01/07/2026
Unang Taon ng ‘Serbisyong Totoo’
Sa loob ng unang taon ng kasalukuyang administrasyon sa ilalim ng pamumuno ni Mayor Roger "Toto" Fodra Jr., taos-pusong ipinapaabot ng lokal na pamahalaan ang lubos na pasasalamat sa pagkakaisa ng bawat Odionganon. Lahat ng ating mga nagawa sa nakalipas na taon ay bunga ng iisang layuning makapaghatid ng Serbisyong Totoo, Para sa Lahat. Hindi ito tagumpay ng lokal na pamahalaan lamang, ito ay tagumpay nating lahat. Sa patuloy ninyong tiwala, suporta, at pakikiisa, mas naging posible ang pagpapatupad ng mga programa at proyektong tunay na may positibong epekto sa ating bayan.
Taos-puso ring ipinaaabot ng administrasyon ang pasasalamat sa ating mga Barangay Officials na patuloy na nagsisilbing katuwang ng munisipyo sa paghahatid ng mga programa at serbisyo sa bawat Barangay. Malaki rin ang naging ambag ng ating mga department heads at mga kawani ng lokal na pamahalaan, na araw-araw ay nagbibigay ng malasakit sa kanilang trabaho.
Mahalaga rin ang naging papel ng maayos na pagtutulungan ng Executive at Legislative Branch ng Lokal na Pamahalaan, sa pamumuno ni Vice Mayor Michael "Butchoy" Arevalo. Sa pagkakaisa ng pamunuan at ng Sangguniang Bayan, naging mas epektibo ang pagbuo ng mga polisiya, pag-apruba ng mga kinakailangang ordinansa at resolusyon, at pagpapatupad ng mga programang nakatuon sa kapakanan ng bawat Odionganon. Ang kanilang sama-samang pagkilos ay naging mahalagang pundasyon sa patuloy na paghahatid ng maayos na serbisyo sa lahat.
Hindi rin natin makakamit ang mga ito kung wala ang tuloy-tuloy na suporta ng ating mga National Agencies, na patuloy na naglalaan ng pondo at tulong para sa mga proyektong nagbibigay ng benepisyo sa ating bayan. Gayundin, kinikilala natin ang mahalagang papel ng ating mga Civil Society Organizations (CSOs), na naging katuwang sa pag-abot ng mga programa sa iba't ibang sektor.
At higit sa lahat, ang pinakamalaking pasasalamat ay para sa bawat Odionganon. Ang inyong tiwala, suporta, at aktibong pakikilahok ang tunay na nagbibigay ng inspirasyon sa bawat hakbang ng ating pamahalaan. Ang bawat tagumpay na ating ipinagdiriwang ay tagumpay nating lahat.
Ang unang taong ito ay naging patunay ng ating pagkakaisa at pagtutulungan bilang isang bayan. Maraming salamat sa bawat Odionganon na naging bahagi ng paglalakbay na ito. Sa patuloy nating pagkakaisa, suporta, at pakikiisa, sama-sama nating itataguyod ang ‘Serbisyong Totoo, Para sa Lahat’, para sa ikabubuti ng ating bayan at ng bawat pamilyang Odionganon.
