T. GUILING bilang bahagi ng patuloy na pagsusulong ng pagkakaunawaan, paggalang sa pananampalataya, at pagpapatibay ng ugnayan sa pagitan ng pamahalaang lokal at ng kapulisan.

Dinaluhan ang seminar ng mga kapulisan ng Muntinlupa sa pangunguna ni PMAJ JOSEPH CARLOS M. MADRID (ACOPO) at ni PMAJ ROLANDO O. TY (C.SCAS) kasama din ang mga kinatawan ng Salaam Police Advocacy Group (SPAG) na patuloy na aktibong nakikipag-ugnayan at nakikipagtulungan sa iba’t ibang sektor upang mapanatili ang kapayapaan, kaayusan, at pagkakaisa sa Lungsod ng Muntinlupa.

Naging panauhing tagapagsalita si PCOL ZAINALABIDEN T. ISMAEL Chief Spiritual Ministry and Pastoral Division and Islam Base of the Philippine National Police Chaplain Service, na nagbahagi ng mahahalagang kaalaman sa iba’t ibang paksa na nakatuon sa pagpapalalim ng espirituwalidad, pagpapahalagang moral, at pagpapataas ng kamalayan sa kultura at paniniwalang Islam. Ang kanyang mga talakayan ay nagbigay ng mas malawak na pag-unawa sa kahalagahan ng paggalang sa pagkakaiba-iba ng pananampalataya at kultura bilang mahalagang salik sa mahusay, makatao, at inklusibong paglilingkod sa publiko.

Patuloy na isusulong ng Muntinlupa City Muslim Affairs Office sa tulong at walang sawang suporta nang butihing Mayor Ruffy Biazon sa mga programang nagtataguyod ng edukasyon, pagkakaisa, at pagkakaunawaan upang higit pang mapalakas ang ugnayan ng komunidad at ng mga tagapagpatupad ng batas para sa isang mapayapa at maunlad na Muntinlupa.

22/06/2026

𝐌𝐔𝐍𝐓𝐈𝐍𝐋𝐔𝐏𝐀 𝐂𝐈𝐓𝐘 𝐒𝐏𝐀𝐆 𝐂𝐇𝐀𝐏𝐓𝐄𝐑 𝐉𝐎𝐈𝐍𝐒 𝐓𝐇𝐄 𝟒𝐓𝐇 𝐒𝐀𝐋𝐀𝐀𝐌 𝐏𝐎𝐋𝐈𝐂𝐄 𝐀𝐃𝐕𝐎𝐂𝐀𝐂𝐘 𝐆𝐑𝐎𝐔𝐏 (𝐒𝐏𝐀𝐆) 𝐍𝐀𝐓𝐈𝐎𝐍𝐀𝐋 𝐒𝐔𝐌𝐌𝐈𝐓 𝟐𝟎𝟐𝟔

Nakilahok ang Salam Police Advocacy Group Muntinlupa City Chapter sa ginanap na 4th Salaam Police Advocacy Group (SPAG) National Summit 2026 noong Hunyo 20, 2026 sa Quezon City M.I.C.E. Center, Quezon City.

Ang nasabing summit ay inorganisa ng National Salaam Police Advocacy Group (SPAG) sa pamumuno nina National President Engr. Yusop Macabada at National Vice President Kamar Sabdulah, katuwang sina NCR-SPAG Regional President General Ebra Moxsir (Ret.) at NCR-SPAG Regional Vice President at Director ng Muntinlupa City Muslim Affairs Office na si Datu Johnny Guiling.

Dinaluhan ang pagtitipon ng humigit-kumulang isang libong (1,000) delegado na binubuo ng mga opisyal at miyembro ng SPAG, mga kinatawan ng lokal na pamahalaan, mga lider panrelihiyon, mga lider ng komunidad, mga ahensya ng gobyerno, mga organisasyong sibiko, at iba pang stakeholders mula sa iba't ibang rehiyon ng bansa.

Sa temang “Empowering Unity, Strengthening Leadership, and Advancing Community Resilience,” muling pinagtibay ng mga kalahok ang kanilang pangako sa pagtataguyod ng kapayapaan, pagkakaisa, mabuting pamumuno, at katatagan ng mga komunidad. Ang malawak na partisipasyong ito ay sumasalamin sa sama-samang adhikain na palakasin ang ugnayan ng pamahalaan at mamamayan tungo sa mas mapayapa, maunlad, at inklusibong lipunan.

Ang Muntinlupa City Chapter ay nagpapaabot ng pasasalamat sa lahat ng mga delegado at katuwang na patuloy na nagsusulong ng pagkakaisa, kapayapaan, at kaunlaran para sa kapakinabangan ng ating mga komunidad at ng buong bansa.

17/06/2026

15/06/2026

🌙 AMUN JADID 2026 | Islamic New Year 1448 AH

Ang Muntinlupa City Muslim Affairs Office ay taos-pusong bumabati sa buong sambayanang Muslim ng isang mapayapa, makabuluhan, at pinagpalang Amun Jadid (Islamic New Year).

Nawa’y magsilbing pagkakataon ang bagong taon upang higit nating mapalalim ang ating pananampalataya, mapagtibay ang pagkakaisa, at maisabuhay ang mga aral ng Islam sa ating pang-araw-araw na buhay.

Hijrah Mubarak!

Sama-sama nating salubungin ang bagong taon na may pag-asa at kapayapaan.

28/05/2026

EID'L ADHA 2026 (Feast of Sacrifice)

27/05/2026

EID'L ADHA MUBARAK 2026 ✨🌙

Hatid ang sama-samang pagbati para sa Eid al-Adha mula sa iba’t ibang tanggapan at ahensya ng pamahalaan, kasama ang espesyal na mensahe ni Mayor Ruffy Biazon at iba pang katuwang ng komunidad ng Muntinlupa.

Eid Mubarak at mapagpalang pagdiriwang sa lahat!

27/05/2026