Office of the Provincial Agricuturist - Romblon

21/08/2026

𝗠𝗔𝗟𝗜𝗚𝗔𝗬𝗔𝗡𝗚 𝗞𝗔𝗔𝗥𝗔𝗪𝗔𝗡, Sir Gabriel Formento Fabito! 🎉🎂

Isang taos-pusong pagbati mula sa buong Office of the Provincial Agriculturist (OPAG) Family, isang masipag, maaasahan, at dedikadong katuwang sa paglilingkod sa ating mga magsasaka at sa buong lalawigan ng Romblon!

Maraming salamat sa iyong sipag, dedikasyon, propesyonalismo, at malasakit sa trabaho. Ang iyong mga ambag at walang sawang pagsisikap ay malaking bahagi ng patuloy na paghahatid ng mahusay at makabuluhang serbisyo para sa ating agricultural sector.

Nawa’y patuloy kang pagpalain ng Poong Maykapal ng mabuting kalusugan, tagumpay, kaligayahan, at masaganang biyaya. Hangad namin na ang iyong espesyal na araw ay maging masaya, makabuluhan, at puno ng pagmamahal kasama ang iyong pamilya, mga kaibigan, at mga taong tunay na nagmamalasakit sa iyo.

Happy Birthday, Sir Gabriel Fabito! 🎂🎈🎉
Mula sa iyong OPAG Family! 🌾🌽🥬🐟🚜

07/08/2026

🌽𝐈𝐍𝐕𝐄𝐒𝐓𝐌𝐄𝐍𝐓 𝐅𝐎𝐑𝐔𝐌 𝐎𝐍 𝐘𝐄𝐋𝐋𝐎𝐖 𝐂𝐎𝐑𝐍 𝐏𝐑𝐎𝐃𝐔𝐂𝐓𝐈𝐎𝐍

Matagumpay na naidaos ang Investment forum on Yellow Corn Production na kung saan nagtipon tipon sa pambihirang pagkakataon ang mga producers/corn farmers, traders, processors, financial institutions at government partner agencies para talakayin ang mga oportunidad, hamon at mga stratehiya para sa pagpapalakas ng industriya ng yellow corn sa lalawigan.

Dumalo at nagiwan ng makabuluhang mensahe para sa mga magsasaka si 𝐃𝐫. 𝐀𝐫𝐧𝐮𝐥𝐟𝐨 𝐅. 𝐃𝐞 𝐋𝐮𝐧𝐚, 𝐄𝐱𝐞𝐜𝐮𝐭𝐢𝐯𝐞 𝐀𝐬𝐬𝐢𝐬𝐭𝐚𝐧𝐭 𝐈𝐕 bilang kinatawan ni 𝐆𝐨𝐯𝐞𝐫𝐧𝐨𝐫 𝐓𝐫𝐢𝐧𝐚 𝐀𝐥𝐞𝐣𝐚𝐧𝐝𝐫𝐚 𝐐. 𝐅𝐢𝐫𝐦𝐚𝐥𝐨-𝐅𝐚𝐛𝐢𝐜. Inilatag naman nina 𝐄𝐧𝐠𝐫. 𝐂𝐡𝐚𝐫𝐥𝐢𝐞 𝐆. 𝐌𝐚𝐠𝐬𝐢𝐧𝐨 at 𝐄𝐧𝐠𝐫. 𝐒𝐡𝐞𝐞𝐧𝐚 𝐅. 𝐂𝐚𝐬𝐚𝐥𝐡𝐚𝐲 ng 𝐃𝐀-𝐌𝐈𝐌𝐀𝐑𝐎𝐏𝐀 𝐂𝐨𝐫𝐧 𝐏𝐫𝐨𝐠𝐫𝐚𝐦 𝐚𝐭 𝐀𝐠𝐫𝐢𝐛𝐮𝐬𝐢𝐧𝐞𝐬𝐬 𝐚𝐧𝐝 𝐌𝐚𝐫𝐤𝐞𝐭𝐢𝐧𝐠 𝐀𝐬𝐬𝐢𝐬𝐭𝐚𝐧𝐜𝐞 𝐃𝐢𝐯𝐢𝐬𝐢𝐨𝐧 ang mga programa na makakatulong para mapataas ang ani at kita ng mga magsasaka. Nagpaalala naman ang kinatawan ng PCIC na si 𝐌𝐫𝐬. 𝐋𝐮𝐜𝐢𝐥𝐥𝐞 𝐈. 𝐂𝐫𝐢𝐬𝐭𝐨 na magpasiguro ng mga pananim para mabawasan ang mga panganib ng pagkalugi dulot ng bagyo, baha, tagtuyot at pag atake ng peste at sakit.

