City Health Office-Palayan City

City Health Office-Palayan City Contact information, map and directions, contact form, opening hours, services, ratings, photos, videos and announcements from City Health Office-Palayan City, Government Organization, City Hall Compound, Brgy. Singalat, Palayan City.

Matagumpay na natapos ng Palayan City ang Measles-Rubella Supplemental Immunization Activity (MR-SIA)! ๐Ÿฅณ๐Ÿ’‰Isang malaking ...
05/09/2026

Matagumpay na natapos ng Palayan City ang Measles-Rubella Supplemental Immunization Activity (MR-SIA)! ๐Ÿฅณ๐Ÿ’‰

Isang malaking tagumpay ang pagkakamit ng 61.2% coverage accomplishment, na naglagay sa City of Palayan sa Top 6 ng buong Nueva Ecija! ๐Ÿ†๐Ÿ‘

Ngunit ang tagumpay na ito ay hindi lamang tungkol sa ranking o porsyento ng accomplishment. Higit sa lahat, ito ay tungkol sa mga batang ating naprotektahan laban sa tigdasโ€”isang sakit na maaaring magdulot ng malubhang komplikasyon at maging banta sa buhay. โค๏ธ๐Ÿ›ก๏ธ

Bawat batang nabakunahan ay isang dagdag na proteksyon, bawat pamilyang nahikayat ay isang hakbang tungo sa mas ligtas na komunidad, at bawat oras at pagod na inilaan ng ating mga health workers at katuwang ay mahalagang ambag sa tagumpay na ito.

๐Ÿ™ Taos-puso ang aming pasasalamat sa lahat ng nakiisa at naging bahagi ng MR-SIAโ€”sa ating mga health workers, nurses, midwives, barangay health workers, barangay nutrition scholars, barangay officials, support staff, BFP, 4Ps Palayan City, mga magulang at guardians, at sa lahat ng volunteers at katuwang na walang sawang tumulong upang maabot at maprotektahan ang ating mga batang Palayano.

Maraming salamat din sa Department of Health at sa Local Government Unit of Palayan City sa patuloy na suporta at pagtutulungan para sa mga programang naglalayong pangalagaan ang kalusugan ng bawat Palayano. ๐Ÿ’™๐Ÿ’š

Sa pangunguna ng ating City Health Officer, Dr. Sheila Victoria B. Flores, at sa suporta ng ating City Mayor, Hon. Viandrei Nicole J. Cuevas, patuloy nating isusulong ang isang ligtas, malusog at protektadong Palayan City.

Ang Top 6 ay isang karangalan, ngunit ang tunay na tagumpay ay ang bawat batang naprotektahan. โค๏ธ

Maraming salamat sa inyong lahat na nakiisa! Para sa bawat batang Palayanoโ€”bakunado, protektado! ๐Ÿ’‰๐Ÿ›ก๏ธ

CTTO: Provincial DOH Office โ€“ Nueva Ecija

๐‹๐ข๐›๐ซ๐ž๐ง๐  ๐๐ฌ๐ฒ๐œ๐ก๐ข๐š๐ญ๐ซ๐ข๐œ ๐‚๐จ๐ง๐ฌ๐ฎ๐ฅ๐ญ๐š๐ญ๐ข๐จ๐ง ๐ฌ๐š ๐๐š๐ฅ๐š๐ฒ๐š๐ง ๐‚๐ข๐ญ๐ฒ! Bilang bahagi ng patuloy na pangangalaga sa kalusugan ng bawat Palayan...
05/09/2026

๐‹๐ข๐›๐ซ๐ž๐ง๐  ๐๐ฌ๐ฒ๐œ๐ก๐ข๐š๐ญ๐ซ๐ข๐œ ๐‚๐จ๐ง๐ฌ๐ฎ๐ฅ๐ญ๐š๐ญ๐ข๐จ๐ง ๐ฌ๐š ๐๐š๐ฅ๐š๐ฒ๐š๐ง ๐‚๐ข๐ญ๐ฒ!

Bilang bahagi ng patuloy na pangangalaga sa kalusugan ng bawat Palayano, ang Pamahalaang Lungsod ng Palayan sa pangunguna ng ating butihing punong lungsod ๐Š๐ ๐ . ๐•๐ข๐š๐ง๐๐ซ๐ž๐ข ๐๐ข๐œ๐จ๐ฅ๐ž ๐‰. ๐‚๐ฎ๐ž๐ฏ๐š๐ฌ ay nag-aanyaya para sa ๐ฅ๐ข๐›๐ซ๐ž๐ง๐  ๐๐ฌ๐ฒ๐œ๐ก๐ข๐š๐ญ๐ซ๐ข๐œ ๐‚๐จ๐ง๐ฌ๐ฎ๐ฅ๐ญ๐š๐ญ๐ข๐จ๐ง.

