The Roman Catholic Parish of San Santiago Apostol, Paete, Laguna

31/08/2026

𝐌𝐆𝐀 𝐏𝐀𝐆𝐁𝐀𝐒𝐀 𝐍𝐆𝐀𝐘𝐎𝐍𝐆 𝐀𝐑𝐀𝐖
Martes ng Ikadalawamput-dalawang Linggo sa Karaniwang Panahon
𝐒𝐞𝐭𝐲𝐞𝐦𝐛𝐫𝐞 𝟎𝟏, 𝟐𝟎𝟐𝟔

𝐔𝐍𝐀𝐍𝐆 𝐏𝐀𝐆𝐁𝐀𝐒𝐀 | 𝟏 𝐂𝐨𝐫𝐢𝐧𝐭𝐨 𝟐:𝟏𝟎𝐛-𝟏𝟔

𝑃𝑎𝑔𝑏𝑎𝑠𝑎 𝑚𝑢𝑙𝑎 𝑠𝑎 𝑢𝑛𝑎𝑛𝑔 𝑠𝑢𝑙𝑎𝑡 𝑛𝑖 𝐴𝑝𝑜𝑠𝑡𝑜𝑙 𝑆𝑎𝑛 𝑃𝑎𝑏𝑙𝑜 𝑠𝑎 𝑚𝑔𝑎 𝑡𝑎𝑔𝑎-𝐶𝑜𝑟𝑖𝑛𝑡𝑜

Mga kapatid, nasasaliksik ng Espiritu ang lahat ng bagay, maging ang pinakamalalim na panukala ng Diyos. Walang nakaaalam sa iniisip ng isang tao maliban sa kanyang sariling espiritu. Gayun din naman, walang nakaaalam sa mga iniisip ng Diyos maliban sa Espiritu ng Diyos. Hindi ang espiritu ng sanlibutan kundi ang espiritu ng Diyos ang tinanggap natin upang ating maunawaan ang mga kaloob niya sa atin.

Sa mga nagtataglay ng Espiritu, ang ipinaliliwanag nami’y mga katotohanang espirituwal; mga pananalitang turo ng Espiritu at hindi ayon sa karunungan ng tao ang ginagamit namin. Sapagkat ang taong di nagtataglay ng Espiritu ay ayaw tumanggap ng mga kaloob mula sa Espiritu ng Diyos. Para sa kanila, kahangalan ang mga iyon at di nila mauunawaan, sapagkat ang mga bagay na espirituwal ay mauunawaan lamang sa paraang espirituwal. Nauunawaan ng taong nagtataglay ng Espiritu ang kahalagahan ng bawat bagay, ngunit walang nakauunawa sa kanya. Ganito ang nasasaad sa Kasulatan,

“Sino ang nakaaalam ng pag-iisip ng Panginoon?
Sino ang makapagpapayo sa kanya?” Ngunit ang pag-iisip ni Kristo’y taglay natin.

𝐴𝑛𝑔 𝑆𝑎𝑙𝑖𝑡𝑎 𝑛𝑔 𝐷𝑖𝑦𝑜𝑠.

𝐒𝐀𝐋𝐌𝐎𝐍𝐆 𝐓𝐔𝐆𝐔𝐍𝐀𝐍 | 𝐒𝐚𝐥𝐦𝐨 𝟏𝟒𝟒:𝟖-𝟗. 𝟏𝟎-𝟏𝟏. 𝟏𝟐-𝟏𝟑𝐚𝐛. 𝟏𝟑𝐤𝐝-𝟏𝟒

𝐓𝐔𝐆𝐎𝐍: 𝑴𝒂𝒕'𝒘𝒊𝒅 𝒂𝒏𝒈 𝑷𝒐𝒐𝒏𝒈 𝒅𝒂𝒌𝒊𝒍𝒂 𝒔𝒂 𝒍𝒂𝒉𝒂𝒕 𝒏𝒈 𝒌𝒂𝒏𝒚𝒂𝒏𝒈 𝒈𝒊𝒏𝒂𝒘𝒂.

Ang Panginoong D’yos ay puspos ng pag-ibig at lipos ng habag, banayad magalit, ang pag-ibig niya’y hindi kumukupas.
Siya ay mabuti at kahit kanino’y hindi nagtatangi; sa kanyang nilikha, ang pagtingin niya ay mamamalagi.

