What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

DA-PHilMech

Advancing Philippine agriculture through research, development, extension, and commercialization of innovative postharvest and mechanization technologies.

The Philippine Center for Postharvest Development and Mechanization (PHilMech) is an attached agency of the Department of Agriculture created through Executive Order 366 in 2004 and is mandated to generate, extend and commercialize appropriate and problem-oriented agriculture and fishery postharvest and mechanization technologies.. PHilMech was previously called the Bureau of Postharvest Research and Extension (BPRE) and the National Postharvest Institute for Research and Extension (NAPHIRE).

02/06/2026

𝐖𝐞𝐛𝐢𝐧𝐚𝐫 | The PHilMech–Innovation and Technology Support Office (ITSO) is inviting participants for the 5th batch of the Foundation Course on Intellectual Property Rights this coming June 9, 2026 at 8:00 AM to 12:00 NN via Zoom.

To join, register here: https://forms.gle/Foc4hRsr28ZxDDAW6

01/06/2026

𝐏𝐫𝐨𝐜𝐮𝐫𝐞𝐦𝐞𝐧𝐭 | INVITATION TO BID

SUPPLY AND DELIVERY OF VARIOUS I.T. SUPPLIES AND EQUIPMENT (PHilMech-Goods-26-06-11-Rebidding)

The Bidding Documents may be downloaded free of charge from the website of the Modernized Philippine Government Electronic Procurement System (mPhilGEPS) or via the link below provided that Bidders shall pay the applicable fee for the Bidding Documents before submission.

Download here:
https://bit.ly/4o0IwTT

28/05/2026

𝐏𝐇𝐢𝐥𝐌𝐞𝐜𝐡 𝐚𝐭 𝟒𝟖 | PHilMech RDE projects, kinilala sa 46th in-house review

Idinaos ng PHilMech ang ika-46 na Agency In-House Research and Development Review noong May 25–26 sa PHilMech Auditorium sa Science City of Muñoz, Nueva Ecija. Dinaluhan ito ng mga researchers, evaluators, at mga opisyal mula sa iba’t ibang academic institutions. Layunin ng programa na maipakita ang mga makabagong teknolohiya at idea na makatutulong sa mga magsasaka at sa sektor ng agrikultura.

Sa unang araw ng aktibidad, isinagawa ang opening program na pinangunahan ni Deputy Director Joel V. Dator at ang review proper kung saan ipinresenta ang iba’t ibang research projects kaugnay ng agricultural mechanization at bio-process engineering. Ang mga presentasyon ay sinuri ng mga eksperto upang matukoy ang best paper at top-performing research.

Kinilala bilang Best Paper ang pag-aaral na Utilization of By-Products and Wastes from Sweet Potato Production for Industrialization Application, na pinangunahan nina Lorena N. Miranda, Ph.D., Andres M. Tuates Jr., Ph.D., Ofero A. Capriano, Ph.D., Deofre John A. Antonio, at Edgar D. Flores.

Sa kanyang pangwakas na mensahe, binigyang-diin ni Director IV Dionisio G. Alvindia na ang PHilMech ay isang institusyong pananaliksik na nakatuon sa pagpapababa sa postharvest losses. Ipinahayag din niya ang kanyang hangarin na mas marami pang de-kalidad na pananaliksik ang maihahain sa susunod na R&D Review, bilang patunay ng patuloy na pagpapalakas ng pananaliksik at inobasyon sa ahensya.

Ang taunang R&D Review ng PHilMech ay nagsisilbing plataporma para sa mga mananaliksik ng ahensya upang maipresenta at mapahusay ang kanilang mga pag-aaral sa pamamagitan ng makabuluhang puna mula sa mga ekspertong tagasuri, gayundin bilang paghikayat sa pagpapatibay ng pangako ng PHilMech sa kahusayan sa pananaliksik para sa kapakinabangan ng mga magsasakang Pilipino at ng sektor ng agrikultura.

