Mayor Elmor Vitangcol Vita

03/09/2026

03/09/2026

𝐂𝐈𝐕𝐈𝐋 𝐖𝐄𝐃𝐃𝐈𝐍𝐆 𝐂𝐄𝐑𝐄𝐌𝐎𝐍𝐘
Setyembre 3, 2026 | Nagcarlan Presidencia

Isinagawa ngayong Setyembre 3, 2026 ang isang makabuluhan at taimtim na Civil Wedding Ceremony sa Nagcarlan Presidencia sa pangunguna ng ating minamahal na Punong Bayan, Ark./Inh. Elmor Vitangcol Vita. Sa seremonyang ito, opisyal na pinag-isa ang dalawang pusong nagpasiyang tahakin ang panibagong yugto ng kanilang buhay bilang mag-asawa.

Sa harap ng kanilang mga mahal sa buhay at mga saksi, pinagtibay nina Kevin Joshua at Nelida Chipongian ang kanilang taos-pusong sumpaan ng pagmamahalan, katapatan, paggalang, at panghabambuhay na pag-aaruga sa isa't isa. Ang kanilang pag-iisang dibdib ay sumasalamin sa isang matatag na pagsasama na nakaugat sa pagtitiwala, pagkakaunawaan, at tunay na pagmamahalan—mga haliging magsisilbing pundasyon sa pagbuo ng isang masaya at nagkakaisang pamilya.

Nawa'y magsilbing inspirasyon ang makabuluhang araw na ito sa bawat isa, bilang paalala na ang pag-aasawang itinatag sa pagmamahalan, pananagutan, pag-unawa, at katapatan ay nagsisilbing matibay na pundasyon tungo sa isang maayos, mapayapa, at masaganang kinabukasan.

Taos-pusong binabati ng Pamahalaang Bayan ng Nagcarlan sina Kevin Joshua at Nelida Chipongian sa kanilang pag-iisang dibdib. Hangad namin ang isang buhay may-asawa na puspos ng pagmamahalan, pagkakaisa, kaligayahan, at walang hanggang biyaya. Nawa'y patuloy kayong gabayan ng Poong Maykapal sa bawat hakbang at yugto ng inyong pagsasama.

03/09/2026

𝐒𝐄𝐌𝐈𝐍𝐀𝐑-𝐖𝐎𝐑𝐊𝐒𝐇𝐎𝐏 𝐎𝐍 𝐒𝐓𝐑𝐀𝐓𝐄𝐆𝐈𝐂 𝐏𝐄𝐑𝐅𝐎𝐑𝐌𝐀𝐍𝐂𝐄 𝐌𝐀𝐍𝐀𝐆𝐄𝐌𝐄𝐍𝐓 𝐒𝐘𝐒𝐓𝐄𝐌 (𝐒𝐏𝐌𝐒)

Isinagawa noong Setyembre 1–3, 2026 sa Villa Elena Mountainview Resort ang Seminar-Workshop on Strategic Performance Management System (SPMS) na dinaluhan ng mga kawani mula sa iba’t ibang tanggapan ng Pamahalaang Bayan ng Nagcarlan.

Layunin ng seminar-workshop na higit na mapalalim ang pag-unawa ng mga kawani sa SPMS bilang isang sistema na nag-uugnay sa performance ng bawat empleyado, mga tanggapan, at ng buong organisasyon sa mga layunin, estratehiya, at mandato ng Pamahalaang Bayan.

Kabilang sa mga pangunahing layunin ng SPMS ang pag-uugnay ng kabuuang performance ng ahensya sa Agency Strategic Plan at Philippine Development Plan, pagpapalakas ng organizational effectiveness at accountability sa iba’t ibang antas ng organisasyon, at pagtatatag ng mas siyentipiko at malinaw na batayan sa performance targets at measures. Binibigyang-diin din nito ang pagkakaroon ng iisang batayan sa performance evaluation, HR planning and interventions, rewards and incentives, at iba pang personnel actions.