Mga iskedyul para sa buwan ng Setyembre:
โ€ข ๐’๐ž๐ฉ๐ญ๐ž๐ฆ๐›๐ž๐ซ ๐Ÿ—, ๐Ÿ๐ŸŽ๐Ÿ๐Ÿ” : (๐Ÿ:๐ŸŽ๐ŸŽ ๐๐Œ - ๐Ÿ“:๐ŸŽ๐ŸŽ ๐๐Œ)
โ€ข ๐’๐ž๐ฉ๐ญ๐ž๐ฆ๐›๐ž๐ซ ๐Ÿ๐Ÿ“, ๐Ÿ๐ŸŽ๐Ÿ๐Ÿ” : (๐Ÿ–:๐ŸŽ๐ŸŽ๐€๐Œ - ๐Ÿ๐Ÿ:๐ŸŽ๐ŸŽ๐๐)

Lugar: ๐‚๐ข๐ญ๐ฒ ๐‡๐ž๐š๐ฅ๐ญ๐ก ๐Ž๐Ÿ๐Ÿ๐ข๐œ๐ž, ๐๐š๐ฅ๐š๐ฒ๐š๐ง ๐‚๐ข๐ญ๐ฒ ๐‡๐š๐ฅ๐ฅ ๐‚๐จ๐ฆ๐ฉ๐จ๐ฎ๐ง๐
Maaaring mag walk-in ngunit mas hinihikayat ang lahat na magpa-appointment. Ang mga magpapa-schedule ay maaaring magtungo sa City Health Office at hanapin sina ๐ƒ๐ซ๐š. ๐’๐ก๐ž๐ข๐ฅ๐š ๐…๐ฅ๐จ๐ซ๐ž๐ฌ o ๐๐ฎ๐ซ๐ฌ๐ž ๐‘-๐–๐ž๐ง ๐‰๐จ๐ฒ ๐ƒ๐š๐ง๐ข๐ฉ๐จ๐  ๐•๐ž๐ซ๐š, o kaya naman ay si ๐’๐ข๐ซ ๐ˆ๐ซ๐จ๐ณ ๐’๐จ๐ซ๐ข๐š๐ง๐จ sa City Mayor's Office, ๐‹๐ฎ๐ง๐ž๐ฌ ๐ก๐š๐ง๐ ๐ ๐š๐ง๐  ๐๐ข๐ฒ๐ž๐ซ๐ง๐ž๐ฌ, ๐ฆ๐ฎ๐ฅ๐š ๐ข๐ค๐š-๐Ÿ–:๐ŸŽ๐ŸŽ ๐ง๐  ๐ฎ๐ฆ๐š๐ ๐š ๐ก๐š๐ง๐ ๐ ๐š๐ง๐  ๐ข๐ค๐š-๐Ÿ“:๐ŸŽ๐ŸŽ ๐ง๐  ๐ก๐š๐ฉ๐จ๐ง o kaya naman ay magsagot dito sa appointment link:

https://sites.google.com/view/nigcomerce/fsafas...

Piliin lamang sa date kung ๐’๐ž๐ฉ๐ญ๐ž๐ฆ๐›๐ž๐ซ ๐Ÿ—, ๐Ÿ๐ŸŽ๐Ÿ๐Ÿ” o ๐’๐ž๐ฉ๐ญ๐ž๐ฆ๐›๐ž๐ซ ๐Ÿ๐Ÿ“, ๐Ÿ๐ŸŽ๐Ÿ๐Ÿ” ang inyong nais na schedule para magpakonsulta.

Huwag kalimutang alagaan hindi lamang ang ating pisikal na kalusugan, kundi pati na rin ang ating kalusugang pangkaisipan.


Muli tayong kumakatok sa puso ng bawat Palayano na nais maging bayani sa pamamagitan ng pagbibigay ng dugo. โค๏ธInaanyayah...
03/09/2026

Muli tayong kumakatok sa puso ng bawat Palayano na nais maging bayani sa pamamagitan ng pagbibigay ng dugo. โค๏ธ

Inaanyayahan ang lahat ng kwalipikadong blood donors na makiisa sa ating Mobile Blood Donation sa:

๐Ÿ“… September 11, 2026 (Friday)
๐Ÿ“ CDRRMO Training Center, CDRRMO Building
๐Ÿ  Brgy. Atate, Palayan City

Isang donasyon ay maaaring maging pag-asa at makapagligtas ng buhay. Tara na, Palayano! Magbigay ng dugo at maging bahagi ng isang makabuluhang bayanihan. ๐Ÿฉธโค๏ธ

๐Ÿ“ข MAHALAGANG ANUNSYO!Ipinapaalam po sa ating mga kliyente na walang schedule ng OPD check-up at ibang serbisyo sa City H...
29/08/2026

๐Ÿ“ข MAHALAGANG ANUNSYO!

