Municipal Government of Pakil

05/09/2026

𝗥𝗜𝗖𝗘 𝗦𝗨𝗕𝗦𝗜𝗗𝗬 𝗗𝗜𝗦𝗧𝗥𝗜𝗕𝗨𝗧𝗜𝗢𝗡 𝗦𝗔 𝗟𝗔𝗛𝗔𝗧 𝗡𝗚 𝗛𝗢𝗨𝗦𝗘𝗛𝗢𝗟𝗗 𝗡𝗔𝗚𝗦𝗜𝗠𝗨𝗟𝗔 𝗡𝗔!

Muli na naman po tayong nakapamahagi ng Rice Subsidy sa ating mga kababayan bilang bahagi ng National Government Program sa ilalim ng pamumuno ni Pangulong Ferdinand “Bongbong” Marcos Jr., kung saan bawat bayan ay nabigyan ng pagkakataong makinabang sa programang ito sa pamamagitan ng pondong inilaan sa ilalim ng Local Government Support Fund (LGSF).

Nakapamahagi na po tayo sa tatlong barangay—Bano, Taft, at Burgos.

Antabayanan po ang schedule ng distribution sa inyong barangay at ang mga kaukulang impormasyon mula sa inyong Barangay Officials.

Maraming salamat sa MSWDO, sa pangunguna ni Ma’am Eloisa Javier at ng kanyang staff; sa MAO, sa pangunguna ni Ma’am Thess Payumo; sa MDRRMO, sa pangunguna ni Francis Hidalgo; sa Pakil MPS sa pangunguna ni PMAJ Glenn Cuevas, sa buong bumubuo ng Task Force at PS Obet Isorena, at sa ating mga Kapitan at Barangay Officials ng Bano, Taft, at Burgos, sa kanilang suporta at pakikipagtulungan.

Patuloy nating ilapit sa bawat Pakileño ang mga programa at tulong mula sa National Government. 💙

05/09/2026

03/09/2026

𝗗𝗢𝗢𝗥-𝗧𝗢-𝗗𝗢𝗢𝗥 𝗣𝗔𝗬𝗢𝗨𝗧: 𝗕𝗜𝗥𝗧𝗛𝗗𝗔𝗬 𝗥𝗘𝗚𝗔𝗟𝗢, 𝗖𝗔𝗦𝗛 𝗜𝗡𝗖𝗘𝗡𝗧𝗜𝗩𝗘, 𝗔𝗧 𝗟𝗢𝗡𝗚𝗘𝗩𝗜𝗧𝗬 𝗣𝗔𝗬 𝗣𝗔𝗥𝗔 𝗦𝗔 𝗔𝗣𝗥𝗜𝗟-𝗠𝗔𝗬 𝗦𝗘𝗡𝗜𝗢𝗥 𝗖𝗘𝗟𝗘𝗕𝗥𝗔𝗡𝗧𝗦

Matagumpay na naihatid ng mga kawani ng Pamahalaang Bayan ng Pakil ang mga benepisyo para sa ating mga senior citizen celebrant para sa mga buwan ng Abril at Mayo. Kabilang dito ang Birthday Regalo Payout na nagkakahalaga ng ₱500, Cash Incentive na ₱2,000, at Longevity Pay na ₱5,000.

Ang programang ito ay inisyatibo ni Mayor Ronald James “Unad” Hidalgo upang mas mapadali at maging abot-kamay ang serbisyo para sa ating mga nakatatanda, na sinuportahan din ni Executive Assistant Patrick Hidalgo.

Ang tagumpay ng programang ito ay bunga ng pagtutulungan ng Municipal Social Welfare and Development Office (MSWDO) sa pangunguna ni Ms. Eloisa Javier, ng Municipal Treasurer’s Office sa pangunguna ni Ms. Aramel Sumigcay, at ng mga kawani mula sa Business Permit and Licensing Office (BPLO), Office of the Municipal Mayor (OMM), Assessor’s Office, Office for Agricultural Services (OAS), Public Employment Service Office (PESO), at General Services Office (GSO), pati na rin ang pakikiisa ng mga Senior Citizen Presidents, mga Kagawad, at lahat ng mga kawaning tumulong.

