MSWDO - Pandi Bulacan

03/09/2026

26/06/2026

Lubos po naming pinahahalagahan ang pagkakataong makadalo ang ating VAWC Desk Officer ng Bayan ng Pandi kasama ang ating PILAK Presidents sa Consultative Forum for the Implementation of Anti-VAWC Law and Presentation of Barangay VAWC Data na isinagawa sa Guiguinto Municipal Athletic and Cultural Center sa pakikipagtulungan ng Gabriela Women's Party.

Naging mahalagang pagkakataon ito upang mapalawak ang aming kaalaman tungkol sa epektibong pagpapatupad ng Anti-VAWC Law at mapag-aralan ang kasalukuyang datos ng mga kaso ng VAWC sa mga barangay. Ang mga ibinahaging impormasyon at pinakamahuhusay na praktis ay makatutulong upang lalo pang mapahusay ang mga programa at serbisyong inihahatid ng ating lokal na pamahalaan para sa proteksyon at kapakanan ng kababaihan at mga bata.

Taos-puso rin kaming nagpapasalamat sa suporta at paggabay nina Mayor Ambrosio C. Cruz Jr. at Atty. Agatha Paula A. Cruz sa patuloy na pagsusulong ng mga programa at inisyatibong naglalayong protektahan ang karapatan at kapakanan ng bawat mamamayan. At syempre po sa ating butihing Mayor Rico Roque, maraming salamat po sa walang sawang pagsuporta sa program gaya nito. Ang kanilang pamumuno ay nagbibigay-inspirasyon upang higit pang mapalakas ang ating kampanya laban sa karahasan sa kababaihan at mga bata.