04/09/2026
PRESS RELEASE #0926-01
Authority: PLTCOL CIRIACO M PACER JR.
Chief-Of-Police
Nabua Municipal Police Station
SUSPEK SA ILLEGAL NA DROGA, NASAKOTE SA PAGPAPATUPAD NG SEARCH WARRANT SA NABUA
NABUA, CAMARINES SUR โ Isang dalawampuโt limang (25) taong-gulang na lalaki ang naaresto ng mga awtoridad matapos makumpiska mula sa kanyang pag-iingat ang isang sachet ng hinihinalang shabu sa isinagawang pagpapatupad ng search warrant sa Barangay Antipolo Old, Nabua, Camarines Sur, bandang alas-8:03 ng gabi, September 2, 2026.
Ang naarestong suspek ay isang 25-anyos, walang asawa, caretaker, at residente ng Barangay Lourdes Young, Nabua, Camarines Sur. Hindi muna inilalabas ang kanyang pangalan bilang bahagi ng police procedure.
Isinagawa ng mga tauhan ng Nabua Municipal Drug Enforcement Unit, katuwang ang mga personnel ng 2nd Provincial Mobile Force Company (PMFC), ang pagpapatupad ng Search Warrant No. IR-2026-86 laban sa isang target na indibidwal para sa paglabag sa Republic Act No. 9165, o Comprehensive Dangerous Drugs Act of 2002, sa Barangay Antipolo Old, Nabua.
Sa pagsasagawa ng operasyon, habang hinihiling sa suspek na lumabas ng bahay na isasailalim sa paghahalughog, napansin ng mga operatiba ang kanyang paghulog ng isang (1) piraso ng heat-sealed transparent plastic sachet na naglalaman ng shabu.
Agad itong narekober ng mga operatiba at isinailalim sa kaukulang inventory at dokumentasyon.
Ipinaalam sa naarestong suspek ang kanyang mga karapatang konstitusyonal sa wikang kanyang nauunawaan. Batay sa isinagawang verification sa mga police information system, walang nakitang record ang suspek sa CIRAS at e-Rogue, habang wala ring natukoy na iba pang nakabinbing Warrant of Arrest laban sa kanya sa e-Warrant system.
Samantala, ang naarestong suspek ay kasalukuyang nasa kustodiya ng Nabua Municipal Police Station para sa kaukulang dokumentasyon at disposisyon, habang inihahanda ang criminal complaint para sa pagsasampa sa Office of the Provincial Prosecutor.
Sa patuloy na pagsisikap ng Nabua MPS at mga katuwang na law enforcement agencies, mananatiling matatag ang paninindigan ng kapulisan laban sa ilegal na droga at iba pang banta sa kapayapaan at seguridad ng komunidad.
Hindi titigil ang kapulisan sa pagtupad sa tungkulinโsa bawat operasyon at bawat hakbang na naaayon sa batas, layunin nitong mapanatiling ligtas, payapa, at malaya sa ilegal na droga ang pamayanan.
