Provincial Government of Davao de Oro

03/09/2026

₱𝟏-𝐌𝐢𝐥𝐲𝐨𝐧 𝐧𝐠𝐚 𝐒𝐨𝐥𝐚𝐫 𝐋𝐢𝐠𝐡𝐭𝐬 𝐩𝐚𝐫𝐚 𝐬𝐚 𝐀𝐰𝐚𝐨 𝐅𝐚𝐥𝐥𝐬, 𝐆𝐢𝐭𝐮𝐫𝐧-𝐨𝐯𝐞𝐫 𝐧𝐚!

Giturn-over na karong adlawa, Setyembre 3, ang bag-ong gimuntar nga mga solar lights pasulod sa Awao Falls sa Barangay Awao, Monkayo.

Nagkantidad og P1million ang maong proyekto nga giprayoridad ni Governor Raul Mabanglo aron mag hatag og kahayag para sa mas luwas nga palibot alang sa mga bisita ug turista.

Mitambong sa turn-over ceremony si Chief of Staff Anecito Torrejos Jr., isip representante ni Governor Mabanglo.

Via Harold Postrero/IPRD
📸 PGO

03/09/2026

𝐇𝐀𝐙𝐄: 𝐊𝐍𝐎𝐖 𝐓𝐇𝐄 𝐑𝐈𝐒𝐊𝐒, 𝐏𝐑𝐎𝐓𝐄𝐂𝐓 𝐘𝐎𝐔𝐑 𝐇𝐄𝐀𝐋𝐓𝐇 🌫️

DID YOU KNOW?

Haze is more than just reduced visibility. It occurs when tiny particles from smoke, dust, and other pollutants accumulate in the atmosphere, affecting the quality of the air we breathe.

EMB Region X encourages everyone to remain informed about air-quality conditions and take appropriate precautions.

Source: EMB

03/09/2026

WATCH II KASIKAS SA PROBINSYA

Atung makauban ang Opisina sa PENRO ug PTO para hisgutan ang processo sa pagpa rehistro sa atung minahan.

02/09/2026

₱ 𝟑𝐌 𝐧𝐠𝐚 𝐭𝐚𝐛𝐚𝐧𝐠 𝐠𝐢𝐤𝐚𝐧 𝐬𝐚 𝐃𝐚𝐯𝐚𝐨 𝐝𝐞 𝐎𝐫𝐨 𝐠𝐢𝐡𝐚𝐭𝐨𝐝 𝐬𝐚 𝐒𝐚𝐫𝐚𝐧𝐠𝐚𝐧𝐢 𝐮𝐠 𝐃𝐚𝐯𝐚𝐨 𝐎𝐜𝐜𝐢𝐝𝐞𝐧𝐭𝐚𝐥

Gihatod na karong adlawa, Setyembre 2 sa Probinsyal nga Panggamhanan ang ₱3 million nga financial assistance alang sa mga apektado sa 7.8 nga linog sa probinsya sa Sarangani ug Davao Occidental niadtong Hunyo 8 niining tuiga.

Daling gimando ni Governor Raul “RM” Mabanglo nga gahinan og pondo alang sa donasyon ang maong mga kasikbit nga probinsya.

Isip representante sa Gobernador, gihatod ni Chief of Staff Anecito Torrejos Jr. kauban ang Provincial Disaster Risk Reduction and Management Office (PDRRMO) ang maong donasyon human aprubahan sa Sangguniang Panlalawigan (SP) ang maong pondo gikan sa Quick Response Fund (QRF) sa probinsya.

Personal nga gidawat ni Governor Rogelio “Ruel” Pacquiao kauban ang iyang mga opisyales sa Probinsya ang ₱ 1.5 M pesos nga tabang gikan sa Davao de Oro.
‎
‎Samtang si PG Head Harry Chester Camoro sa Davao Occidental Provincial Disaster Risk Reduction and Management Office ang midawat sa ₱ 1.5 M pesos nga donasyon gikan sa Probinsya isip representante ni Governor Atty. Franklin P. Bautista. ‎
‎
‎Mapasalamaton ang mga lideres sa Sarangani ug Davao Occidental sa hinabang nga ilang nadawat gikan sa Davao de Oro nga matod nila nagpakita sa panaghiusa ug maayong relasyon sa mga kasikbit nga Probinsya sa Mindanao panahon sa katalagman.

Via Ziyarah Manalo/IPRD
📸 DDO PDRRMO and Gov. Pacquiao page


‎

02/09/2026

𝐊𝐥𝐚𝐬𝐞-𝐤𝐥𝐚𝐬𝐞𝐧𝐠 𝐇𝐲𝐛𝐫𝐢𝐝 𝐖𝐡𝐢𝐭𝐞 𝐂𝐨𝐫𝐧, 𝐠𝐢𝐛𝐢𝐝𝐚 𝐬𝐚 𝐇𝐚𝐫𝐯𝐞𝐬𝐭 𝐅𝐞𝐬𝐭𝐢𝐯𝐚𝐥

Gibida ang 11 ka klaseng hybrid white corn atol sa Hybrid White Corn Derby Harvest Festival nga gipahigayon karong adlawa Setyembre 2 sa Poblacion, Maragusan.

Kini nga selebrasyon gipasigarbo ang mga top-performing hybrid white corn varieties sa probinsya nga nahaum sa climatic ug topographic conditions sa mga highland areas sama sa Maragusan.

