Barangay Tina-an City of Naga, Cebu

26/06/2026

𝗟𝗢𝗢𝗞 | Ang Barangay Tina-an, ubos sa pagpangulohan ni Acting Punong Barangay/OIC Kap. Mayel A. Pao, uban sa mga Purok Presidents sa Barangay Tina-an ug Sto. Niño Chapel President Ma’am Marian Ronquillo, aktibong miapil sa Information, Education and Communication (IEC) Campaign nga gipahigayon sa EcoCrete Inc. niadtong Hunyo 26, 2026 (Biyernes).

Ang maong kalihokan gihimo sa Community Relations Office ubos sa pagdumala ni Engr. Fulgencio “Don-Don” M. Ubay, nga nagtumong sa paghatag og dugang kahibalo ug impormasyon ngadto sa komunidad bahin sa mga programa ug kalihokan sa kompanya.

Nagpasalamat ang Barangay Tina-an sa EcoCrete Inc. alang sa maong inisyatiba nga nagpalig-on sa panaghiusa, kooperasyon, ug maayong relasyon tali sa kompanya ug sa komunidad.

23/06/2026

𝗟𝗢𝗢𝗞 | BBM Rice Subsidy Distribution sa Barangay Tina-an June 22, 2026

Padayon nga nakabenepisyo ang mga kwalipikadong Senior Citizens sa Barangay Tina-an pinaagi sa Bawat Bayan Makikinabang (BBM) Rice Subsidy Program ubos sa Assistance to Indigent Individuals or Families–Food Assistance (AIIF-FA).

Ang maong kalihokan gitambongan ni Hon. Roy Arevalo, Committee on Senior Citizen Affairs Chairman, ug Hon. Renato Antonino sa ngalan ni Acting Punong Barangay Hon. Mayel A. Pao. Dako usab ang natampo sa atong mga Day Care Teachers, Purok Presidents, ug Barangay Health Workers nga mitabang aron mahimong hapsay ug organisado ang pag-apod-apod sa ayuda.

Pinaagi niini nga programa, ang matag pamilya nga adunay kwalipikadong Senior Citizen makadawat og 10 kilos nga bugas matag round, nga adunay kinatibuk-ang upat (4) ka rounds, subay sa anaa nga pondo ug mga lagda sa gobyerno.

Nagpasalamat ang Barangay Tina-an sa City Government of Naga ug sa National Government sa ilang padayon nga suporta alang sa kaayohan sa atong mga senior citizens ug kabarangayan.

📸 Photo Credits: City Government of Naga ug Hon. Roy Arevalo

20/06/2026

💚💚💚💚

20/06/2026

🦟 DENGUE AWARENESS MONTH 2026 | OPERATION KULOB 🦟

Sa pagpangulo ni Acting Punong Barangay Hon. Mayel A. Pao, uban ni Barangay Councilor Hon. Renato Antonino, mga Purok Presidents nga gipangulohan ni Purok Federation President Josephine Cueva, BNS Elizabeth Lapuz, ug sa atong masipag nga mga Barangay Health Workers (BHWs), malampuson nga gipahigayon ang Operation Kulob isip kabahin sa selebrasyon sa Dengue Awareness Month 2026.

Kini nga kalihokan nagpakita sa panaghiusa ug kooperasyon sa tibuok komunidad aron malikayan ang pagdaghan sa lamok nga nagdala sa dengue. Pinaagi sa pagpanglimpyo sa palibot ug pagwagtang sa mga posibleng pamahayan sa lamok, atong mapanalipdan ang kahimsog ug kaluwasan sa matag pamilya sa Barangay Tina-an.

“Ang limpyo nga palibot, depensa batok sa dengue.”

Daghang salamat sa tanan nga boluntaryo ug mga lider sa komunidad nga miapil ug nagpakita sa tinuod nga espiritu sa serbisyo publiko.