Para makatulong sa pamumuhunan, nagtalakay ng mga programa sa pagpapautang ni 𝐌𝐫. 𝐄𝐧𝐫𝐢𝐪𝐮𝐞 𝐂. 𝐆𝐚𝐥𝐢𝐜𝐢𝐚 ng 𝐋𝐨𝐧𝐠𝐨𝐧 𝐂𝐚𝐦𝐢𝐥𝐢 𝐀𝐠𝐫𝐚𝐫𝐢𝐚𝐧 𝐑𝐞𝐟𝐨𝐫𝐦 𝐂𝐨𝐨𝐩𝐞𝐫𝐚𝐭𝐢𝐯𝐞, 𝐌𝐫. 𝐌𝐚𝐫𝐤 𝐀𝐚𝐫𝐨𝐧 𝐉. 𝐑𝐚𝐲𝐭𝐨𝐬 ng 𝐀𝐠𝐫𝐢𝐛𝐮𝐬𝐢𝐧𝐞𝐬𝐬 𝐁𝐚𝐧𝐤𝐢𝐧𝐠 𝐂𝐨𝐫𝐩𝐨𝐫𝐚𝐭𝐢𝐨𝐧, at 𝐌𝐫. 𝐄𝐝𝐢𝐬𝐨𝐧 𝐏. 𝐌𝐚𝐥𝐚𝐛𝐚𝐧𝐚𝐧 𝐧𝐠 𝐋𝐚𝐧𝐝𝐛𝐚𝐧𝐤 𝐨𝐟 𝐭𝐡𝐞 𝐏𝐡𝐢𝐥𝐢𝐩𝐩𝐢𝐧𝐞𝐬 𝐋𝐞𝐧𝐝𝐢𝐧𝐠 𝐂𝐞𝐧𝐭𝐞𝐫 - 𝐁𝐚𝐭𝐚𝐧𝐠𝐚𝐬 𝐂𝐢𝐭𝐲 𝐁𝐫𝐚𝐧𝐜𝐡.

Nagpahayag naman ng suporta at pangako ng mas malakas na ugnayan sa mga magsasaka si 𝐃𝐫. 𝐀𝐥𝐟𝐫𝐞𝐝 𝐌. 𝐏𝐚𝐥𝐚𝐭𝐭𝐚𝐨 𝐧𝐠 𝐂𝐡𝐞𝐨𝐧-𝐢𝐥 𝐅𝐞𝐞𝐝𝐦𝐢𝐥𝐥 na nakabase sa lalawigan na nangangailangan ng 𝟓-𝟏𝟎 𝐭𝐨𝐧𝐞𝐥𝐚𝐝𝐚 𝐧𝐠 𝐲𝐞𝐥𝐥𝐨𝐰 𝐜𝐨𝐫𝐧 sa bawat linggo na bibilhin sa magsasaka sa tamang halaga.

Sa pamamagitan ng mga talakayan tungkol sa mga programa ng DA-MIMAROPA, crop insurance, cost and return analysis, agricultural loan programs, at marketing, layunin ng forum na palakasin ang ugnayan ng mga stakeholder, mapabuti ang produksyon, mapalawak ang access sa merkado at pamumuhunan, at mapataas ang kita ng ating mga magsasaka.

Patunay ang aktibidad na ito na sa pamamagitan ng sama-samang pagkilos ng pamahalaan at pribadong sektor, mas mapapalakas natin ang industriya ng yellow corn bilang pangunahing pinagkukunan ng de-kalidad na sangkap sa paggawa ng pagkaing-hayop (feeds). Makatutulong din ito sa pagpapalago ng livestock industry sa lalawigan sa pagpapababa ng gastos ng produksyon at paglikha ng mas maraming oportunidad para sa mga magsasaka at livestock raisers, tungo sa isang mas matatag, produktibo at napapanatiling sektor ng agrikultura.🌽🧑‍🌾

