Municipality of Padre Garcia

03/09/2026

𝐓𝐈𝐍𝐆𝐍𝐀𝐍: Sinubukan ng mahusay na ina ng bayan, Mayor Celsa Braga-Rivera, ang nagpapatuloy na Postal ID Mobile Capturing ng Municipal Post Office na kasalukuyang isinasagawa sa ikalawang palapag ng Padre Garcia Executive Building.

Paalala ng lingkod-bayan sa mga mamamayang Garciano: samantalahin ang pagkakataong makakuha ng naturang serbisyo habang ito ay inihahandog mismo sa munisipyo.

03/09/2026

𝐇𝐀𝐏𝐏𝐄𝐍𝐈𝐍𝐆 𝐍𝐎𝐖: Nagsisidatingan na sa Padre Garcia Municipal Post Office ang mga mamamayang Garciano na makikiisa sa Postal ID Mobile Capturing na handog ng lokal na pamahalaan ngayong Huwebes, ika-3 ng Setyembre, na magpapatuloy hanggang mamayang 3:00 ng hapon.

Bukas din ang naturang programa sa mga hindi residente ng bayan ng Padre Garcia, subalit kinakailangang tiyakin na ang dadalhing barangay clearance ay mula sa barangay na kanilang pinagmulan.

Tingnan ang larawan sa ibaba para sa mga detalye tungkol sa kahalagahan ng pagkakaroon ng Postal ID at mga requirements na kinakailangang ihanda.

03/09/2026

𝐀𝐋𝐀𝐌 𝐍'𝐘𝐎 𝐁𝐀? 📲

Hindi lamang sa page na ito masusubaybayan ang mga 𝗯𝗮𝗹𝗶𝘁𝗮𝗻𝗴 𝗚𝗮𝗿𝗰𝗶𝗮𝗻𝗼!

Mula sa mga programang pangkalusugan hanggang sa serbisyong panlipunan, edukasyon, disaster response, agrikultura, turismo, at iba pang programa at serbisyo ng ating lokal na pamahalaan, 𝗯𝗮𝘄𝗮𝘁 𝘁𝗮𝗻𝗴𝗴𝗮𝗽𝗮𝗻 𝗻𝗴 𝗟𝗚𝗨 𝗣𝗮𝗱𝗿𝗲 𝗚𝗮𝗿𝗰𝗶𝗮 ay may kani-kaniyang 𝗼𝗳𝗳𝗶𝗰𝗶𝗮𝗹 𝗙𝗮𝗰𝗲𝗯𝗼𝗼𝗸 𝗽𝗮𝗴𝗲 kung saan mas madali ninyong masusundan ang mga anunsyo at kaganapan sa ating bayan. 💙

Kaya, huwag sa iisang page lang tumingin! 👀

𝗩𝗶𝘀𝗶𝘁 🔍, 𝗹𝗶𝗸𝗲 👍, 𝗮𝗻𝗱 𝗳𝗼𝗹𝗹𝗼𝘄 📲 the 𝗼𝗳𝗳𝗶𝗰𝗶𝗮𝗹 𝗙𝗮𝗰𝗲𝗯𝗼𝗼𝗸 𝗽𝗮𝗴𝗲𝘀 of our 𝗹𝗼𝗰𝗮𝗹 𝗴𝗼𝘃𝗲𝗿𝗻𝗺𝗲𝗻𝘁 𝗼𝗳𝗳𝗶𝗰𝗲𝘀 to stay updated! Para sa 𝗱𝗶𝗿𝗲𝗰𝘁 𝗮𝗰𝗰𝗲𝘀𝘀, i-click lamang ang 𝗹𝗶𝗻𝗸 na makikita sa bawat larawan. 🔗

