Odiongan Public Information Office

04/06/2026

𝗧𝗮𝗴-𝗨𝗹𝗮𝗻 𝗡𝗮!

Ayon sa inilabas na pahayag ng DOST-PAGASA, opisyal nang nagsimula ang tag-ulan sa Pilipinas matapos ang ilang araw ng tuloy-tuloy na pag-ulan na dulot ng Habagat.

Pinapayuhan ang lahat na magdala ng payong o kapote at maging handa sa malalakas na ulan at posibleng pagbaha. Para naman sa mga nakatira sa dalampasigan at malapit sa bundok, agad na lumikas sa pinakamalapit na evacuation center kung kinakailangan.

Manatiling nakatutok sa pinakahuling ulat-panahon at opisyal na abiso para sa kaligtasan ng lahat.

04/06/2026

04/06/2026

04/06/2026

𝗟𝗚𝗨 𝗢𝗱𝗶𝗼𝗻𝗴𝗮𝗻, 𝗡𝗮𝗴𝘀𝗮𝗴𝗮𝘄𝗮 𝗻𝗴 𝗣𝗮𝗴𝗽𝘂𝗽𝘂𝗹𝗼𝗻𝗴 𝗽𝗮𝗿𝗮 𝘀𝗮 𝟮𝟬𝟮𝟳 𝗠𝘂𝗻𝗶𝗰𝗶𝗽𝗮𝗹 𝗖𝗼𝗺𝗺𝘂𝗻𝗶𝘁𝘆-𝗕𝗮𝘀𝗲𝗱 𝗠𝗼𝗻𝗶𝘁𝗼𝗿𝗶𝗻𝗴 𝗦𝘆𝘀𝘁𝗲𝗺 (𝗖𝗕𝗠𝗦) 𝗖𝗼𝗼𝗿𝗱𝗶𝗻𝗮𝘁𝗶𝗻𝗴 𝗕𝗼𝗮𝗿𝗱

𝗝𝘂𝗻𝗲 𝟯, 𝟮𝟬𝟮𝟲 | Naisagawa ang pagpupulong ng Municipal Community-Based Monitoring System (CBMS) Coordinating Board sa Lokal na Pamahalaan ng Odiongan kahapon sa Bulwagan ng Municipal Hall.

Sa nasabing pagtitipon, naisagawa ang presentasyon ni Gerald M. Morada, Senior Statistical Specialist ng Philippine Statistics Authority (PSA), kung saan tinalakay ang kahalagahan ng CBMS at ang mga susunod na hakbang para sa matagumpay na implementasyon nito. Nakatuon ang diskusyon sa mga mahahalagang aspeto gaya ng pangangalap ng datos, paglalaan ng resources, map research, at iba pang usaping estadistikal.

Naisagawa ang pagpupulong sa presensya nina Mayor Roger “Toto” Fodra, Engr. Alex G. Foja Jr. mula sa MPDC, at mga kinatawan mula sa iba’t ibang tanggapan ng Lokal na Pamahalaan. Dumalo rin ang mga opisyal mula sa PSA, kabilang si Leni R. Rioflorido (Regional Director, PSA RSSO MIMAROPA) at Engr. Johnny F. Solis (Chief Statistical Specialist, PSA PSO Romblon) at kanilang mga kasamahan sa tanggapan.

Ang inisyatibong ito ay naglalayong pagtibayin ang koordinasyon at pagpaplano para sa mas maayos na implementasyon ng CBMS, na magsisilbing basehan sa pagbuo ng mga programa at serbisyong tutugon sa pangangailangan ng mga Odionganon.

04/06/2026

Panahon na naman ng pagtatapos at mga bagong simula.🎓

Masaya makatanggap ng diploma. Masaya makita ang bunga ng lahat ng puyat, pagod, at sakripisyong pinagdaanan mo. Pero para sa marami, kasabay ng saya ang mga tanong tungkol sa susunod na hakbang.

Paano kung hindi ko pa alam ang gusto kong gawin? Paano kung hindi agad makahanap ng trabaho? Paano kung nalilito pa rin ako kahit graduate na?

Kung ganito ang nararamdaman mo, okay lang. Hindi mo kailangang malaman agad ang lahat. Hindi karera ang buhay, at hindi pare-pareho ang timeline ng bawat tao.

