69 Cougar Battalion 7ID

14/05/2026

𝐓𝐈𝐆𝐍𝐀𝐀𝐍 || 𝟔𝟗𝐭𝐡 𝐈𝐍𝐅𝐀𝐍𝐓𝐑𝐘 𝐁𝐀𝐓𝐓𝐀𝐋𝐈𝐎𝐍 𝐀𝐓 𝐌𝐆𝐀 𝐊𝐀𝐓𝐔𝐖𝐀𝐍𝐆 𝐍𝐀 𝐀𝐇𝐄𝐍𝐒𝐘𝐀, 𝐍𝐀𝐆𝐇𝐀𝐓𝐈𝐃 𝐍𝐆 𝐏𝐀𝐆-𝐀𝐒𝐀 𝐀𝐓 𝐒𝐄𝐑𝐁𝐈𝐒𝐘𝐎 𝐒𝐀 𝐌𝐆𝐀 𝐌𝐀𝐍𝐆𝐈𝐍𝐆𝐈𝐒𝐃𝐀 𝐍𝐆 𝐙𝐀𝐌𝐁𝐀𝐋𝐄𝐒

PALAUIG, ZAMBALES — Matagumpay na nagsagawa ang Northern Luzon Command (NOLCOM), sa pakikipagtulungan ng 702nd Infantry (Defender) Brigade at ng 69th Infantry Battalion, ng isang Outreach Program na handog nina Pangulong Ferdinand “Bongbong” Marcos Jr. at Department of National Defense Secretary Gilberto “Gibo” Teodoro Jr. na pinamagatang “Serbisyong May Puso, Tulong Para sa Mangingisdang Pilipino” sa Brgy. Maloma, San Felipe at Iba, Zambales bilang pagpapakita ng malasakit, pagkakaisa, at suporta sa mga komunidad ng mangingisda sa lalawigan noong ika-12 ng Mayo 2026.

Pinangunahan ni BGEN Ronald M. Bautista PA, Commander, 702nd Infantry (Defender) Brigade kasama sina LTC Mark Anthony B Ruelos INF (GSC) PA, Commanding Officer ng 69th Infantry Battalion at mga opisyal ng lokal na pamahalaan, DSWD Region III, Philippine National Police (PNP), Bureau of Fire Protection (BFP), Philippine Coast Guard (PCG), Department of the Interior and Local Government (DILG), Operation Blessing Foundation Philippines, at Mr. Paolo Quitaneg, President of Fisherfolks Association, ang nasabing makataong aktibidad. Kabuuang 1423 mangingisda mula sa Iba, San Felipe, San Antonio, San Narciso, at Botolan ang nakatanggap ng food packs at solar lanterns.

Nagpahayag naman ng taos-pusong pasasalamat si Mr. Paolo Quitaneg, President of Fisherfolks Association, kay President Ferdinand R. Marcos Jr, Sec. Gilberto C. Teodoro, DND, Northern Luzon Command, 69th Infantry Battalion, at mga katuwang na ahensya para sa ipinagkaloob na tulong sa mga mangingisda at kanilang pamilya. Ayon sa kanya, malaking bagay ang ipinamahaging food packs at solar lanterns upang makatulong sa pang-araw-araw na pangangailangan ng mga benepisyaryo, lalo na sa mga komunidad na umaasa sa pangingisda bilang pangunahing kabuhayan. Binigyang-diin din niya na ang ganitong uri ng programa ay nagpapakita ng tunay na malasakit ng pamahalaan at nagbibigay pag-asa sa mga mangingisdang Pilipino.

10/05/2026

𝐓𝐈𝐆𝐍𝐀𝐍|| 𝐏𝐚𝐠𝐦𝐚𝐦𝐚𝐡𝐚𝐥 𝐚𝐭 𝐏𝐚𝐠𝐤𝐢𝐥𝐚𝐥𝐚 𝐬𝐚 𝐦𝐠𝐚 𝐈𝐧𝐚, 𝐓𝐚𝐦𝐩𝐨𝐤 𝐬𝐚 𝐌𝐨𝐭𝐡𝐞𝐫’𝐬 𝐃𝐚𝐲 𝐂𝐞𝐥𝐞𝐛𝐫𝐚𝐭𝐢𝐨𝐧 𝐧𝐠 𝟔𝟗𝐭𝐡 𝐈𝐧𝐟𝐚𝐧𝐭𝐫𝐲 𝐁𝐚𝐭𝐭𝐚𝐥𝐢𝐨𝐧

Palauig, Zambales – Bilang pakikiisa sa pagdiriwang ng Mother’s Day, nagsagawa ang 69th Infantry Battalion ng isang simpleng programa bilang pagpupugay sa mga ina at asawa ng mga kawal sa pangunguna ni LTC Mark Anthony B. Ruelos, Commanding Officer ng Battalion at ang kanyang pinakamamahal na asawa.