𝙇𝙚𝙩’𝙨 𝙨𝙩𝙖𝙮 𝙘𝙤𝙣𝙣𝙚𝙘𝙩𝙚𝙙, 𝙂𝙖𝙧𝙘𝙞𝙖𝙣𝙤𝙨! ✨

02/09/2026

𝐎𝐏𝐈𝐒𝐘𝐀𝐋 𝐍𝐀 𝐏𝐀𝐇𝐀𝐘𝐀𝐆 𝐍𝐆 𝐍𝐄𝐖 𝐏𝐀𝐃𝐑𝐄 𝐆𝐀𝐑𝐂𝐈𝐀 𝐇𝐎𝐒𝐏𝐈𝐓𝐀𝐋 (𝐍𝐏𝐆𝐇)

𝐒𝐞𝐭𝐲𝐞𝐦𝐛𝐫𝐞 𝟐, 𝟐𝟎𝟐𝟔

Nakarating po sa kaalaman ng Pamunuan ng New Padre Garcia Hospital ang kumakalat na post sa social media hinggil sa naging karanasan ng isang 7-buwang-gulang na pasyente at ng kanyang pamilya sa aming Ospital noong Setyembre 1-2, 2026.
Buong kababaang-loob at kaseryosohan pong tinatanggap ng aming pamunuan ang mga ipinaabot na hinaing. Higit sa lahat, ang kaligtasan, kagalingan, at maayos na kalagayan ng bata ang aming pangunahing inaalala.

Kaugnay nito, nais po naming ipaalam sa publiko ang mga kagyat na 𝐡𝐚𝐤𝐛𝐚𝐧𝐠 𝐧𝐚 𝐢𝐬𝐢𝐧𝐚𝐬𝐚𝐠𝐚𝐰𝐚 𝐧𝐠 𝐨𝐬𝐩𝐢𝐭𝐚𝐥:
𝐏𝐨𝐫𝐦𝐚𝐥 𝐧𝐚 𝐏𝐚𝐤𝐢𝐤𝐢𝐩𝐚𝐠-𝐮𝐠𝐧𝐚𝐲𝐚𝐧 𝐬𝐚 𝐏𝐚𝐦𝐢𝐥𝐲𝐚: Pinasimulan na po ng aming 𝐏𝐚𝐦𝐮𝐧𝐮𝐚𝐧 𝐚𝐭 𝐏𝐚𝐭𝐢𝐞𝐧𝐭 𝐑𝐞𝐥𝐚𝐭𝐢𝐨𝐧𝐬 𝐎𝐟𝐟𝐢𝐜𝐞 ang pakikipag-ugnayan sa mga magulang ng sanggol upang personal na kumustahin ang kalagayan ng bata at mag-alok ng isang masinsinang pag-uusap upang pakinggan ang kanilang karanasan at mabigyang-linaw ang bawat detalye.

𝐌𝐚𝐬𝐮𝐬𝐢𝐧𝐠 𝐈𝐦𝐛𝐞𝐬𝐭𝐢𝐠𝐚𝐬𝐲𝐨𝐧𝐠 𝐏𝐚𝐧𝐥𝐨𝐨𝐛: Agad pong naglunsad ang pamunuan ng isang komprehensibong pagsusuri kasama ang 𝐌𝐞𝐝𝐢𝐜𝐚𝐥 𝐃𝐢𝐫𝐞𝐜𝐭𝐨𝐫𝐚𝐭𝐞, 𝐍𝐮𝐫𝐬𝐢𝐧𝐠 𝐃𝐢𝐯𝐢𝐬𝐢𝐨𝐧, 𝐚𝐭 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐯𝐞 𝐁𝐨𝐚𝐫𝐝. Kasalukuyan nang sinusuri ang lahat ng medical records, nursing chart, CCTV footage, at billing statement kaugnay ng insidente.

𝐏𝐚𝐠𝐬𝐮𝐬𝐮𝐫𝐢 𝐬𝐚 𝐦𝐠𝐚 𝐏𝐚𝐦𝐚𝐧𝐭𝐚𝐲𝐚𝐧 𝐚𝐭 𝐀𝐤𝐬𝐲𝐨𝐧𝐠 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐛𝐨: Mahigpit na pinahahalagahan ng NPGH ang propesyonalismo at malasakit sa paglilingkod. Tinitiyak po namin na ang anumang susunod na hakbang administratibo ay ibabatay nang buo at patas sa magiging opisyal na resulta ng imbestigasyon alinsunod sa mga panuntunan ng 𝐃𝐞𝐩𝐚𝐫𝐭𝐦𝐞𝐧𝐭 𝐨𝐟 𝐇𝐞𝐚𝐥𝐭𝐡 (𝐃𝐎𝐇).

