Provincial Government of Nueva Ecija

05/09/2026

Patuloy na nakikibahagi ang Pamahalaang Panlalawigan ng Nueva Ecija sa pamamagitan ng magigiting na mga kawani ng PDRRMO-Nueva Ecija sa ginagawang Search, Rescue and Retrieval (SRR) Operations sa mga biktima ng nahulog na sasakyan bunga ng pagkasira ng tulay noong nakaraang linggo sa Tarlac. Sa diwa ito ng patuloy na pag-abot ng pagmamalasakit alinsunod sa direktiba at gabay ng ating Punong Lalawigan Gov. Aurelio "Oyie" M. Umali.

03/09/2026

𝐍𝐀𝐊𝐈𝐊𝐈𝐈𝐒𝐀 𝐀𝐍𝐆 𝐏𝐀𝐌𝐀𝐇𝐀𝐋𝐀𝐀𝐍𝐆 𝐏𝐀𝐍𝐋𝐀𝐋𝐀𝐖𝐈𝐆𝐀𝐍 𝐍𝐆 𝐍𝐔𝐄𝐕𝐀 𝐄𝐂𝐈𝐉𝐀 𝐒𝐀 𝐈𝐊𝐀-𝟏𝟐𝟔 𝐍𝐀 𝐏𝐇𝐈𝐋𝐈𝐏𝐏𝐈𝐍𝐄 𝐂𝐈𝐕𝐈𝐋 𝐒𝐄𝐑𝐕𝐈𝐂𝐄 𝐀𝐍𝐍𝐈𝐕𝐄𝐑𝐒𝐀𝐑𝐘

Ang Pamahalaang Panlalawigan ng Nueva Ecija, sa pamumuno ni Governor Aurelio Oyie Matias Umali at Vice Governor Lemon Umali, ay buong pagmamalaking nakikiisa sa buong bansa sa pagdiriwang ng ika-126 na Philippine Civil Service Anniversary (PCSA) ngayong Setyembre 2026.

Sa temang “𝑷𝒖𝒔𝒐, 𝑫𝒂𝒏𝒈𝒂𝒍, 𝒂𝒕 𝑮𝒂𝒍𝒊𝒏𝒈 𝑷𝒂𝒓𝒂 𝒔𝒂 𝑩𝒂𝒚𝒂𝒏,” binibigyang-pugay ng pagdiriwang ngayong taon ang mga pagpapahalagang nagbibigay-kahulugan sa tunay na paglilingkod-bayan—pusong buong tapat na naglilingkod, dangal sa pagtupad ng tungkulin, at galing sa paghahatid ng mahusay na serbisyo para sa bayan.

Para sa Pamahalaang Panlalawigan ng Nueva Ecija, ang paglilingkod-bayan ay higit pa sa isang pananagutan. Ito ay isang pangakong tapat sa mamamayan, tungkuling ginagampanan nang may integridad, at patuloy na paghahangad ng kahusayan sa bawat serbisyong naihahatid sa bawat Novo Ecijano.

Sa paggunita sa mahalagang okasyong ito, nawa’y patuloy nating itaguyod ang pinakamataas na pamantayan ng paglilingkod-bayan at higit pang patatagin ang ating sama-samang paninindigan para sa isang pamahalaang tumutugon, mahusay, may pananagutan, at tunay na nakatuon sa kapakanan ng mamamayan.

Puso sa paglilingkod.
Dangal sa bawat tungkulin.
Galing para sa Bayan.

𝐌𝐚𝐛𝐮𝐡𝐚𝐲 𝐚𝐧𝐠 𝐦𝐠𝐚 𝐋𝐢𝐧𝐠𝐤𝐨𝐝-𝐁𝐚𝐲𝐚𝐧 𝐧𝐠 𝐍𝐮𝐞𝐯𝐚 𝐄𝐜𝐢𝐣𝐚!
𝐌𝐚𝐛𝐮𝐡𝐚𝐲 𝐚𝐧𝐠 𝐏𝐡𝐢𝐥𝐢𝐩𝐩𝐢𝐧𝐞 𝐂𝐢𝐯𝐢𝐥 𝐒𝐞𝐫𝐯𝐢𝐜𝐞!

