https://www.facebook.com/106640961794802/

Vice-Gov. Sal Fortuno Jr., Nabua (2026)

07/10/2026

PAGPAKUSOG KAN PAGTATARABANGAN PARA SA EDUKASYON, PAGTATAO NIN KAKAYAHAN SA SATUYANG MGA LIDER SA PARENTS-TEACHERS ASSOCIATION

Kasuodma, Oktubre 6, 2026, natawan ako nin onra na makabali sa Balatan District Mass Induction and Ball sa Balatan Central School bilang Guest Speaker. Kaibahan ko man sa nasabing okasyon sinda Board Member Donna Ann R. Oñate, Mayor Domingo T. Abliter, Vice Mayor Leonardo “Jhun” Narito Jr., asin an Public Schools District Supervisor, Julia O. Jornales.

Sarong pribilehiyo na maging parte kan makahulugan na okasyon na ini mantang an satuyang mga bagong elihidong School-Level PTA Officers asin Municipal Federated PTA Officers (MFPTA) pormal na nag-asumir kan saindang mga responsibilidad sa pagserbisyo sa satuyang mga paraadal, mga paratukdo, mga magurang asin mga komunidad.

An liderato kan PTA bako sanang sarong posisyon, ini sarong promesa na magserbi, magdangog, makipagtabangan asin pirming enoton an karahayan asin futuro kan satuyang mga kaakian.

An sakuyang malugod na pagbati sa gabos na bagong elihido asin pigpasumpa na opisyales kan PTA asin MFPTA kan Balatan District. Lugod, padagos kitang magtarabangan sa pagtugdok nin mas pusog na eskwelahan, mas pusog na komunidad asin mas maliwanag na futuro para sa lambang kaakian kan Camarines Sur.

30/09/2026

PAGPAPAKUSOG SA SATUYANG MGA ESTUDYANTE, PAMUMUHUNAN SA FUTURO KAN CAMARINES SUR

Kasuodma, Setyembre 30, 2026, nakisumaro ako ki Gov. LRay Villafuerte, Jr. sa pagdara kan satuyang Scholarship Program asin Educational Assistance sa rinibong mga estudyante sa bilog na Camarines Sur.

Kaibahan an satuyang mga Board Members na sinda Sofia Charis N. Hernandez, Darius S. Nopra asin John Apollo S. Manaog, siring man an satuyang mga Alkalde Municipal, sinda Mayor Niño A. Tayco kan Pasacao, Mayor Rubilyn Euste De Dios kan Milaor, Mayor Glenn Romeo M. Gontang kan Gainza, Mayor Betty Ann Kristine Danabar-Fulgentes kan San Fernando, Mayor James Colin D. Lizardo kan Minalabac asin Mayor Christopher “Topi” Jacinto kan Lupi, nasaksihan niamo an pagtao kan ayudang ini sa satuyang mga estudyante asin sa saindang mga pamilya.

Sa limang lugar nin payout, may kagabsan na 7,339 na mga estudyante an nakaresibe nin tabang pang-edukasyon.

Sa Caramoan Central School Covered Court, 571 na estudyante hale sa Caramoan asin 198 hale sa Garchitorena an naserbihan, para sa kagabsan na 769 na mga estudyante.

Sa Libmanan Governor Mariano E. Villafuerte Community College (GMVCC), 596 na mga estudyante hale sa Libmanan an nakaresibe nin tabang.

Mientrastanto, sa Pasacao Signature Park Covered Court, 722 na mga estudyante hale sa Pasacao asin 231 hale sa Pamplona an nakabenepisyo sa nasabing programa na nag-abot sa 953 na mga estudyante.

Sa Milaor Municipal Covered Court, nakaabot an ayuda sa 571 na mga estudyante hale sa Milaor, 286 hale sa Minalabac, 278 hale sa San Fernando asin 198 hale sa Gainza, para sa kagabsan na 1,333 na mga estudyante.

