05/05/2022
Maayong adlaw!
BASAHA UG TARONG para inig botar puhon hapsay ra dagan sa polling precincts:
UNSAON NIMO PAG BOTAR KARONG MAY 9, 2022 NATIONAL AND LOCAL ELECTIONS... (based on COMELEC Resolution No. 10727 or General Instructions Promulgated on November 10, 2021)
1. Voting starts 6:00 AM and ends at 7:00 PM. Kon naa pay linya nig 7 PM, ilista sa Poll Clerk ang tanan nga voters nga mobotar pa nga naa sa sulod sa 30 meters atubangan sa Polling Place. Tawgon sila 3 times sa Poll Clerk kon ila nang turno, kon di sila maka duol, di sila makabutar.
2. First come, first served ang pag botar, bawal ang mag priority number, pero ang PWD, Senior Citizen, or pregnant kay naa silay Fast lane.
3. Nig abot nimo sa Voting Center (skwelahan), icheck ang imong temperature ug i-sanitize imong mga kamot sa Medical Officer. Ayaw kalimot pagdala sa imong kodigo, ballpen, ug pagsuot ug Face Mask. DILI REQUIRED ang Vaccination Card.
4. Human sa Health Protocol, duol sa Voters' Assistance Desk (VAD) ug pangutana kon asa imong Polling Place (classroom). Pero kon kabalo naka, deretso nalang sa imong Polling Place ug pangitaa didto ang imong pangalan sa Posted Computerized Voters’ List (PCVL) nga gipatapot dapit sa pultahan.
5. Pulo (10) ra ka botante ang pwedi naa sa sulod. Kon puno pa, palingkodon usa ka sa “Holding Area” sa tupad nga room ug adto ka maghulat. Kon naa nay available spot, pwedi naka mosulod para mobotar.
6. Mag sanitize napud before mosulod. Inig sulod, duola ang Poll Clerk sa Electoral Board. Isulti imong ngalan ug sequence number nga naa sa PCVL.
7. I-verify sa Poll Clerk kon naa ba ka sa Election Day Computerized Voters’ List (EDCVL). Kon wala imong ngalan, basin wala ka nagtan aw sa PCVL sa pultahan, sayop nga polling place imong nasudlan. Pangitaa sa lain nga polling places or kon wala gyud, adto reklamo sa COMELEC office sa lungsd.
8. Kon naa imong ngalan, i-check sa Poll Clerk kon naa nabay stain sa indelible ink ang imong fingernails.
9. Kon wala pay ink, tapos nailhan naka o walay mi-question sa imong identity, iya kang papirmahon sa EDCVL, ug ihatag ka ngadto sa Chairperson sa Electoral Board.
10. Sa di pa ihatag ang balota, pirmahan kini sa Chairperson; ipakita niya nga limpyo kini ug wala pay marka sa pagbotar; isulod niya ang balota sa Ballot Secrecy Folder; ug sultian ka niya unsaon pag botar. Itudlo niya asa ka dapit nga voting chair.
11. Modiretso dayon ka sa voting desk/chair. Naa na sa balota ang mga ngalan sa kandidato. I-shade ang imong pilion, ayaw hugawi ang balota. Siguroha nga dili magsobra ang ma shade kay di ma count kon over vote.
12. Kon illiterate ka, PWD, or senior citizen, pwedi ka i-assist sa imong kapamilya, imong nurse/member of household, or member sa Electoral Board.
13. Di pwedi picturan or mag selfie kauban ang balota.
14. Kon human nag shade, ikaw mismo ang mopasulod sa balota ngadto sa Vote Counting Machine (VCM). Gamita ang folder para tabon aron di makita ang imong gibotaran. Ayaw kabalaka nga mabali ug sulod kay pwedi ra balibalihon pasulod ang balota.
15. Kon masulod na, tan awa ang screen sa VCM kon moingon “YOUR BALLOT IS BEING PROCESSED”. Dayon “YOUR VOTE IS BEING CAST. PLEASE WAIT.” Dayon “YOUR VOTE IS BEING PRINTED.” Dayon “DEPOSITING THE BALLOT IN THE BOX”. Tapos “YOUR VOTE HAS BEEN CAST. THANK YOU FOR VOTING”
16. Mogawas ang Voter’s Verifiable Paper Audit Trail (VVPAT) nga murag resibo para imong makita ang imong gipangbotara. Guntingon kini sa Third Member, iyang pik-on para di siya makakita, dayon iyang ihatag nimo para imong matan aw kon sakto/pareho ba sa imong gipang-botaran. Kon sakto ang naa sa resibo, imo kining ibutang ngadto sa VVPAT box/receptacle, ikaw gyud ang magbutang, ug dili ni pwedi dalhon.
17. Iuli ang Marking Pen ug Ballot Secrecy Folder ngadto sa Poll Clerk.
18. Butangan dayon ang imong right forefinger ug indelible ink. Kon wala kay right forefinger, ang lain nalang nga tudlo.
19. Pwedi naka mogawas ug mopauli.