𝐓𝐔𝐆𝐎𝐍: 𝑴𝒂𝒕'𝒘𝒊𝒅 𝒂𝒏𝒈 𝑷𝒐𝒐𝒏𝒈 𝒅𝒂𝒌𝒊𝒍𝒂 𝒔𝒂 𝒍𝒂𝒉𝒂𝒕 𝒏𝒈 𝒌𝒂𝒏𝒚𝒂𝒏𝒈 𝒈𝒊𝒏𝒂𝒘𝒂.

Magpupuring lahat sa iyo, O Panginoon, ang iyong nilalang; lahat mong nilikha ay pupurihin ka’t pasasalamatan.
Babanggitin nilang tunay na dakila ang ‘yong kaharian, at ibabalitang tunay kang dakila’t makapangyarihan.

𝐓𝐔𝐆𝐎𝐍: 𝑴𝒂𝒕'𝒘𝒊𝒅 𝒂𝒏𝒈 𝑷𝒐𝒐𝒏𝒈 𝒅𝒂𝒌𝒊𝒍𝒂 𝒔𝒂 𝒍𝒂𝒉𝒂𝒕 𝒏𝒈 𝒌𝒂𝒏𝒚𝒂𝒏𝒈 𝒈𝒊𝒏𝒂𝒘𝒂.

Dakila mong gawa’y upang matalastas ng lahat ng tao, mababatid nila ang kadakilaan ng paghahari mo.
Ang paghahari mo’y sadyang walang hanggan, hindi magbabago.

𝐓𝐔𝐆𝐎𝐍: 𝑴𝒂𝒕'𝒘𝒊𝒅 𝒂𝒏𝒈 𝑷𝒐𝒐𝒏𝒈 𝒅𝒂𝒌𝒊𝒍𝒂 𝒔𝒂 𝒍𝒂𝒉𝒂𝒕 𝒏𝒈 𝒌𝒂𝒏𝒚𝒂𝒏𝒈 𝒈𝒊𝒏𝒂𝒘𝒂.

Di ka bibiguin sa mga pangako pagkat ang Diyos ay tapat, ang kanyang ginawa kahit ano ito ay mabuting lahat,
Siya’y tumutulong sa lahat ng tao na may suliranin; yaong inaapi’y inaalis niya sa pagkagupiling.

𝐓𝐔𝐆𝐎𝐍: 𝑴𝒂𝒕'𝒘𝒊𝒅 𝒂𝒏𝒈 𝑷𝒐𝒐𝒏𝒈 𝒅𝒂𝒌𝒊𝒍𝒂 𝒔𝒂 𝒍𝒂𝒉𝒂𝒕 𝒏𝒈 𝒌𝒂𝒏𝒚𝒂𝒏𝒈 𝒈𝒊𝒏𝒂𝒘𝒂.

𝐀𝐋𝐄𝐋𝐔𝐘𝐀 | 𝐋𝐮𝐜𝐚𝐬 𝟕:𝟏𝟔

𝐴𝑙𝑒𝑙𝑢𝑦𝑎! 𝐴𝑙𝑒𝑙𝑢𝑦𝑎!
Narito at dumating na isang dakilang propeta sugo ng Diyos sa bayan n’ya
𝐴𝑙𝑒𝑙𝑢𝑦𝑎! 𝐴𝑙𝑒𝑙𝑢𝑦𝑎!

𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀 | 𝐋𝐮𝐜𝐚𝐬 𝟒:𝟑𝟏-𝟑𝟕

+ 𝐴𝑛𝑔 𝑀𝑎𝑏𝑢𝑡𝑖𝑛𝑔 𝐵𝑎𝑙𝑖𝑡𝑎 𝑛𝑔 𝑃𝑎𝑛𝑔𝑖𝑛𝑜𝑜𝑛 𝑎𝑦𝑜𝑛 𝑘𝑎𝑦 𝑆𝑎𝑛 𝐿𝑢𝑐𝑎𝑠

Noong panahong iyon, nagpunta si Hesus sa Capernaum, Galilea. Nagturo siya sa mga tao nang Araw ng Pamamahinga at nagtaka sila sa kanyang pagtuturo, sapagkat may kapangyarihan kung siya’y magsalita. Naroon sa sinagoga ang isang lalaking inaalihan ng demonyo o isang masamang espiritu. Sumigaw siya nang malakas: “Ano ang pakialam mo sa amin, Hesus na taga-Nazaret? Naparito ka ba upang puksain kami? Alam ko kung sino ka ikaw ang Banal ng Diyos.” Subalit pinagwikaan siya ni Hesus, “Tumahimik ka! Lumayas ka sa taong iyan!” At sa harapan ng lahat, ang tao’y inilugmok ng demonyo at iniwan nang hindi man lamang sinaktan. Nanggilalas silang lahat at nasabi sa isa’t isa, “Anong uri ng pangungusap ito? Makapangyarihan at mabisa! Pinalalayas niya ang masasamang espiritu, at sumusunod naman sila!” At kumalat ang balita tungkol kay Hesus sa buong lupaing iyon.

