Municipal Agriculture Office-Nabunturan

Municipal Agriculture Office-Nabunturan Agricultural Extension Services

📍Planting Guide/Calendar for the Month of September 2026
31/08/2026

📍Planting Guide/Calendar for the Month of September 2026

🚛🐓 KADIWA HAULING VEHICLE UG LEED PROJECT, OPISYAL NGA GITURNOVER SA LGU NABUNTURANMalampusong gipahigayon niadtong Agos...
26/08/2026

🚛🐓 KADIWA HAULING VEHICLE UG LEED PROJECT, OPISYAL NGA GITURNOVER SA LGU NABUNTURAN

Malampusong gipahigayon niadtong Agosto 25, 2026 sa Municipal Agriculture Office (MAGRO), Purok 15, Poblacion, Nabunturan, Davao de Oro ang Turnover Ceremony sa KADIWA Hauling Vehicle ug LEED Project – Free-Range Native Chicken with Housing, nga gitumong sa pagpalig-on sa panginabuhian, produksyon, ug market access sa mga mag-uuma sa Nabunturan.

Lakip sa giturnover mao ang ₱2.5 M nga grant alang sa KADIWA Hauling Vehicle ug ₱3.8 M nga LEED Free-Range Native Chicken Project with Housing, nga nagrepresentar sa kinatibuk-ang ₱6.3 M nga suporta alang sa sektor sa agrikultura sa munisipyo.

Ang kalihokan gipasidunggan sa presensya ni Jerson M. Medel, Regional Coordinator, representante sa Office of Senator Imee R. Marcos; Marie Ann M. Constantino, Regional Technical Director for Operations, representante ni Macario D. Gonzaga, Regional Executive Director, DA RFO XI; Atty. Genevieve E. Velicaria-Guevarra, Assistant Secretary, Office of the ASEC for Agribusiness, Marketing and Consumer Affairs; ug Dr. Karl Laurence Pineda, Livestock Program Focal Person. Mitambong ug mihatag sa ilang mensahe ug suporta usab sila Hon. Cyrian A. Reterba, Municipal Vice Mayor; Atty. Carlo D. Ancla, SB Member/Chairperson, Committee on Agriculture; ug mga representante sa MAFC ug BAFC.

Isip kabahin sa programa, gipahigayon ang onsite turnover ug ribbon cutting sa LEED Project sa Magsaysay Demo Farm. Ang LEED Project nagtumong sa pagpalambo sa native chicken production ug paghatag og dugang panginabuhian, samtang ang KADIWA Hauling Vehicle makatabang sa mas episyenteng pagdala sa mga produktong agrikultural ug pagpalapad sa market access sa mga mag-uuma.

Naghatag usab og overview sa duha ka proyekto si Margarito M. Libres, R. Agr., MSA, Municipal Agriculturist. Sa turnover, mipahayag si Hon. Myrocel Clarin Balili, Municipal Mayor, sa tubag ug commitment sa LGU sa pag-atiman ug husto nga paggamit sa mga proyekto aron kini makahatag og dugayng benepisyo sa mga mag-uuma ug sa komunidad.

Ang maong turnover usa ka pagpamatuod sa padayon nga panagtambayayong sa Department of Agriculture, LGU Nabunturan, Municipal Agriculture Office, ug mga agricultural stakeholders alang sa mas lig-on ug malungtarong panginabuhian sa mga mag-uuma.



-uuma

DAKONG PASIDUNGOG ALANG SA LGU NABUNTURAN! Dakong garbo alang sa Local Government Unit (LGU) sa Nabunturan, Davao de Oro...
24/08/2026

DAKONG PASIDUNGOG ALANG SA LGU NABUNTURAN!

Dakong garbo alang sa Local Government Unit (LGU) sa Nabunturan, Davao de Oro, ilabi na sa Municipal Agriculture Office (MAGRO), ang pagkadawat sa Special Citation Award gikan sa Rice Competitiveness Enhancement Fund (RCEF) isip pag-ila sa maayong performance sa pagpatuman sa RCEF Seed and Extension Programs.

