23/04/2026
𝐏𝐀𝐆𝐏𝐀𝐑𝐄𝐇𝐈𝐒𝐓𝐑𝐎 𝐒𝐀 𝐌𝐆𝐀 𝐊𝐎𝐋𝐎𝐑𝐔𝐌 𝐍𝐆𝐀 𝐁𝐀𝐎-𝐁𝐀𝐎 𝐔𝐆 𝐏𝐄𝐃𝐈𝐂𝐀𝐁 𝐏𝐀𝐑𝐀 𝐒𝐀 𝐅𝐔𝐄𝐋 𝐔𝐆 𝐑𝐈𝐂𝐄 𝐒𝐔𝐁𝐒𝐈𝐃𝐘, 𝐈𝐏𝐀𝐇𝐈𝐆𝐀𝐘𝐎𝐍
Ang Lokal nga Panggamhanan sa Panabo pinaagi sa mga personahe sa opisina ni City Mayor Jose E. Relampagos muadto sa matag barangay aron magpahigayon sa pagpanglista sa mga kolorum o walay prangkisa nga Bao-bao (tricycle) ug Pedicab (private sidecar) aron makadawat sa fuel ug rice subsidy nga gikan sa LGU Panabo.
Ang maong kalihokan, ipahigayon sa Abril 24 ug Abril 25 ning tuiga, gikan alas 8:00 sa buntag hangtod alas 5:00 sa hapon, sa matag barangay kung asa nagpuyo ang benepisyaryo.
Gikinahanglan nga ang matag aplikante magdala sa orihinal nga kopya ug photocopy sa OR/CR, Driver’s License nga dili expired. Kung photocopy lamang ang OR/CR, kinahanglan adunay kauban nga resibo gikan sa LTO nga updated sa Marso 2026.
Dugang pa, kundili magkapareho ang address sa Driver’s License ug OR/CR, kinahanglan maghatag og dugang nga supporting documents sama sa Comelec ID, Comelec Certification, o National ID.
Ang proseso sa registration, ipatuman base sa first come, first served nga pamaagi, ug musunod sa mga lakang:
Step 1. Verification sa aktuwal nga unit;
Step 2. Verification sa mga dokumento;
Step 3. Encoding; ug
Step 4. Pag-release sa sticker o control number.
Gipahinumduman, nga ang registration alang sa kolorum o walay franchise, alang lamang sa mga residente sa Panabo City.
Ang unang adlaw Abril 24, 2026 adlawng biyernes alang sa mga barangay sa bukid, samtang ang ikaduhang adlaw Abril 25, 2026 adlawng Sabado alang sa mga barangay sa poblacion.
Magpost lamang ang Panabo City Information Office alang sa mga barangay nga schedule sa Abril 24 ug 25,2026.
|A.Pineda
|Julio Bersamen DNSC INTERN
&RiceSubsidy
!