𝐴𝑛𝑔 𝑀𝑎𝑏𝑢𝑡𝑖𝑛𝑔 𝐵𝑎𝑙𝑖𝑡𝑎 𝑛𝑔 𝑃𝑎𝑛𝑔𝑖𝑛𝑜𝑜𝑛.

31/08/2026

𝐎𝐑𝐀𝐂𝐈𝐎𝐍 | 𝐀𝐍𝐆𝐄𝐋𝐔𝐒

𝗩/. 𝗧𝗵𝗲 𝗔𝗻𝗴𝗲𝗹 𝗼𝗳 𝘁𝗵𝗲 𝗟𝗼𝗿𝗱 𝗱𝗲𝗰𝗹𝗮𝗿𝗲𝗱 𝘂𝗻𝘁𝗼 𝗠𝗮𝗿𝘆,
R/. And she conceived of the Holy Spirit.

Hail Mary, full of grace, the Lord is with you; blessed are you among women, and blessed is the fruit of your womb, Jesus.
Holy Mary, Mother of God, pray for us sinners now and at the hour of our death.

Amen.

𝗩/. 𝗕𝗲𝗵𝗼𝗹𝗱 𝘁𝗵𝗲 𝗵𝗮𝗻𝗱𝗺𝗮𝗶𝗱 𝗼𝗳 𝘁𝗵𝗲 𝗟𝗼𝗿𝗱,
R/. Be it done unto me according to your Word.

Hail Mary, full of grace, the Lord is with you; blessed are you among women,
and blessed is the fruit of your womb, Jesus.
Holy Mary, Mother of God, pray for us sinners now and at the hour of our death.

Amen.

𝗩/. 𝗔𝗻𝗱 𝘁𝗵𝗲 𝗪𝗼𝗿𝗱 𝘄𝗮𝘀 𝗺𝗮𝗱𝗲 𝗳𝗹𝗲𝘀𝗵,
R/. And dwelt among us.

Hail Mary, full of grace, the Lord is with you; blessed are you among women, and blessed is the fruit of your womb, Jesus.
Holy Mary, Mother of God, pray for us sinners now and at the hour of our death.

Amen.

𝗩/. 𝗣𝗿𝗮𝘆 𝗳𝗼𝗿 𝘂𝘀, 𝗢 𝗵𝗼𝗹𝘆 𝗠𝗼𝘁𝗵𝗲𝗿 𝗼𝗳 𝗚𝗼𝗱,
R/. That we may be made worthy of the promises of Christ.

𝗟𝗲𝘁 𝘂𝘀 𝗽𝗿𝗮𝘆.
Pour forth, we beseech you, O Lord, your grace into our hearts: that we, to whom the Incarnation of Christ your Son was made known by the message of an Angel, may by his Passion and Cross be brought to the glory of his Resurrection. Through the same Christ our Lord.

Amen.

𝗚𝗹𝗼𝗿𝘆 𝗯𝗲 to the Father, and to the Son, and to the Holy Spirit.
As it was in the beginning, is now, and ever shall be, world without end.

Amen.

31/08/2026

31/08/2026

𝐓𝐇𝐄 𝐃𝐀𝐈𝐋𝐘 𝐒𝐀𝐈𝐍𝐓

𝐒𝐚𝐧 𝐑𝐚𝐲𝐦𝐮𝐧𝐝𝐨 𝐍𝐨𝐧𝐚𝐭𝐨
𝙰𝚐𝚘𝚜𝚝𝚘 𝟹𝟷

Si Raymundo ay isinilang sa Portella, Catalonia, Espanya. Namatay ang kanyang ina matapos siyang ipanganak sa operasyong caesarean kung kaya't ang pangalan niya ay 'non natus' (na ang ibig sabihin ay hindi ipinanganak).

