09/08/2026
๐๐๐๐๐๐ ๐๐๐๐๐๐๐๐ | ๐๐ ๐
๐๐๐-๐๐-๐
๐๐๐ ๐๐๐๐๐๐๐
Alinsunod sa anunsyo ni Laguna Governor Sol Aragones, suspendido ang face-to-face classes sa lahat ng antas sa mga pampubliko at pribadong paaralan sa buong Lalawigan ng Laguna, kabilang ang Bayan ng Nagcarlan, bukas, Agosto 10, 2026 (Lunes).
Ang hakbang na ito ay isinagawa upang bigyang-daan ang patuloy na pagsasaayos, paglilinis, at iba pang kinakailangang hakbang sa mga lugar na naapektuhan ng pagbaha, lalo na sa mga komunidad na hanggang sa kasalukuyan ay nakararanas pa rin ng mataas na tubig.
Bagamat walang naitalang matinding pagbaha sa Bayan ng Nagcarlan, hinihikayat ang ating mga kababayan na gamitin ang pagkakataong ito upang masusing suriin ang kanilang mga tahanan, ari-arian, at paligid para sa anumang posibleng pinsala o epekto ng tuloy-tuloy na pag-ulan nitong mga nakaraang araw.
Samantala, ipagpapatuloy ang Hybrid Asynchronous Learning (HINAY) bilang bahagi ng learning continuity measures upang hindi maputol ang pagkatuto ng mga mag-aaral habang nananatiling suspendido ang face-to-face classes.
Hinihikayat ang lahat na manatiling mapagmatyag, maingat, at updated sa mga opisyal na abiso ng pamahalaang panlalawigan, lokal na pamahalaan, at iba pang kinauukulang ahensya.
Kaligtasan at kapakanan ng bawat isa ang pangunahing prayoridad.
Manatiling ligtas, Nagcarlan!
Makikita ang naturang post ni Gov Sol Aragones sa link na ito: https://www.facebook.com/share/p/1E8JKMG5W2/