Layunin ng nasabing programa na kilalanin ang mahalagang papel ng mga ina at asawa sa paghubog ng matatag na pamilya at sa patuloy na pagsuporta sa mga sundalo sa pagtupad ng kanilang tungkulin. Naging daan din ito upang pagtibayin ang pagkakaisa, pasasalamat, at malasakit sa loob ng hanay ng mga pamilyang militar.

Sa kanyang mensahe, ipinahayag ni LTC Mark Anthony B. Ruelos ang taos-pusong pasasalamat sa lahat ng ina at asawa dahil sa kanilang sakripisyo, walang sawang suporta, at pagmamahal sa kanilang pamilya sa kabila ng mga hamon ng buhay militar. Binigyang-diin niya na sa likod ng bawat matagumpay na sundalo ay isang matatag at mapagmahal na pamilya, lalo na ang mga ina na nagsisilbing haligi ng tahanan.

Naging tampok sa pagdiriwang ang pagbibigay ng bulaklak at mensahe para sa mga ina at asawa. Naghatid ito ng kasiyahan at lalong nagpatibay sa samahan ng mga pamilyang kabilang sa Battalion.

Patuloy namang isinusulong ng 69th Infantry Battalion ang mga programang naglalayong mapanatili ang mataas na moral at kapakanan ng mga kawal at kanilang mga pamilya habang patuloy na ginagampanan ang mandato nito sa pagpapanatili ng kapayapaan at seguridad sa komunidad.

09/05/2026

·𝐂𝐨𝐮𝐠𝐚𝐫 𝐕𝐞𝐫𝐬𝐞 𝐨𝐟 𝐭𝐡𝐞 𝐃𝐚𝐲
“And over all these virtues put on love, which binds them all together in perfect unity.”
-Colossians 3:14

09/05/2026

𝐓𝐈𝐆𝐍𝐀𝐍 || 𝟔𝟗𝐈𝐁, 𝐏𝐀𝐓𝐔𝐋𝐎𝐘 𝐒𝐀 𝐏𝐀𝐆𝐁𝐈𝐁𝐈𝐆𝐀𝐘 𝐊𝐀𝐌𝐀𝐋𝐀𝐘𝐀𝐍 𝐀𝐓 𝐊𝐀𝐀𝐋𝐀𝐌𝐀𝐍 𝐓𝐔𝐍𝐆𝐊𝐎𝐋 𝐒𝐀 𝐖𝐄𝐒𝐓 𝐏𝐇𝐈𝐋𝐈𝐏𝐏𝐈𝐍𝐄 𝐒𝐄𝐀

𝗣𝗮𝗹𝗮𝘂𝗶𝗴, 𝗭𝗮𝗺𝗯𝗮𝗹𝗲𝘀 - Bilang bahagi ng patuloy na pagpapalakas ng kamalayan ng mamamayan at pagsusulong ng pagmamahal sa bayan, nagsagawa ng Information Awareness Drive tungkol sa West Philippine Sea (WPS) sina 2LT Joshua C Ellezo (FS) PA, Executive Officer ng Alpha Company, 69IB; 2LT Rizza Mae Q Lamoste (OS) PA, Assistant CMO Officer ng 69IB; at Sgt Ferdinand Ganapin (Inf) PA, 5SFC, 2SFBN, SFR (A), SOCOM para sa mga mag-aaral ng Northern Zambales College Inc. at mga mangingisda ng Sitio Matalvis, Brgy. Inhobol, Masinloc, Zambales, ika-9 ng Mayo 2026.

Pinangunahan ang nasabing aktibidad ni Mrs. Rosemarie Barcelona, NSTP Coordinator, na nagbigay-diin sa kahalagahan ng West Philippine Sea, ang kahalagahan nito sa bansa, at ang mahalagang papel ng bawat Pilipino sa pagpapalaganap ng kaalaman, pagkakaisa, at pagmamahal sa bayan.

Tinalakay rin sa aktibidad ang Army recruitment at reservist recruitment upang hikayatin ang mga kabataan at miyembro ng komunidad na maging bahagi ng paglilingkod sa bayan sa pamamagitan ng pagpasok sa Regular at Reserve Force ng Armed Forces of the Philippines.