Sumali siya sa grupo ng mga Mercedariano sa ilalim ng pamumuno ni San Pedro Nolasco sa Barcelona. Siya ang naging kahalili ni San Pedro Nolasco bilang pangunahing tagapagtubos, kaya nagtungo siya sa Algeria upang tubusin ang mga alipin doon. Nanatili siyang bihag para sa ilang mga alipin nang maubusan siya ng perang pantubos sa kanila, at nahatulan siya ng kamatayan nang malaman ng gobernador na maraming Muslim ang nahikayat ni Raymundo na maging Katoliko. Dahil sa perang pantubos na ipinangako niyang dadalhin, pinalaya siya ng gobernador subalit pinabugbog muna nang husto.

Nang itinuloy ni Raymundo ang pagpapahayag ng Ebanghelyo, pinahirapan siya nang husto ng mga awtoridad, subalit tinubos naman siya ni Pedro Nolasco makalipas ang walong taon. Sa pagbabalik ni Raymundo sa Barcelona noong 1239, itinalaga siyang Kardinal ni Papa Gregorio IX. Makalipas ang isang taon, pumanaw siya sa Cardona habang naglalakbay Patungong Roma.

Noong 1657, naganap ang kanyang kanonisasyon. Si San Raymundo ay kinikilalang patron ng mga nagdadalang-tao at mga nagpapaanak dahil sa paraan ng kanyang pagsilang.

(𝖲𝖺𝗇𝗀𝗀𝗎𝗇𝗂𝖺𝗇: Mons. Jose C. Abriol, Talambuhay ng mga Santo at mga Kapistahan ng Mahal na Birhen, ni-rebisa ng Daughters of St. Paul, Paulines Publishing House)

𝐏𝐀𝐍𝐀𝐋𝐀𝐍𝐆𝐈𝐍

Ama naming makapangyarihan, niloob mong ang obispong si San Ramon ay mangasiwa sa iyong banal na bayan.
Pagbigyan mo ang kagitingan niyang dumadalanging idulot mo ang iyong pagkupkop na walang maliw sa pamamagitan ni Hesukristo kasama ng Espiritu Santo magpasawalang hanggan.

Amen.

30/08/2026

𝐌𝐎𝐑𝐍𝐈𝐍𝐆 𝐏𝐑𝐀𝐘𝐄𝐑
August 31, 2026 – Monday of the 22ⁿᵈ Week in Ordinary Time

Heavenly Father, as I close this month and begin a new week, renew my heart and draw me closer to You. Help me to recognize Your blessings, learn from every experience, and continue forward with faith and gratitude. May I entrust the days ahead to Your loving providence and faithfully follow where You lead me. Through Christ our Lord. Amen.

‎

30/08/2026

𝐌𝐆𝐀 𝐏𝐀𝐆𝐁𝐀𝐒𝐀 𝐍𝐆𝐀𝐘𝐎𝐍𝐆 𝐀𝐑𝐀𝐖
Lunes ng Ikadalawamput-dalawang Linggo sa Karaniwang Panahon
𝐀𝐠𝐨𝐬𝐭𝐨 𝟑𝟏, 𝟐𝟎𝟐𝟔

𝐔𝐍𝐀𝐍𝐆 𝐏𝐀𝐆𝐁𝐀𝐒𝐀 | 𝟏 𝐂𝐨𝐫𝐢𝐧𝐭𝐨 𝟐:𝟏-𝟓

𝑃𝑎𝑔𝑏𝑎𝑠𝑎 𝑚𝑢𝑙𝑎 𝑠𝑎 𝑢𝑛𝑎𝑛𝑔 𝑠𝑢𝑙𝑎𝑡 𝑛𝑖 𝐴𝑝𝑜𝑠𝑡𝑜𝑙 𝑆𝑎𝑛 𝑃𝑎𝑏𝑙𝑜 𝑠𝑎 𝑚𝑔𝑎 𝑡𝑎𝑔𝑎-𝐶𝑜𝑟𝑖𝑛𝑡𝑜

Mga kapatid, nang ako’y pumariyan, ipinahayag ko sa inyo ang lihim na panukala ng Diyos, ngunit hindi sa pamamagitan ng malalalim na pananalita o matataas na karunungan. Ipinasiya kong wala akong ipangangaral sa inyo kundi si Hesukristo na ipinako sa krus. Kaya mahina, takot, at nanginginig akong humarap sa inyo. Sa pananalita at pangangaral ko’y hindi ko kayo inakit ng matatamis na pangungusap batay sa karunungan ng tao, kundi sa pamamagitan ng patotoo ng Espiritu at ng kapangyarihan ng Diyos. Kaya’t hindi na karunungan ng tao kundi sa kapangyarihan ng Diyos nababatay ang inyong pananalig kay Kristo.

