Brgy Taytay, Nagcarlan, Laguna

02/09/2026

01/09/2026

ANUNSYO

​PAKSA:: Pagrerehistro at Validasyon para sa Pantawid Pamilyang Pilipino Program (4Ps)

​Inaanyayahan ang lahat ng mga napiling pamilya at potensyal na benepisyaryo sa Barangay Taytay para sa gaganaping Community Assembly Validation.

​MGA MAHALAGANG PAALALA:

​Polisiya sa PhilSys ID: Ipinatutupad ang "No PhilSys, No Program Continuity". Ang lahat ng miyembro ng pamilyang benepisyaryo ay kinakailangang magpakita ng PhilSys ID o anumang patunay ng pagrehistro sa PhilSys hanggang Disyembre 31 ng kasalukuyang taon upang manatili sa programa.

​Mga Dokumentong Kailangang Dalhin:

>​ Lahat ng Miyembro: Birth Certificate, PhilSys ID o patunay ng PhilSys registration
> ​Kasal na Miyembro: Marriage Contract
> ​Yumaong Miyembro: Death Certificate
>​Mag-aaral: School Attendance Certificate at/o Valid School ID / Form 138
> ​Buntis at Bata (0-5 taong gulang): Health Attendance Certificate
> ​PWD: Person with Disability (PWD) ID at/o Medical Certificate

​DETALYE NG PAGTITIPON:

​Petsa ng Community Assembly Validation: SEPTEMBER 8, 2026 @9:00 AM
​Lugar (Venue): Municipal Gymnasium

​Para sa mga katanungan, reklamo, o alalahanin kaugnay ng ipinaskil na listahan ng kwalipikadong benepisyaryo, maaari itong ihain sa mismong iskedyul ng Community Assembly Validation.

​PINAGTIBAY NI:

​JASON SUSMERANO BISA
Punong Barangay

01/09/2026

SAMAHAN NATING BIGYANG BUHAY ANG ATING PASKONG BARANGAY!

​Maligayang Pasko po sa inyong lahat! Bilang paghahanda sa nalalapit na kapaskuhan, muli nating bubuksan ang ating kaabang-abang na "Barangay Christmas Village Display" sa unang linggo ng Disyembre, 2026.

​Upang mas mapaganda at mapakinang natin ang ating display, kami po ay humihingi ng inyong tulong at pakikiisa. Kung mayroon po kayong mga Christmas decor, ornaments, o anumang kagamitang pamasko na hindi niyo na ginagamit at nais ninyong ibahagi, mangyari po lamang na dalhin ito sa ating Barangay Hall o makipag-ugnayan sa ating mga opisyal ng barangay hanggang October 31, 2026..

​Bawat kagamitang inyong ibabahagi ay magbibigay ng ngiti at saya sa ating mga kabarangay, lalo na sa ating mga kabataan. Magtulungan po tayong bigyang liwanag at kulay ang ating barangay ngayong pasko!

​JASON SUSMERANO BISA
Punong Barangay

17/08/2026

PUBLIC SERVICE ANNOUNCEMENT

Magandang araw sa ating mga kabarangay.

​Nakarating po sa ating tanggapan ang maselang kalagayan ng isa sa ating mga kabarangay na si Huan Treblig Vistal, anak ng ating kabarangay na si Gilbert Vistal. Si Huan ay kasalukuyang nasa Intensive Care Unit (ICU) dahil sa sakit sa puso, kidney, at tubig sa baga.

​Dahil dito, ang Pamahalaang Barangay ay taos-pusong nanawagan ng tulong at suporta—pinansyal man o panalangin—mula sa sinumang may mabuting kalooban para makatulong sa patuloy na gamutan at medical expenses ng bata.

​Para sa mga nais magpaabot ng tulong:

>​Ama ng Bata: Gilbert Vistal

>​Pasyente: Huan Treblig Vistal (Nasa ICU)

>​Pakipag-ugnayan: Maaaring magtungo sa Tanggapan ng Barangay o makipag-ugnayan nang direkta sa pamilya Vistal para sa inyong mga donasyon.

​Ang anumang halaga na inyong maipapaabot ay malaking tulong upang maipagpatuloy ang lunas para kay Huan. Maraming salamat po sa inyong kabutihang-loob at patuloy na pagtutulungan.

PAALALA: Maging mahinahon at sensitibo sa mga komento.

​Mula sa Tanggapan ng Punong Barangay

Jason Susmerano Bisa

10/08/2026

Isang matagumpay na pagpupulong para sa mas malaki at mas masayang pagdiriwang!

​Mula sa Pamahalaang Barangay ng Taytay, taos-puso po kaming nagpapasalamat sa lahat ng samahan at organisasyong naging katuwang natin sa paghahanda at pagbabalangkas ng programa para sa 25th Silver Anniversary Celebration ng PAY-HAN FESTIVAL.

​Dahil sa inyong suporta at pakikiisa, mas nadarama natin na Team Work Makes The Dream Work! Maraming salamat po sa inyong walang sawang paglilingkod sa ating komunidad.