Ipagdiwang mo muna kung gaano kalayo ang narating mo. Darating din ang mga susunod na hakbang. Sa ngayon, pahinga muna. Huminga. At maging proud sa sarili mo.

Congratulations, Batch 2026. 🎓

03/06/2026

𝗣𝗖𝗥𝗣, 𝘁𝗶𝗻𝗮𝗹𝗮𝗸𝗮𝘆 𝘀𝗮 𝗠𝘂𝗻𝗶𝗰𝗶𝗽𝗮𝗹 𝗢𝗿𝗶𝗲𝗻𝘁𝗮𝘁𝗶𝗼𝗻 𝘀𝗮 𝗢𝗱𝗶𝗼𝗻𝗴𝗮𝗻

𝗝𝘂𝗻𝗲 𝟯, 𝟮𝟬𝟮𝟲 | Isinagawa ang Municipal Orientation ng Department of Social Welfare and Development (DSWD) KALAHI-CIDSS sa ilalim ng Philippine Community Resilience Project (PCRP) sa Sato Dizon Hotel bilang bahagi ng pagpapalakas ng kahandaan at katatagan ng mga barangay sa bayan.

Dinaluhan ang aktibidad ng mga kinatawan mula sa lokal na pamahalaan at iba’t ibang barangay upang talakayin ang mga layunin at mekanismo ng proyekto na nakatuon sa paghahanda, pagtugon, at pagbangon mula sa mga kalamidad at iba pang mga hamon.

Binigyang-diin sa orientation ang kahalagahan ng aktibong partisipasyon ng bawat sektor upang matiyak ang matagumpay na implementasyon ng mga proyekto at ang epektibong pagtugon sa mga pangangailangan ng kanilang mga nasasakupan.

Tinalakay rin sa programa ang iba’t ibang paksa kabilang ang PCRP Overview, MREST Composition and Major Responsibilities, at Municipal Profile Data. Ang mga presentasyong ito ay nagsilbing gabay para sa mga Municipal Coordinating Team (MCT) sa efficient at inklusibong pagpapatupad ng KALAHI-CIDSS sa bayan.

Ayon sa DSWD, layunin ng Philippine Community Resilience Project na higit pang mapalakas ang kakayahan ng mga barangay sa pagharap sa mga panganib at sakuna sa pamamagitan ng mga programang nakasentro sa partisipasyon ng mamamayan at pagpapaunlad ng lokal na kapasidad.

Patuloy namang nakikipagtulungan ang lokal na pamahalaan sa mga ahensiya ng gobyerno upang maisulong ang mga programang maghahatid ng mas ligtas, matatag, at maunlad na kinabukasan para sa bawat Odionganon.

03/06/2026

𝗣𝗿𝗼𝗷𝗲𝗰𝘁 𝗣𝗔𝗚-𝗜𝗕𝗜𝗚, 𝗢𝗽𝗶𝘀𝘆𝗮𝗹 𝗻𝗮𝗻𝗴 𝗜𝗻𝗶𝗹𝘂𝗻𝘀𝗮𝗱 𝗻𝗴 𝗥𝗼𝗺𝗯𝗹𝗼𝗻 𝗦𝘁𝗮𝘁𝗲 𝗨𝗻𝗶𝘃𝗲𝗿𝘀𝗶𝘁𝘆

𝗝𝘂𝗻𝗲 𝟯, 𝟮𝟬𝟮𝟲 | Matagumpay na inilunsad ng Romblon State University ang Project PAG-IBIG sa pamamagitan ng isang ribbon-cutting, gayundin ang MOU at MOA signing ceremonies. Ang naturang proyekto ay isang Family Empowerment Center sa loob ng unibersidad na nagtatampok ng educational room, playground na may mga bench, at isang maaliwalas na kapaligiran.

Ang inisyatibong ito ay patunay na ang RSU, kasama ang iba pang mga SUC (State Universities and Colleges), ay patuloy na nagtataguyod ng mga ligtas at mapagkalingang espasyo kung saan ang mga bata, magulang, at pamilya ay maaaring sabay-sabay na lumago, mangarap, at umunlad.

Naging matagumpay ang paglulunsad sa tulong at suporta ng mga empleyado at mag-aaral ng RSU, mga opisyal ng Lokal na Pamahalaan ng Odiongan, mga alkalde sa lalawigan, mga miyembro ng Sangguniang Panlalawigan, pati na nina Governor Trina Firmalo-Fabic at Congressman Budoy Madrona.