𝐴𝑛𝑔 𝑆𝑎𝑙𝑖𝑡𝑎 𝑛𝑔 𝐷𝑖𝑦𝑜𝑠.

𝐒𝐀𝐋𝐌𝐎𝐍𝐆 𝐓𝐔𝐆𝐔𝐍𝐀𝐍 | 𝐒𝐚𝐥𝐦𝐨 𝟏𝟏𝟖:𝟗𝟕. 𝟗𝟖. 𝟗𝟗. 𝟏𝟎𝟎. 𝟏𝟎𝟏. 𝟏𝟎𝟐

𝐓𝐔𝐆𝐎𝐍: 𝑰𝒏𝒊𝒊𝒃𝒊𝒈 𝒌𝒐 𝒏𝒂𝒏𝒈 𝒍𝒖𝒃𝒐𝒔 𝒕𝒂𝒏𝒂𝒏𝒈 𝒖𝒕𝒐𝒔 𝒎𝒐, 𝑷𝒐𝒐𝒏𝒈 𝑫'𝒚𝒐𝒔.

Ang taglay kong karununga’y higit pa sa matatanda, pagkat ang ‘yong mga utos ay hindi ko sinisira.

𝐓𝐔𝐆𝐎𝐍: 𝑰𝒏𝒊𝒊𝒃𝒊𝒈 𝒌𝒐 𝒏𝒂𝒏𝒈 𝒍𝒖𝒃𝒐𝒔 𝒕𝒂𝒏𝒂𝒏𝒈 𝒖𝒕𝒐𝒔 𝒎𝒐, 𝑷𝒐𝒐𝒏𝒈 𝑫'𝒚𝒐𝒔.

Di ko gustong matutuhan ang ugaling masasama, ang hangad ko na masunod ay ang iyong sinalita.

𝐓𝐔𝐆𝐎𝐍: 𝑰𝒏𝒊𝒊𝒃𝒊𝒈 𝒌𝒐 𝒏𝒂𝒏𝒈 𝒍𝒖𝒃𝒐𝒔 𝒕𝒂𝒏𝒂𝒏𝒈 𝒖𝒕𝒐𝒔 𝒎𝒐, 𝑷𝒐𝒐𝒏𝒈 𝑫'𝒚𝒐𝒔.

Hindi ako nagpabaya sa utos mo at tuntunin, pagkat ikaw ang g**o ko na nagturo ng aralin.

𝐓𝐔𝐆𝐎𝐍: 𝑰𝒏𝒊𝒊𝒃𝒊𝒈 𝒌𝒐 𝒏𝒂𝒏𝒈 𝒍𝒖𝒃𝒐𝒔 𝒕𝒂𝒏𝒂𝒏𝒈 𝒖𝒕𝒐𝒔 𝒎𝒐, 𝑷𝒐𝒐𝒏𝒈 𝑫'𝒚𝒐𝒔.

𝐀𝐋𝐄𝐋𝐔𝐘𝐀 | 𝐋𝐮𝐜𝐚𝐬 𝟒:𝟏𝟖

𝐴𝑙𝑒𝑙𝑢𝑦𝑎! 𝐴𝑙𝑒𝑙𝑢𝑦𝑎!
Ikaw, Kristo ay sinugo upang sa dukha’y magturo, magpalaya sa bilanggo.
𝐴𝑙𝑒𝑙𝑢𝑦𝑎! 𝐴𝑙𝑒𝑙𝑢𝑦𝑎!

𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀 | 𝐋𝐮𝐜𝐚𝐬 𝟒:𝟏𝟔-𝟑𝟎

+ 𝐴𝑛𝑔 𝑀𝑎𝑏𝑢𝑡𝑖𝑛𝑔 𝐵𝑎𝑙𝑖𝑡𝑎 𝑛𝑔 𝑃𝑎𝑛𝑔𝑖𝑛𝑜𝑜𝑛 𝑎𝑦𝑜𝑛 𝑘𝑎𝑦 𝑆𝑎𝑛 𝐿𝑢𝑐𝑎𝑠

Noong panahong iyon, umuwi si Jesus sa Nazaret na kanyang nilakhan. Gaya ng kanyang kinagawian, pumasok siya sa sinagoga nang Araw ng Pamamahinga. Tumindig siya upang bumasa; at ibinigay sa kanya ang aklat ni Propeta Isaias. Binuksan niya ang aklat sa dakong kinasusulatan ng ganito:

“Sumasaakin ang Espiritu ng Panginoon, Sapagkat hinirang niya ako upang ipangaral sa mga dukha ang Mabuting Balita.
Sinugo niya ako upang ipahayag sa mga bihag na sila’y lalaya, At sa mga bulag na sila’y makakikita; Upang bigyang-kaluwagan ang mga sinisiil, At ipahayag ang pagliligtas na gagawin ng Panginoon.”