02/09/2026

#𝐋𝐎𝐎𝐊 | 𝐈𝐒𝐀𝐍𝐆 𝐀𝐑𝐀𝐖 𝐍𝐆 𝐒𝐄𝐑𝐁𝐈𝐒𝐘𝐎, 𝐏𝐀𝐆𝐊𝐀𝐊𝐀𝐈𝐒𝐀, 𝐀𝐓 𝐌𝐀𝐋𝐀𝐒𝐀𝐊𝐈𝐓 𝐏𝐀𝐑𝐀 𝐒𝐀 𝐁𝐀𝐖𝐀𝐓 𝐍𝐎𝐕𝐎 𝐄𝐂𝐈𝐉𝐀𝐍𝐎 🌾🇵🇭

Sa paggunita ng Ika-130 Unang Sigaw ng Nueva Ecija, muling binigyang-diin ni Governor Aurelio Oyie Matias Umali na ang tunay na pagpupugay sa tapang at sakripisyo ng ating mga ninuno ay hindi lamang sa pag-alala sa kasaysayan, kundi sa pagpapatuloy ng isang pamahalaang may malasakit—isang pamahalaang naghahatid ng konkretong serbisyo, oportunidad, at pag-asa sa bawat Novo Ecijano.

Sa kanyang mensahe, binigyang-diin ni Governor Oyie na ang pag-unlad ng Nueva Ecija ay dapat maramdaman sa araw-araw na buhay ng ating mga kababayan—sa kanilang kalusugan, edukasyon, kabuhayan, kapakanan, at kinabukasan.

Bilang pagsasabuhay ng mensaheng ito, inilunsad at ipinakilala ng Pamahalaang Panlalawigan ang mahahalagang programang direktang tumutugon sa pangangailangan ng mga Novo Ecijano.

𝐏𝐆𝐍𝐄 𝐌𝐎𝐁𝐈𝐋𝐄 𝐏𝐇𝐀𝐑𝐌𝐀𝐂𝐘: 𝐒𝐄𝐑𝐁𝐈𝐒𝐘𝐎𝐍𝐆 𝐏𝐀𝐍𝐆𝐊𝐀𝐋𝐔𝐒𝐔𝐆𝐀𝐍, 𝐌𝐀𝐒 𝐌𝐀𝐋𝐀𝐏𝐈𝐓 𝐒𝐀 𝐌𝐀𝐌𝐀𝐌𝐀𝐘𝐀𝐍

Pormal na inilunsad ang PGNE Mobile Pharmacy upang higit pang mailapit sa mga komunidad ang mga kinakailangang gamot at serbisyong pangkalusugan—isang konkretong hakbang upang maging mas accessible ang tulong medikal sa bawat Novo Ecijano.

𝐏𝐀𝐆𝐇𝐈𝐋𝐎𝐌: 𝐀 𝐌𝐄𝐍𝐓𝐀𝐋 𝐇𝐄𝐀𝐋𝐓𝐇 𝐀𝐍𝐃 𝐏𝐒𝐘𝐂𝐇𝐎𝐒𝐎𝐂𝐈𝐀𝐋 𝐖𝐄𝐋𝐋𝐍𝐄𝐒𝐒 𝐏𝐑𝐎𝐆𝐑𝐀𝐌

Inilunsad din ang PAGHILOM, isang programang nakatuon sa mental health at psychosocial well-being ng mga mag-aaral, g**o, magulang, at school personnel.

Ito ay bunga ng pagtutulungan ng PGNE, DepEd Nueva Ecija sa pangunguna ni Dr. Ericson Sabacan, at Ako Ang Saklay, Inc. sa pangunguna ni Fr. Arnold Abelardo—bilang pagkilala na ang tunay na malasakit ay hindi lamang para sa pisikal na kalusugan, kundi maging sa isip, damdamin, at kabuuang kapakanan ng bawat isa.

𝐒𝐓𝐑𝐎𝐍𝐆𝐄𝐑 𝐂𝐎𝐍𝐍𝐄𝐂𝐓𝐈𝐕𝐈𝐓𝐘 𝐅𝐎𝐑 𝐄𝐃𝐔𝐂𝐀𝐓𝐈𝐎𝐍: 𝟏𝟐𝟎 𝐃𝐄𝐏𝐄𝐃 𝐒𝐂𝐇𝐎𝐎𝐋 𝐒𝐈𝐓𝐄𝐒 𝐂𝐎𝐍𝐍𝐄𝐂𝐓𝐄𝐃 𝐓𝐇𝐑𝐎𝐔𝐆𝐇 𝐒𝐓𝐀𝐑𝐋𝐈𝐍𝐊

Bilang bahagi ng patuloy na pagpapalakas ng edukasyon sa Nueva Ecija, isinagawa rin ang ceremonial turnover ng Starlink connectivity para sa 120 DepEd school sites sa lalawigan.