Sa pamamagitan ng patuloy na pagsasanay at pagpapalawak ng kaalaman ng mga kawani, layunin ng Pamahalaang Bayan na higit pang mapalakas ang isang high-performing, competent, at credible workforce na nakatuon sa mahusay, episyente, at de-kalidad na paghahatid ng serbisyo publiko.

Ang aktibidad ay bahagi ng patuloy na pagsisikap ng Pamahalaang Bayan ng Nagcarlan na mapaunlad ang kakayahan ng mga kawani at maiangat ang antas ng performance management tungo sa mas mahusay na serbisyo para sa bawat Nagcarlangin.

02/09/2026

𝐓𝐈𝐋𝐀𝐏𝐈𝐀 𝐅𝐈𝐍𝐆𝐄𝐑𝐋𝐈𝐍𝐆𝐒 𝐃𝐈𝐒𝐏𝐄𝐑𝐒𝐀𝐋
𝐒𝐞𝐭𝐲𝐞𝐦𝐛𝐫𝐞 𝟐, 𝟐𝟎𝟐𝟔 | 𝐘𝐚𝐦𝐛𝐨 𝐋𝐚𝐤𝐞

Matagumpay na isinagawa ngayong araw ang pagpapakawala ng 10,000 tilapia fingerlings sa Yambo Lake bilang bahagi ng Balik Sigla sa Ilog at Lawa (BASIL) Program ng Bureau of Fisheries and Aquatic Resources (BFAR) Region IV-A.

Nakiisa sina PO1 Lemuel M. Satana at PCG ASN Mark Evahn M. Siscar ng Philippine Coast Guard, katuwang ang Lokal na Pamahalaan ng Nagcarlan, sa pamamagitan ni G. Guillermo Bueno,- Executive Assistant V- OIC Tourism Office sa patuloy na suporta ni Punung Bayan Arch/CE Elmor Vitangcol Vita., at sa pamamagitan ng Municipal Agriculture Office sa pangunguna ni G. Alvin C. Ardeza.

Nakibahagi rin sa aktibidad ang Sangguniang Barangay ng Sulsuguin, sa pangunguna ni Kpt. Roberto Sotalbo, at ang Yambo Lake Multi-Purpose Cooperative.

Layunin ng BASIL Program na makatulong sa rehabilitasyon at pagpapanatili ng yamang-tubig, gayundin sa pagsusulong ng kabuhayan ng mga lokal na mangingisda.

Patuloy ang pagtutulungan ng pamahalaan at komunidad upang mapangalagaan ang Yambo Lake bilang mahalagang yamang-tubig ng Nagcarlan para sa kasalukuyan at sa mga susunod na henerasyon.

01/09/2026

𝐋𝐈𝐍𝐆𝐆𝐔𝐇𝐀𝐍𝐆 𝐏𝐀𝐆𝐓𝐀𝐓𝐀𝐀𝐒 𝐍𝐆 𝐖𝐀𝐓𝐀𝐖𝐀𝐓 𝐍𝐆 𝐏𝐈𝐋𝐈𝐏𝐈𝐍𝐀𝐒
Setyembre 1, 2026 | Municipal Multipurpose Gymnasium

Isinagawa ang regular Flag Raising Ceremony ng Pamahalaang Bayan ng Nagcarlan, na pinangunahan ngayong linggo ng Office of the Building Official (OBO) at Municipal Engineering Office, bilang bahagi ng patuloy na pagpapatibay ng diwa ng paglilingkod, disiplina, at pagkakaisa sa hanay ng mga lingkod-bayan.

Pinangunahan ni Joy Mesalucha ang programa bilang host, habang pinangunahan naman ni Jojo Itoralba ang panalangin. Sinundan ito ng pagbasa sa Banal na Ebanghelyo ni Ptra. Merie Llorera, pag-awit ng Lupang Hinirang na pinangunahan ni Alle Vince Romanes, Panunumpa sa Watawat ni Engr. Elisha Tuico, Panunumpa ng Lingkod-Bayan ni Ismaelo Sombilla, at Panata sa Bagong Pilipinas na pinangunahan ni Gabriel Ereve.