# YellowCornProduction

05/08/2026

04/08/2026

🌽𝐅𝐈𝐄𝐋𝐃 𝐌𝐎𝐍𝐈𝐓𝐎𝐑𝐈𝐍𝐆 | 𝐘𝐞𝐥𝐥𝐨𝐰 𝐂𝐨𝐫𝐧 𝐏𝐫𝐨𝐝𝐮𝐜𝐭𝐢𝐨𝐧- August 4, 2026

Nagsagawa ang 𝐎𝐟𝐟𝐢𝐜𝐞 𝐨𝐟 𝐭𝐡𝐞 𝐏𝐫𝐨𝐯𝐢𝐧𝐜𝐢𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭 ng monitoring sa mga taniman ng Yellow Corn sa bayan ng 𝐒𝐚𝐧 𝐀𝐧𝐝𝐫𝐞𝐬 partikular sa 𝐁𝐚𝐫𝐚𝐧𝐠𝐚𝐲 𝐕𝐢𝐜𝐭𝐨𝐫𝐢𝐚, 𝐓𝐚𝐧-𝐚𝐠𝐚𝐧 at 𝐌𝐚𝐭𝐮𝐭𝐮𝐧𝐚. Kasabay din nito binisita rin ang mga taniman sa 𝐁𝐚𝐫𝐚𝐧𝐠𝐚𝐲 𝐏𝐚𝐭𝐨-𝐨, 𝐏𝐫𝐨𝐠𝐫𝐞𝐬𝐨 𝐄𝐬𝐭𝐞, at 𝐑𝐢𝐳𝐚𝐥 sa Bayan ng Odiongan.

Layunin ng pagbisita na masuri ang kasalukuyang kalagayan ng mga taniman ng dilaw na mais kabilang na ang paglago nito at posibleng hamon ng mga magsasaka sa peste at mga sakit dulot ng pabago bagong panahon.

Nakipag ugnayan din ang mga Agricultural Extension Workers sa mga magsasaka para sa kanilang mga karanasan at hamon sa produksyon at nagbigay ng mga teknikal na rekomendasyon para sa tamang pag aalaga at mapanatiling malusog ang mga pananim para sa mataas na ani.

Mahalaga ang gawaing ito para makakuha ng aktwal na datos na magsisilbing batayan sa pagpaplano at pagpapatupad ng mga programa para sa mga magsasaka ng mais.

Ang gawaing ito ay bahagi ng layunin ng 𝐎𝐟𝐟𝐢𝐜𝐞 𝐨𝐟 𝐭𝐡𝐞 𝐏𝐫𝐨𝐯𝐢𝐧𝐜𝐢𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭 na mapalakas ang industriya ng mais sa lalawigan sa pamamagitan ng maagap na pagbibigay ng teknikal na suporta at mga programang tutugon sa pangangailangan ng ating mga magsasaka.

03/08/2026

📌 𝐏𝐚𝐤𝐢𝐤𝐢𝐩𝐚𝐠𝐩𝐮𝐥𝐨𝐧𝐠 𝐧𝐠 𝐎𝐏𝐀𝐆 -𝐑𝐨𝐦𝐛𝐥𝐨𝐧 𝐚𝐭 𝐀𝐠𝐫𝐢𝐛𝐮𝐬𝐢𝐧𝐞𝐬𝐬 𝐁𝐚𝐧𝐤 𝐂𝐨𝐫𝐩𝐨𝐫𝐚𝐭𝐢𝐨𝐧 – 𝐎𝐝𝐢𝐨𝐧𝐠𝐚𝐧 𝐁𝐫𝐚𝐧𝐜𝐡.

Ngaung hapon August 3, 2026, Nagsagawa ng pagpupulong ang 𝐎𝐟𝐟𝐢𝐜𝐞 𝐨𝐟 𝐭𝐡𝐞 𝐏𝐫𝐨𝐯𝐢𝐧𝐜𝐢𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭 (𝐎𝐏𝐀𝐆) 𝐑𝐨𝐦𝐛𝐥𝐨𝐧 at ang 𝐀𝐠𝐫𝐢𝐛𝐮𝐬𝐢𝐧𝐞𝐬𝐬 𝐁𝐚𝐧𝐤 𝐂𝐨𝐫𝐩𝐨𝐫𝐚𝐭𝐢𝐨𝐧 – 𝐎𝐝𝐢𝐨𝐧𝐠𝐚𝐧 𝐁𝐫𝐚𝐧𝐜𝐡 upang talakayin ang mga programang pautang para sa sektor ng agrikultura, kabilang ang Agricultural Loan at Agricultural Machinery Loan para sa mga kwalipikadong magsasaka, samahan, at kooperatiba.

Layunin ng nasabing pag-uusap na mapalawak ang mga oportunidad sa pananalapi na makatutulong sa pagpapalakas ng produksyon, mekanisasyon, at kabuhayan ng mga magsasaka.