Layunin nitong bigyan ang mga g**o at mag-aaral—lalo na sa mga lugar na may limitado o mahina ang internet connectivity—ng mas malawak na access sa digital learning resources, impormasyon, at makabagong paraan ng pagtuturo at pagkatuto.

Bahagi rin ng programa ang 𝐁𝐚𝐲𝐚𝐧𝐢𝐡𝐚𝐧 𝐩𝐚𝐫𝐚 𝐬𝐚 𝐁𝐚𝐥𝐢𝐤𝐛𝐚𝐲𝐚𝐧𝐠 𝐌𝐚𝐧𝐠𝐠𝐚𝐠𝐚𝐰𝐚: 𝐍𝐚𝐭𝐢𝐨𝐧𝐚𝐥 𝐑𝐞𝐢𝐧𝐭𝐞𝐠𝐫𝐚𝐭𝐢𝐨𝐧 𝐍𝐞𝐭𝐰𝐨𝐫𝐤 𝐚𝐧𝐝 𝐉𝐨𝐛 𝐅𝐚𝐢𝐫, sa pakikipagtulungan ng Department of Migrant Workers (DMW), Overseas Workers Welfare Administration (OWWA), Public Employment Service Office (PESO), at PGNE, upang mailapit sa ating mga OFW at balikbayang manggagawa ang mga kaukulang serbisyo at oportunidad para sa kanilang reintegrasyon.

Sa pagbubukas ng programa, nagbigay ng Opening Remarks si Vice Governor Gil Raymond M. Umali. Nagbahagi rin ng mahahalagang mensahe sina Department of Migrant Workers Secretary Hans Leo J. Cacdac at Governor Aurelio M. Umali, habang nagtapos ang unang bahagi ng programa sa Closing Remarks ni DMW Undersecretary Atty. Bernard P. Olalia.

Nagbigay-buhay at kulay naman sa pagdiriwang ang Nueva Ecija Singing Ambassadors, Muñoz National High School Drum and Lyre Corps, Macabaclay National High School Street Dance Company, CLSU Bithay Sining Dance Company and Rondalla, Andres Bonifacio National High School Dulansangan Performers, Tribo Ecijano, at NEUST Folkloric Group.

Ang kanilang husay sa awit, musika, sayaw, at sining ay muling nagpatunay sa yaman ng kultura at natatanging talento ng mga Novo Ecijano.

Sa Ika-130 Unang Sigaw ng Nueva Ecija, malinaw ang mensahe ni Governor Oyie: ang diwa ng tapang at pagkakaisa ng ating mga ninuno ay dapat magpatuloy sa isang pamahalaang kumikilos, nakikinig, at tunay na nagmamalasakit sa mamamayan.

Mula sa kasaysayang ating ipinagmamalaki tungo sa mga programang nagbibigay ng mas magandang buhay at kinabukasan, patuloy nating itinataguyod ang isang Nueva Ecija na mas malusog, mas edukado, mas konektado, at mas handang humarap sa hinaharap.

𝐈𝐭𝐨 𝐚𝐧𝐠 𝐦𝐚𝐤𝐚𝐛𝐚𝐠𝐨𝐧𝐠 𝐝𝐢𝐰𝐚 𝐧𝐠 𝐔𝐧𝐚𝐧𝐠 𝐒𝐢𝐠𝐚𝐰—𝐭𝐚𝐩𝐚𝐧𝐠 𝐧𝐚 𝐢𝐬𝐢𝐧𝐚𝐬𝐚𝐛𝐮𝐡𝐚𝐲 𝐬𝐚 𝐩𝐚𝐦𝐚𝐦𝐚𝐠𝐢𝐭𝐚𝐧 𝐧𝐠 𝐬𝐞𝐫𝐛𝐢𝐬𝐲𝐨 𝐚𝐭 𝐦𝐚𝐥𝐚𝐬𝐚𝐤𝐢𝐭.

Mabuhay ang diwa ng Unang Sigaw!
Mabuhay ang bawat Novo Ecijano!
Mabuhay ang Lalawigan ng Nueva Ecija! 🇵🇭🌾💙

📸: Team CYB

02/09/2026

Isang daan at tatlumpung taon ng tapang, pagkakaisa, at pagmamahal sa bayan.

