20/11/2021
Good eve Sirs/Maams of the media:
Pahayag ni PBGEN JONNEL C ESTOMO, RD, PRO5
Sa angyaring pananakit ng ranking opiser ng PRO5 sa isang PNCO
Nobyembre 19, 2021
"Lubos ang pagkalungkot ng buong hanay ng PNP Bicol sa insidente ng pananakit ng isang ranking officers laban sa isa sa mga tauhan sa Regional Mobile Force Battalion (RMFB) 5 nitong Nobyembre 12, 2021 dakong 12:30 ng madaling araw.
Ang sana’y masayang pagdiriwang ng kaarawan ay nauwi sa isang pangyayaring nagresulta sa habang buhay na pagkawala ng paningin ng isa sa mata ng ng biktima na si PMSG Ricky S Brabante.
Kaugnay nito, inatasan ni PBGEN JONNEL C ESTOMO, RD, PRO5 ang pagsasagawa ng agarang imbestigasyon upang linawin at tuklasin ang tunay na detalye ng pangyayari.
Nang malaman ang insidente, agad na nakipagugnayan si RD ESTOMO sa Director ng Aviation Security Group at inerokomenda ang pagsibak sa pwesto ng opisyal na siyang itinuturing na suspek sa pangyayari. Ito ay kinilalang si PCOL DULNOAN D DINAMLING JR, miyembro ng PNP Class-1997 na ngayon at nakatalaga bilang Regional Commander ng Aviation 5. Inirekomenda rin ni RD ESTOMO ang pagsasampa ng kasong administratibo kay PCOL DINAMLING JR.
Maging ang Battalion Commander ng RMFB ay na relieved din sa kanyang posisyon.
Samantala, si PMSG Brabante naman ay kasalukuyang nagpapagaling mula sa kakatapos lamang na operasyon. Kinailangan tanggalin ang kanyang kanang mata upang maiwasan ang maaring maging kumplikasyon nito. Si Brabante ay nawalan ng isang mata na habang buhay na magmamarka bilang isang masalimuot na pangyayari.
Bilang paunang tulong sinagot ng pamunuan ng PRO5 ang lahat ng gastuhin sa pagpapagamot at bayarin sa ospital ng biktima.
Personal namang nakausap ni RD ESTOMO si PMSG Brabante upang alamin ang kalagayan nito. Ibinigay ni RD ESTOMO ang pagpapasya sa biktima kung ito ay magkakaso laban sa opisyal. Kinumpirma rin nya ang pagsuporta sa magiging pasya ng biktima.
Sa katunayan, ipinag-utos nito ang pagbuo ng “Special Investigation Task Group (SITG) Brabante” upang manguna sa imbestigasyon ng kaso.
Hindi pahihintulutan ng pamunuan ng PNP Bicol ang pananamtala sa pagamit ng posisyon at pagamit ng dahas sa hanay nito. Mananatiling pantay at patas ang pagdinig sa usaping ito. Makakaasa ang lahat sa maagap at agarang pag-aksyon upang maresolba ang isyu."