Ipinapaalam po sa ating mga kliyente na walang schedule ng OPD check-up at ibang serbisyo sa City Health Office sa mga sumusunod na araw:

๐Ÿ“… Agosto 31, 2026 (Lunes) โ€“ National Heroes Day
โžก๏ธ Alinsunod sa Proclamation No. 1006, s. 2025, na nagdedeklara sa Agosto 31 bilang regular holiday para sa taong 2026.

๐Ÿ“… Setyembre 1, 2026 (Martes) โ€“ Civil Service Kick-Off Ceremony
โžก๏ธ Kaugnay ng opisyal na aktibidad ng pamahalaan para sa paggunita ng Civil Service Month.

๐Ÿ“… Setyembre 2, 2026 (Miyerkules) โ€“ Unang Sigaw ng Nueva Ecija
โžก๏ธ Alinsunod sa Republic Act No. 7596, na nagdedeklara sa Setyembre 2 bilang special non-working holiday sa Nueva Ecija bilang paggunita sa Unang Sigaw ng Nueva Ecija.

๐Ÿ’š Pinapayuhan po ang lahat na planuhin ang inyong pagbisita at muling magtungo sa City Health Office sa regular na araw ng serbisyo.

Maraming salamat po sa inyong pang-unawa at pagtangkilik sa City Health Office!

๐Ÿง  LIBRENG PSYCHIATRIC CONSULTATION! ๐Ÿ’™Ang libreng psychiatric consultation sa August 28, 2026, 1:00 PMโ€“5:00 PM sa City He...
26/08/2026

๐Ÿง  LIBRENG PSYCHIATRIC CONSULTATION! ๐Ÿ’™

Ang libreng psychiatric consultation sa August 28, 2026, 1:00 PMโ€“5:00 PM sa City Health Office, Palayan City Hall Compound.

๐Ÿ“Œ Walk-in o appointment
๐Ÿ“Œ Para sa gustong magpakonsulta at humingi ng gabay tungkol sa mental health.

Ang pag-aalaga sa mental health ay mahalaga. Huwag mag-atubiling humingi ng tulong. ๐Ÿ’™

๐Ÿ’‰ BAKUNA KONTRA TIGDAS, LIGTAS AT EPEKTIBO! ๐Ÿ›ก๏ธโค๏ธSa ikalawang linggo ng ating Measles-Rubella Supplemental Immunization A...
24/08/2026

๐Ÿ’‰ BAKUNA KONTRA TIGDAS, LIGTAS AT EPEKTIBO! ๐Ÿ›ก๏ธโค๏ธ

Sa ikalawang linggo ng ating Measles-Rubella Supplemental Immunization Activity (MR-SIA) sa Palayan City, umabot na sa 1,689 batang edad 6โ€“59 buwan ang nabigyan ng bakuna laban sa tigdas. ๐ŸŽ‰๐Ÿ‘

Bawat bakunang naibibigay ay dagdag na proteksyon laban sa tigdasโ€”isang sakit na maaaring magdulot ng malulubhang komplikasyon, lalo na sa mga batang hindi pa ganap na protektado.

๐Ÿ™ Maraming salamat sa ating mga magulang at tagapag-alaga na patuloy na nagtitiwala at naglalaan ng oras upang mabigyan ng dagdag na proteksyon ang kanilang mga anak.

๐Ÿ‘ Taos-puso rin ang aming pasasalamat sa ating Barangay Health Workers (BHWs), Barangay Nutrition Scholars (BNS), Barangay Officials, at mga volunteers na walang sawang tumutulong upang mailapit ang serbisyo ng pagbabakuna sa bawat komunidad.

Hindi pa ba nabakunahan ang inyong anak? Habol tayo! ๐Ÿ’ช๐Ÿ’‰

Kung ang inyong anak ay edad 6โ€“59 buwan at hindi pa nakatatanggap ng bakuna sa ating MR Supplemental Immunization Activity, makipag-ugnayan sa inyong Barangay Health Station o Barangay Health Worker para sa impormasyon at schedule ng pagbabakuna sa inyong lugar.