Ngayong Setyembre 2, 2026, buong pagmamalaking ginugunita ng Nueva Ecija ang 𝐈𝐤𝐚-𝟏𝟑𝟎 𝐀𝐧𝐢𝐛𝐞𝐫𝐬𝐚𝐫𝐲𝐨 𝐧𝐠 𝐔𝐧𝐚𝐧𝐠 𝐒𝐢𝐠𝐚𝐰 𝐧𝐠 𝐍𝐮𝐞𝐯𝐚 𝐄𝐜𝐢𝐣𝐚—isang mahalagang yugto sa kasaysayan ng lalawigan at ng pakikibaka ng mga Pilipino para sa kalayaan.

Noong Setyembre 2, 1896, pinangunahan nina Heneral Mariano Llanera at Capitan Pantaleon Valmonte, kasama ang mga matatapang na Novo Ecijano, ang makasaysayang pag-aaklas sa San Isidro, Nueva Ecija laban sa pamahalaang kolonyal ng Espanya.

Ang Nueva Ecija ay kabilang sa walong lalawigang unang naghimagsik laban sa Espanya noong 1896—mga lalawigang kinakatawan ng walong sinag ng araw sa Watawat ng Pilipinas. Isang karangalang nagpapaalala sa mahalagang ambag ng ating lalawigan sa kasaysayan ng bansa.

Makalipas ang 130 taon, nananatiling buhay ang diwa ng Unang Sigaw. Nawa’y patuloy nating dalhin ang tapang ng ating mga ninuno, pahalagahan ang kalayaang kanilang ipinaglaban, at magkaisa para sa patuloy na pag-unlad ng ating minamahal na lalawigan.

Ang kanilang sigaw noon ay bahagi ng ating pagkakakilanlan ngayon.

Sa pangunguna nina Governor Aurelio Oyie Matias Umali at Vice Governor Lemon Umali, patuloy na binibigyang-halaga ng Pamahalaang Panlalawigan ng Nueva Ecija ang paggunita sa Unang Sigaw bilang mahalagang bahagi ng ating kasaysayan, kultura, at pagkakakilanlan bilang mga Novo Ecijano.

𝐌𝐚𝐛𝐮𝐡𝐚𝐲 𝐚𝐧𝐠 𝐦𝐠𝐚 𝐛𝐚𝐲𝐚𝐧𝐢𝐧𝐠 𝐍𝐨𝐯𝐨 𝐄𝐜𝐢𝐣𝐚𝐧𝐨!
𝐌𝐚𝐛𝐮𝐡𝐚𝐲 𝐚𝐧𝐠 𝐍𝐮𝐞𝐯𝐚 𝐄𝐜𝐢𝐣𝐚! 🇵🇭🌾💙

01/09/2026

Maligayang kaarawan, Vice Governor Lemon Umali! 🎉🥳

Ang inyong dedikasyon at malasakit sa serbisyo ay patuloy na nagbibigay-inspirasyon sa mga Novo Ecijano. Kasama ang Pamahalaang Panlalawigan ng Nueva Ecija, hangad namin ang inyong mabuting kalusugan, kasiyahan, at patuloy na tagumpay. 💙

31/08/2026

Ngayong National Heroes Day, buong-pusong inaalala at pinararangalan ng Pamahalaang Panlalawigan ng Nueva Ecija ang mga bayaning nag-alay ng kanilang buhay, tapang, at paglilingkod para sa kalayaan at kinabukasan ng ating bayan.

Nawa’y maging bahagi rin tayo ng kabayanihan sa ating sariling paraan—sa tapat na paglilingkod, malasakit sa kapwa, at sama-samang pagkilos para sa mas maunlad na Nueva Ecija.

Saludo kami sa lahat ng bayani—noon, ngayon, at sa bawat Pilipinong patuloy na naglilingkod para sa bayan. 🇵🇭

Diwa ng Kabayanihan, Lakas ng Sambayanan.

31/08/2026

#𝐋𝐎𝐎𝐊 | 𝟐𝐍𝐃 𝐍𝐔𝐄𝐕𝐀 𝐄𝐂𝐈𝐉𝐀 𝐑𝐈𝐂 𝐒𝐔𝐌𝐌𝐈𝐓, 𝐏𝐀𝐆𝐏𝐀𝐏𝐀𝐋𝐀𝐊𝐀𝐒 𝐒𝐀 𝐊𝐀𝐁𝐀𝐁𝐀𝐈𝐇𝐀𝐍 𝐀𝐓 𝐌𝐆𝐀 𝐏𝐀𝐌𝐀𝐘𝐀𝐍𝐀𝐍 𝐒𝐀 𝐊𝐀𝐍𝐀𝐘𝐔𝐍𝐀𝐍

Isinagawa noong Agosto 28, 2026 sa Nueva Ecija Convention Center ang 2nd Nueva Ecija Rural Improvement Club (RIC) Summit, bilang bahagi ng pagdiriwang ng Ika-130 Unang Sigaw ng Nueva Ecija.