Matod ni Acting Provincial Agriculturist Ronald Sibayan, ang maong aktibidad kabahin sa padayong suporta sa probinsya sa mga programa nga nagtumong sa pagpalambo ug pagpalig-on sa sektor sa agrikultura, nga usa sa mga prayoridad ni Governor Raul Mabanglo.

Kini nga aktibidad gi-organisa sa Department of Agriculture XI – Corn Program, Provincial Agriculturist’s Office (PAGRO)– Corn Program, ug Municipal Agriculture Services Office (MAGSO)– Maragusan.

via Harold Postrero
📷 Jonie Cadiz, IPRD

02/09/2026

01/09/2026

𝗠𝗮𝗴-𝘂𝘂𝗺𝗮 𝘀𝗮 𝗣𝗿𝗼𝗯𝗶𝗻𝘀𝘆𝗮, 𝗡𝗮𝗸𝗮𝗱𝗮𝘄𝗮𝘁 𝗼𝗴 𝗜𝗿𝗿𝗶𝗴𝗮𝘁𝗶𝗼𝗻 𝗛𝗼𝘀𝗲𝘀

Nakadawat og 4-inch x 100-meter flexible irrigation hoses ang 198 ka mga miyembro sa Farmers ug Irrigators Associations sa probinsya, atol sa turn-over ceremony nga gipahigayon karong adlawa, Setyembre 1.

Ang mga benepisyaryo naggikan sa Compostela, Montevista, New Bataan, Maragusan, Monkayo, Laak, Mawab, ug Nabunturan.

Gibutyag ni Governor Raul Mabanglo sa iyahang mensahe nga ang maong assistance “gikan sa Department of Agriculture ug nahimong possible pinaagi sa atong hugot nga paningkamot aron matabangan ang mga mag-uuma sa probinsya.”

Mapasalamaton usab si Lea Guzman Pizarro, benepisyaryo gikan sa Compostela ug Presidente sa Gabi Salud Ulan Farmers Association, tungod sa dugang nga suporta nga ilang nadawat gikan sa gobyerno.

“Dako ning tabang sa amoa, labi na karong panahona nga grabe ang kainit. Gamit kaayo ni [hose] para makakuha mi ug dugang source sa patubig alang sa among mga tanom,” matud ni Pizarro.

via Rheafe Hortizano
📷 Kurt Hitutuane of IPRD

01/09/2026

𝐓𝐎𝐏 𝐏𝐄𝐑𝐅𝐎𝐑𝐌𝐈𝐍𝐆 𝐒𝐊𝐬, 𝐆𝐈𝐏𝐀𝐒𝐈𝐃𝐔𝐍𝐆𝐆𝐀𝐍!

Gipasidunggan ang top performing Sangguniang Kabataan (SK) Councils sa Probinsya kagahapong adlawa, Agosto 31 sa Molave Hotel, Tagum City.

Gipahigayon kini atol sa Outstanding Sangguniang Kabataan Awards and Recognition Night (OSKARS) nga gipangunahan sa Provincial Youth Development Division.

Nasungkit sa SK Magcagong, Maragusan ang 1st place ug nakadawat sila og trophy, Php 35,000 pesos cash, ug special award nga Excellence in Financial Accountability.

Misunod kanila ang SK Poblacion, Compostela sa ika duhang pwesto nga nakadawat og trophy ug Php 20,000 pesos. Samtang ang SK Tuboran, Mawab anaa sa ika tulong pwesto ug nadaog sila og trophy, Php 10,000 pesos, ug special award nga Model Community Partnership.

Alang sa fourth hangtod tenth placers, nakadawat sila og trophy ug Php 5,000 pesos cash.

🎗️ SK Cuambog, Mabini
🎗️ SK Talian, Maragusan (Special awardee: Excellence in Financial Accountability)
🎗️ SK San Jose, Montevista
🎗️ SK Kaligutan, Laak (Special awardee: Excellence in Financial Accountability)
🎗️ SK Poblacion, Laak
🎗️ SK Kingking, Pantukan
🎗️ SK Olaycon, Monkayo (Special awardee: Model Community Partnership)

Samtang gitagaan sad og mga plake ang 24 SK Council finalists sa tibuok Probinsya.

Giila sab ang top 3 Local Youth Development Offices sa Probinsya; Monkayo (1st placer), Compostela (2nd placer), ug Nabunturan (3rd placer) diin nakadawat sila og cash incentives nga Php 15,000, Php 10,000, ug Php 7,000 pesos.

Matod pa kang SK Federation President Noriel John Ramacula, gipahigayon ang maong kalihokan isip pagtagad sa kinasing kasing nga pagpanerbisyo, sakripisyo, ug dedikasyon sa mga youth leaders sa Probinsya nga naghatag og dakong kontribusyon sa kalamboan sa sektor sa kabatan-unan.

Iya sab gidasig sa padayong pagpanerbisyo ang iyang kapwa youth leaders pinaagi sa pahinumdom gikan kang Governor Raul “RM” Mabanglo .

“Ensuring strong youth leadership today means preparing a more malamboong probinsya sa Davao de Oro.”

Via Ziyarah Manalo
📸 Albert Dayao/IPRD

01/09/2026

Personal nga gi-adtoan ni Governor Raul Mabanglo ang mga small-scale miners aron kamustahon ang ilang kahimtang.

"Akong gipahibalo sa ila wala ko nagtugot nga dalahon ang akong pangalan para mangayo ug graba ug labaw sa tanan ang manghulga sa mga gagmay mga minero..." sumala sa Gobernador.