Discover Malabon

07/09/2022

Ang musika ay tubig sa himpapawid at ang ating mga tainga ang daluyan nito. May memorya, may ala-ala, at may kasaysayan. Kapag humuni na ang hangin, malilimutan mo pa ba ang himig? Ating kilalaning lubos ang bandang nagbigay pugay sa lungsod sa mga nakalipas na panahon kasama na ang mga magigiting at talentadong tagapagtatag mula umpisa hanggang sa kasalukuyan.

Noong panahon ng Espanyol nabuo ang Malabon Musikong Bumbong (MMB) ng Tonsuya Malabon Rizal sa pangunguna ni Felix Ramos taong 1896. Ang bandang ito ay orihinal na tinawag na “Banda de Boca” na ang ibig sabihin ay walang instrumentong ginagamit kundi pawang mga boses lamang upang gayahin ang tunog ng banda de metal (brass band) tulad ng trumpet, trombone, clarinet at iba pa. Ang mga unang instrumentong kawayan na nalikha at ginamit ng banda ay puro diretso lamang ang itsura o walang hulma at korte. Noong panahon ng mga amerikano, nagbago ang hulma ng mga instrumento ng MMB sapagkat ginaya nila ang itsura ng mga instrumentong dala ng mga banyaga. Katipunero ang kauna-unahang dalawampu’t walong miyembro ng banda, kabilang ang nagtatag nito – na ginamit ang kanilang natatanging talento sa musika upang mabuhay ang mga aktibidad sa sining. Noong kasagsagan ng rebolusyon ni Andres Bonifacio, makasaysayan ang naging kontribusyon ng banda. Upang maitago ang mga sandata ng mga katipunero, isinilid nila ang mga ito sa loob ng mga kawayang instrumento ng banda – na noon ay nakatakdang itawid sa pugad lawin. Nang mga panahong ito ay kapistahan ng San Bartolome at kaya’t ginamit ang pagkakataong ito upang ipuslit ang mga armas.

Taong 1896 pinalitan ni Felix Ramos ang pangalan ng banda at ito ay tinawag na Banda Harikos (Hari-Ako) sa kadahilanang ayaw magpatalo ng isa’t isa sa tuwing may diskusyon ang banda tungkol sa musika na kanilang ine-ensayo. Taong 1921 sina Magno Ramos at Marcelo de Silva ang namuno sa MMB, sila ay mga anak ng mga naunang miyembro ng banda. Muling napalitan ang pangalan ng banda at naging Banda Filipina dahil nagkaroon na sila ng mga miyembrong babae, ngunit hindi rin ito nagtagal sapagkat naging dahilan ito ng pagkakaroon ng ligawan sa grupo. Kalaunan, ibinalik ni Magno Ramos ang pangalang Banda Harikos dahil sa kahilingan ng mga orihinal na miyembro ng banda at pati na rin ng pamilya Ramos taong 1931. Taong 1946 ibinalik muli ang pangalang Banda Filipina dahil sa kagustuhan ng mga miyembrong mula sa ikalawang henerasyon na noo’y sila nang nagsisilbing nakatatanda sa banda.

Nabigyang pagkakataon ang bandang Malabon Musikong Bumbong na mag-martsa sa harap ng Independence Grandstand (Quirino Grandstand) noong 1936 bilang pagtatanghal sa paggunita ng araw ng kalayaan. Ang mga musikero ay nagmistulang mga katipunero dahil sa kanilang malikhaing kasuotan na ikinatuwa ng noo’y pangulong Manuel L. Quezon. Ang banda ay natampok rin sa iba’t ibang magasin at pahayagan noong 1977 – binubuo ito ng ikalawa, ikatlo, at maging ang mga bagong miyembro o ikaapat na henerasyon ng banda.

Taong 1968, nang maging miyembro ang ngayo’y namumuno sa banda na si Gilbert Ramos. Siya ay nagtapos sa Unibersidad ng Sto. Thomas Conservatory of Music, Major in Band and Orchestral Conducting noong 1986 – aniya, upang mapaganda at maitaas ang kalidad ng mga instrumento at pagtugtog ng MMB. Sa edad na anim na taong gulang siya ay natuto sa paggamit ng instrumento at siya rin ang pinakabatang miyembro noon sa banda. Taong 1985 pinalitan niya ang pangalan nito at naging St. Anthony Original Bamboo Band bilang pagbibigay galang kay Patron Saint, San Antonio de Padua ng Tonsuya Malabon. Taong 1993 ibinalik niya ang pangalang Banda Filipina sa kahilingan ng mga kaanak ng ikalawang henerasyon. Sa pagdami ng mga ikalimang henerasyon na miyembro ng banda, sila’y humiling na ibahin muli ang pangalan ng banda at maging Musikawayan ito taong 2008. Taong 2018 hanggang sa kasalukuyan, Malabon Musikang Bumbong na ang pangalan ng banda. Ang mga instrumento na ginagawa ni Gilbert Ramos ay Marimba, Angklung, Bumbong, Gabbang (Diatonic), Gabbang (Chromatic), Kulingkling, Gabandil, at Rambong (Bass) na kaniyang ibinebenta sa mga paaralan sa kahilingan ng mga g**o sa musika at LGU’s. Sa kasalukuyan ang banda ay binubuo ng dalawampu hanggang dalawampu’t limang miyembro.