An KaFuerte Sports Complex iyo an nagserbi sa pinakadakol na bilang, na nag-abot sa 3,688 na mga estudyante hale sa Bombon (164), Calabanga (275), Camaligan (179), Canaman (365), Magarao (229), Ciudad nin Naga (183), Ocampo (140), Pili (448), Sañgay (59), Tigayon (277), Siruma (278 Caramoan (192), Garchitorena (149), Tinambac (330), Presentacion (63), Lagonoy (27), Cabusao (113), Del Gallego (17), Lupi (70), Ragay (43) asin Sipocot (85).

Padagos kitang magtabang, magserbi asin mamuhunan sa edukasyon nin huli ta an lambang estudyante na satuyang natatawan asin napapakusog, nagdadara nin sarong pangaturugan na mas harani sa realidad, asin an lambang pangaturugan na nauutob iyo an nagtataong liwanag sa futuro kan Camarines Sur.

30/09/2026

AN PAGKAMOOT KAN SARONG AKI SA SAIYANG AMA💙🙏

Ngonian, pano nin pasasalamat an sakuyang puso mantang pigdolot niamo an Misa nin Pagpasalamat para sa sakuyang namomotan na Ama, si Former Congressman Salvio B. Fortuno.

Igwa ako nin sarong espesyal na klase nin pagkamoot para sa sakuyang Ama. An klase nin pagkamoot na dai kayang ipahayag nin mga tataramon. Siya an nagin burabod ko nin kusog, kadunungan, giya asin inspirasyon sa bilog kong buhay. Kan an sakuyang Ama nangangaipo man nin kusog, an magiginibo ko sana iyo an tumindog sa kataid niya, pangaputan an sakuyang pagtubod asin mamibi.

Sa masakit na mga aldaw kan saiyang pag-atubang sa kamatean, nasaksihan ko an dakulang kapangyarihan kan pamibi, pamilya asin an grasya nin Diyos. Igwa nin mga momento nin takot, kahaditan asin daing kasiguraduhan, alagad dai ako nag-ontok sa pagtubod asin pamibi.

Ngonyan, an mahiling ko an sakuyang Ama na nagrarahay na, sarong bendisyon na sakuyang ipinagpapasalamat na marhay. An itinao sa samuya bako sanang pagrahay kundi ini sarong panibagong oportunidad na pahalagahan an lambang momento kaibahan niya, maggibo nin mas dakol na memorya asin ipadagos an samuyang pagbaklay na magkaibahan bilang sarong pamilya.

Salamat Kagurangnan, sa pag-ataman sa sakuyang Ama asin sa pagtabang sa saiya sa pinakamasakit na mga aldaw.

Sa gabos na nagpamibi para sa sakuyang Ama, nangumusta, nagpadara nin mga mensahe asin nakagirumdom sa samuyang pamilya durante kan saiyang panahon nin pagparahay, dakulang pasasalamat hale sa kairairaromi kan sakuyang puso. An saindong kabootan, pamibi asin suporta nagtao nin kusog asin paglaom sa sakuya asin sa samuyang pamilya kan urog niamong marhay na kaipuhan.

Mayong mas nakakaugma sa buhay ko ngonian kisa sa mahiling ko an sakuyang Ama na nagrarahay, nagkukusog asin nakangisi na giraray.

Salamat Kagurangnan sa Saimong grasya asin salamat sa bendisyon na yaon siya sa samuya.

An saiyang presensya sa sakuyang buhay nagdadanay na saro sa pinakadakulang biyaya nin Diyos.

— Sal Fortuno, Jr.