๐Ÿ’™ Walang batang dapat maiwan.
๐Ÿ’™ Walang batang dapat mawalan ng pagkakataong magkaroon ng dagdag na proteksyon.

Bakuna ang proteksyon. Bakunahan ang bawat bata! ๐Ÿ’‰๐Ÿ›ก๏ธ

๐ŸŒง๏ธ SA KABILA NG ULAN, PARA SA KALUSUGAN, TULOY ANG SERBISYO! ๐Ÿ’™Sa kabila ng maulang panahon, matagumpay na naisagawa at n...
19/08/2026

๐ŸŒง๏ธ SA KABILA NG ULAN, PARA SA KALUSUGAN, TULOY ANG SERBISYO! ๐Ÿ’™

Sa kabila ng maulang panahon, matagumpay na naisagawa at natapos ang Joint Family Planning Month and National Tuberculosis Day Celebration ngayong arawโ€”isang makabuluhang pagtitipon na naglalayong palawakin ang kaalaman ng ating mga kababayan tungkol sa responsableng pagpaplano ng pamilya at pag-iwas, pagtukoy at paggamot sa Tuberculosis.

Sa patnubay at suporta ng ating Punong Lungsod, Hon. Viandrei Nicole J. Cuevas, pinangunahan ng City Health Office (CHO) sa pamumuno ni Dr. Sheila Victoria B. Flores, City Health Officer, ang nasabing aktibidad, katuwang ang Commission on Population and Development โ€“ Palayan City sa pangunguna ni Ms. Roselle Corpuz, at ang Palayan City 4Ps sa pangunguna ni Ms. Almira Gamilla, City Link Team Leader.

Nagbigay ng mensahe ng pagbati at suporta sina SP Member Hon. Anita Pineda at Ms. Almira Gamilla, na nagbigay-diin sa kahalagahan ng pagkakaisa ng ibaโ€™t ibang sektor upang mas mapalapit at mapalawak ang serbisyong pangkalusugan para sa bawat pamilyang Palayano.

๐Ÿ“š Kaalaman para sa Mas Malusog na Pamilya

Bilang bahagi ng health education session, nagbigay ng lecture tungkol sa Family Planning si Dr. Czarinna Estacio, OB-GYN, kung saan tinalakay ang kahalagahan ng responsableng pagpaplano ng pamilya, mga family planning methods, at ang papel ng bawat mag-asawa sa paggawa ng mga desisyong makabubuti para sa kanilang pamilya.

Samantala, ibinahagi naman ni Mr. Niel Laysa, Nurse TB Coordinator, ang Basic Facts About Tuberculosis. Tinalakay ang mga karaniwang sintomas, paraan ng pagkahawa, kahalagahan ng maagang pagpapasuri at paggamot, at ang papel ng komunidad sa pagpigil sa pagkalat ng TB.

๐Ÿฉป LIBRENG CHEST X-RAY

Hindi lamang kaalaman ang hatid ng aktibidad. Nagkaroon din ng FREE CHEST X-RAY para sa mga kalahok sa pakikipagtulungan ng Alay Buhay Community Development Foundation, sa pamamagitan ni Ms. Angela Camille Mactal.

Isang mahalagang hakbang ito upang mahikayat ang ating mga kababayan na sumailalim sa screening at magkaroon ng pagkakataong maagap na matukoy ang mga posibleng kaso ng TB.

๐Ÿค Nakiisa rin sa aktibidad ang DKT, sa pangunguna ni Mr. Michael John Echevarria, na nagbigay ng ilang Family Planning commodities at collaterals na makatutulong sa patuloy na pagpapalaganap ng tamang kaalaman tungkol sa family planning.

Sa pagtatapos ng programa, nagbigay ng closing message si Ms. Lerma Gonzales, Family Planning Coordinator, bilang paalala sa kahalagahan ng patuloy na pakikilahok at paggamit ng mga serbisyong pangkalusugan na inilalapit sa komunidad.

๐Ÿ‘ฅ Sa kabuuan, 203 kalahok ang dumalo at nakinabang sa isinagawang aktibidad, kabilang ang mga sumailalim sa libreng Chest X-ray.

Ang matagumpay na pagdaraos ng aktibidad na ito ay patunay na kahit maulan ang panahon, hindi tumitigil ang serbisyo para sa kalusugan. Sa pamamagitan ng pagtutulungan ng lokal na pamahalaan, health workers, national government partners, development partners at komunidad, patuloy nating maisusulong ang isang mas malusog, mas ligtas at mas responsableng Palayan City.

