Kemp Arevalo Bueno

03/06/2026

𝗕𝗿𝗶𝗴𝗮𝗱𝗮 𝗘𝘀𝗸𝘄𝗲𝗹𝗮 𝟮𝟬𝟮𝟲 📚

Kahapon ay nagkaroon po tayo ng pagkakataong makabisita sa ilang paaralan sa ating bayan bilang pakikiisa sa taunang Brigada Eskwela. Kasama ang ating mga masisipag na miyembro ng Sangguniang Bayan na sina Konsehal Laurence Sombilla, Konsehala Christmas Osuna, Konsehal Peep Arcigal, at Konsehal Alex Donadio, personal nating nasaksihan ang dedikasyon at bayanihang ipinapakita ng ating mga g**o, magulang, mag-aaral, at mga boluntaryo upang maihanda ang mga paaralan para sa nalalapit na pagbubukas ng klase.

Ang simpleng pagbisita at pakikilahok ay simbolo ng ating suporta sa sektor ng edukasyon at sa paniniwalang ang tagumpay ng bawat mag-aaral ay bunga ng sama-samang pagkilos ng buong komunidad.

Patuloy pa po nating pagtibayin ang diwa ng bayanihan para sa mas maayos at mas maliwanag na kinabukasan ng ating mga kabataan.

02/06/2026

𝗡𝗮𝗴𝗰𝗮𝗿𝗹𝗮𝗻 𝗙𝗼𝗼𝗱 𝗕𝗮𝘇𝗮𝗮𝗿 - 𝗪𝗲𝗲𝗸 𝟰 🍡🍢

Sa likod ng bawat tindahan, pagkain, at ngiti ay ang sipag, tiyaga, at suporta ng ating mga manininda at mamimili na siyang tunay na bumubuo sa ating bazaar.

Atin pong pakinggan ang kanilang mga karanasan at kwento tungkol sa Nagcarlan Food Bazaar—mula sa ating mga exhibitors hanggang sa mga masayang mamimili.

Kung kaya't patuloy po namin kayong inaanyayahan na patuloy po ninyong suportahan ang programang ito tuwing 𝗕𝗶𝘆𝗲𝗿𝗻𝗲𝘀 𝗮𝘁 𝗦𝗮𝗯𝗮𝗱𝗼, mula 𝗶𝗸𝗮-𝟱 𝗻𝗴 𝗵𝗮𝗽𝗼𝗻 𝗵𝗮𝗻𝗴𝗴𝗮𝗻𝗴 𝗶𝗸𝗮-𝟭𝟮 𝗻𝗴 𝗵𝗮𝘁𝗶𝗻𝗴𝗴𝗮𝗯𝗶. Sama-sama po nating buhayin ang lokal na produkto, kultura, at pagkakaisa ng bayang Nagcarlan.

23/05/2026

15/05/2026

𝗡𝗮𝗴𝗰𝗮𝗿𝗹𝗮𝗻 𝗙𝗼𝗼𝗱 𝗕𝗮𝘇𝗮𝗮𝗿, 𝗮𝗻𝗼 𝘁𝗮𝗿𝗮!? 🍡🍢

Sa unang taon po ng ating panunungkulan ay atin pong sinikap na maisakatuparan ang isa sa ating mga ipinangakong programa para sa ating mga kababayan — ang 𝗡𝗮𝗴𝗰𝗮𝗿𝗹𝗮𝗻 𝗙𝗼𝗼𝗱 𝗕𝗮𝘇𝗮𝗮𝗿.

Ang programang ito ay nabuo mula sa adhikain na 𝗯𝘂𝗵𝗮𝘆𝗶𝗻, 𝘀𝘂𝗽𝗼𝗿𝘁𝗮𝗵𝗮𝗻, 𝗮𝘁 𝗵𝗶𝗴𝗶𝘁 𝗽𝗮𝗻𝗴 𝗯𝗶𝗴𝘆𝗮𝗻𝗴 𝗽𝗮𝗴𝗸𝗮𝗸𝗮𝗸𝗶𝗹𝗮𝗻𝗹𝗮𝗻 ang mga produktong lokal at kulturang tunay na Nagcarlangin. Sa pamamagitan nito ay nabibigyan natin ng pagkakataon ang ating mga maliliit na negosyante, food vendors, at mga lokal na talento na maipakita ang galing at yaman ng ating bayan.