𝐏𝐚𝐠𝐬𝐮𝐬𝐮𝐫𝐢 𝐬𝐚 𝐦𝐠𝐚 𝐏𝐚𝐦𝐚𝐧𝐭𝐚𝐲𝐚𝐧 𝐧𝐠 𝐄𝐦𝐞𝐫𝐠𝐞𝐧𝐜𝐲 𝐚𝐭 𝐈𝐧𝐭𝐞𝐫-𝐅𝐚𝐜𝐢𝐥𝐢𝐭𝐲 𝐓𝐫𝐚𝐧𝐬𝐟𝐞𝐫: Kasabay ng pagsusuring ito, masusing bineberipika ng pamunuan ang mga umiiral na emergency protocols, kabilang ang pediatric care coordination, ambulance dispatch, at transfer procedures upang tiyaking nasunod ang mga itinakdang clinical at administrative standards ng ospital.

Bukas po ang aming tanggapan sa patas, bukas, at transparent na pagsusuri. Hinihiling po namin ang inyong pang-unawa habang masusing tinututukan ng pamunuan ang usaping ito tungo sa ikabubuti ng ating mga pasyente at ng buong komunidad.

𝐏𝐚𝐫𝐚 𝐬𝐚 𝐦𝐠𝐚 𝐨𝐩𝐢𝐬𝐲𝐚𝐥 𝐧𝐚 𝐤𝐚𝐭𝐚𝐧𝐮𝐧𝐠𝐚𝐧 𝐚𝐭 𝐤𝐨𝐨𝐫𝐝𝐢𝐧𝐚𝐬𝐲𝐨𝐧:
𝐏𝐚𝐭𝐢𝐞𝐧𝐭 𝐑𝐞𝐥𝐚𝐭𝐢𝐨𝐧𝐬 𝐎𝐟𝐟𝐢𝐜𝐞 / 𝐇𝐨𝐬𝐩𝐢𝐭𝐚𝐥 𝐀𝐝𝐦𝐢𝐧𝐢𝐬𝐭𝐫𝐚𝐭𝐢𝐨𝐧 𝐍𝐞𝐰 𝐏𝐚𝐝𝐫𝐞 𝐆𝐚𝐫𝐜𝐢𝐚 𝐇𝐨𝐬𝐩𝐢𝐭𝐚𝐥 𝐁𝐫𝐠𝐲. 𝐂𝐚𝐬𝐭𝐢𝐥𝐥𝐨, 𝐏𝐚𝐝𝐫𝐞 𝐆𝐚𝐫𝐜𝐢𝐚, 𝐁𝐚𝐭𝐚𝐧𝐠𝐚𝐬

02/09/2026

𝐑𝐄𝐀𝐃𝐘 𝐓𝐎 𝐑𝐄𝐒𝐂𝐔𝐄 🚨

Iginawad kahapon ng Lokal na Pamahalaan ng Padre Garcia, sa pangunguna nina Mayor Celsa Braga-Rivera, Vice Mayor Micko Angelo Rivera, at mga miyembro ng Sangguniang Bayan, ang susi ng Emergency Response Vehicle na ipinagkaloob sa Padre Garcia Fire Station bilang bahagi ng patuloy na pagsisikap ng pamahalaang bayan na mapalakas ang kapasidad ng mga emergency responders sa munisipalidad.

Kaagad nagpaabot ng pasasalamat si Acting Municipal Fire Marshal SFO4 Rachel S Nicasio para sa naturang sasakyan na aniya'y malaking tulong upang mas mapabilis ang pagresponde ng mga miyembro ng Bureau of Fire Protection (BFP), hindi lamang sa mga insidente ng sunog kundi maging sa iba't ibang uri ng sakuna o emergency na nangangailangan ng agarang tulong o serbisyo.