Best Paper (Research Category)
1st Place: Utilization of By-Products and Wastes from Sweet Potato Production for Industrial Applications
Lorena N. Miranda, Ph.D., Andres M. Tuates, Jr, Ph.D., Ofero A. Capariño, Ph.D., Deofre John A. Antonio, Edgar D. Flores

2nd Place: Enhancing the Socio-Economic Viability of Mechanized Rice-based Farming Systems in the Philippines; RCEF Baseline and Impact Assessment
Hernaiz G. Malanon, Ph.D., Rodelio G. Idago, Ph.D., Gigi B. Calica, Ph.D., Genie Marie D. Galapon, Mery Jane G. Manzano, Aiza Donette S. Dominguez, Cher Hyacinth T. Benedicto,Ria S. Mempin, Nimfa Mae F. Duldulao, Karen C. Pioquinto, Kiezer Lanz C. Landingin, Lira Amor V. Gallardo, Kristina Aira A. Paat, Czarina Faye M. Avelino, Mark Phillip V. Balbin

3rd Place: Value Chain Improvement of Onion in Major Producing Areas in the Philippines
Ma. Cecilia R. Antolin, Ph.D., Ernesto R. Talplacido III, Libert V. Alejo, Michelle Anne Y. Paragas, Rodelio G. Idago, Ph.D., Hernaiz G. Malanon, Ph.D.

Best Poster
1st Place: Enhancing the Socio-Economic Viability of Mechanized Rice-based Farming Systems in the Philippines; RCEF Baseline and Impact Assessment

2nd Place: Utilization of By-Products and Wastes from Sweet Potato Production for Industrial Applications

3rd Place: Updating the Status of Corn Mechanization in the Philippines
Hernaiz G. Malanon, Ph.D., Rodelio G. Idago, Ph.D., Dianne Joyce N. Bernardo, Charissa Mae P. Sharp, Maggie Mae N. Dulay, Melanie P. Abalos, Judy Ann G. Lacbaoan, Mark Angelo C. Alipio

Early Bird Award
Value Chain Improvement of Carabao Mango in the Major Producing Areas in the Philippines
Ma. Cecilia R. Antolin, Ph.D., Rodelio G. Idago, Ph.D., Nathaniel A. Gonzales, Juan Miguel S. Ducosin, Ria Mae G. Gualon, Paula Mae A. Domingo

Best Presenter
1st Place: Value Chain Improvement of Carabao Mango in the Major Producing Areas in the Philippines
Ma. Cecilia R. Antolin, Ph.D., Nathaniel A. Gonzales

2nd Place: Utilization of By-Products and Wastes from Sweet Potato Production for Industrial Applications
Lorena N. Miranda, Ph.D.

3rd Place: Value Chain Improvement of Onion in Major Producing Areas in the Philippines
Ma. Cecilia R. Antolin, Ph.D., Ernesto R. Talplacido III, Libert V. Alejo, Michelle Anne Y. Paragas

28/05/2026

𝐏𝐇𝐢𝐥𝐌𝐞𝐜𝐡 𝐚𝐭 𝟒𝟖 | CFIDP-SFP Beneficiaries, sumailalim sa Briefing at Orientation ukol sa Farm Service Crew

Kasunod ng formal awarding ng Farm Service Crew equipment at service vehicles sa isinagawang PHilMech Industry Day, nagsagawa ang Philippine Center for Postharvest Development and Mechanization, sa pangunguna ng Coconut Trust Fund–Facility Management and Operations Division (CTF-FMOD), ng Briefing at Orientation ukol sa Farm Service Crew para sa mga benepisyaryo ng Coconut Farmers and Industry Development Plan – Shared Facilities for Processing (CFIDP-SFP).

Dinaluhan ng mga recipient ng Farm Service Crew ang aktibidad na naglalayong palawakin ang kanilang kaalaman hinggil sa konsepto ng Farm Service Crew bilang isang service-based enterprise na makakatulong sa pagpapalakas ng mekanisadong suporta sa produksyon at pagpapatatag ng sustainability ng mga enterprise sa ilalim ng CFIDP-SFP.

Sa unang bahagi ng aktibidad, tinalakay ni Mr. Nikko S. Sebastian ang konsepto ng Farm Service Crew, kabilang ang kahalagahan ng maayos at organisadong pagbibigay ng mechanized support services sa mga coconut farmer cooperatives. Ipinaliwanag din niya kung paano makakatulong ang programa sa pagpapataas ng productivity at sa pagbawas ng mga suliranin sa produksyon ng niyog.