Kung kaya't patuloy po namin ang kayong inaanyayahan na patuloy po ninyong suportahan ang programang ito tuwing 𝗕𝗶𝘆𝗲𝗿𝗻𝗲𝘀 𝗮𝘁 𝗦𝗮𝗯𝗮𝗱𝗼, mula 𝗶𝗸𝗮-𝟱 𝗻𝗴 𝗵𝗮𝗽𝗼𝗻 𝗵𝗮𝗻𝗴𝗴𝗮𝗻𝗴 𝗶𝗸𝗮-𝟭𝟮 𝗻𝗴 𝗵𝗮𝘁𝗶𝗻𝗴𝗴𝗮𝗯𝗶. Sama-sama po nating buhayin ang lokal na produkto, kultura, at pagkakaisa ng bayang Nagcarlan.

02/05/2026

May sticker na ba ang lahat!? ✨

Grabe, sobrang kyuuut ng aming Baby Kala sa mga poses na ito! Nakaka-good vibes overload! 😍

29/04/2026

𝗔 𝗗𝗮𝘆 𝗶𝗻 𝗠𝘆 𝗟𝗶𝗳𝗲 𝗮𝘀 𝗮 𝗣𝘂𝗯𝗹𝗶𝗰 𝗦𝗲𝗿𝘃𝗮𝗻𝘁 🫡⚖️

Silipin po natin ang mga naging kaganapan sa 𝗶𝗸𝗮-𝟰𝟯 𝗻𝗮 𝗥𝗲𝗴𝘂𝗹𝗮𝗿 𝗻𝗮 𝗦𝗲𝘀𝘆𝗼𝗻 𝗻𝗴 𝗦𝗮𝗻𝗴𝗴𝘂𝗻𝗶𝗮𝗻𝗴 𝗕𝗮𝘆𝗮𝗻 𝗻𝗴 𝗡𝗮𝗴𝗰𝗮𝗿𝗹𝗮𝗻—kung saan tuloy-tuloy ang ating pagkilos at pagtutok sa mga programang naglalayong iangat ang kapakanan at kaunlaran ng bawat mamamayan.

28/04/2026

𝗧𝘂𝗹𝗼𝘆 𝗻𝗮 𝘁𝘂𝗹𝗼𝘆 𝗻𝗮 𝗮𝗻𝗴 𝗡𝗮𝗴𝗰𝗮𝗿𝗹𝗮𝗻 𝗙𝗼𝗼𝗱 𝗕𝗮𝘇𝗮𝗮𝗿! 🍡🍢

Lubos po ang aming kagalakan sa napaka-positibong pagtugon ng ating mga masisipag na manininda—umabot po sa 134 applicants kahit na maiksi lamang po ang panahon ng paanyaya sa publiko! Ipinapakita nito ang sigla at suporta ng ating komunidad.

Katuwang ang Lokal na Pamahalaan at ang bumubuong Komite para sa Nagcarlan Food Bazaar, sabik na sabik na kaming ihatid sa inyo ang isang masaya, masarap, at makulay na plano para sa lahat!

Tara na, Nagcarlan! Sama-sama po nating suportahan ang sariling atin at tikman ang tagumpay ng ating bayan! 🇵🇭

16/02/2026

𝗜𝗞𝗔-𝟯𝟯 𝗥𝗘𝗚𝗨𝗟𝗔𝗥 𝗡𝗔 𝗦𝗘𝗦𝗬𝗢𝗡 ⚖️

Dumalo at nakiisa ang inyo pong lingkod sa ika-tatlumpu't tatlo na Pangkaraniwang Pagpupulong ng Sangguniang Bayan na pinangunahan ng ating Acting Vice Mayor at Presiding Officer, Kgg. Laurence Sombilla, kasama ang mga miyembro ng ika-12 Sangguniang Bayan.