Office of the Municipal Agriculturist - Paluan

10/09/2026

10/09/2026

𝐏𝐀𝐀𝐋𝐀𝐋𝐀 𝐏𝐀𝐑𝐀 𝐒𝐀 𝐀𝐓𝐈𝐍𝐆 𝐌𝐆𝐀 𝐌𝐀𝐍𝐆𝐆𝐀𝐆𝐀𝐖𝐀𝐍𝐆 𝐌𝐀𝐆-𝐀𝐀𝐋𝐀𝐆𝐀 𝐍𝐆 𝐁𝐀𝐁𝐎𝐘 𝐀𝐓 𝐌𝐀𝐌𝐀𝐌𝐀𝐘𝐀𝐍 𝐍𝐆 𝐏𝐀𝐋𝐔𝐀𝐍
𝐏𝐑𝐎𝐓𝐄𝐊𝐓𝐀𝐇𝐀𝐍 𝐀𝐍𝐆 𝐀𝐓𝐈𝐍𝐆 𝐏𝐀𝐆𝐁𝐀𝐁𝐀𝐁𝐔𝐘𝐀𝐍 𝐋𝐀𝐁𝐀𝐍 𝐒𝐀 𝐀𝐅𝐑𝐈𝐂𝐀𝐍 𝐒𝐖𝐈𝐍𝐄 𝐅𝐄𝐕𝐄𝐑 (𝐀𝐒𝐅)

Ang African Swine Fever (ASF) ay isang mabilis kumalat at nakamamatay na sakit ng mga baboy. Bagamat HINDI ito nakakahawa sa tao, maaari itong magdulot ng matinding pagkalugi sa kabuhayan ng ating mga kababayan sa Paluan.

🚫 MGA DAPAT IWASAN (DON'TS)
HUWAG magpakain ng Swill / Kanin-Baboy
Ang pagpapakain ng tira-tirang pagkain mula sa karinderya o tahanan ay ang pangunahing sanhi ng pagkalat ng ASF.

HUWAG magpasok ng pork products mula sa labas ng bayan
Huwag magdala o magpasok ng mga karne, chicharon, o processed pork mula sa mga lugar na may kaso ng ASF.

HUWAG magbenta o maglabas ng may sakit na baboy
Huwag ipagbili o ilipat ng lalagyan ang mga baboy na nagpapakita ng anumang sintomas ng sakit.

HUWAG magtapon ng patay na baboy sa ilog o pampublikong lugar
Ang maling pagtatapon ng bangkay ng baboy ay mabilis na nagpapakalat ng virus sa kapaligiran.

✅ MGA DAPAT GAWIN (DOS)

Ipatupad ang strict Bio-security Measures:
Maglagay ng footbath sa pasukan ng kulungan.
Linisin at i-disinfect ang kulungan at mga gamit bago at pagkatapos gamitin.
Limitahan ang mga taong pumasok sa kulungan ng baboy.

Tiyaking sertipikado ang karne:
Bumili lamang ng karneng may kaukulang permit o nanggaling sa accredited slaughterhouse.

I-report agad ang mga hinalang kaso:
Kung may napansin na lagnat, kawalan ng gana kumain, pamumula ng balat, o biglaang pagkamatay ng baboy, ipagbigay-alam agad.

📞 KUNG MAY SINTOMAS O KINAKAILANGANG TULONG, MAKIPAG-UGNAYAN AGAD SA:
Office of the Municipal Agriculturist (OMA) – LGU Paluan
Barangay Biosecurity Officer:

Maaari din mag message lamang sa page ng Office of the Municipal Agriculturist (https://www.facebook.com/omapaluan)

"Sa Pag-iingat at Pagtutulungan, Ligtas ang Babuyan ng Paluan!"

13/04/2026

ANUNSYO: PAGPAPATALA NG MAKINARYANG PANGSAKAHAN

ATTENTION: Magsasakang Paluanon!

Inaanyayahan ang lahat ng mga rehistradong magsasaka na nagmamay-ari ng makinarya na magsadya sa Office of the Municipal Agriculturist (OMA) para sa opisyal na pagpapatala.

Sinu-sino ang dapat magpalista?
Mga rehistradong magsasaka na may-ari ng:
✅ Hand Tractor
✅ Shallow Tube Well / Water Pump
✅ Four Wheel Tractor
✅ Rice Combine Harvester

DETALYE NG PAGPAPATALA:
📅 Araw: Lunes hanggang Huwebes
⏰ Oras: 8:00 A.M. – 5:00 P.M.
📍 Lugar: Tanggapan ng Pambayang Agrikultura (OMA)

🎯 Bakit kailangang magpalista?
Ang listahang ito ay gagamitin ng pamahalaan upang matukoy ang mga tamang intervention o tulong na ibababa para sa inyo at masiguro na angkop ang suportang matatanggap ng magsasakang Paluanon base sa inyong tunay na pangangailangan sa bukid.

💡 Mabilis na Paalala:
Mangyaring dalhin ang mga dokumento ng inyong makinarya (kung mayroon) para sa mas mabilis na proseso ng registration.

Maraming salamat po sa inyong kooperasyon!