Ang maong Special Citation Award personal nga gihatod ug gihatag ni Dr. Gerardo F. Estoy Jr., Branch Director sa Philippine Rice Research Institute (PhilRice) Agusan Experiment Station ug gidawat ni Mr. Margarito M. Libres. Municipal Agriculturist karong adlawa August 24, 2026 sa Municipal Agriculture Office, Purok 15, Poblacion, Nabunturan Davao de Oro isip pag-ila sa dakong kontribusyon ug maayong performance sa MAGRO sa pagpatuman sa mga programa alang sa atong mga mag-uuma.

Kini nga award gihatag isip pag-ila sa aktibong partisipasyon sa LGU Nabunturan pinaagi sa MAGRO sa seed distribution activities ug sa pagkab-ot sa seasonal targets alang sa 2025 wet season ug 2026 dry season, ilawom sa Small-Scale category.

Kini nga award dili lamang kalampusan sa MAGRO, kundili kalampusan sa tibuok LGU Nabunturan. Usa kini ka pagpamatuod sa lig-on nga suporta sa atong lokal nga panggamhanan, ilawom sa pagpangulo ni Mayor Myrocel Clarin Balili, ug sa paningkamot sa mga kawani ug partners nga nagtinabangay alang sa kaayuhan sa atong mga mag-uuma.

Labaw sa tanan, kini nga pasidungog alang sa atong mga mag-uuma—ang tinuod nga sentro sa among serbisyo ug ang hinungdan nganong padayon kami sa pag-alagad.




📢📢📢
13/08/2026

📢📢📢

PIGLET DISPERSAL PROGRAMGipahigayon karong adlawa, Agosto 5, 2026, sa Municipal Agriculture Office (MAGRO) ang pag-relea...
05/08/2026

PIGLET DISPERSAL PROGRAM

Gipahigayon karong adlawa, Agosto 5, 2026, sa Municipal Agriculture Office (MAGRO) ang pag-release sa mga baktin ngadto sa mga benepisyaryong mag-uuma. Ang maong Piglet Dispersal Program gipondohan pinaagi sa Municipal Disaster Risk Reduction and Management Office (MDRRMO) sa Nabunturan, isip kabahin sa mga inisyatiba sa Lokal nga Panggamhanan aron suportahan ang panginabuhian sa mga mag-uuma, ilabina kadtong gikan sa mga barangay nga kanunayng maapektuhan sa mga kalamidad sama sa baha ug landslide.

Sa kinatibuk-an, 38 ka benepisyaryong mag-uuma ang nakadawat sa programa. Matag benepisyaryo nakadawat og usa (1) ka baktin, uban sa mga kinahanglanong suporta alang sa husto nga pag-atiman niini, lakip ang mga bitamina, dewormer, antibiotic, ug disinfectant aron mapalambo ang kahimsog ug mapugngan ang mga sakit sa kahayopan.

Tumong sa programa ang paghatag og dugang nga oportunidad sa panginabuhian ug pagpalig-on sa kapasidad sa mga benepisyaryo aron mas dali silang makabangon gikan sa mga epekto sa kalamidad pinaagi sa livestock production.

Ang maong programa nahimong posible pinaagi sa padayon nga suporta sa Lokal nga Panggamhanan sa Nabunturan ubos sa pagpanguna ni Mayor Myrocel Clarin Balili. Dako usab ang pagpasalamat sa mga benepisyaryong mag-uuma sa walay hunong nga suporta sa atong lokal nga panggamhanan sa pagpalambo sa sektor sa agrikultura ug sa paghatag og mga programa nga makatabang sa ilang panginabuhian.

Padayon ang Lokal nga Panggamhanan sa Nabunturan sa pagpalig-on sa panginabuhian sa atong mga mag-uuma alang sa usa ka mas lig-on ug mas malambuon nga Nabunturan.