Naging kapansin-pansin din ang aktibong pakikiisa at partisipasyon ng mga kalahok sa talakayan, kung saan nagbahagi sila ng kanilang mga pananaw, katanungan, at suporta hinggil sa usapin ng West Philippine Sea at sa kahalagahan ng pagkakaisa sa pagtatanggol sa soberanya ng bansa.

Bilang bahagi rin ng programa, nagkaroon ng pagpapakita ng iba’t ibang West Philippine Sea campaign materials upang higit na mapalawak ang kaalaman at kamalayan ng mga kalahok hinggil sa karapatan ng bansa at pangangalaga sa ating teritoryo.

Isinagawa ang aktibidad sa Covered Court ng Sitio Matalvis, Brgy. Inhobol, Masinloc, Zambales, na nagsilbing daan upang mas mapalalim ang kaalaman ng mga kabataan at mangingisda tungkol sa pambansang kamalayan, kahalagahan ng karagatan, at responsibilidad bilang mamamayan.

Patuloy na ipinapakita ng Philippine Army at mga katuwang nitong ahensya ang kanilang matatag na commitment sa pagpapaigting ng kaalaman at pagkakaisa ng mga komunidad sa pamamagitan ng mga information at awareness campaign.

08/05/2026

𝐂𝐨𝐮𝐠𝐚𝐫 𝐕𝐞𝐫𝐬𝐞 𝐨𝐟 𝐭𝐡𝐞 𝐃𝐚𝐲
“You crown the year with Your bounty, and Your carts overflow with abundance.”
-Psalms 65:11

05/05/2026

𝐓𝐈𝐆𝐍𝐀𝐍 || 𝐌𝐠𝐚 𝐊𝐚𝐠𝐚𝐦𝐢𝐭𝐚𝐧𝐠 𝐏𝐚𝐧𝐠 𝐤𝐮𝐦𝐨𝐧𝐢𝐤𝐚𝐬𝐲𝐨𝐧, 𝐈𝐩𝐢𝐧𝐚𝐠𝐤𝐚𝐥𝐨𝐨𝐛 𝐧𝐠 𝐀𝐅𝐏𝐅𝐂-𝐌𝐏𝐂 𝐬𝐚 𝟔𝟗𝐈𝐁

Palauig, Zambales — Pormal na tinanggap ng 69th Infantry Battalion sa pangunguna ni Lieutenant Colonel Mark Anthony Ruelos, Commanding Officer, ang mga kagamitang pangkomunikasyon at pang-impormasyon mula sa AFP Finance Center Multi-Purpose Cooperative (AFPFC MPC), isa sa mga institusyong pang pinansyal na patuloy na nagpapaabot ng tulong sa Yunit pag dating sa Financial Literacy at sa administratibong aspeto, sa isang turn-over ceremony na ginanap noong Abril 29, 2026 sa Tent City, Barangay Bulawen, Palauig, Zambales.

Pinangunahan ni Vice Chairman, Colonel Edilberto P. Carniyan PA (Ret), ang turnover ng mga kagamitan na kinabibilangan ng labing anim na commercial radio at telebisyon. Layunin ng nasabing donasyon na mapalakas ang kakayahan sa komunikasyon at mapabuti ang moral at kapakanan ng mga sundalo na nakatalaga sa lugar.

Sa kanyang mensahe, lubos na nagpasalamat si LTC Ruelos sa AFPFC MPC sa patuloy nitong suporta sa Armed Forces of the Philippines. Binigyang-diin niya na ang mga ganitong inisyatiba ay may malaking ambag sa pagpapalakas ng operasyon at sa kapakanan ng mga kawal sa larangan.

Samantala, ipinahayag naman ni COL Carniyan (Ret) ang patuloy na dedikasyon ng kanilang organisasyon sa pagsuporta sa mga yunit ng militar. Aniya, mahalaga ang pagtutulungan at pagkakaisa upang higit pang mapatatag ang kapakanan ng mga sundalo at maisulong ang adhikain ng organisasyon.

Ang aktibidad ay sumisimbolo sa matibay na ugnayan sa pagitan ng hukbong sandatahan at mga katuwang nitong Institusyong pinansyal.