16/09/2026

SARONG ORGULYONG MOMENTO PARA SA CAMARINES SUR: PAG-ONRA SA MARHAY NA LIDERATO

Nagkaigwa ako nin onra ngonian na aldaw, Setyembre 16, 2026 na personal na makaatender sa Awarding Ceremony na ginibo sa DTC Building, Capitol Complex, Cadlan, Pili, Camarines Sur, sa pagmidbid ki Hon. Luis Raymund “LRAY” F. Villafuerte, Jr. bilang saro sa Top-Performing and Most Trusted Governors kan Pilipinas asin nakaresibi kan FLAME OF EXCELLENCE TROPHY bilang NUMERO UNO na GOBERNADOR sa Rehiyon Bicol.

An pagmidbid itinao kan RP-Mission and Development Foundation Inc. (RPMD) sa paagi kan saindang nasyonal na independienteng "Boses ng Bayan" Index of Governance (IOG), na pinagsasararo an tiwala kan publiko asin mga grado sa pag utob kan trabaho.

Bilang Bise Gobernador, orgulyo kong masaksihan an makahulugan na pagmidbid na ini na itinao sa satuyang Gobernador. Sarong momento na nagtatao nin orgulyo bako sana sa Gobyerno Probinsyal kundi sa bilog na Camarines Sur asin sa satuyang mga kapwa Camarinense.

Congratulations, Gov. LRAY!

15/09/2026

GOBYERNO PROVINCIAL KAN CAMARINES SUR PIGDARANG HARANI SA BANWAAN NIN PILI AN AYUDA SA BAGAS

Ngonian na aldaw, Setyembre 15, 2026, nakisumaro po ako sa 5,000 na benepisyaryo kan banwaan nin Pili, Camarines Sur para sa Rice Production Program asin Rice Distribution Activity na ginibo sa Pili Municipal Covered Court Sports Complex.

Sa pangengenot ni Gov. LRAY F. Villafuerte, Jr., an makahulugan na lakdang na ini an nagdara kan tabang kan gobyerno na mas maparani sa satuyang mga banwaan—pagtao nin tabang sa pagkakan sa mga pamilya, pagsuporta sa satuyang mga paraoma asin pagpakusog kan satuyang kolektibong paghihingoa pasiring sa seguridad sa pagkakan asin sa mas pusog na sektor nin agricultura. Ini ipinaotob sa paagi kan Local Government Support Fund (LGSF) – Financial Assistance to LGUs, FY 2025 GAA, sa irarom kan Assistance to Indigent Individuals or Families – Food Assistance.

Kaibahan ko man sinda Mayor Marivic Solano asin Acting Vice Mayor Yeye Malate kan banwaan nin Pili, siring man sinda Board Member Vanessa D.L. Señar asin Board Member John Apollo S. Manaog sa importanteng okasyon na ini.

Dakula man an satuyang pasasalamat kan suporta ni Presidente Ferdinand R. Marcos, Jr., asin sa liderato ni Gov. LRAY F. Villafuerte, Jr.

Padagos kita sa pagsuporta sa mga paraoma, pagpapakusog kan produksyon nin paroy asin pagpapatibay kan seguridad kan pagkakan para sa kada pamilya.

30/08/2026

CAMSUR UPTOWN: PAGTUGDOK KAN FUTURO, PAGMUKNA NIN OPORTUNIDAD PARA SA LAMBANG CAMARINENSE

Kan Augusto 28, 2026, sa Shangri-La The Fort, BGC, Taguig City, nagkaigwa ako nin pribilehiyo na makaibahan si Gov. LRAY F. Villafuerte, Jr. asin an mga Honorableng Miyembros kan Sangguniang Panlalawigan sa paglansar kan CamSur Uptown—sarong progresibong pananaw para sa futuro kan Camarines Sur.

Bako sanang proyekto an CamSur Uptown—ini magdadara nin dagdag na trabaho, negosyo, turismo asin mas dakulang oportunidad para sa lambang Camarinense.

Dai lang kita nagtutugdok nin sarong komunidad.
Nagtutugdok kita nin oportunidad.
Nagtutugdok kita kan futuro.