🫰

POBLACION NABUNTURAN REGIONAL FINALIST SA SEARCH FOR BEST GULAYAN SA BARANGAYMalampusong gipahigayon karong adlawa Agost...
05/08/2026

POBLACION NABUNTURAN REGIONAL FINALIST SA SEARCH FOR BEST GULAYAN SA BARANGAY

Malampusong gipahigayon karong adlawa Agosto 5, 2026 ang Search for Best Gulayan sa Barangay – Regional Level sa Barangay Poblacion, Nabunturan, isip kabahin sa padayon nga pagpalig-on sa seguridad sa pagkaon, nutrisyon, ug pagdasig sa mga komunidad sa paghimo og malungtarong gulayan. Gipakita sa Barangay Poblacion ang mga kalampusan sa pagpatuman sa programa pinaagi sa aktibong partisipasyon sa komunidad, maayong pagdumala sa mga gulayan, ug panaghiusa sa tanang sektor aron mapadayon ang produksyon sa himsog ug luwas nga pagkaon. Kining kalampusan nahimong posible pinaagi sa padayon nga suporta ug liderato ni Mayor Myrocel Clarin Balili, nga nagpalig-on sa mga programa sa agrikultura ug food security sa tibuok lungsod sa Nabunturan.

Ang kalampusan sa maong kalihokan usa ka pagpamatuod sa lig-on nga panag-uban sa mga ahensya ug lokal nga panggamhanan. Ang Municipal Agriculture Office (MAGRO) nagpahayag sa dakong pasalamat sa Department of Agriculture – National Urban and Peri-Urban Agriculture Program (NUPAP), Agricultural Training Institute (ATI), Bureau of Plant Industry (BPI), Provincial Agriculture Office (PAGRO) sa Davao de Oro, Barangay Council sa Poblacion sa ilang walay hunong nga suporta, kooperasyon, ug dedikasyon sa pagpalambo sa programa. Ang panaghiusa sa tanang sektor nagpadayon sa paghatag og inspirasyon aron mapalig-on pa ang urban ug community gardening alang sa kaayohan sa matag pamilyang Nabunturanon ug sa padayon nga pag-angkon sa mas luwas ug malungtarong suplay sa pagkaon.

KADIWA NG NABUNTURANIsip pagtuman sa DILG Memorandum Circular No. 2024-112, ang Lokal nga Gobyerno sa Nabunturan pinaagi...
05/08/2026

KADIWA NG NABUNTURAN

Isip pagtuman sa DILG Memorandum Circular No. 2024-112, ang Lokal nga Gobyerno sa Nabunturan pinaagi sa Municipal Agriculture Office (MAGRO) nagpadayon sa pagpatuman sa KADIWA ng Nabunturan matag “1st” ug “3rd” Miyerkules sa matag bulan sa Public Market. Kini nga inisyatibo naghatag ug libre nga puwesto sa pagpamaligya alang sa tanang mga mag-uuma, agripreneurs, processors, ug lokal nga mga negosyante aron direkta nilang maibaligya ang ilang mga produkto ngadto sa mga konsumante nga walay bayad sa puwesto, nga naghatag kanila ug mas dako nga oportunidad sa pagpalapad sa ilang merkado ug pagdugang sa ilang kita.

Pinaagi sa KADIWA ng Nabunturan, gipalig-on ang koneksyon tali sa mga prodyuser ug konsumante pinaagi sa paghatag ug presko, dekalidad, ug abot-kayang mga produktong agrikultural. Uban sa lig-on nga suporta ni Mayor Myrocel Clarin Balili, ang programa nagpadayon sa pagpalambo sa lokal nga agrikultura, paghatag ug dugang nga oportunidad sa panginabuhian alang sa mga mag-uuma ug lokal nga mga negosyante, pagpalig-on sa lokal nga ekonomiya, ug pagsiguro sa mas lig-on nga seguridad sa pagkaon alang sa katawhan sa Nabunturan.


📢📢📢
05/08/2026

📢📢📢

Address

Nabunturan
8800

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Website

Alerts

Be the first to know and let us send you an email when Municipal Agriculture Office-Nabunturan posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Municipal Agriculture Office-Nabunturan:

Shortcuts

Share

Category