Bitbit ang temang “Empowering Women: United for Rural Progress, Building Resilient Communities,” binigyang-diin sa summit ang mahalagang papel ng mga kababaihan sa kanayunan at ang kanilang pakikilahok sa pagsusulong ng kaunlaran at katatagan ng mga pamayanang rural.

Isinusulong ang programa ng Pamahalaang Panlalawigan ng Nueva Ecija, sa pamumuno nina Governor Aurelio Oyie Matias Umali at Vice Governor Lemon Umali, sa pamamagitan ng Office of the Provincial Agriculturist (OPA) sa pamumuno ni Dr. Jobeat Agliam, bilang bahagi ng mga hakbang upang palakasin ang mga organisasyon at magbukas ng mga oportunidad para sa mga kababaihan sa kanayunan.

Naging bahagi ng programa ang mga mensahe nina Atty. Jose Maria Ceasar C. San Pedro, Provincial Administrator; Ms. Babelyn Lopez, kinatawan ni Dr. Emmanuel Orogo, Director ng ATI-RTC III; at Ms. Zayra S. Toledo, kinatawan ni Dr. Eduardo L. Lapuz Jr., Regional Executive Director ng DA-RFO III.

Tinalakay sa plenary session ang “Strengthening the RIC of the Philippines,” sa pakikipagtulungan ng Agricultural Training Institute (ATI), gayundin ang CLSU Techno Village Project, na naglalayong magbigay ng karagdagang kaalaman at oportunidad sa mga kasapi ng RIC.

Tampok din sa summit ang Kalabasa-Based Cooking Contest, na nagsilbing pagkakataon para maipamalas ng mga kalahok ang kanilang kasanayan at pagkamalikhain sa pagbuo ng mga produktong maaaring makatulong sa kanilang kabuhayan. Pinangunahan ni Ms. Mary Angeline F. Peret, Head ng Provincial Human Resource Management Office (PHRMO), ang Board of Judges, kasama sina Ms. Lorna Mae B. Vero, Head ng Provincial Cooperative and Economic Development Office (PCEDO), at Ms. Zayra S. Toledo, OIC Chief ng IDU Section ng DA-RFO III.

Kasama rin sa programa ang RIC Wellness Session at RIC Zumbaleros, na nagbigay-diin sa kahalagahan ng kalusugan, aktibong pamumuhay, at pagkakaisa ng mga kasapi. Sinundan ito ng Awarding of Prizes para sa mga nagwagi sa cooking contest.

Sa pamamagitan ng mga talakayan, capacity-building activities, at iba pang programa, patuloy na pinalalakas ang kakayahan ng mga kababaihan sa kanayunan at ang kanilang mga organisasyon bilang katuwang sa pagpapaunlad ng mga pamayanan at sektor ng agrikultura sa Nueva Ecija.

31/08/2026

#𝐋𝐎𝐎𝐊 | 𝐏𝐇𝐎–𝐍𝐔𝐄𝐕𝐀 𝐄𝐂𝐈𝐉𝐀, 𝐍𝐀𝐆𝐒𝐀𝐆𝐀𝐖𝐀 𝐍𝐆 𝐁𝐋𝐎𝐎𝐃𝐋𝐄𝐓𝐓𝐈𝐍𝐆 𝐀𝐓 𝐃𝐄𝐍𝐓𝐀𝐋 𝐌𝐈𝐒𝐒𝐈𝐎𝐍 𝐒𝐀 𝐈𝐊𝐀-𝟏𝟑𝟎 𝐔𝐍𝐀𝐍𝐆 𝐒𝐈𝐆𝐀𝐖 𝐍𝐆 𝐍𝐔𝐄𝐕𝐀 𝐄𝐂𝐈𝐉𝐀

Nagsagawa noong Agosto 27, 2026, sa WalterMart Cabanatuan City, ang Provincial Health Office (PHO) – Nueva Ecija, katuwang ang PhilHealth Local Health Insurance Office (LHIO) Cabanatuan, ng Bloodletting Activity at Dental Mission bilang bahagi ng Ika-130 Unang Sigaw ng Nueva Ecija (USNE) at ng PhilHealth YAKAP (Yaman ng Kalusugan Program).