03/05/2026

ＴＩＧＮＡＮ|| 𝗞𝗔𝗨𝗚𝗡𝗔𝗬 𝗡𝗘𝗪𝗦𝗟𝗜𝗡𝗘 𝗖𝗢𝗠𝗠𝗨𝗡𝗜𝗧𝗬 𝗔𝗪𝗔𝗥𝗘𝗡𝗘𝗦𝗦 𝗖𝗔𝗠𝗣𝗔𝗜𝗚𝗡
Kampanya para sa kapayapaan at seguridad, Pinalakas ng 69th Infantry Battalion sa Zambales

02/05/2026

𝐓𝐢𝐠𝐧𝐚𝐧 || 𝟔𝟗𝐈𝐁, 𝐍𝐚𝐠𝐬𝐚𝐠𝐚𝐰𝐚 𝐧𝐠 𝐉𝐨𝐢𝐧𝐭 𝐂𝐨𝐚𝐬𝐭𝐚𝐥 𝐂𝐥𝐞𝐚𝐧-𝐔𝐩 𝐚𝐭 𝐌𝐚𝐧𝐠𝐫𝐨𝐯𝐞 𝐏𝐥𝐚𝐧𝐭𝐢𝐧𝐠 𝐀𝐜𝐭𝐢𝐯𝐢𝐭𝐲 𝐬𝐚 𝐒𝐭𝐚. 𝐂𝐫𝐮𝐳, 𝐙𝐚𝐦𝐛𝐚𝐥𝐞 𝐬𝐛𝐢𝐥𝐚𝐧𝐠 𝐩𝐚𝐠 𝐠𝐮𝐧𝐢𝐭𝐚 𝐧𝐠 𝐖𝐨𝐫𝐥𝐝 𝐎𝐜𝐞𝐚𝐧 𝐌𝐨𝐧𝐭𝐡

𝗣𝗮𝗹𝗮𝘂𝗶𝗴, 𝗭𝗮𝗺𝗯𝗮𝗹𝗲𝘀 — Bilang pakikiisa sa pagdiriwang ng World Ocean Month, naki-isa ang 69th Infantry Battalion sa isinagawang Joint Coastal Clean-Up Drive at Mangrove Planting Activity sa Sitio Burador, Brgy. Sabang, Sta. Cruz, Zambales noong mayo 2, 2026.

Ang naturang aktibidad ay isinagawa sa pakikipagtulungan sa Sta. Cruz Zambales Diversified Metals Corporation (ZDMC) at dinaluhan ni CPT Hamilton Dawaton, Acting Civil-Military Operations (CMO) Officer ng yunit, kasama ang mga tauhan mula sa Santa Cruz Municipal Police Station (MPS), Bureau of Fire Protection (BFP), mga opisyal ng barangay, at iba’t ibang People’s Organizations (POs).

Ang sama-samang partisipasyon ng mga ahensyang ito ay direktang sumusuporta sa layunin ng National Greening Program (NGP), partikular sa pagpapalakas ng reforestation, pangangalaga sa kalikasan, at aktibong pakikilahok ng komunidad. Sa pamamagitan ng koordinasyon at kolaborasyon ng iba’t ibang sektor, napapalakas ang implementasyon ng mga programang pangkapaligiran, kabilang ang pagtatanim ng puno, pangangalaga ng mga itinanim na punla, at pagpapataas ng kamalayan ng mamamayan sa kahalagahan ng likas-yaman.

Layunin ng aktibidad na isulong ang pangangalaga sa kalikasan, proteksyon sa baybayin, at pagpapalawak ng kamalayan ng komunidad hinggil sa kahalagahan ng pagpapanatili ng yamang-dagat. Nakiisa ang mga kalahok sa paglilinis ng dalampasigan at pagtatanim ng bakawan upang makatulong sa pagpapanumbalik ng coastal habitats at mabawasan ang epekto ng pagbabago ng klima.

Ipinapakita ng gawaing ito ang matibay na ugnayan ng mga ahensya ng pamahalaan, pribadong sektor, at lokal na komunidad sa pagsusulong ng pangangalaga sa kapaligiran at pagpapalakas ng diwa ng sama-samang responsibilidad sa pagprotekta ng likas na yaman ng bansa.

Patuloy ang 69th Infantry Battalion sa pagsuporta sa mga programang nakatuon sa komunidad na naglalayong mapanatili ang kalikasan at makatulong sa pagpapaunlad ng bayan.

01/05/2026

𝗟𝗜𝗩𝗘: 𝗞𝗔𝗨𝗚𝗡𝗔𝗬 𝗡𝗘𝗪𝗦𝗟𝗜𝗡𝗘 | 𝗠𝗮𝘆 𝟬𝟭, 𝟮𝟬𝟮𝟲- 𝗕𝘆𝗲𝗿𝗻𝗲𝘀 𝗻𝗴 𝗧𝗮𝗻𝗴𝗵𝗮𝗹𝗶.

Tutok na sa Ang Inyong Pamilyang Kaugnay Program ng Kaugnay Virtual TV-ang banner news and variety program ng 7th Infantry Division ng Philippine Army.