Patuloy ang OPAG Romblon sa pakikipag-ugnayan sa iba’t ibang institusyon upang makapaghatid ng mga programang makatutulong sa pagpapabuti ng kabuhayan ng mga magsasaka at sa patuloy na pag-unlad ng sektor ng agrikultura sa lalawigan ng Romblon.

28/07/2026

🌾 𝐈𝐬𝐢𝐧𝐚𝐠𝐚𝐰𝐚 𝐚𝐧𝐠 𝐕𝐚𝐫𝐢𝐞𝐭𝐲 𝐅𝐢𝐞𝐥𝐝 𝐓𝐫𝐢𝐚𝐥 (𝐕𝐅𝐓) 𝐧𝐠 𝐏𝐢𝐭𝐨𝐧𝐠 (𝟕) 𝐑𝐢𝐜𝐞 𝐕𝐚𝐫𝐢𝐞𝐭𝐢𝐞𝐬 𝐬𝐚 𝐒𝐭𝐚. 𝐅𝐞, 𝐑𝐨𝐦𝐛𝐥𝐨𝐧.

Noong Hulyo 27, 2026, matagumpay na isinagawa ang paglipat-tanim ng pitong (7) rice varieties sa Variety Field Trial (VFT) site sa Sta. Fe, Romblon. Layunin ng aktibidad na masuri ang paglago, kakayahang umangkop, ng potensyal na ani ng iba’t ibang barayti ng palay sa lokal na kondisyon ng lugar, upang matukoy ang mga variety na maaaring irekomenda sa mga magsasaka. Ito ay bahagi ng programa sa ilalim ng Rice Competitiveness Enhancement Fund (RCEF) - Seed Program.

Ang aktibidad ay pinangunahan ng 𝐌𝐮𝐧𝐢𝐜𝐢𝐩𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐞 𝐎𝐟𝐟𝐢𝐜𝐞 (𝐌𝐀𝐎) 𝐒𝐭𝐚. 𝐅𝐞, 𝐑𝐨𝐦𝐛𝐥𝐨𝐧 katuwang ang 𝐎𝐟𝐟𝐢𝐜𝐞 𝐨𝐟 𝐭𝐡𝐞 𝐏𝐫𝐨𝐯𝐢𝐧𝐜𝐢𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭 (𝐎𝐏𝐀𝐆),𝐑𝐨𝐦𝐛𝐥𝐨𝐧, sa koordinasyon ng 𝐏𝐡𝐢𝐥𝐢𝐩𝐩𝐢𝐧𝐞 𝐑𝐢𝐜𝐞 𝐑𝐞𝐬𝐞𝐚𝐫𝐜𝐡 𝐈𝐧𝐬𝐭𝐢𝐭𝐮𝐭𝐞 (𝐏𝐡𝐢𝐥𝐑𝐢𝐜𝐞) bilang implementer ng nasabing proyekto.

Ang Variety Field Trial ay isang mahalagang bahagi ng patuloy na pananaliksik upang matukoy ang mga barayting may mataas na ani, mahusay na adaptasyon sa lokal na kondisyon, at may potensyal na mapataas ang produksyon ng palay sa lalawigan. Sa pamamagitan ng pagtutulungan ng MAO Sta. Fe, OPAG Romblon, at PhilRice, patuloy na isinusulong ang paggamit ng de-kalidad na binhi at makabagong teknolohiya para sa kapakinabangan ng mga magsasaka.

