Malabon City Youth Development Unit

18/06/2026

18/06/2026

18/06/2026

18/06/2026

KAPAG HANDA ANG MGA BATA, MAS LIGTAS ANG BUONG KOMUNIDAD

Para kina Sirine Jezebel Sunga, Grade 6 student, at Teacher II Jovelyn C. Alfonso, naging mahalagang karanasan ang kanilang paglahok sa 2nd Quarter Nationwide Simultaneous Earthquake Drill (NSED) dahil mas naunawaan nila ang tamang pagtugon sa oras ng lindol at iba pang emerhensiya.

Para kay Sirine, mahalaga ang mga pagsasanay sa lindol upang maging handa.

“Kapag palagi po namin itong napapraktis, mas alam na namin ang tamang gagawin. Mas mataas po ang tsansa na may maligtas,” aniya.

Samantala, para kay Gng. Alfonso, nakatutulong ang mga simulation upang mas maging kalmado ang mga mag-aaral.

“Mahalaga po ito dahil nagkakaroon ng kaalaman ang mga bata para hindi sila mag-panic kung sakaling mangyari ang The Big One."

Nagpasalamat din sila kay Mayor Jeannie Sandoval at sa lahat ng katuwang sa pagsasagawa ng earthquake drill na tumutulong sa paghahanda ng mga mag-aaral at komunidad sa oras ng sakuna.

18/06/2026

Ang Pusong Ama sa Likod ng Paglilingkod

Bilang ama, Chairman ng Red Cross Malabon, at Unang Ginoo ng Lungsod ng Malabon, patuloy na isinasabuhay ni former congressman Ricky Sandoval ang malasakit at paglilingkod, mga pagpapahalagang kanyang ibinabahagi hindi lamang sa komunidad kundi lalo na sa kanyang pamilya.

Sa kanyang tahanan nagsisimula ang mga aral ng pagmamahal, pananagutan, at pagiging huwaran. Naniniwala siya na ang pagiging ama ay higit pa sa pagbibigay ng pangangailangan, ito ay pagiging gabay, inspirasyon, at matatag na sandigan sa bawat yugto ng buhay ng pamilya.

Kaagapay ni Mayor Jeannie Sandoval sa layuning maiangat ang buhay ng bawat Malabueño, patuloy din niyang iniaalay ang kanyang oras at serbisyo upang makatulong at makapagbigay pag-asa sa kapwa.

Ngayong papalapit ang Father's Day, binibigyang-pugay natin ang lahat ng ama na tahimik ngunit buong pusong nagsasakripisyo, nagmamahal, at nagsisilbing inspirasyon sa kanilang pamilya at komunidad. 💙

18/06/2026

⏰ MAMAYA NA ang Second Quarter Nationwide Simultaneous Earthquake Drill (NSED)!

Inaanyayahan ang lahat ng Malabueños na makiisa sa 2nd Quarter Nationwide Simultaneous Earthquake Drill (NSED) ngayong Hunyo 18, 2026, ika-9 ng umaga.

Inaabisuhan ang publiko na sabay-sabay na makiisa sa pagsasanay sa loob ng inyong mga tahanan, paaralan, opisina, at mga establisimyento.

📍 Maging ang mga kliyenteng may kasalukuyang transaksyon sa City Hall sa oras na ito ay kinakailangang makikilahok din sa aktibidad bilang bahagi ng ating paghahanda sa sakuna.

Sa oras ng drill, tandaan ang Duck, Cover, and Hold para sa kaligtasan ng lahat.

Sama-sama nating palakasin ang kahandaan at kaligtasan ng bawat Malabueño.

18/06/2026