19/06/2026

🎉🏢 𝗣𝗥𝗢𝗣𝗘𝗥 𝗧𝗨𝗥𝗡𝗢𝗩𝗘𝗥 𝗔𝗡𝗗 𝗕𝗟𝗘𝗦𝗦𝗜𝗡𝗚 𝗢𝗙 𝗠𝗨𝗟𝗧𝗜-𝗣𝗨𝗥𝗣𝗢𝗦𝗘 𝗕𝗨𝗜𝗟𝗗𝗜𝗡𝗚 🏢🎉

Usa ka mahinungdanong adlaw alang sa Barangay Tina-an ang opisyal nga turnover ug blessing sa bag-ong Multi-Purpose Building nga gipasiugdahan pinaagi sa suporta ni Hon. Congresswoman Rhea Gullas sa Unang Distrito sa Sugbo.

Gitambongan kini ni Hon. Rhea Gullas, Acting Punong Barangay Hon. Mayel A. Pao, ABC President Hon. Scott Juvenal A. Chiong, mga Konsehal sa Dakbayan sa Naga, mga Barangay Konsehal, mga Purok President, BHWs, mga Day Care pupils ug ilang mga ginikanan, ingon man uban pang mga lumulupyo sa barangay.

Ang maong pasilidad usa ka simbolo sa kalamboan ug panaghiusa sa komunidad nga mag-alagad alang sa nagkalain-laing kalihokan ug programa sa barangay.

Daghang salamat Cong. Rhea Gullas ug sa tanang nitambong ug nagpa kita sa ilang suporta. Padayon kita sa paningkamot alang sa mas lig-on, mas abante, ug mas mauswagon nga Barangay Tina-an.

✨ “Panaghiusa alang sa kalamboan, serbisyo alang sa katawhan.”

18/06/2026

𝗕𝗨𝗡𝗧𝗜𝗦 𝗖𝗢𝗡𝗚𝗥𝗘𝗦𝗦 𝘂𝗴 𝗣𝗔𝗕𝗔𝗦𝗔 𝘀𝗮 𝗡𝗨𝗧𝗥𝗜𝗦𝗬𝗢𝗡 𝗖𝗨𝗟𝗠𝗜𝗡𝗔𝗧𝗜𝗢𝗡 🤱📚🥦

Malampusong gipahigayon sa Barangay Tina-an ang Buntis Congress ug Pabasa sa Nutrisyon Culmination nga nagtumong sa pagpalig-on sa kahibalo bahin sa kahimsog sa mga mabdos, hustong nutrisyon, ug maayong pag-atiman sa mga bata ug pamilya.

Gitambongan kini ni Acting Punong Barangay Hon. Mayel A. Pao uban sa mga Konsehal nga sila Hon. Renato Antonino, Hon. Roy Arevalo, ug Hon. Marie Ernestine Florentino.

Dako usab ang among pasalamat sa atong kugihan nga Barangay Midwife, Barangay Nutrition Scholar Ma’am Elizabeth Lapuz, mga Barangay Health Workers (BHWs), ug sa atong masaligan nga mga Purok Presidents sa Barangay Tina-an nga walay hunong nga naghatag og suporta aron mahimong malampuson kining mahinungdanong kalihokan.

Pinaagi sa panaghiusa ug kooperasyon sa matag usa, padayon natong palig-onon ang kahimsog ug nutrisyon alang sa mas lig-on ug mas himsog nga komunidad.

💚 Daghang salamat sa inyong suporta!
💚 Mabuhi ang Barangay Tina-an!

16/06/2026

12/06/2026

🇵🇭 HAPPY 128TH PHILIPPINE INDEPENDENCE DAY! 🇵🇭

Sa pagsaulog nato sa ika-128 nga Adlaw sa Kagawasan sa Pilipinas, atong hinumdoman ug pasidunggan ang mga bayani nga misakripisyo alang sa atong kagawasan ug demokrasya.

May we continue to uphold the values of unity, patriotism, and service to our community. Let us work together for a more progressive, peaceful, and resilient Barangay Tina-an.

Ang kagawasan dili lamang usa ka handumanan sa kasaysayan, apan usa usab ka responsibilidad nga atong ampingan ug padayon nga palig-onon alang sa umaabot nga mga henerasyon.

Mabuhi ang Pilipinas! 🇵🇭
Mabuhi ang Barangay Tina-an! ❤️💙💛
Mabuhi ang Dakbayan sa Naga, Sugbo! 🎉

Barangay Tina-an Officials💚💪