24/07/2026

𝐓𝐑𝐀𝐈𝐍𝐈𝐍𝐆 𝐎𝐍 𝐆𝐔𝐋𝐀𝐘𝐀𝐍 𝐒𝐀 𝐁𝐀𝐘𝐀𝐍 (𝐆𝐒𝐁) 𝐏𝐑𝐎𝐉𝐄𝐂𝐓 𝐈𝐌𝐏𝐋𝐄𝐌𝐄𝐍𝐓𝐀𝐓𝐈𝐎𝐍

🌱 Matagumpay na isinagawa ang 𝐓𝐑𝐀𝐈𝐍𝐈𝐍𝐆 𝐎𝐍 𝐆𝐔𝐋𝐀𝐘𝐀𝐍 𝐒𝐀 𝐁𝐀𝐘𝐀𝐍 (𝐆𝐒𝐁) 𝐏𝐑𝐎𝐉𝐄𝐂𝐓 𝐈𝐌𝐏𝐋𝐄𝐌𝐄𝐍𝐓𝐀𝐓𝐈𝐎𝐍 noong Hulyo 23, 2026 sa Simple Living Hotel Odiongan, Romblon sa ilalim ng 𝐇𝐢𝐠𝐡 𝐕𝐚𝐥𝐮𝐞 𝐂𝐫𝐨𝐩𝐬 𝐃𝐞𝐯𝐞𝐥𝐨𝐩𝐦𝐞𝐧𝐭 𝐏𝐫𝐨𝐠𝐫𝐚𝐦 (𝐇𝐕𝐂𝐃𝐏) ng 𝐃𝐞𝐩𝐚𝐫𝐭𝐦𝐞𝐧𝐭 𝐨𝐟 𝐀𝐠𝐫𝐢𝐜𝐮𝐥𝐭𝐮𝐫𝐞- 𝐌𝐈𝐌𝐀𝐑𝐎𝐏𝐀, at sa pakikipagtulungan ng 𝐎𝐟𝐟𝐢𝐜𝐞 𝐨𝐟 𝐭𝐡𝐞 𝐏𝐫𝐨𝐯𝐢𝐧𝐜𝐢𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭 (𝐎𝐏𝐀𝐆) 𝐑𝐨𝐦𝐛𝐥𝐨𝐧

Dinaluhan ang pagsasanay ng mga Presidente ng 𝐅𝐚𝐫𝐦𝐞𝐫𝐬 𝐎𝐫𝐠𝐚𝐧𝐢𝐳𝐚𝐭𝐢𝐨𝐧 (𝐅𝐎𝐬)at mga 𝐀𝐠𝐫𝐢𝐜𝐮𝐥𝐭𝐮𝐫𝐚𝐥 𝐄𝐱𝐭𝐞𝐧𝐬𝐢𝐨𝐧 𝐖𝐨𝐫𝐤𝐞𝐫𝐬(𝐀𝐄𝐖𝐬) mula sa iba’t ibang munisipalidad ng lalawigan. Pinangunahan ang aktibidad ni 𝐌𝐫. 𝐂𝐡𝐫𝐢𝐬𝐭𝐢𝐚𝐧 𝐅. 𝐌𝐞𝐬𝐮𝐞𝐥𝐨 ng DA-MIMAROPA HVCDP, kasama ang mga kawani ng Office of the Provincial Agriculturist na sina
𝐄𝐧𝐠𝐫. 𝐑𝐚𝐦𝐢𝐥 𝐆𝐚𝐥𝐢𝐜𝐢𝐚, 𝐄𝐧𝐠𝐫. 𝐂𝐚𝐫𝐨𝐥𝐢𝐧𝐞 𝐎𝐬𝐨𝐫𝐢𝐨. at 𝐌𝐚'𝐚𝐦 𝐋𝐚𝐢𝐥𝐚 𝐑𝐨𝐰𝐲 para sa matagumpay at maayos na implementasyon ng programa.

Layunin ng pagsasanay na palakasin ang implementasyon ng Gulayan sa Bayan (GSB) Program sa pamamagitan ng pagbibigay ng mga teknikal na kaalaman at mahahalagang gabay sa wastong pagtatatag at pamamahala ng mga gulayan. Inaasahan na ang mga natutunan ng mga kalahok ay magsisilbing daan upang higit pang mapaunlad ang produksyon ng gulay, maisulong ang seguridad sa pagkain, at mapalakas ang partisipasyon ng mga komunidad sa napapanatiling agrikultura.

Patuloy na nagkakaisa ang Department of Agriculture – MIMAROPA at ang Office of the Provincial Agriculturist (OPAG) Romblon sa pagpapatupad ng mga programang magbibigay ng masaganang ani at mas malusog na pamayanan. 🌿🥬

24/07/2026

𝐎𝐑𝐆𝐀𝐍𝐈𝐂 𝐀𝐆𝐑𝐈𝐂𝐔𝐋𝐓𝐔𝐑𝐄 𝐏𝐑𝐎𝐆𝐑𝐀𝐌 𝐂𝐎𝐍𝐒𝐔𝐋𝐓𝐀𝐓𝐈𝐎𝐍 𝐌𝐄𝐄𝐓𝐈𝐍𝐆 𝟐𝟎𝟐𝟔

Matagumpay na isinagawa ang dalawang araw na 𝑂𝑟𝑔𝑎𝑛𝑖𝑐 𝐴𝑔𝑟𝑖𝑐𝑢𝑙𝑡𝑢𝑟𝑒 𝑃𝑟𝑜𝑔𝑟𝑎𝑚 𝐶𝑜𝑛𝑠𝑢𝑙𝑡𝑎𝑡𝑖𝑜𝑛 𝑀𝑒𝑒𝑡𝑖𝑛𝑔 noong 𝐽𝑢𝑙𝑦 22-23,2026 sa Harbour Chateau Odiongan Romblon.