Sa aktibidad, nabigyan ang mga mamamayan ng pagkakataong makapag-donate ng dugo at makatanggap ng serbisyong dental, kasabay ng pagsusulong ng preventive healthcare at maagap na pangangalaga sa kalusugan.

Isinagawa ang programa sa suporta ng Pamahalaang Panlalawigan ng Nueva Ecija, sa pamumuno nina Governor Aurelio Oyie Matias Umali at Vice Governor Lemon Umali, bilang bahagi ng mga hakbang upang higit na mapalawak ang access sa mga serbisyong pangkalusugan.

Nakiisa sa aktibidad ang mga health worker, volunteer, blood donor, at iba pang katuwang sa paghahatid ng mga serbisyong pangkalusugan sa mga dumalong mamamayan.

Bahagi ang Bloodletting Activity at Dental Mission ng mga gawaing isinasagawa para sa Ika-130 Unang Sigaw ng Nueva Ecija, na nag-uugnay sa paggunita sa kasaysayan sa konkretong serbisyong pangkalusugan para sa komunidad.

30/08/2026

#𝐖𝐄𝐀𝐓𝐇𝐄𝐑𝐔𝐏𝐃𝐀𝐓𝐄 | 🟡 𝐍𝐔𝐄𝐕𝐀 𝐄𝐂𝐈𝐉𝐀, 𝐍𝐀𝐒𝐀 𝐘𝐄𝐋𝐋𝐎𝐖 𝐑𝐀𝐈𝐍𝐅𝐀𝐋𝐋 𝐖𝐀𝐑𝐍𝐈𝐍𝐆 𝐍𝐀

Batay sa Heavy Rainfall Warning No. 26 na inilabas ng DOST-PAGASA NCR PRSD ngayong 8:00 PM, Agosto 30, 2026, ang Nueva Ecija ay nasa ilalim na ng YELLOW WARNING LEVEL dahil sa patuloy na epekto ng Southwest Monsoon o Habagat.

🟡 YELLOW WARNING LEVEL: NUEVA ECIJA
⚠️ Posible pa rin ang pagbaha sa mga mabababang lugar at flood-prone areas.

Bagama’t ibinaba na mula Orange patungong Yellow Warning Level, pinapayuhan pa rin ang lahat ng Novo Ecijano na manatiling alerto at patuloy na subaybayan ang lagay ng panahon, lalo na sa mga lugar na madaling bahain.

Patuloy na maging updated at sumunod sa mga abiso ng inyong lokal na pamahalaan at Disaster Risk Reduction and Management Office.

📌 Ang susunod na rainfall warning ay inaasahang ilalabas sa ganap na 11:00 PM ngayong gabi.

Patuloy tayong mag-ingat, mga Novo Ecijano!

Source: DOST-PAGASA NCR PRSD
Heavy Rainfall Warning No. 26

𝐇𝐞𝐚𝐯𝐲 𝐑𝐚𝐢𝐧𝐟𝐚𝐥𝐥 𝐖𝐚𝐫𝐧𝐢𝐧𝐠 𝐍𝐨. 𝟐𝟔
𝐖𝐞𝐚𝐭𝐡𝐞𝐫 𝐒𝐲𝐬𝐭𝐞𝐦: 𝐒𝐨𝐮𝐭𝐡𝐰𝐞𝐬𝐭 𝐌𝐨𝐧𝐬𝐨𝐨𝐧 (𝐇𝐚𝐛𝐚𝐠𝐚𝐭)
𝐈𝐬𝐬𝐮𝐞𝐝 𝐚𝐭: 𝟖:𝟎𝟎 𝐏𝐌, 𝟑𝟎 𝐀𝐮𝐠𝐮𝐬𝐭 𝟐𝟎𝟐𝟔(𝐒𝐮𝐧𝐝𝐚𝐲)

𝐘𝐄𝐋𝐋𝐎𝐖 𝐖𝐀𝐑𝐍𝐈𝐍𝐆 𝐋𝐄𝐕𝐄𝐋:
𝐍𝐮𝐞𝐯𝐚 𝐄𝐜𝐢𝐣𝐚

ASSOCIATED HAZARD: FLOODING in flood-prone areas.

The public and the Disaster Risk Reduction and Management Offices concerned are advised to MONITOR the weather condition and watch for the next warning to be issued at 11:00 PM today.