02/05/2022
MAKABAYAN BLOC PIG ENDORSO SA CAM SUR SI CADIZ, ROBREDO, PANGILINAN
Kasuudma, May 1, Labor Day, sa Makabayan miting de avance na ginibo sa Plaza Quince Martires pig endorso ako kan Makabayan bloc bilang Congressman kan tercer distrito kan Cam Sur.
Limang party list an yaon sa umbrella kan Makabayan bloc. An mga part list na ini iyo an Anak Pawis, Kabataan, Bayan Muna, Gabriela asin ACT Teachers. P**n pa kan estudyante ako sa Ateneo de Naga HS hanggan sa UP Diliman, mga progresibong initiatibo na an sakuyang pigtutulod. Nilabanan ko an Martial Law abot sa maitumba ini kan 1986. Bilang abogado asin National President kan integrated bar of the Philippines (IBP), nilabanan ko asin ginana ko an kaso sa Korte Suprema laban sa emergency powers ni dating presidente Gloria Macapagal Arroyo. Bilang Solicitor General nagtindog ako guiraray sa korte suprema tanganing barangaon asin ipanao an Hacienda Luisita sa mga paraoma maski na ngani na an Presidente kan Pilipinas iyo si Benigno Aquino 111 na iyo an saro sa kagsadiri kan Haceienda Luisita. Kan taon 2020, bilang General Counsel kan ibp nilabanan ko asin nagkaso sa Korte Suprema laban sa Anti Terror Law. Kaibanan ko sa laban na ini si Atty Neri Colmenares na kandidatong senador ngonyan.
Nagpa pasalamat po ako sa enterong Makabayan Bloc; an Anak Pawis, ACT Teachers, Gabriela, Kabataan asin Bayan Muna sa pag suporta sako bilang kandidato sa pagka congressman digdi s tercer distrito kan Cam Sur. Makakaasa kamo sa kaganahan tang gabos, sa herak kan mahal na Diyos na an mga progresibong mga ideya asin plataporma an itutulod ko sa Kongreso.
An nagkakapira sa sakuyang plataporma iyo an mga masunod:
National minimum wage. Halion an inutil na Regional Wage Boards. Ibalik sa kongreso an pagpanday kan leye nin minimum wage. Food stamps na P3,000.00 bulan bulan para sa mga kasaraditan na an suweldo kan pamilya hababa sa P25,000.00 kada bulan. An food stamps pwedeng ibakal nin mga de lata asin bagas sa mga grocery asin supermarkets. Para sa mga estudyante sa kolehiyo, subsidy nin P3,000.00 kada semestre kun an kada bulan na income kan pamilya hababa sa P25,000.00. Libreng internet para sa mga estudyante asin libreng pangudto para sa mga estudyante sa public elementary and high school. Sa mga para uma, price support nin P3.00 kada kilo nin palay, mais asin pataba. Itutulod ko an pag gamit nin organic fertilizer na mas barato nin 50% to 60% kumpara sa synthetic fertilizer. An organic fertilizer ginagamit na sa Tarlac, Nueva Ecija asin Pampanga. Sa mga senior citizens mapanday ako nin leye na dagdagan an pay out na P500.00 asin gibohon na P1,000.00 bulan bulan.
Dakula an namamatian kong pagka humilde sa pag endorse sako kan Makabayan bloc. D***s an pakikipag laban ko para sa karahayan kan Inang bayan na Pilipinas asin kan tercer distrito sa Cam Sur!!!
(Photos from Bayan Muna and Cee Em)