Pinangunahan ang programa nina 𝐌𝐫. 𝐁𝐡𝐞𝐞𝐣𝐚𝐲 𝐆𝐚𝐫𝐝𝐨𝐬𝐞, 𝐌𝐫. 𝐉𝐚𝐩𝐡𝐞𝐭 𝐅𝐨𝐣𝐚 at
𝐌𝐫. 𝐉𝐚𝐲𝐬𝐨𝐧 𝐆𝐚𝐥𝐢𝐜𝐢𝐚 ng 𝐃𝐀-𝐌𝐢𝐌𝐚𝐑𝐨𝐏𝐚 sa ilalim ng 𝐎𝐫𝐠𝐚𝐧𝐢𝐜 𝐀𝐠𝐫𝐢𝐜𝐮𝐥𝐭𝐮𝐫𝐞 𝐏𝐫𝐨𝐠𝐫𝐚𝐦, kasama ang 𝐎𝐟𝐟𝐢𝐜𝐞 𝐨𝐟 𝐭𝐡𝐞 𝐏𝐫𝐨𝐯𝐢𝐧𝐜𝐢𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭 sa pangunguna nina 𝐄𝐧𝐠𝐫 𝐀𝐥 𝐅. 𝐅𝐞𝐭𝐚𝐥𝐯𝐞𝐫 at 𝐄𝐧𝐠𝐫. 𝐌𝐚𝐫𝐤 𝐀𝐧𝐠𝐞𝐥𝐨 𝐅. 𝐅𝐨𝐫𝐜𝐚𝐝𝐚𝐬. Layunin ng pagtitipon na talakayin ang mga programa, proyekto, hamon, at mga susunod na hakbang para sa patuloy na pagpapaunlad ng Organic Agriculture Program sa lalawigan ng Romblon.

Dumalo rin sa pagtitipon si 𝐌𝐚'𝐚𝐦 𝐑𝐞𝐥𝐥𝐲 𝐅. 𝐃𝐢𝐨𝐤𝐧𝐨, 𝐏𝐫𝐨𝐯𝐢𝐧𝐜𝐢𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭 at nagbigay ng kanyang mensahe at pagsuporta sa pagpapaunlad at pagpapalakas ng Organikong Pagsasaka.

Sa pamamagitan ng sama-samang pagpaplano, pakikipagtulungan, at aktibong pakikilahok ng mga stakeholder, patuloy nating isusulong ang isang mas sustainable, produktibo, at matatag na Organic Agriculture Program para sa kapakanan ng ating mga magsasaka at ng buong lalawigan.

23/07/2026

Matagumpay na naisagawa ang "𝐓𝐫𝐚𝐢𝐧𝐢𝐧𝐠 𝐨𝐧 𝐂𝐨𝐫𝐧 𝐚𝐧𝐝 𝐂𝐚𝐬𝐬𝐚𝐯𝐚 𝐏𝐫𝐨𝐝𝐮𝐜𝐭𝐢𝐨𝐧 𝐰𝐢𝐭𝐡 𝐈𝐧𝐭𝐞𝐠𝐫𝐚𝐭𝐞𝐝 𝐏𝐞𝐬𝐭 𝐌𝐚𝐧𝐚𝐠𝐞𝐦𝐞𝐧𝐭 (𝐈𝐏𝐌) 𝐚𝐧𝐝 𝐆𝐨𝐨𝐝 𝐀𝐠𝐫𝐢𝐜𝐮𝐥𝐭𝐮𝐫𝐚𝐥 𝐏𝐫𝐚𝐜𝐭𝐢𝐜𝐞𝐬 (𝐆𝐀𝐏)" sa 𝐂𝐨𝐧𝐜𝐞𝐩𝐜𝐢𝐨𝐧, 𝐑𝐨𝐦𝐛𝐥𝐨𝐧 𝑛𝑖𝑡𝑜𝑛𝑔 𝐻𝑢𝑙𝑦𝑜 22, 2026 na dinaluhan ng 50 magsasaka mula sa ibat ibang barangay ng isla. Pinangunahan ito nina 𝐄𝐧𝐠𝐫. 𝐂𝐡𝐚𝐫𝐥𝐢𝐞 𝐆. 𝐌𝐚𝐠𝐬𝐢𝐧𝐨 at 𝐌𝐫. 𝐑𝐨𝐧𝐞𝐥 𝐉𝐚𝐲 𝐁𝐞𝐧𝐭𝐨𝐲 ng 𝐃𝐀-𝐌𝐈𝐌𝐀𝐑𝐎𝐏𝐀 𝐂𝐨𝐫𝐧 𝐏𝐫𝐨𝐠𝐫𝐚𝐦 kasama ang mga kawani ng 𝐎𝐟𝐟𝐢𝐜𝐞 𝐨𝐟 𝐭𝐡𝐞 𝐏𝐫𝐨𝐯𝐢𝐧𝐜𝐢𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭 na sina 𝐄𝐧𝐠𝐫. 𝐖𝐚𝐥𝐥𝐲 𝐁𝐨𝐲 𝐅. 𝐅𝐚𝐥𝐜𝐮𝐭𝐢𝐥𝐚, 𝐌𝐫. 𝐄𝐦 𝐌. 𝐅𝐚𝐛𝐨𝐧 at 𝐌𝐫. 𝐒𝐚𝐧𝐝𝐲 𝐀. 𝐁𝐚𝐧𝐭𝐚𝐧𝐠 para sa matagumpay at maayos na implementasyon ng programa.