Binalumbon niya ang kasulatan, at matapos isauli sa tagapaglingkod, siya’y naupo. Nakatitig sa kanya ang lahat ng nasa sinagoga. At sinabi niya sa kanila: “Natupad ngayon ang bahaging ito ng Kasulatan samantalang nakikinig kayo.” Pinuri siya ng lahat, at namangha sa kanyang napakahusay na pananalita. “Hindi ba ito ang anak ni Jose?” tanong nila. Kaya’t sinabi ni Hesus, “Walang pagsalang babanggitin ninyo sa akin ang kawikaang ito: ‘Doktor, gamutin mo ang iyong sarili!’ Sasabihin din ninyo sa akin, ‘Gawin mo naman sa ‘yong sariling bayan ang mga nabalitaan naming ginawa mo sa Capernaum.’” At nagpatuloy ng pagsasalita si Hesus, “Tandaan ninyo: walang propetang kinikilala sa kanyang sariling bayan. Ngunit sinasabi ko sa inyo: maraming babaing balo sa Israel noong kapanahunan ni Elias nang hindi umulan sa loob ng tatlong tao’t kalahati at magkaroon ng matinding taggutom sa buong lupain. Subalit hindi sa kaninuman sa kanila pinapunta si Elias kundi sa isang babaing balo sa Sarepta, sa lupain ng Sidon. Sa dinami-dami ng mga ketongin sa Israel noong kapanahunan ni Eliseo, walang pinagaling isa man sa kanila; si Naaman pang taga-Siria ang pinagaling.” Galit na galit ang lahat ng nasa sinagoga nang marinig ito. Nagtindigan sila, at pinagtabuyan siyang palabas, sa taluktok ng burol na kinatatayuan ng bayan, upang ibulid sa bangin. Ngunit dumaan siya sa kalagitnaan nila at umalis.

𝐴𝑛𝑔 𝑀𝑎𝑏𝑢𝑡𝑖𝑛𝑔 𝐵𝑎𝑙𝑖𝑡𝑎 𝑛𝑔 𝑃𝑎𝑛𝑔𝑖𝑛𝑜𝑜𝑛.

29/08/2026

𝐌𝐎𝐑𝐍𝐈𝐍𝐆 𝐏𝐑𝐀𝐘𝐄𝐑
August 30, 2026 – 22ⁿᵈ Sunday in Ordinary Time

Heavenly Father, thank You for the gift of this Lord’s Day. Teach me to deny myself, take up my cross, and follow Christ with a faithful and willing heart. May I value Your will above worldly desires and discover true joy in giving my life in love and service. Through Christ our Lord. Amen.

‎

29/08/2026

𝐌𝐆𝐀 𝐏𝐀𝐆𝐁𝐀𝐒𝐀 𝐍𝐆𝐀𝐘𝐎𝐍𝐆 𝐀𝐑𝐀𝐖
Ikadalawamput-dalawang Linggo sa Karaniwang Panahon
𝐀𝐠𝐨𝐬𝐭𝐨 𝟑𝟎, 𝟐𝟎𝟐𝟔

𝐔𝐍𝐀𝐍𝐆 𝐏𝐀𝐆𝐁𝐀𝐒𝐀 | 𝐉𝐞𝐫𝐞𝐦𝐢𝐚𝐬 𝟐𝟎:𝟕-𝟗

𝑃𝑎𝑔𝑏𝑎𝑠𝑎 𝑚𝑢𝑙𝑎 𝑠𝑎 𝑎𝑘𝑙𝑎𝑡 𝑛𝑖 𝑝𝑟𝑜𝑝𝑒𝑡𝑎 𝐽𝑒𝑟𝑒𝑚𝑖𝑎𝑠

Panginoon, ako’y iyong hinihikayat, at sumunod naman ako.
Higit kang malakas kaysa akin at ikaw ay nagwagi.
Pinagtatawanan ako ng balana; maghapon silang nagtatawa dahil sa akin.
Tuwing ako’y magsasalita at sisigaw ng “Karahasan! Pagkasira!”
Pinagtatawanan nila ako’t inuuyam, sapagkat ipinahahayag ko ang iyong salita.
Ngunit kung sabihin kong, “Lilimutin ko ang Panginoon at di na sasambitin ang kanyang pangalan,” para namang apoy na naglalagablab sa aking puso ang iyong mga salita, apoy na nakakulong sa aking mga buto.
Hindi ko na kayang pigilin ito, hirap na hirap na akong magpigil.