Para po sa mga senior citizen na hindi nakatanggap ng kanilang payout, maaari po kayong makipag-ugnayan sa inyong Senior Citizen President o sa Municipal Social Welfare and Development Office (MSWDO).

03/09/2026

JOB HIRING!
Government Center Brgy. Tavera, Pakil, Laguna
September 10, 2026 (9:00am onwards)

Participating Company:
POWERCHINA PHILIPPINES CORPORATION

Paalala!
-Magsuot ng Casual Attire (No wearing of Slippers, Open-Toed Sandals, Sleeveless Shirt & Shorts)
-Magdala ng updated two (2) RESUME at Ballpen

📩 PESO EMAIL- [email protected]
Please follow our official page:
https://www.facebook.com/pesopakil

01/09/2026

𝗙𝗹𝗮𝗴 𝗥𝗮𝗶𝘀𝗶𝗻𝗴 𝗖𝗲𝗿𝗲𝗺𝗼𝗻𝘆 𝗮𝘁 𝗖𝗶𝘁𝗶𝘇𝗲𝗻𝘀’ 𝗗𝗮𝘆 𝘀𝗮 𝗠𝘂𝗻𝗶𝗰𝗶𝗽𝗮𝗹 𝗛𝗮𝗹𝗹 𝗘𝘅𝘁𝗲𝗻𝘀𝗶𝗼𝗻 - 𝗞𝗮𝗻𝗹𝘂𝗿𝗮𝗻

Isinagawa ang lingguhang Flag Raising Ceremony ng Pamahalaang Bayan ng Pakil sa Municipal Hall Extension - Kanluran sa pangunguna ng Human Resources Management Office (HRMO) sa pamumuno ni Ms. Heide Sulpico.

Nagbahagi ng mensahe ng suporta si Executive Assistant Patrick Hidalgo. Kasunod nito, muling isinagawa ang Citizens’ Day kung saan direktang nakipag-usap ang ating mga Department Heads sa ating mga kababayan upang makinig sa kanilang mga kailangan at magbigay ng mga konkretong plano, hakbangin, at agarang suporta para sa kanilang mga usapin.

01/09/2026

𝗔𝗡𝗨𝗡𝗦𝗬𝗢: 𝗣𝗛𝗜𝗟𝗦𝗬𝗦 𝗡𝗔𝗧𝗜𝗢𝗡𝗔𝗟 𝗜𝗗 𝗥𝗘𝗚𝗜𝗦𝗧𝗥𝗔𝗧𝗜𝗢𝗡

Magkakaroon muli ng PhilSys National ID Registration sa ating bayan, sa pangunguna ng Philippine Statistics Authority (PSA) at sa tulong ng Local Civil Registry Office (LCRO).

MGA KINAKAILANGANG DOKUMENTO (Magdala ng alinman sa mga sumusunod):

✅ Orihinal o photocopy ng PSA Birth Certificate

✅ Local Copy ng Birth Certificate mula sa LCRO

✅ Barangay Certificate o Barangay Residency na may full name, birthday, address, photo, at signature/thumbmark

31/08/2026

𝗡𝗮𝘁𝗶𝗼𝗻𝗮𝗹 𝗛𝗲𝗿𝗼𝗲𝘀 𝗗𝗮𝘆 | 𝗥𝗲𝗴𝘂𝗹𝗮𝗿 𝗛𝗼𝗹𝗶𝗱𝗮𝘆

Isang makabuluhang Paggunita sa Araw ng mga Bayani! Saludo tayo sa ating mga bayaning nag-alay ng buhay para sa kalayaan ng bansa, pati na rin sa ating mga modernong bayani na patuloy na naglilingkod nang tapat para sa kaunlaran ng ating komunidad.

Nawa'y magsilbing inspirasyon ang kanilang tapang at dedikasyon sa bawat isa sa atin. Happy National Heroes Day!

30/08/2026

𝗣𝗘𝗢𝗣𝗟𝗘’𝗦 𝗟𝗔𝗪 𝗔𝗡𝗗 𝗘𝗡𝗙𝗢𝗥𝗖𝗘𝗠𝗘𝗡𝗧 𝗕𝗢𝗔𝗥𝗗 (𝗣𝗟𝗘𝗕) 𝗔𝗦𝗦𝗘𝗠𝗕𝗟𝗬 𝗔𝗡𝗗 𝗥𝗘𝗢𝗥𝗜𝗘𝗡𝗧𝗔𝗧𝗜𝗢𝗡 𝗣𝗥𝗢𝗚𝗥𝗔𝗠

Noong Agosto 27, 2026, naging host ang Bayan ng Pakil sa isinagawang PLEB Assembly and Reorientation Program na dinaluhan ng mga miyembro at kinatawan ng PLEB mula sa iba’t ibang bayan ng 4th District ng Laguna.