Binigyang-diin naman ni FFSUPT Annalee G Carbajal-Atienza, DSC, Batangas Provincial Fire Marshal, ang kahalagahan ng pagkakaisa ng lokal na pamahalaan, BFP, at iba pang katuwang na ahensya sa pagpapatibay ng kahandaan at seguridad ng isang bayan, na siya raw mismong ipinakikita ng bayan ng Padre Garcia.

01/09/2026

𝐁𝐑𝐆𝐘. 𝐁𝐀𝐖𝐈 𝐈𝐒 𝐍𝐎𝐖 𝐅𝐈𝐑𝐄-𝐑𝐄𝐀𝐃𝐘 🔥🚒

Umukit ng kasaysayan ang Brgy. Bawi, sa ilalim ng liderato ni Kgg. Andy Villanueva, bilang kauna-unahang barangay sa bayan ng Padre Garcia at sa buong ika-apat na distrito ng Batangas na nagkaroon ng sariling fire truck.

Itinampok ang bagong sasakyang pamatay-sunog sa pagbubukas ng 126th Philippine Civil Service Anniversary ngayong Martes kung saan naging panauhing pandangal si Batangas Provincial Fire Marshal FFSUPT Annalee G Carbajal-Atienza, DSC na kinilala ang husay at malasakit ng mga opisyales ng Brgy. Bawi, na aniya'y naging tulay upang maging posible ang naturang tagumpay.

01/09/2026

𝐂𝐄𝐋𝐄𝐁𝐑𝐀𝐓𝐈𝐎𝐍 𝐈𝐍 𝐌𝐎𝐓𝐈𝐎𝐍 💙🇵🇭

Inanunsyo ng mahusay na ina ng bayan, Mayor Celsa Braga-Rivera, ang opisyal na pagbubukas ng Civil Service Commission (CSC) Month 2026 ng Lokal na Pamahalaan ng Padre Garcia kasabay ng isinagawang flag raising ceremony ngayong Martes ng umaga sa Municipal Gymnasium.

Pinukaw ng mga mensaheng hatid nina Mayor Celsa, Vice Mayor Micko Angelo Rivera, at Municipal Administrator Christopher Comia ang damdamin ng mga empleyado, na nagbigay sa kanila ng inspirasyon upang higit nilang pag-ibayuhin ang kanilang dedikasyon sa pagkakaloob ng tapat at mahusay na serbisyo publiko.

Matapos ang pagpupugay sa watawat ng Pilipinas, humataw naman ang mga lingkod-bayan sa kalahating oras na zumba session, na sinundan ng pagkilala at paggagawad ng cash prizes sa mga nagwagi sa ginanap na LGU Fun Run.

01/09/2026

𝐑𝐔𝐍𝐍𝐈𝐍𝐆 𝐓𝐎𝐆𝐄𝐓𝐇𝐄𝐑, 𝐒𝐄𝐑𝐕𝐈𝐍𝐆 𝐁𝐄𝐓𝐓𝐄𝐑 🏃🏃‍♀️

Sinaksihan ng mga lansangan ng Brgy. Poblacion, Brgy. Cawongan, at Brgy. Quilo-Quilo North ang masiglang pagsisimula ng pagdiriwang ng 126th Philippine Civil Service Anniversary sa bayan ng Padre Garcia, na idinaan ng mga kawani ng lokal na pamahalaan, kasama ang hanay ng mga bumbero at kapulisan, sa pamamagitan ng isang Fun Run.

Sabay-sabay na tumakbo ang mga lingkod-bayang Garciano bilang pagpapakita na sa kabila ng magkakaiba nilang tungkulin at responsibilidad, nananatili silang nagkakaisa sa iisang layunin na maglingkod nang may puso, dangal, at galing para sa bayan.

01/09/2026

01/09/2026

POV: 'Yung isang taon n'yong hinintay ang CSC Month 🤣

Hataw kung hataw 💃, energy kung energy! 🕺

Happy 126th Philippine Civil Service Anniversary! 🇵🇭

Mabuhay ang mga lingkod-bayang Garciano! 💙✨