𝐴𝑛𝑔 𝑆𝑎𝑙𝑖𝑡𝑎 𝑛𝑔 𝐷𝑖𝑦𝑜𝑠.

𝐒𝐀𝐋𝐌𝐎𝐍𝐆 𝐓𝐔𝐆𝐔𝐍𝐀𝐍 | 𝐒𝐚𝐥𝐦𝐨 𝟔𝟐:𝟐. 𝟑-𝟒. 𝟓-𝟔. 𝟖-𝟗

𝐓𝐔𝐆𝐎𝐍: 𝑨𝒌𝒊𝒏𝒈 𝒌𝒊𝒏𝒂𝒔𝒂𝒔𝒂𝒃𝒊𝒌𝒂𝒏, 𝑷𝒂𝒏𝒈𝒊𝒏𝒐𝒐𝒏, 𝒊𝒌𝒂𝒘 𝒍𝒂𝒎𝒂𝒏𝒈.

O Diyos, ikaw ang aking Diyos na lagi kong hinahanap; ang uhaw kong kaluluwa’y tanging ikaw yaong hangad; Para akong tuyong lupa na tubig ang siyang lunas.

𝐓𝐔𝐆𝐎𝐍: 𝑨𝒌𝒊𝒏𝒈 𝒌𝒊𝒏𝒂𝒔𝒂𝒔𝒂𝒃𝒊𝒌𝒂𝒏, 𝑷𝒂𝒏𝒈𝒊𝒏𝒐𝒐𝒏, 𝒊𝒌𝒂𝒘 𝒍𝒂𝒎𝒂𝒏𝒈.

Bayaan mong sa santwaryo, sa lugar na dakong banal, ikaw roo’y mamasdan ko, sa likas mong karangalan.
Ang wagas na pag-ibig mo’y mahigit pa kaysa buhay. Kaya ako’y magpupuri’t ikaw ang pag-uukulan.

𝐓𝐔𝐆𝐎𝐍: 𝑨𝒌𝒊𝒏𝒈 𝒌𝒊𝒏𝒂𝒔𝒂𝒔𝒂𝒃𝒊𝒌𝒂𝒏, 𝑷𝒂𝒏𝒈𝒊𝒏𝒐𝒐𝒏, 𝒊𝒌𝒂𝒘 𝒍𝒂𝒎𝒂𝒏𝒈.

Habang ako’y nabubuhay, ako’y magpapasalamat. At ako ay dadalangin na kamay ko’y nakataas.
Itong aking kaluluwa’y kakaing may kasiyahan, magagalak na umawit ng papuring iaalay.

𝐓𝐔𝐆𝐎𝐍: 𝑨𝒌𝒊𝒏𝒈 𝒌𝒊𝒏𝒂𝒔𝒂𝒔𝒂𝒃𝒊𝒌𝒂𝒏, 𝑷𝒂𝒏𝒈𝒊𝒏𝒐𝒐𝒏, 𝒊𝒌𝒂𝒘 𝒍𝒂𝒎𝒂𝒏𝒈.

Pagkat ikaw sa tuwina ang katulong na malapit, sa lilim ng iyong pakpak galak akong umaawit.
Itong aking kaluluwa’y sa iyo lang nanghahawak, pagkat ako kung hawak mo, kaligtasa’y natitiyak.

𝐓𝐔𝐆𝐎𝐍: 𝑨𝒌𝒊𝒏𝒈 𝒌𝒊𝒏𝒂𝒔𝒂𝒔𝒂𝒃𝒊𝒌𝒂𝒏, 𝑷𝒂𝒏𝒈𝒊𝒏𝒐𝒐𝒏, 𝒊𝒌𝒂𝒘 𝒍𝒂𝒎𝒂𝒏𝒈.

