TRUpa sa Kalsada

28/08/2026

Aug. 28, 2026

Nitong umaga ng Agosto 28, 2026, binisita ni Tru Head Kagawad Nelson Brila ang Dali Montillano sa Alabang. Nadatnan niya ang mga nakahambalang na tricycle sa mismong linya ng mga PWD, pati na rin ang isang tricycle na ginagawang talyer ang harap ng nasabing establisimyento.

Layunin ng Pamahalaang Lungsod na laging bigyan ng prayoridad ang ating mga kapatid na PWD at Senior Citizens sa paggamit ng mga lansangan. Dahil dito, agad na binigyan ng Citation Ticket ang mga lumabag sa ordinansa.

24/08/2026

August 24, 2026

Nagsagawa ng operasyon ang MTMB-TRU Muntinlupa laban sa mga colorum na bumibiyahe sa Southville 3, Poblacion. Magpapatuloy ang mga ganitong hulihan para sa kaligtasan ng mga pasahero at para maging patas sa mga lehitimong TODA na may tamang prangkisa.

​Suportahan at tangkilikin natin ang mga may prangkisa para sa ating ligtas na biyahe!

11/08/2026

11/08/2026

Aug. 11, 2026

Ang pagdaan ng mga tricycle at iba pang katulad na sasakyan sa mga pangunahing kalsada ay ipinagbabawal. Ito ay paglabag sa umiiral na ordinansa ng Lungsod ng Muntinlupa.

Paalala mula sa MTMB - TRU Muntinlupa
TRUpa sa Kalsada

07/08/2026

Noong Agosto 4 at 5, 2026, ating ipinagkaloob ang Deputation Order at Deputized IDs sa mga napiling kinatawan ng TODA at HOA. Ito ay bilang pagtugon sa kanilang kahilingan na makatulong sa pagpapatupad ng disiplina at kaayusan sa kanilang lugar na nasasakupan at bahagi ng ating lungsod.

Bilang mga opisyal na katuwang ng Pamahalaang Lungsod ng Muntinlupa, sila ay binigyan ng wtoridad na manghuli at mag-isyu ng Tricycle Citation Ticket (TCT) sa mga pasaway at colorum na tricycle driver, ayon sa probisyon ng Ordinansa Blg. # 96-66 .

Ating mariing ipinaalala sa kanila ang tapat at tamang paggamit ng TCT. Ipinagbabawal ang paggamit nito para sa personal na interes. Inaatasan silang maging patas at walang kinikilingan sa pagpapatupad ng batas—kaibigan man, kakilala, o kamag-anak—basta't nagkaroon ng paglabag sa umiiral na ordinansa.

05/08/2026

📢 PAALALA SA MGA GUSTONG MAG-REKLAMO SA MTMB - TRU 📢

​Para mabilis at direktang maaksyunan ang inyong mga hinaing o reklamo hinggil sa trapiko at pasada ng mga tricycle sa ating lungsod, mangyaring gumamit ng inyong totoong Facebook account o direktang magtungo o tumawag sa tanggapan ng Muntinlupa Traffic Management Bureau (MTMB).

​Iwasan po natin ang paggamit ng dummy accounts upang makaiwas sa fake news, panloloko, o hindi beripikadong impormasyon.

​Ang paggamit ng totoong pagkakakilanlan ay nakatutulong upang:
​✅ Maberipika nang mabilis ang insidente.
✅ Makakuha ng karagdagang detalye tulad ng TODA number o plate number ng inrereklamong sasakyan.
✅ Maaksyunan agad ng ating mga awtoridad ang reklamo sa tamang proseso.

​Para sa mga reklamo at sumbong:
📍 Tanggapan ng MTMB-TRU: 3rd Floor, Ayala Malls South Park, Alabang, Muntinlupa City
📞 Hotline/Contact: 8726-7506
📱 FB Page: TRUpa sa Kalsada

​Sama-sama nating panatilihing maayos at ligtas ang ating mga kalsada!