Layunin nitong mapalawak ang kaalaman ng mga kalahok sa pagsasaka ng mais at kamoteng kahoy at maihatid ang mga impormasyon tungkol sa mga programa ng gobyerno na maaring makuha ng mga kwalipikadong grupo ng magsasaka upang mapataas ang kanilang ani at halaga ng mga produkto.

Naging bahagi ng gawain na ito si 𝐌𝐚𝐲𝐨𝐫 𝐍𝐢𝐜𝐨𝐧 𝐅. 𝐅𝐚𝐦𝐞𝐫𝐨𝐧𝐚𝐠 na nagbahagi ng mensahe para sa mga kalahok at suporta para sa programang pang agrikultura. Hinikayat nito ang mga magsasaka na palakasin ang agrikultura para sa seguridad sa pagkain ng isla.

Naging katuwang din sa pagsagawa ng pagsasanay ang mga kawani ng Municipal Agriculture Office sa pangunguna ni 𝐌𝐀𝐎 𝐌𝐢𝐜𝐚𝐡 𝐅. 𝐌𝐚𝐭𝐮𝐜𝐚𝐝 na naging mahalagang bahagi sa maayos na koordinasyon at implementasyon ng programa.

Kasabay din nito, naihatid din ang mga interbensyon tulad ng dekalidad na 𝑏𝑖𝑛ℎ𝑖 𝑛𝑔 𝑚𝑎𝑖𝑠 𝑎𝑡 𝑔𝑢𝑙𝑎𝑦, 𝑏𝑖𝑜𝑓𝑒𝑟𝑡𝑖𝑙𝑖𝑧𝑒𝑟 (𝑏𝑖𝑜-𝑁), 𝑝ℎ𝑒𝑟𝑜𝑚𝑜𝑛𝑒 𝑙𝑢𝑟𝑒 𝑎𝑡 𝑡𝑟𝑎𝑝 para sa mga magsasaka ng isla na makakatulong maitaas ang produksyon ng pagkain sa isla ng sibale.

Ang mga inisyatibong ito ay bahagi ng patuloy na pagsisikap ng pamahalaan na mapalakas ang sektor ng agrikultura at matiyak na naaabot maging ang mga komunidad sa malalayong pulo ng lalawigan. Patunay ang gawaing ito sa patuloy na dedikasyon at pinagsamang pagkilos ng 𝐎𝐟𝐟𝐢𝐜𝐞 𝐨𝐟 𝐭𝐡𝐞 𝐏𝐫𝐨𝐯𝐢𝐧𝐜𝐢𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭 at 𝐃𝐀-𝐌𝐈𝐌𝐀𝐑𝐎𝐏𝐀 𝐂𝐨𝐫𝐧 𝐏𝐫𝐨𝐠𝐫𝐚𝐦 sa paghahatid ng mga programa at serbisyong pang-agrikultura hanggang sa pinakamalalayong pamayanan ng Romblon.