​

10/08/2026

🎉🔥 TAYTAY, HANDA KA NA BA?! 🔥🎉

Isang makulay, masigla at makabuluhang selebrasyon ang naghihintay sa ating lahat! 💙❤️💛💚

Ipinagmamalaki natin ang 25th Silver Anniversary Celebration ng PAY-HAN FESTIVAL 2026! 🥳✨

📅 SEPTEMBER 17–21, 2026
📍 TMES COVERED COURT

Limang araw ng kasiyahan, paligsahan, talento, tradisyon at pagkakaisa ang ating pagsasaluhan! Mula sa Parada ng Barangay, Gabi ng Barangay, Quiz Bee, MR. & MISS TEEN'S, Fun Run, Zumba, Foam Party, Palaro ng Lahi, Senior Citizen Events, Munting Ginoo at Munting Mutya, hanggang sa Amateur Singing Contest—may lugar ang bawat isa! 🎊🏃‍♀️💃🎤👑

🤝 Dahil ang tunay na saya ng Pay-Han Festival ay nagmumula sa PAGTUTULUNGAN. ❤️ Ang tunay na lakas ng ating barangay ay nasa PAGKAKAISA. 🏆 At ang tunay na tagumpay ay ang sama-samang pagdiriwang ng buong Barangay Taytay!

Tara na, Taytay! Sama-sama nating ipakita ang ating tradisyon at kultura 💪🔥

PAY-HAN FESTIVAL 2026
✨ 25 Years of Tradition, Unity & Celebration! ✨

TAYTAY, TAYO NA! 🎉🙌

09/08/2026

🎉 PAY-HAN 2026: GRAND RAFFLE DRAW! 🎉

​Kasamang nagdiriwang sa ating 25th Silver Anniversary Celebration, inaanyayahan po namin ang lahat na lumahok at sumuporta sa ating Grand Raffle Draw!

​Ang bawat ticket na inyong bibilhin ay may malaking tulong. Ang lahat ng proceeds o kikitain mula rito ay gagamitin para sa mga gastusin sa pagdaraos ng ating Festival, pati na rin sa mga overhead costs at iba pang expenses upang masigurong magiging masaya, ligtas, at matagumpay ang ating selebrasyon!
​Sa halagang ₱10.00 kada ticket, may pagkakataon na kayong manalo ng mga sumusunod na kapana-panabik na premyo:

​🎁 MGA PREMYONG MAARING MAPALUNAN:

GRAND PRIZE: Single Tub Washing Machine 🧺

1st Prize: 25 Kilos of Rice 🌾

2nd Prize: Electric Fan 🍃

3rd Prize: Rice Cooker 🍚

​Plus 10 Consolation Prizes of 5 Kilos of Rice! 🌾

​📋 MECHANICS NG RAFFLE DRAW:

1. ​Bumili ng Ticket: Bukas ang raffle sa lahat! Ang bawat ticket ay nagkakahalaga ng ₱10.00 lamang.

2. ​Kumpletuhin ang Detalye: Siguraduhing sulatan ang STUB ng ticket ng inyong kumpletong Pangalan (Name), Purok, at Contact Number bago ito ihulog sa ating official drop box.

3. ​Keep Your Ticket: Itabi ang inyong hawak na ticket body bilang patunay ng inyong paglahok.

4. ​Draw Date: Ang pagbola ay gaganapin sa September 18, 2026 (Biyernes), sa ganap na 7:00 PM.

5. ​Anunsyo ng Nanalo: Ang mga mapipiling maswerteng stub ay i-aanunsyo nang live/sa ating opisyal na pahina. Ang mga mananalong hindi makakadalo ay kokontakin gamit ang numerong inilagay sa stub.

​Mag-enjoy na, makakatulong pa kayo sa ating komunidad! Bili na ng inyong mga ticket sa mga itinalagang organizers sa inyong mga purok.

​Sama-sama nating buhayin ang diwa ng PAY-HAN 2026! 🥳✨

​

07/08/2026

✨CALL FOR NOMINATIONS: SINO ANG INYONG "TANGLAW" NG BARANGAY?✨

​May kilala ka bang ka-barangay na laging handang tumulong nang walang hinihintay na kapalit? Isang kabataan na nagbibigay-inspirasyon? O isang lider-komunidad na nagsisilbing liwanag sa oras ng pangangailangan?

​Ito na ang pagkakataon upang sila ay pasalamatan at kilalanin sa darating na Pay-Han Festival: Gabi ng Barangay! 🌾🌟

​Bukas na po ang nominasyon para sa Gawad Tanglaw ng Barangay! Ipadala ang pangalan ng mga indibidwal o grupo na sa tingin ninyo ay karapat-dapat sa mga sumusunod na kategorya:

​🏅 Gawad Natatanging Lingkod (Para sa mga masisipag na Barangay Frontliners/Volunteers)

🏅 Gawad Binhi ng Pag-asa (Para sa mga huwarang Kabataan/Youth Leaders)

🏅 Gawad Haligi ng Komunidad (Para sa mga Local Entrepreneurs/Seniors/NGOs na natatangi ang ambag)

​Huwag hayaang mapasalamatan lang sila sa isip—ipagmalaki natin sila sa buong barangay! 🤝❤️

​👇 Tingnan ang buong mekanismo at kwalipikasyon sa ibaba. 👇

​

07/08/2026

Anunsiyo Publiko!!
Sa nawawalan Po ng Cellphone na ito mangyari pong kunin Po Dito sa barangay nakuha Po ito ni kuya Allan Dorado sa kanyang tindahan ng Mami, maraming salamat po