Hatid namin ang napapanahong balita, serbisyong bayan, at makabuluhang kwento na magbibigay inspirasyon at motibasyon sa bawat pamilyang Pilipino. Sama-sama tayong magkaisa at maki-Kaugnay!

FOLLOW AND SUBSCRIBE:
https://www.youtube.com/

#𝗡𝗲𝘄𝘀𝗨𝗽𝗱𝗮𝘁𝗲
#𝗕𝗮𝗴𝗼𝗻𝗴𝗣𝗶𝗹𝗶𝗽𝗶𝗻𝗮𝘀
#𝗔𝗻𝗴𝗜𝗻𝘆𝗼𝗻𝗴𝗣𝗮𝗺𝗶𝗹𝘆𝗮𝗻𝗴𝗞𝗮𝘂𝗴𝗻𝗮𝘆
#𝗣𝗵𝗶𝗹𝗶𝗽𝗽𝗶𝗻𝗲𝗔𝗿𝗺𝘆
#𝗦𝗲𝗿𝘃𝗶𝗻𝗴𝘁𝗵𝗲𝗣𝗲𝗼𝗽𝗹𝗲𝗦𝗲𝗰𝘂𝗿𝗶𝗻𝗴𝘁𝗵𝗲𝗟𝗮𝗻𝗱
#𝗞𝗮𝘂𝗴𝗻𝗮𝘆𝗕𝗮𝗹𝗶𝘁𝗮
#𝗞𝗮𝘂𝗴𝗻𝗮𝘆𝗩𝗶𝗿𝘁𝘂𝗮𝗹𝗧𝘃
#𝗣𝗮𝗺𝗶𝗹𝘆𝗮𝗔𝘁𝗠𝗮𝗹𝗮𝘀𝗮𝗸𝗶𝘁
#𝗛𝘂𝘀𝗮𝘆𝗔𝘁𝗗𝗶𝘀𝗶𝗽𝗹𝗶𝗻𝗮
#𝗔𝗙𝗣𝘆𝗼𝘂𝗰𝗮𝗻𝗧𝗥𝗨𝗦𝗧
#𝗞𝗮𝘂𝗴𝗻𝗮𝘆𝗖𝗮𝗿𝗲𝘀
#𝗠𝗮𝘁𝗮𝘁𝗮𝗴𝗡𝗮𝗛𝘂𝗸𝗯𝗼𝗻𝗴𝗞𝗮𝘁𝗶𝗵𝗮𝗻
#𝗦𝗔𝗟𝗔𝗞𝗡𝗜𝗕𝟮𝟬𝟮𝟲

01/05/2026

𝗟𝗜𝗩𝗘 𝗦𝗧𝗥𝗘𝗔𝗠𝗜𝗡𝗚: 𝗙𝗘𝗔𝗦𝗧 𝗢𝗙 𝗦𝗔𝗜𝗡𝗧 𝗝𝗢𝗦𝗘𝗣𝗛 𝗧𝗛𝗘 𝗪𝗢𝗥𝗞𝗘𝗥| 𝗠𝗮𝘆 𝟬𝟭, 𝟮𝟬𝟮𝟲

Theme: “San Jose Manggagawa, Malasakit at Ugnayan sa Pamilya Tungo sa Isang Bagong Pilipinas.”

#𝗔𝗻𝗴𝗜𝗻𝘆𝗼𝗻𝗴𝗣𝗮𝗺𝗶𝗹𝘆𝗮𝗻𝗴𝗞𝗮𝘂𝗴𝗻𝗮𝘆
#𝗦𝗲𝗿𝘃𝗶𝗻𝗴𝘁𝗵𝗲𝗣𝗲𝗼𝗽𝗹𝗲𝗦𝗲𝗰𝘂𝗿𝗶𝗻𝗴𝘁𝗵𝗲𝗟𝗮𝗻𝗱
#𝗣𝗮𝗺𝗶𝗹𝘆𝗮𝗔𝘁𝗠𝗮𝗹𝗮𝘀𝗮𝗸𝗶𝘁
#𝗛𝘂𝘀𝗮𝘆𝗔𝘁𝗗𝗶𝘀𝗶𝗽𝗹𝗶𝗻𝗮
#𝗔𝗙𝗣𝘆𝗼𝘂𝗰𝗮𝗻𝗧𝗥𝗨𝗦𝗧
#𝗞𝗮𝘂𝗴𝗻𝗮𝘆𝗖𝗮𝗿𝗲𝘀
#𝗠𝗮𝘁𝗮𝘁𝗮𝗴𝗡𝗮𝗛𝘂𝗸𝗯𝗼𝗻𝗴𝗞𝗮𝘁𝗶𝗵𝗮𝗻

01/05/2026