Nakatanggap ng “Gawad Sentenaryo ‘98” ang bandang Malabon Musikong Bumbong taong 1998 at kasabay nito ang pagbibigay parangal kay Gilbert Ramos bilang “Tanging Pagpapahalaga” dahil siya ay naging Best Conductor sa ginanap na ASEAN Combined Police Band in Concert.

Source: Gilbert Ramos, 4th Generation Descendant of Felix Ramos

02/09/2022

ALAM MO BA?

“Tambobong” ang orihinal na pangalan ng lungsod dahil sa kasaganahan nito sa puno ng tambo (tiger grass) na siyang ginagamit panlinis ng mga kabahayan. Bukod sa tambo sagana din ang Malabon sa labong (bamboo shoot) kaya naman tinawag rin itong “Malabong”. Ang labong ang pangunahing sangkap ng Pancit Malabon, ito ang ginagamit bilang noodles noon, at dahil ang Malabon ay napapalibutan ng mga anyong tubig, sagana ito sa mga pagkaing dagat tulad ng tahong, talaba, pusit, isda at iba pa, na siya namang isinasahog at ipinang iibabaw sa Pancit.

31/08/2022

Lasa ng pagmamahal, dedikasyon at pangarap ng isang ina sa nakalipas na labindalawang dekada ang patuloy na nagpapasarap ng timpla sa kusinang Pinoy. Tayo’y magbalik-tanaw sa pinag-mulan ng sikat na Rufina Patis sa Malabon.

Ang Rufina Patis ay na-diskubre ng isang may-bahay sa Malabon na si Rufina Salao de Lucas taong 1900. Siya ay isang tindera ng isda na kagaya ng nakararami ay naghahanap rin ng paraan kung paano ma-preserba ang mga natitira. Noong una ay naisipan niyang gawin itong bagoong para sa kaniyang pamilya. Dinudurog niya ang mga isda na hinaluan ng asin at inilalagay ito sa isang banga, doon ay na-diskubre niya ang pampalasang patis na nagbibigay dagdag linamnam sa ating mga katutubong pagkain. Nagsimula siya sa puhunang 50 pesos at mga banga sa kaniyang bahay-kubo. Taong 1941, marami na ang tumangkilik sa Rufina Patis kaya nagdesisyon si Ginang Lucas na gumamit na ng malalaking kahoy na bariles upang gamitin pangsala ang mga ito at maging malinis ang paggawa ng produkto.

Sa pag-lago, at pagbilis ng kanilang produksyon ng Rufina Patis, ito ay nakapasok sa iba’t ibang pamilihan. Hindi kalaunan ay naipatayo ni Ginang Lucas ang unang Processing and Bottling Plant ng Rufina Patis sa C. Arellano Street taong 1957. Sa paglipad ng kaniyang anak na si Jesus S. Lucas sa Estados Unidos taong 1958, nakita niya ang malaking potensyal ng kanilang produkto kung ito ay mailuluwas sa nasabing bansa, lalo na sa mga lugar na kung saan maraming Filipino. Ang Rufina Patis ay nagpasa ng maraming sampol sa Federal Government kaya naman sila ay nabigyang awtorisasyon upang makapagbenta sa American Market.

Noong 1968 ang Rufina Patis ay nagtayo ng kanilang pangalawang Processing and Bottling Plant sa Bonifacio Street corner Naval at dahil dito dumoble and produksyon nila ng patis.

Nakatanggap siya ng parangal sa Business Writers Association of the Philippines (B.W.A.P) mula kay dating Pangulong Carlos P. Garcia para sa kaniyang ‘”Vision, Ingenuity, Industry, Leadership and Determination.” Ginawaran siya ng The Lions Club of Malabon noong 1968 para sa kaniyang kontribusyon sa larangan ng bahay paggawa.

Si Ginang Lucas ay pumanaw noong taong 1961 kaya naman ang kaniyang anak na si Jesus Lucas ang nagpatuloy ng kanilang negosyo at naging General Manager ng kumpanya.

29/08/2022

Pagpupugay sa ating mga Pambansang Bayani.

8.29.22

26/08/2022

ALAM MO BA?

Tinaguriang “The City of Taste and Heritage” ang Malabon dahil sa mga kilalang pagkain dito tulad ng Pancit Malabon, Kakanin, Quekiam, Valencia Triangulo at marami pang iba. Ang El Casa Katipunero, Raymundo House, Magno House, ay ilan lamang sa mga pamanang bahay na habang tumatagal ay mas lalong gumaganda. Matatagpuan din dito ang daang taon gulang na mga simbahan na napakayaman ng kasaysayan. Ang lungsod ng Malabon ay nasa loob ng pamamahala ng Province of Tondo noong ika-17 siglo na kalaunan ay naging parte ng Province of Rizal. Taong 1975, naging bahagi ito ng Metro Manila at noong 2001 sa ilalim ng Republic Act no. 9019 na-proklama ito bilang isang Lungsod. Ang lungsod ng Malabon ay napalilibutan ng tatlong malalaking ilog – Malabon-Navotas, Tinajeros at Tullahan – ang Malabon ay minsan nang naging fishing village na may masaganang pagkaing-dagat.