Mabuhay an Camarines Sur!
Mabuhay an CamSur Uptown!

22/08/2026

ORAGON NIGHT 2026: PAGPUPUGAY SA IKA-19 TAON KAN JCI IRIGA—SARONG LEGASIYA NIN SERBISYO ASIN LIDERATO

Kasoodma, Agosto 21, 2026, nagkaigwa po ako nin onra na mag partisipar kaibahan sinda Gov. LRay F. Villafuerte, Jr., Board Member Shai Noble, Mayor Nonoy Ibasco kan banwaan nin Bula, Vice Mayor Edsel Dimaiwat bilang representante ni Mayor Rex Oliva kan ciudad nin Iriga sa Oragon Night 2026 kan Junior Chamber International (JCI) Iriga, mantang an organisasyon nagseselebrar kan ika-19 taon kan serbisyo, liderato asin pakikisumaro sa komunidad.

Pigkundusir an nasabing okasyon sa irarom kan temang “The Iconic Oragon Legacy: Celebrating Service Beyond Awards”. Tampok sa selebrasyon an nagdadanay na espiritu nin pagserbisyo asin an importanteng papel kan mga joven na lider sa pagmukna nin makahulugan asin nagdadanay na pagbabago.

Bilang Bise Gobernador kan Camarines Sur, nagkaigwa ako nin pribilehiyo na magpaabot nin mensahe nin suporta sa JCI Iriga, na nagpapahayag kan sakuyang pag-apresyar asin pag-enkaminar sa padagos na pagdusay kaini sa liderato, boluntarismo asin serbisyo sa komunidad.

Mas lalong pigtawan duon kan selebrasyon a Keynote Address kan satuyang bisyonaryong lider na si Gov. LRAY Villafuerte, Jr., na an presensya asin mensahe nagduon sa importansya kan pagsuporta sa mga lideres asin pagpakusog kan pakikipagtarabangan tanganing mapa-uswag an karahayan kan satuyang mga komunidad.

Lugod an legasiya kan Oragon Jaycees padagos na magtao nin inspirasyon sa henerasyon nin mga joven na lider na mangenot na may katuyuhan, magserbi na may pagmakolog asin makagibo nin tunay na pagbabago.

Mabuhay an JCI Iriga!
Mabuhay an mga Oragon!
Mabuhay an Camarines Sur!

22/08/2026

GOBYERNO PROBINSYAL KAN CAMARINES SUR NAGDARA NIN RELIEF ASSISTANCE SA MGA TAGA LAGONOY

Ngonian na aldaw, Agosto 21, 2026, nagka igwa po ako nin onra na makisumaro sa Relief Assistance Program kan Gobyerno Probinsyal kan Camarines Sur na pinangenotan kan satuyang namomotan asin bisyonaryong lider na si Gov. LRay F. Villafuerte Jr., sa banwaan kan Lagonoy, Camarines Sur na pgpartisiparan man ninda Bebot Bona, Gilmar “MayMay” Pacamarra, siring man ninda Tigaon Vice Mayor Julius Teofilo Lelis asin Councilor Jerome “Kap J” Lelis.

Sa paagi kan inisyatiba na ini, nadara ta an kinakaipuhan na marhay na tabang sa 2,229 na benepisyaryo hale sa pitong barangay, na nagtao nin tulos na tabang asin nagpapatunay giraray kan satuyang promesa na manindugan sa satuyang banwaan, orog na sa panahon nin pangangaipo.

Sa Barangay Cabotonan, nakaabot an ayuda sa 314 na benepisyaryo, 204 gikan sa Panicuan asin 142 gikan sa Omalo.

Sa Kinahulugan Covered Court, natawan man nin ayuda an 270 na benepisyaryo hale sa Kinahulugan asin 190 hale sa Panagan.