Bilang bahagi ng programa, inilahad nina G. Kelvin Rabara, OBO Staff, at Engr. Jojo Dorado, Pambayang Inhinyero, ang ulat at mahahalagang accomplishment ng kanilang mga tanggapan sa nakalipas na walong buwan. Ibinahagi rin ang mga naging gawain, programa, at patuloy na inisyatiba ng mga tanggapang nakatuon sa pagsusulong ng maayos na imprastraktura at pagpapaunlad ng Bayan ng Nagcarlan.

Nagbigay rin ng kanyang lingguhang mensahe at ulat si Punong Bayan Ark./Inh. Elmor Vitangcol Vita, kung saan binigyang-diin ang mga mahahalagang usapin at patuloy na pagsisikap ng Pamahalaang Bayan upang higit na mapabuti ang paghahatid ng serbisyo publiko sa mga Nagcarlangin.

Samantala, naging bahagi rin ng seremonya ang pagkilala sa mga natatanging atletang Nagcarlangin na nagbigay-pugay sa bayan sa pamamagitan ng kanilang husay, determinasyon, at mga natamong tagumpay sa larangan ng palakasan. Ang pagkilalang ito ay pinangunahan ng Youth and Sports Development Office, katuwang ang Municipal Social Welfare and Development Office, bilang pagpapahalaga sa talento at potensiyal ng kabataang Nagcarlangin.

Patuloy na isinasabuhay ng Pamahalaang Bayan ng Nagcarlan ang diwa ng pagkakaisa, kahusayan, at tapat na paglilingkod, tungo sa isang pamahalaang sama-samang kumikilos para sa kapakanan at pag-unlad ng bawat mamamayan.

01/09/2026

Mga Nagcarlangin, ating panoorin ang lingguhang ulat at mensahe ni Punong Bayan Ark/Inh Elmor Vitangcol Vita, sa isinagawang Lingguhang Pagtataas ng Watawat ng Pilipinas ngayong araw, Setyembre 1, 2026.

01/09/2026

PABATID SA PUBLIKO

Ipinababatid sa publiko na ang personal na Facebook account ni Mayor Elmor Vita ay nakaranas ng unauthorized access o hacking incident.

Kaugnay nito, hinihiling sa publiko na huwag munang bigyang-pansin ang anumang kahina-hinalang mensahe, post, link, o iba pang aktibidad habang isinasagawa ang pagpapaigting ng seguridad ng account.

Maraming salamat po sa inyong pang-unawa.

30/08/2026

𝐏𝐈𝐋𝐀𝐍𝐃𝐎𝐊 𝐈𝐒 𝐇𝐄𝐑𝐄! 🌀

: Namuo na bilang isang ganap na bagyo ang low pressure area na nasa silangan ng Extreme Northern Luzon at papalanganan itong bagyong , ang ika-limang bagyo ngayong Agosto at ika-16 ngayong taon ayon sa 10am outlook ng PAGASA.

Walang magiging epekto ang nasabing bagyo sa bansa dahil ito'y kikilos palayo pero inaasahan na hahatakin nito ang na magpapaulan sa kanlurang bahagi ng Luzon.


30 August 2026

29/08/2026

𝐊𝐀𝐃𝐈𝐖𝐀 𝐍𝐆 𝐏𝐀𝐍𝐆𝐔𝐋𝐎 𝐒𝐀 𝐁𝐀𝐘𝐀𝐍 𝐍𝐆 𝐍𝐀𝐆𝐂𝐀𝐑𝐋𝐀𝐍
Setyembre 10, 2026 | Municipal Multipurpose Gymnasium

Tuloy-tuloy ang paghahatid ng abot-kaya at de-kalidad na mga produktong para sa bawat Nagcarlangin

Inaanyayahan po ang bawat isa na makiisa sa KADIWA NG PANGULO, isang programa na naglalayong magbigay ng mas abot-kayang presyo ng mga produktong pagkain at iba pang pangunahing pangangailangan, habang binibigyang pagkakataon ang ating mga lokal na magsasaka at food producers na direktang maibenta ang kanilang mga produkto sa mga mamimili.

Makilahok, mamili, at tangkilikin ang mga produktong hatid ng ating mga magsasaka at katuwang na ahensya ng pamahalaan.