Nakibahagi rin sa pagtitipon ang mga Chief of Police, MLGOO, at iba pang kinatawan ng mga bayan bilang bahagi ng pagpapalakas ng koordinasyon at ugnayan sa pagitan ng PLEB, PNP at mga lokal na pamahalaan.

Sa naging talakayan, binigyang-diin ang legal na mandato at responsibilidad ng PLEB, ang tamang proseso sa pagtanggap at paghawak ng mga reklamo, at ang mahalagang pagsunod sa due process, accountability at transparency.

Kasabay nito, isinagawa rin ang Cluster/MMCC Meeting upang talakayin ang mahahalagang usapin hinggil sa seguridad, pampublikong kaligtasan, inter-agency coordination at mga accomplishment sa ating mga nasasakupan.

Taos-puso ang ating pasasalamat sa ating mga panauhin at resource persons na sina NAPOLCOM Regional Director IV-A Atty. Owen De Luna, NAPOLCOM Provincial Director Atty. Joicel Sopeña, at DILG Laguna Cluster B Team Leader Ms. Maria Isabel Llanto sa kanilang mahalagang pagbabahagi ng kaalaman at gabay.

Maraming salamat din sa ating mga local partners sa pangunguna ni PLEB Chairman Resty Barcebal, MLGOO Jinkee Advento, at Chief of Police Police Major Glenn Cuevas, kasama ang buong PLEB at DILG Pakil, sa kanilang mahusay na pakikipagtulungan upang maging matagumpay ang pagtitipong ito.

Isang karangalan para sa Bayan ng Pakil na maging host ng ganitong mahalagang pagtitipon. Sa pamamagitan ng patuloy na dayalogo, koordinasyon at pagtutulungan, mas napapalakas natin ang ating mga institusyon at higit na napapabuti ang serbisyo para sa ating mga kababayan.

Pakil, laging handang makiisa para sa tapat, makatarungan at mahusay na pamamahala.

30/08/2026

𝗣𝗛𝗜𝗟𝗛𝗘𝗔𝗟𝗧𝗛 𝗨𝗣𝗗𝗔𝗧𝗘𝗦 𝗔𝗧 𝗕𝗘𝗡𝗘𝗣𝗜𝗦𝗬𝗢, 𝗧𝗜𝗡𝗔𝗟𝗔𝗞𝗔𝗬 𝗞𝗔𝗦𝗔𝗠𝗔 𝗔𝗡𝗚 𝗔𝗧𝗜𝗡𝗚 𝗦𝗘𝗡𝗜𝗢𝗥 𝗖𝗜𝗧𝗜𝗭𝗘𝗡𝗦

Isinagawa ng ating Municipal Social Welfare and Development Office (MSWDO), katuwang ang OSCA at PhilHealth, ang isang oryentasyon ukol sa mga karapatan, benepisyo, at serbisyong pangkalusugan para sa ating mga Senior Citizens.

Nagpaabot din ng kanyang buong suporta at mensahe si Mayor Ronald James “Unad” Hidalgo.

Narito ang mga pangunahing benepisyong tinalakay, awtomatikong libreng PhilHealth membership, bawas-presyo sa mga gamot at konsultasyon sa doktor, 5% discount sa bill ng kuryente at tubig, at priority service sa lahat ng pampubliko at pampribadong tanggapan.

Kinikilala natin sina MSWDO Ma’am Eloisa Javier, Municipal BHW Coordinator Nurse Vischelle Cartavio, MUSCA Jun Valero, OSCA Clemente Pasang, at Ms. Myra Gunda ng PhilHealth para sa kanilang mahalagang ambag sa programang ito. Maraming salamat din sa PhilHealth at MSWDO para sa mahalagang information dissemination na ito, at higit sa lahat, sa ating mga senior citizens para sa inyong aktibong pakikilahok.