19/01/2026
Protektahi ang Imong Anak: MR-SIA, Vitamin A, ug Operation Timbang sa Barangay Sta. Maria
Gisugdan na sa Barangay Sta. Maria, Nabunturan ang Measles-Rubella Supplemental Immunization Activity (MR-SIA), kauban ang DOH, Municipal Health Office, Barangay LGU, ug atong mga BHWs sa pagpanalipod sa kabataan.
Ang MR-SIA naghatag og libre ug luwas nga bakuna para sa mga bata nga edad 6 ka bulan hangtod 59 ka bulan, aron maprotektahan sila batok sa tigdas ug rubella.
Sa samang higayon, ginaapod-apod usab ang Vitamin A supplementation ug gihimo ang Operation Timbang, ug gipahigayon usab ang feeding program aron masiguro ang husto nga timbang, kahimsog, ug resistensya sa mga bata.
Hinumdumi! Ang bakuna, Vitamin A, ug Operation Timbang magpadayon hangtod Pebrero 13. Dal-a ang imong anak sa schedule sa inyong purok aron masiguro ang iyang kaluwasan, kahimsog, ug malinawong kaugmaon.
