13/01/2025
:
PUTING DAYO GITUOHANG HUBOG, NIBANGGA SA CERES BUS(Bais City)
Usa ka traffic accident ang nahitabo mga 9:59 sa buntag Enero 12, 2025 sa National Highway Barangay Talungon, Bais City, Negros Oriental.
Ang mga nalambigit nga mga sakyanan mao ang usa ka Ceres Bus, nga gimaneho sa usa ka 45 anyos lalaki, samtang laing p**a nga Toyota Rush nga gimaneho sa
usa ka 59-anyos nga driver, usa ka lumad nga taga United Kingdom, ug kasamtangang nagpuyo sa Candigumon, Manlipac, Bais City.
Base inisyal nga imbestigasyon sa Bais City Police Station nasayran nga ang Ceres bus nagbiyahe gikan sa Tanjay City padulong sa lungsod sa Manjuyod.
Samtang, ang p**a nga Toyota Rush temporaryong nagparking sa Satellite Market sa maong dakbayan.
Sumala sa mga nakasaksi
nga ang Driver sa Toyota Rush, nga gituohang ubos sa impluwesya sa ilimnong makahubog, ang kalit nga nipasuratoy sa iyang gimanehong sakyanan padulong sa National Highway ug wala damha niini nga adunay nagpadulong nga Ceres bus, ug kini miresulta sa pagkabangga sa duha ka sakyanan.
Tungod sa kakusog sa impact, nadaut ang wala nga likod nga bahin sa bus ug ang atubangan sa Toyota Rush.
Taliwala sa wala damhang panghitabo, wala hinuoy'y gikataho nga naangol.
Dali gilayon kining girespondehan sa Bais City traffic enforcers aron sa pagkuha sa duha ka mga sakyanan, samtang ang duha ka drayber ang gidala usab sa mga personahe sa Traffic Management Office alang sa dugang nga imbestigasyon ug tukmang disposisyon.
via- Negros Digital News PH
Balitang gihatod sa:
Bioherbs product labanan ang sakit...