Mientrastanto, sa San Sebastian Elementary School Covered Court, tinawan man nin ayuda an 790 na benepisyaryo hale sa San Sebastian asin 319 hale sa Manamoc.

An sakuyang pasasalamat ki Gov. LRay F. Villafuerte, Jr. sa saiyang masarigon na pamamayo asin sa gabos na nagtarabangan tanganing magin posible an lakdang na ini.

Mabuhay an Lagonoy!
Mabuhay ang Camarines Sur!

12/08/2026

KAPITOLYO PROBINSYAL KAN CAMARINES SUR NAKISUMARO KAN SELEBRASYON NIN KAFIESTAHAN SA BANWAAN KAN TIGAON

Kasoodma, Agosto 11, 2026, nagkaigwa ulit ako nin pribilehiyo na makisumaro sa Gobyerno Probinsyal kan Camarines Sur, sa pamamayo ni Gov. LRay Villafuerte, Jr., sa pagselebrar kan sarong importanteng pangyayari para sa mga taga Tigaon—an ika 220th Tigaon Town Fiesta.

Nagin onra sako na magin parte kan Governor’s Night sa Tigaon, sarong buhay na banggi na nagdara kan banwaan sa pagselebrar, pag-iribahan asin sa diwa nin pagkasararo kan komunidad. An kapiyestahan orog pang nagin memorable huli sa nakakapukaw na mga pasundayag kan Flow G asin Skusta Clee, na nagtao sa satuyang mga tawo nin banggi na pano nin musika, aling-alingan asin iribahang kaogmahan.

Kaibahan si Gov. LRay Villafuerte, Jr., kita nagdadanay na masarig sa satuyang promesa sa pagserbi sa satuyang mga kapwa Camarinense asin an pagtugdok nin mas pusog, mas sararo asin mas progresibong Camarines Sur.

Maogmang Fiesta sa banwaan kan Tigaon!

12/08/2026

GOBYERNO PROBINSYAL KAN CAMARINES SUR PADAGOS AN PROGRAMA SA PAGTABANG SA EDUKASYON

Kasoodma, Agosto 11, 2026, nagkaigwa ako nin pribilehiyo na makisumaro sa paghatod nin Educational Assistance sa mga estudyante sa Del Gallego asin Ragay, na nagtatao nin makahulugan na suporta sa mga jovenes na paraadal sa Primero Distrito kan Camarines Sur.

Sa pamamayo ni Gov. LRay Villafuerte, Jr., asin sa pakikipagtabangan ninda Congressman Hori Horibata asin Board Member Warren Señar, padagos niatong dinadara an suporta kan Gobyerno Probinsyal na mas maparani sa satuyang mga estudyante asin komunidad, na minimidbid an edukasyon bilang saro sa pinaka-importanteng pamumuhunan sa futuro kan satuyang probinsya.

Sa Del Gallego, nakaabot an ayuda sa 1,221 na estudyante asin 82 na paratukdo kan Del Gallego National High School, asin 640 na estudyante asin 50 na paratukdo kan Sinuknipan National High School.

Siring man sa Ragay, nakaabot an ayuda sa 1,243 na estudyante asin 85 na paratukdo kan Ragay National Agricultural and Fisheries School, asin 1,132 na estudyante asin 68 na paratukdo kan Tomas Avila Andaya Sr. National High School.

Sa kabilugan, 4,236 na mga estudyante asin 285 na mga paratukdo gikan sa apat na eskwelahan an nakinabang sa inisyatiba ngonian na aldaw.

Kun kita namumuhunan sa satuyang mga jovenes, kita namumuhunan na sa futuro kan Camarines Sur.

Vice-Gov. Sal Fortuno Jr.

07/10/2026

30/09/2026

30/09/2026

16/09/2026

15/09/2026

30/08/2026

22/08/2026

22/08/2026

12/08/2026

12/08/2026

Address

Website

Alerts

Contact The Organization

Shortcuts

Share

Category

Listing takedown request