#𝐎𝐏𝐀𝐆𝐑𝐨𝐦𝐛𝐥𝐨𝐧 #𝐃𝐀𝐌𝐈𝐌𝐀𝐑𝐎𝐏𝐀
#𝐂𝐨𝐫𝐧𝐏𝐫𝐨𝐠𝐫𝐚𝐦 #𝐂𝐚𝐬𝐬𝐚𝐯𝐚𝐏𝐫𝐨𝐝𝐮𝐜𝐭𝐢𝐨𝐧
#𝐈𝐧𝐭𝐞𝐠𝐫𝐚𝐭𝐞𝐝𝐏𝐞𝐬𝐭𝐌𝐚𝐧𝐚𝐠𝐞𝐦𝐞𝐧𝐭 #𝐢𝐈𝐏𝐌
#𝐆𝐨𝐨𝐝𝐀𝐠𝐫𝐢𝐜𝐮𝐥𝐭𝐮𝐫𝐚𝐥𝐏𝐫𝐚𝐜𝐭𝐢𝐜𝐞𝐬 #𝐆𝐀𝐏
#𝐂𝐨𝐧𝐜𝐞𝐩𝐜𝐢𝐨𝐧𝐑𝐨𝐦𝐛𝐥𝐨𝐧 #𝐒𝐢𝐛𝐚𝐥𝐞𝐈𝐬𝐥𝐚𝐧𝐝
#𝐅𝐚𝐫𝐦𝐞𝐫𝐬𝐓𝐫𝐚𝐢𝐧𝐢𝐧𝐠 #𝐀𝐠𝐫𝐢𝐜𝐮𝐥𝐭𝐮𝐫𝐞𝐏𝐇
#𝐅𝐨𝐨𝐝𝐒𝐞𝐜𝐮𝐫𝐢𝐭𝐲 #𝐒𝐞𝐫𝐛𝐢𝐬𝐲𝐨𝐧𝐠𝐀𝐠𝐫𝐢𝐤𝐮𝐥𝐭𝐮𝐫𝐚🌽🧑‍🌾

23/07/2026

🌾𝐌𝐚𝐭𝐚𝐠𝐮𝐦𝐩𝐚𝐲 𝐧𝐚 𝐍𝐚𝐢𝐝𝐞𝐥𝐢𝐛𝐞𝐫 𝐚𝐧𝐠 𝐑𝐞𝐩𝐥𝐚𝐜𝐞𝐦𝐞𝐧𝐭 𝐒𝐞𝐞𝐝𝐬 𝐬𝐚 𝐀𝐥𝐜𝐚𝐧𝐭𝐚𝐫𝐚 𝐑𝐨𝐦𝐛𝐥𝐨𝐧, 𝐇𝐮𝐥𝐲𝐨 𝟐𝟐, 𝟐𝟎𝟐𝟔

Bilang tugon sa pinsalang dulot ng nakaraang bagyo sa sektor ng agrikultura, matagumpay na naideliber ang replacement seeds sa bayan ng Alcantara, Romblon upang matulungan ang mga magsasakang naapektuhan ng kalamidad na makabangon at maipagpatuloy ang kanilang pagtatanim.

Sa pangunguna ng 𝐏𝐡𝐢𝐥𝐢𝐩𝐩𝐢𝐧𝐞 𝐑𝐢𝐜𝐞 𝐑𝐞𝐬𝐞𝐚𝐫𝐜𝐡 𝐈𝐧𝐬𝐭𝐢𝐭𝐮𝐭𝐞 (𝐏𝐡𝐢𝐥𝐑𝐢𝐜𝐞) katuwang ang 𝐃𝐞𝐩𝐚𝐫𝐭𝐦𝐞𝐧𝐭 𝐨𝐟 𝐀𝐠𝐫𝐢𝐜𝐮𝐥𝐭𝐮𝐫𝐞 𝐃𝐀-𝐌𝐈𝐌𝐀𝐑𝐎𝐏𝐀, at sa pakikipag-ugnayan ng 𝐎𝐟𝐟𝐢𝐜𝐞 𝐨𝐟 𝐭𝐡𝐞 𝐏𝐫𝐨𝐯𝐢𝐧𝐜𝐢𝐚𝐥 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭 (𝐎𝐏𝐀𝐆) 𝐑𝐨𝐦𝐛𝐥𝐨𝐧, naisakatuparan ang agarang paghahatid at pamamahagi ng mga binhi bilang bahagi ng patuloy na suporta sa mga magsasakang nangangailangan.

Ang sama-samang pagkilos ng mga ahensyang ito ay patunay ng kanilang matibay na pangako sa pagbibigay ng napapanahon at epektibong suporta upang mapabilis ang pagbangon ng sektor ng agrikultura.

Patuloy na magsisilbi ang OPAG Romblon, kasama ang mga katuwang na ahensya, sa paghahatid ng mga programang magpapalakas sa kabuhayan ng ating mga magsasaka at magtataguyod ng ligtas at sapat na suplay ng pagkain sa lalawigan.

🌾 Sama-sama para sa mas matatag, masaganang, at maunlad na agrikultura!