Samantala, nagsagawa naman si Mr. Leo D. Domaw-el ng Technology Demonstration upang maipakita ang wastong paggamit, operasyon, at kahalagahan ng mga makinaryang maaaring gamitin ng mga benepisyaryo sa kanilang mga taniman.
Ang Farm Service Crew ay hindi lamang isang equipment package kundi isang pangmatagalang modelo ng serbisyo na naglalayong palakasin ang coconut production, mapabuti ang productivity ng mga magsasaka, at matiyak ang long-term sustainability ng mga enterprise.

Inaasahang magbibigay ang programa ng increased productivity, reduced production constraints, at mas mataas na ani para sa mga coconut farmer na kabilang sa programa. | CJSCorpuz

27/05/2026

𝐏𝐇𝐢𝐥𝐌𝐞𝐜𝐡 𝐚𝐭 𝟒𝟖 | PHilMech, nagdiwang ng ika-48 anniversary

Sa temang “Lit and Lasting: Rebranding Agriculture for the Next Generation,” pinangunahan ng Philippine Center for Postharvest Development and Mechanization (PHilMech) ang pagdaraos ng Industry Day ngayong araw, May 27 sa PHilMech Main Office, Science City of Muñoz, Nueva Ecija.

Pinagsama-sama ng aktibidad ang iba’t ibang katuwang ng ahensya kabilang ang mga benepisyaryo, development partners, policy makers, local government unit, at private industry partners bilang bahagi ng patuloy na pagsusulong ng makabago at episyenteng mekanisasyon sa sektor ng agrikultura.

Sa ngalan ni PHilMech Director IV Dionisio G. Alvindia, Ph.D., ibinahagi ni PHilMech Deputy Director Joel V. Dator ang State of the PHilMech Address kung saan binigyang-diin niya ang mahalagang papel ng bawat kawani sa patuloy na pag-unlad ng ahensya.

“This is also the home of 724 men and women of creativity, integrity, teamwork, excellence, and a deep sense of spirituality. We come from various disciplines, but we work as one PHilMech,” ani Deputy Dator.

Binigyang-diin din niya ang hamon para sa mas pinaigting na serbisyo at inobasyon habang papalapit ang ika-50 anibersaryo ng ahensya.

“As of today, we have only 728 days until our golden anniversary. I am counting on each of you to give your best so that our 50th anniversary can truly be worth celebrating. Let us broaden our horizons and push ourselves to our limits to achieve the golden era that this agricultural sector deserves,” dagdag niya.

Sa kabuuan, nakapagdevelop ang PHilMech ng 11 technologies na mayroon nang 393 technology adopters na binubuo ng 56 farmers’ cooperatives and associations, 288 individual farmers and processors, at 49 researchers.

Noong 2025, nakapaghain din ang ahensya ng 13 intellectual property rights kabilang ang apat na patents, apat na utility models, dalawang industrial designs, at tatlong copyrights bilang patunay ng patuloy nitong pagsusulong ng research and innovation sa sektor ng agrikultura.

Bilang bahagi rin ng programa, inilunsad ang Research, Development, and Extension (RDE) Roadmap ng PHilMech sa pangunguna ni PHilMech PMITD Chief Kristina Luz B. Sebastian. Nagpahayag din ng suporta ang Department of Science and Technology sa pamamagitan ni Regional Director Julius Caesar V. Sicat, Ph.D., CESO III, para sa patuloy na pagpapalakas ng research, innovation, at extension initiatives ng ahensya.

Sa ilalim naman ng Rice Competitiveness Enhancement Fund (RCEF) Mechanization Component, umabot na sa 2,289 units ng makinarya ang naprocure ng ahensya para sa taong 2025, kung saan 1,242 units na ang naipamahagi sa 957 benepisyaryo sa iba’t ibang bahagi ng bansa.

Samantala, sa ilalim ng Coconut Farmers and Industry Development Plan – Shared Facilities for Processing (CFIDP-SFP), 44 SFPs ang naitatag ng PHilMech ngayong taon sa iba’t ibang rehiyon upang mapalakas ang coconut processing industry sa bansa.

Patuloy ding pinalalakas ng ahensya ang partisipasyon ng kabataan sa agrikultura sa pamamagitan ng Youth for Mechanization (Y4M) kung saan umabot na sa halos 1,400 kabataan ang naabot sa pamamagitan ng advocacy campaigns, boot camps, at social media engagements.

