21/08/2021
Project GERALD, Building a More Disaster Resilient Communities
Ang Project GERALD kon Go for Emergency Readiness with Active Leaders against Disaster, mao ang flagship program/project sa liderato ni Mayor Geraldford N. Balbin sa hisgutanan sa disaster management.
Usa kini ka community-based approach sa disaster management diin gipataas ang kapasidad sa matag barangay lakip na ang mga puroks sa tibuok lungsod aron mamahimo kining andam sa pagtubag sa hagit nga dala sa mga kakuyaw samtang wala pa kini nahitabo, panahon sa panghitabo ug pagkahuman sa panghitabo.
Ang Project GERALD adunay unom ka components.
1. Conduct of CBDRRM and CRA
Kabahin sa Community Based Disaster Risk Reduction and Management (CBDRRM)/ Community Risk Assessment (CRA) mao ang pagtuki sa mga kapasidad ug pagka bulnerable sa komunidad aron maoy mamahimong sukaran o basehan sa mga aktibidadis nga itunol kanila. Apil na niini ang pagplastar sa ilang BDRRM Committee, Purok Based Hazard Mapping, Hazard Identification and Prioritization, Capacities and Vulnerabilities Assessment and Risk Analysis.
2. Participatory DRRM Planning
Ubos niini nga component mao ang paghimo sa DRRM Plan nga gisalmutan sa mga representante sa mga nagkadaiyang sektor o stakeholders sa komunidad. Ang DRRM Plan molangkob sa mga pamaagi aron matubag ang mga nailang mga posibleng risgo o problema sa wala pa, panahon o pagkahuman sa kakuyaw o katalagman.
3. Formulation of SOPs and Contingency Plans.
Kabahin niini mao ang pagmugma og mga systems and protocols nga posible gamiton panahon sa emehensiya. Himuan og Contingency Plan ang matag naila nga hazard sama sa Bagyo, Baha, Landslide, Linog ug Gyera. Molangkob usab niini ang pagmugna sa mga Incident Management Team (BIMT) ug Emergency Operation Center (EOC). Apil usab ang pag ila sa mga partner stakeholders aron makamugna og kasabutan pinaagi sa Memorandym of Agreement/Understanding.
4. Conduct of IEC Activities
Human ma plastar ang mga systems, protocols ug mga plano, ipakaylap kini ngadto sa katawhan aron sila isip usab nga end-users niini makabalo sa ilang mga kaakuhan ug responsibilidad kabahin sa disaster. Kini ginahimo pinaagi sa pagpatigayon og Barangay and Purok DRRM Assemblies. Usa o tunga sa adlaw nga activity aron sa paghisgot lamang sa mga issues and concerns kabahin sa DRRM.
5. Conduct of Capability Building Activities
Niini nga bahin, gihatagan og mga trainings, seminars and orientations ang mga community disaster volunteers sa matag barangay apil na ang mga lideres niini. Pipila sa mga trainings nga gihatag mao ang mga mosunod:
1. Basic Incident Command System
2. Emergency Operation Center Management
3. Rapid Damage Assessment and Needs Analysis
4. Evacuation and Camp Management
5. Early Warning and Communication
6. Emergency Relief Operations
7. Basic/Standard First Aid
8. Basic Life Support/ Cardio Pulmonary Resuscitation
9. Water Safety
10. Basic Rope Technique/ Rescue
11. Fire Suppression
6. Conduct of Community Based Simulation Exercises/ Community Drills
Kini nga component mao ang mosumada sa nahisgutan nga lima ka components. Pinaagi sa simulation exercises o drill masuta kung tama o epektibo ba ang mga systems and protocols nga namugma. Diri usab makita kung unsa pa ang mga kulang og unsa ang angayan pa nga e improve. Target sa matag drill nga himuon ang partisipasyon sa dili moubos 80% sa kinatibuk-ang ihap nga naila nga populations at risk sa matag barangay.
Mahinumduman ang lungsod sa New Bataan maoy usa sa mga gitawag og hardly hit municipalities adtong Bagyong Pablo. Tungod niini buot sa atong halangdong Mayor Geraldford N. Balbin nga palig-onon ang sistema sa matag barangay lakip na ang munisipyo sa hisgutan sa DRRM pinaagi sa iyang hugot nga pagsuporta sa mga kalihukan nga nagtumong sa maghimo og usa ka DISASTER PREPARED AND RESILIENT NEW BATAAN.
Ang Pamilyang Andam Layo sa Katalagman.
