25/10/2025
CURFEW HOURS FOR MINORS, MAS GIPAKUSGAN SA LUNGSOD SA NABUNTURAN
Nabunturan, Davao de Oro - Sa tinguha sa lokal nga panggamhanan nga masiguro ang kaluwasan sa atong mga kabataan ug kabatan-onan sa lungsod, gipahugtan ang pag-imposar sa curfew hours sa mga menor de edad matag adlaw nga magsugod alas diyes sa gabii (10:00PM) hangtud alas kwatro sa kadlawon (4:00AM). Kini gi-base sa Code of General Ordinances, Article 6, Sections 1-4, nga nagdili sa mga kabataan nga nag edad ubos disiotso anyos (below 18 years old) sa paggawas sa ilang mga panimalay, o paglatagaw sa mga pampublikong lugar sama sa mga kalsada, plaza, parke, ug uban pa, sulod sa oras nga nakasulat sa ordinansa.
Subay niini, sugod karong gabii, Pebrero 3, 2023, sa alas diyes sa gabii (10:00PM), motingog ang atong siren/alarm isip timailhan nga nag sugod na ang curfew sa lungsod. Molibot usab ang mga kapulisan aron masiguro nga nasunod ang gipatumang ordinansa.
Gilauman sa lokal nga panggamhanan ug mga otoridad ang koordinasyon sa mga kabataan ug kabatan-onan, kay kini alang man sa ilang kaayohan ug alang usab sa kalinaw sa tibuok Nabunturan.