24/08/2022

Bilang pakikiisa sa pagdiriwang ng Buwan ng Kasaysayan. Ating tuklasin ang nakaraan na nagbigay ng mayamang kultura sa kasalukuyan.

Ngayong ika-24 ng Agosto, ipinagdiriwang natin ang kapistahan ng Santo at Simbahan ng San Bartolome. Makasaysayan ang simbahang ito dahil bukod sa ito ay higit apat na daang taon na mula ng ito’y maitatag, ang kapistahan ng San Bartolome ay may malaking ambag sa pag-aaklas ng mga Katipunero laban sa mga Kastila.

Noong 1896, nagpatawag ng pagpupulong ang Supremo ng Katipunan na si G*t Andres Bonifacio, at dahil ang mga kastila ay naghigpit upang maiwasan ang pag-aaklas ng mga Pilipino laban sa kanila. Ang kapistahan ay naging daan ng mga katipunero upang maisatuparan ang kanilang plano na magdala ng tabak (bolo) na hindi makukuwestiyon ng mga nagbabantay na kastila at masabing sila ay nakikiisa lamang sa Kapistahan ni San Bartolome. Dahil ang santo ay kilala sa pagdadala ng tabak at bibliya na siyang sumisimbolo sa kanyang katapangan at pagnanais na mapalawig ang pagkilala sa kristiyanismo, kaya naman ang kapistahan ay hindi lang kilala sa makasaysayang pagkakatatag nito kundi pati narin sa kaganapan na siyang nagbigay buhay sa pag-laya natin sa mga Kastila.

Neto lamang ika-11 ng Agosto 2022 ay itinanghal bilang “Important Cultural Heritage” ang San Bartolome Church ng National Musem of the Philippines, nakasaad rin bilang “Important Cultural Property” na mapangalagaan sa bisa ng batas R.A 10066 o “National Cultural Heritage Act” ang naturang simbahan.

17/08/2022

01/08/2022

Ang buong Kagawaran ng Turismo - Pambansang Punong Rehiyon ay nakikiisa sa pagdiriwang ng Buwan ng Pambansang Wika 2022 na may temang “𝗙𝗶𝗹𝗶𝗽𝗶𝗻𝗼 𝗮𝘁 𝗺𝗴𝗮 𝗞𝗮𝘁𝘂𝘁𝘂𝗯𝗼𝗻𝗴 𝗪𝗶𝗸𝗮: 𝗞𝗮𝘀𝗮𝗻𝗴𝗸𝗮𝗽𝗮𝗻 𝘀𝗮 𝗣𝗮𝗴𝘁𝘂𝗸𝗹𝗮𝘀 𝗮𝘁 𝗣𝗮𝗴𝗹𝗶𝗸𝗵𝗮.”
Nawa’y maging bukas ang ating puso’t isipan na hagkan ang wikang siyang naging kasangkapan sa pagtuklas at paglikha.
Mabuhay ang Wikang Katutubo! Mabuhay ang Wikang Filipino!

12/06/2022

Maligayang Araw ng Kalayaan Pilipinas!

07/06/2022

Congratulations to the winners of Culinary Contest: Malabon's Best Lugaw!

The CTCAO awarded the winners yesterday at the 6th Floor Session Hall.

Congratulations to:
1st Winner: Lola Ching's Lugawan in Barangay Dampalit
2nd Winner: Loida's Lugawan in Barangay Tugatog
3rd Winner: Reynaldo's Lugaw na Dilaw in Barangay Hulong Duhat

We are excited for our upcoming projects with the winners!

07/06/2022

📣Announcing the NCCA Gallery’s Call for 2023 Exhibition Proposals

📌Period of Submission: 15 June 2022 – 15 August 2022

The National Commission for Culture and the Arts (NCCA) will be opening applications for the Call for 2023 Exhibition Proposals on 15 JUNE 2022.
All chosen exhibitions shall be executed with the support of the NCCA.

📌Eligibility
Open to any Filipino citizen or any group or institution based in the Philippines.

📌Application Procedures
All applications will be accepted only through the provided Google Forms link that will be available on 15 June 2022.
1. State your Exhibition Title, Preferred Month of Exhibition, Type of Exhibition (Solo or Group), Name of Applicant (Solo or Group), and a Contact Person with their details;
2. Curatorial Brief;
3. Statement of the artist/s about the exhibition;
4. Artist/s portfolio inclusive of updated bio data, photos of sample artworks with details, and any previous write-up about the artist/s. Only up to FIFTEEN (15) pages of attachments shall be considered.

📄For more information on the 2023 Call for Exhibition Proposals, visit: https://ncca.gov.ph/2022/05/31/ncca-announces-2023-call-for-exhibition-proposals/

🔗See our 2022 Exhibits here: https://bit.ly/NCCAGallery

✉️For any questions and/or concerns, please contact: [email protected]