๐Ÿ’™ Ang S.M.A.R.T. na Pamilya, Panalo! Tara usap tayo sa Family Planning!
๐Ÿซ Maagang Pagsusuri, Tamang Gamutan, TB ay Maiiwasan!
๐Ÿค Sama-sama para sa Kalusugan ng bawat Pamilyang Palayano!

Maraming salamat sa lahat ng naging bahagi, katuwang at kalahok sa matagumpay na pagdiriwang na ito! ๐Ÿ‡ต๐Ÿ‡ญ







๐Ÿ“ข ANNOUNCEMENT: MOBILE BLOOD DONATION POSTPONEDIpinapaalam po sa lahat na ang nakatakdang Mobile Blood Donation Activit...
17/08/2026

๐Ÿ“ข ANNOUNCEMENT: MOBILE BLOOD DONATION POSTPONED

Ipinapaalam po sa lahat na ang nakatakdang Mobile Blood Donation Activity sa August 18, 2026 ay IPINAGPAPALIBAN (POSTPONED) HANGGANG SA KARAGDAGANG PAUNAWA.

Ang bagong petsa ng ating Blood Donation Activity ay ia-anunsyo sa lalong madaling panahon.

Humihingi po kami ng paumanhin sa anumang abala na maaaring maidulot ng pagbabago ng schedule. Maraming salamat po sa inyong pang-unawa, suporta, at patuloy na pakikiisa sa ating programa.

๐Ÿ’‰ BAKUNA KONTRA TIGDAS, LIGTAS AT EPEKTIBO! ๐Ÿ›ก๏ธโค๏ธSa unang isang linggo ng ating Measles-Rubella Supplemental Immunization...
15/08/2026

๐Ÿ’‰ BAKUNA KONTRA TIGDAS, LIGTAS AT EPEKTIBO! ๐Ÿ›ก๏ธโค๏ธ

Sa unang isang linggo ng ating Measles-Rubella Supplemental Immunization Activity (MR-SIA) sa Palayan City, 929 na batang edad 6โ€“59 buwan ang nabakunahan laban sa tigdas.

Bawat isang bakunang naibigay ay isang dagdag na pananggalang laban sa tigdasโ€”isang sakit na maaaring magdulot ng malubhang komplikasyon, lalo na sa mga batang hindi protektado.

๐Ÿ™ Maraming salamat sa mga magulang at tagapag-alaga na nagtiwala at naglaan ng oras upang mabigyan ng dagdag na proteksyon ang kanilang mga anak.

๐Ÿ‘ Malaking pasasalamat din sa ating mga Barangay Health Workers, Barangay Nutrition Scholars, Barangay Officials, at lahat ng volunteers na patuloy na naglilingkod para mailapit ang bakuna sa bawat komunidad.

๐Ÿ“ Maraming salamat sa mga barangay na nakibahagi:

๐Ÿ’‰ Brgy. Atate
๐Ÿ’‰ Brgy. Bo. Militar
๐Ÿ’‰ Brgy. Sapang Buho
๐Ÿ’‰ Brgy. Marcos Village
๐Ÿ’‰ Brgy. Imelda Valley
๐Ÿ’‰ Brgy. Singalat
๐Ÿ’‰ Brgy. Caimito
๐Ÿ’‰ Brgy. Ganaderia

Hindi pa ba nabakunahan ang inyong anak? Habol tayo! ๐Ÿ’ช

Kung ang inyong anak ay edad 6โ€“59 buwan at hindi pa nakatatanggap ng bakuna sa ating supplemental immunization activity, makipag-ugnayan sa inyong Barangay Health Station o Barangay Health Worker para sa impormasyon tungkol sa pagbabakuna sa inyong lugar.

Narito ang mga susunod na schedule ng bakuna:

August 17 - Brgy. Caballero at Popolon
August 18 - Brgy. Manacnac, Malate at Santolan
August 19 - Brgy. Maligaya, Bagong Buhay, Aulo at Mapait
August 20 - Brgy. Doรฑa Josefa at Langka

Walang batang dapat maiwan.
Walang batang dapat mawalan ng pagkakataong magkaroon ng dagdag na proteksyon.

๐Ÿ’‰ Bakunahan natin. Protektahan natin. Sama-sama nating iligtas ang mga !

929 na ang nabakunahan. Marami pa tayong batang kailangang maabot. โค๏ธ



Address

City Hall Compound, Brgy. Singalat
Palayan City
3132

Website

Alerts

Be the first to know and let us send you an email when City Health Office-Palayan City posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to City Health Office-Palayan City:

Shortcuts

Share

Category