Kinilala rin sa programa ang iba’t ibang partners at advocates ng Y4M bilang pagkilala sa kanilang kontribusyon sa pagsusulong ng makabago, mekanisado, at youth-centered na agrikultura.

Isinagawa rin ang awarding ng Coconut Trust Fund-Shared Facilities for Processing (CTF-SFP) equipment at service vehicles para sa mga benepisyaryo ng programa bilang suporta sa pagpapalakas ng coconut processing industry sa bansa.

Samantala, ginawaran ni Mr. Sherwin O. Valdez, Chairperson ng Professional Regulation Commission, ang PHilMech ng certificate of accreditation matapos nitong makumpleto ang mga kinakailangan bilang Continuing Professional Development o CPD provider.

Ang pagkilalang ito ay inaasahang higit pang magpapalakas sa kapasidad ng ahensya sa paghubog ng mga propesyunal at stakeholders na magiging katuwang sa pagsusulong ng makabago, episyente, at mas inklusibong sektor ng agrikultura sa bansa. | KAVAquino

27/05/2026

𝐏𝐇𝐢𝐥𝐌𝐞𝐜𝐡 𝐚𝐭 𝟒𝟖 | Suporta sa mga magniniyog, pinalawak sa pamamagitan ng Farm Service Crew at mga sasakyan

Kasabay ng pagdaraos ng PHilMech Industry Day, isinagawa ang Turnover Ceremony ng mga Farm Service Crew equipment, hauling trucks, at delivery vans para sa mga katuwang na Coconut Farmers Cooperatives (CFCs) at Provincial Local Government Units (PLGUs) mula sa iba’t ibang panig ng bansa, sa ilalim ng programang Coconut Farmers and Industry Development Plan - Shared Facilities for Processing (CFIDP-SFP).

Labinlimang (15) CFCs at dalawang (2) PLGUs mula sa Luzon, Visayas, at Mindanao, na dati nang benepisyaryo ng mga Shared Facilities for Processing (SFPs) mula sa PHilMech, ang tumanggap ng mga karagdagang kagamitan tulad ng coconut dehusking machine, climbing machine, earth auger, chainsaw, brush cutter, at mist blower. Inaasahang makakatulong ang mga equipment na ito sa pangangalaga at maintenance ng kanilang mga taniman ng niyog at makakatiyak sa tuloy-tuloy na operasyon ng kanilang mga coconut processing facilities.

Kabilang din sa mga ipinamahagi ang mga sasakyang gaya ng hauling trucks at delivery vans na magsisilbing suporta sa paghahakot, paglilipat, at pagdadala ng mga niyog, produkto, at iba pang kagamitan. Sa pamamagitan nito, mapapadali at mapapagaan ang mga gawain ng mga magniniyog at ng kanilang mga kooperatiba.

Layunin ng pamamahagi ng mga Farm Service Crew equipment at mga sasakyan na higit pang palakasin at suportahan ang operasyon ng mga benepisyaryo at ng kanilang mga naunang iginawad na pasilidad, bilang pagpapatuloy ng mga inisyatibo ng PHilMech sa ilalim ng CFIDP-SFP.

Kauna-unahan ang naturang mga kagamitan at sasakyan na ipinamahagi ng PHilMech para sa programang CFIDP-SFP, at inaasahang magsisilbing simula ito ng mas malawak pang suporta para sa iba pang mga benepisyaryong makakatanggap ng processing facilities, Farm Service Crew equipment, at mga sasakyan sa mga susunod na panahon. | JARHofileña

27/05/2026

𝐏𝐇𝐢𝐥𝐌𝐞𝐜𝐡 𝐚𝐭 𝟒𝟖 | Y4M, kinilala ang mga boses at katuwang sa adbokasiya

Sa ginanap na PHilMech Industry Day, binigyang pagkilala ng Youth for Mechanization (Y4M) ang mga partners at advocates na naging bahagi ng pagpapalawak ng adbokasiya nito para sa kabataang Pilipino at sa kinabukasan ng agrikultura.

Pinarangalan ang mga indibidwal, paaralan, opisina, at iba’t ibang organisasyon na naglaan ng kanilang oras, platforms, resources, at suporta upang mas makilala ang Y4M.

Iginawad ang Voice of Advocacy Awards sa mga indibidwal na ginamit ang kanilang boses, kaalaman, at impluwensya na mahikayat ang mas maraming kabataan na makita ang kahalagahan ng agrikultura at mekanisasyon sa bansa.