𝐈𝐊𝐀𝐋𝐀𝐖𝐀𝐍𝐆 𝐏𝐀𝐆𝐁𝐀𝐒𝐀 | 𝐑𝐨𝐦𝐚 𝟏𝟐:𝟏-𝟐

𝑃𝑎𝑔𝑏𝑎𝑠𝑎 𝑚𝑢𝑙𝑎 𝑠𝑎 𝑠𝑢𝑙𝑎𝑡 𝑛𝑖 𝐴𝑝𝑜𝑠𝑡𝑜𝑙 𝑆𝑎𝑛 𝑃𝑎𝑏𝑙𝑜 𝑠𝑎 𝑚𝑔𝑎 𝑡𝑎𝑔𝑎-𝑅𝑜𝑚𝑎

Mga kapatid, alang-alang sa masaganang habag ng Diyos sa atin, ako’y namamanhik sa inyo: ialay ninyo ang inyong sarili bilang handog na buhay, banal at kalugud-lugod sa kanya. Ito ang karapat-dapat na pagsamba ninyo sa Diyos. Huwag kayong umayon sa takbo ng mundong ito. Mag-iba na kayo at magbago ng isip upang mabatid ninyo ang kalooban ng Diyos kung ano ang mabuti, nakalulugod sa kanya, at talagang ganap.

𝐴𝑛𝑔 𝑆𝑎𝑙𝑖𝑡𝑎 𝑛𝑔 𝐷𝑖𝑦𝑜𝑠.

𝐀𝐋𝐄𝐋𝐔𝐘𝐀 | 𝐄𝐟𝐞𝐬𝐨 𝟏:𝟏𝟕-𝟏𝟖

𝐴𝑙𝑒𝑙𝑢𝑦𝑎! 𝐴𝑙𝑒𝑙𝑢𝑦𝑎!
D’yos Ama ni Hesukristo, kami ay liwanagan mo at tutugon kami sa ‘yo.
𝐴𝑙𝑒𝑙𝑢𝑦𝑎! 𝐴𝑙𝑒𝑙𝑢𝑦𝑎!

𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀 | 𝐌𝐚𝐭𝐞𝐨 𝟏𝟔:𝟐𝟏-𝟐𝟕

+ 𝐴𝑛𝑔 𝑀𝑎𝑏𝑢𝑡𝑖𝑛𝑔 𝐵𝑎𝑙𝑖𝑡𝑎 𝑛𝑔 𝑃𝑎𝑛𝑔𝑖𝑛𝑜𝑜𝑛 𝑎𝑦𝑜𝑛 𝑘𝑎𝑦 𝑆𝑎𝑛 𝑀𝑎𝑡𝑒𝑜

Noong panahong iyon, sinimulang ipaalam na ni Hesus sa kanyang mga alagad na dapat siyang magtungo sa Jerusalem at magbata ng maraming hirap sa kamay ng matatanda ng bayan, ng mga punong saserdote at ng mga eskriba, at kanilang ipapapatay siya. Ngunit sa ikatlong araw siya’y muling mabubuhay. Niyaya siya ni Pedro sa isang tabi at pinagsabihan ng ganito: “Panginoon, huwag nawa ng itulot ng Diyos! Hindi po dapat mangyari ito sa inyo.” Ngunit hinarap siya ni Hesus at sinabihan, “Lumayo ka, Satanas! Hadlang ka sa aking landas. Ang iniisip mo’y hindi sa Diyos kundi sa tao.”

Sinabi ni Hesus sa kanyang mga alagad, “Kung ibig ninumang sumunod sa akin, limutin niya ang ukol sa kanyang sarili, pasanin ang kanyang krus at sumunod sa akin. Ang naghahangad na magligtas ng kanyang buhay ay siyang mawawalan nito; ngunit ang mag-alay ng kanyang buhay alang-alang sa akin ay siyang magkakamit noon. Ano nga ang mapapala ng isang tao, makamtan man niya ang buong daigdig kung ang katumbas naman nito’y ang kanyang buhay? Ano ang maibabayad ng tao para mabalik sa kanya ang kanyang buhay? Sapagkat darating ang Anak ng Tao na taglay ang dakilang kapangyarihan ng kanyang Ama at kasama ang kanyang mga anghel. Sa panahong yao’y gagantihin niya ang bawat tao ayon sa kanyang ginawa.”

𝐴𝑛𝑔 𝑀𝑎𝑏𝑢𝑡𝑖𝑛𝑔 𝐵𝑎𝑙𝑖𝑡𝑎 𝑛𝑔 𝑃𝑎𝑛𝑔𝑖𝑛𝑜𝑜𝑛.