Governor Juliette Uy

09/05/2026

Dili nato ma bati ang kalampusan kung walay mga pagsulay nga mo babag sa atong dalan. Kanunay ta mag madasigon, maningkamot ug mag ampo para sa pag BANGON sa Misamis Oriental 💚

08/05/2026

Avail sa atong summer reading program pinaagi sa provincial library 💗💚

08/05/2026

Padayon kitang naghatag og suporta ug pag-atiman sa atong mga Child Development Workers (CDWs) ug sa ilang mga pamilya hilabina ning panahon sa ilang kalisod.

Gihatagan nato og pinansyal nga tabang ang pamilya sa duha ka CDW nga mipanaw, isip pagpasidungog sa ilang dedikasyon ug sakripisyo sa pag-alagad sa komunidad. Pinaagi sa ilang insurance ubos sa CLIMBS Life Insurance, matag pamilya nakadawat og ₱40,000.00, ug dugang pa nga ₱5,000.00 nga cash assistance gikan sa atong opisina.

Dili nato kalimtan ang ilang halangdong serbisyo. Magpadayon kita sa pag-atiman sa atong mga lumilihok sa komunidad bisan pa human sa ilang pagpanaw.

07/05/2026

Daghang salamat Department of Education sa makanunayon nga pakighiusa para pag BANGON sa Misamis Oriental.

06/05/2026

Malipayon kitang ni tambong sa 4th General Assembly sa League of Provinces of the Philippines kung aha naka uban nato ang managlahing ahensya sa gobyerno ug ubang mga governors sa mga probinsya sa nasod.

Sa maong panagtipok atong na pa abot ang mga problema sa atong lalawigan ug unsay mga kasulbaran atong mabuhat niini.

Padayon ta maningkamot para sa pag BANGON sa Misamis Oriental 💚

05/05/2026

PAHIBALO❗❗❗

Aduna Kitay Pagahimoon nga Annual Medical Surgical Mission karung umaabot na Mayo 16, 2026 sugod alas 8 sa buntag, dre ra atong MOPH-Initao, ang maong kalihokan pasiugdahan kini sa Northern Mindanao Medical Center (NMMC).

Kita Kits mga Kapuso ug Kapamilya.

05/05/2026

Mibisita sa atong buhatan ang ahensya sa Department of Education-Division of Misamis Oriental sa pagpanguna ni Division Schools Superintendent Dr. Edilberto Oplenaria aron hisgutan ang mga inisyatibo alang sa kalamboan sa atong probinsya.

Atol sa panagtigom, atong gihisgotan ang atong mga plano ug proyekto diha sulod sa Misamis Oriental Sports Complex nga makahatag kaayohan sa tanan hilabina ang mga kabataang atleta.

Gikalipay usab nato ang mga maayong balita nga ilang dala human ang milabay nga mga dagkong kalihokan nga hugot natong gisuportahan sama sa Regional ug National School Press Conference ug Northern Mindanao Regional Athletics Association ug uban pa diin ubay-ubay ang mga nasakmit nga kadaugan.

Walay undang ang atong pagpaningkamot nga masuportahan ang mga kabataan sa lalawigan uban sa atong tinguha nga mahatagan sila sa maayong kaugmaon sa unahan.

04/05/2026

04/05/2026

Daghan kaayong salamat sa inyong pag salig, akong supporta kanunay basta makatabang sa pag BANGON s Misamis Oriental.

03/05/2026

18th FLAG RAISING CEREMONY | 05.04.26