Ibinigay naman ang Partners for Change Awards sa mga schools, offices, at companies na naging katuwang ng programa sa pagbibigay ng opportunities at experiences para sa mga estudyante at kabataan.

Sa pamamagitan ng kanilang patuloy na suporta, mas maraming kabataan ang nabigyan ng pagkakataong matuto, makilahok, at mas makilala ang adbokasiya ng mekanisasyon sa agrikultura.

Kinilala rin ang mga estudyante mula sa kauna-unahang Y4M bootcamp sa kanilang aktibong partisipasyon at sa patuloy na suporta sa adhikain at panawagan ng programa para sa mga susunod na henerasyon. | ACSDeGuzman

27/05/2026

𝐏𝐇𝐢𝐥𝐌𝐞𝐜𝐡 𝐚𝐭 𝟒𝟖 | Moisture measurement technologies, tampok sa techno-forum

Tampok ang mga PHilMech-developed Moisture Measurement Technologies sa ginanap na Technology Forum and Demonstration noong May 26-27.

Sa pangunguna nina Engr. Richard P. Avilla at Erecson H. Uy, ibinahagi sa mga kalahok ang kahalagahan ng mga kagamitang makatutulong sa mga magsasaka sa pagpapanatili ng kalidad ng commodities tulad ng palay, mais, at kape.

Nariyan ang grain probe moisture meter at non-destructive coffee moisture meter na binuo ng mga eksperto mula sa Agricultural Mechanization Division.

Dinaluhan ang aktibidad ng mga empleyado ng PHilMech, Agricultural and Biosystems Engineering professionals and students, LGU representatives, at mga miyembro ng farmers’ cooperatives and associations mula sa Nueva Ecija.

Ang techno-forum ay isinagawa sa pangunguna ng Technology Management and Training Division. | CVAng, KAVAquino, NSMarianoJr

27/05/2026

𝐂𝐅𝐈𝐃𝐏-𝐒𝐅𝐏 | Bilang karagdagang suporta sa mga benepisyaryo ng Coconut Farmers and Industry Development Plan - Shared Facilities for Processing mula sa iba't-ibang bahagi ng bansa, ipagkakaloob din ang Farm Service Crew o mga makinarya, kagamitan, at sasakyan para sa tuloy-tuloy na operasyon ng mga pasilidad.

Kabilang na rito ang coconut dehusking machine, earth auger, chainsaw, mist blower, brush cutter, at engine-driven coconut climber, hauling trucks, at utility vans, para sa mas matatag na kabuhayan, mas mataas na kita, at mas maliwanag na kinabukasan para sa industriya ng niyog sa bansa.

27/05/2026

𝐏𝐇𝐢𝐥𝐌𝐞𝐜𝐡 𝐚𝐭 𝟒𝟖 | Modern rice technologies, ibinida sa techno-talakayan

Mga kalahok mula sa iba’t-ibang bahagi ng Central Luzon ang nakibahagi sa Techno-Talakayan on Agricultural Mechanization and Postharvest Technologies, nitong May 26-27, sa PHilMech Main Office.

Ibinida rito ang mga modernong kagamitan na pansaka tulad ng four-wheel drive tractor, riding at walk-behind rice transplanter, rice combine harvester, rice precision seeder, village-type rice mill, at multirotor agricultural drones.

Sumailalim sa paggamit ng mga nasabing makinarya ang mga kalahok na kinabibilangan ng mga miyembro ng farmers' cooperative and associations, agricultural and biosystems engineering professionals and students, LGU representatives, at PHilMech employees.

Pinangunahan ito ng Technology Management and Training Division katuwang ang machine experts mula sa mga leading agricultural machinery manufacturer at distributor sa bansa. | NSMarianoJr, CVAng, KAVAquino

Address

CLSU Compound, Science City Of Muñoz
Nueva Ecija
3120

Opening Hours

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm

Website

https://www.philmech.gov.ph/

Alerts

Be the first to know and let us send you an email when DA-PHilMech posts news and promotions. Your email address will not be used for any other purpose, and you can unsubscribe at any time.

Shortcuts

Address
Opening Hours
Alerts
Contact The Organization
Claim ownership or report listing

Want your organization to be the top-listed Government Service in Nueva ecija?