Mayor Edwin L. Olivarez

Call Directions Contact the organization

Mayor Edwin L. Olivarez Official page of Mayor Edwin L. Olivarez, City of Parañaque

Mahigit 500 job seekers ang ating inaasahang mabigyan ng marangal na trabaho sa Mega Job Fair ngayong Martes sa Parañaqu...
22/09/2026

Mahigit 500 job seekers ang ating inaasahang mabigyan ng marangal na trabaho sa Mega Job Fair ngayong Martes sa Parañaque City Sports Complex.

Sa tulong ng DOLE, ng tanggapan ni Senator Win Gatchalian, at ng City Government of Parañaque, 60 local companies at 5 international companies ang handang magbigay ng employment opportunities sa ating mga kababayang Parañaqueño.

Tinitiyak din po natin na priority ang mga taga‑Parañaque sa mga oportunidad na ito. Patuloy po nating isinasakatuparan ang City Ordinance No. 07-014, kung saan hindi bababa sa 40% ng mga empleyado ay mga taga‑Parañaque.

Bukod din dito, libre rin sa ating mga first-time job seeker ang lahat ng mga dokumentong kailangan sa kanilang pag-aapply.

Asahan po ninyo ang patuloy na pagsusumikap ng Pamahalaang Lungsod na maghatid ng mas maraming oportunidad tungo sa mas maunlad na kinabukasan para sa bawat Parañaqueño.

‎
‎
‎

22/09/2026

Tinitiyak ng Pamahalaang Lungsod ng Parañaque na may basic necessities at pagkain ang 132 pamilyang nasunugan sa Banana Compound, Brgy. Vitalez, nitong Linggo.

Inabutan sila ng hygiene kits, food packs, ready-to-eat meals, inuming tubig, mga underwear, mga blanket at kumot, timba, at tabo.

Binahagian din ang bawat pamilya ng tig-P1,000 mula kay District 1 Councilor Pablo Olivarez II.

Nabatid na sa 132 apektadong pamilya, 50 ang may-ari ng iba-ibang bahay na natupok, habang 56 ang sharer at 26 ang nangungupahan.

Binigyan na ng construction materials ang mga may-ari ng bahay.

Pansamalantalang sumisilong ang mga apektadong pamilya sa mga tent at sa barangay hall.



Muli pong inaanyayahan ng inyong lingkod ang lahat ng Parañaqueño na kumuha na ng HELP Citizen Card. Ang innovation po n...
21/09/2026

Muli pong inaanyayahan ng inyong lingkod ang lahat ng Parañaqueño na kumuha na ng HELP Citizen Card.

Ang innovation po na ito ng City Government ay para mas mapadali ang pagkuha ninyo ng mga serbisyo ng pamahalaan.


‎
‎

Nakumpleto na po ng inyong City Government ang 10-araw ng pamamahagi ng financial assistance sa nasa 25,000 Parañaqueño ...
21/09/2026

Nakumpleto na po ng inyong City Government ang 10-araw ng pamamahagi ng financial assistance sa nasa 25,000 Parañaqueño na persons with disability.

Habang marami po ang tumanggap sa nakasanayang paraan na pupunta sa designated claim sites, sinimulan na rin po natin ang digital disbursement at mahigit 2,000 PWDs ang tumanggap sa kanilang digital wallets.


‎
‎

Malapit na po nating makumpleto ang pamamahagi ng libreng bigas mula sa national government sa aabot sa 35,000 Parañaque...
21/09/2026

Malapit na po nating makumpleto ang pamamahagi ng libreng bigas mula sa national government sa aabot sa 35,000 Parañaqueñong bahagi ng vulnerable sectors.

Ngayong Lunes isinagawa ang bigayan ng bigas sa Brgys. Merville at Sun Valley.
‎

‎
‎

Ininspeksyon po ng inyong lingkod ang ipinatatayong Satellite Office ng Parañaque City Hall nitong Sabado, para alamin a...
20/09/2026

Ininspeksyon po ng inyong lingkod ang ipinatatayong Satellite Office ng Parañaque City Hall nitong Sabado, para alamin ang progress sa iba-ibang palapag.

Sa pagkakataon pong ito ay sinamahan tayo ni Kuya Bernie Amurao, ang officer-in-charge ng City Envronment and Natural Resources Office.

Plano po namin sa Pamahalaang Lungsod na salaminin lahat ng serbisyong binibigay ng City Hall sa 15-palapag na satellite office na nasa Brgy. Tambo.

Mailalapit ng satellite office ang serbisyong LGU sa mga taga-District 1, at maglalaan din tayo ng espasyo sa mga serbisyo ng ilang national agency sa gusali dahil malapit lang ito sa ating entertainment and business district.

‎
‎
‎

Iniimbitahan po ng inyong lingkod ang lahat ng Parañaqueño job-seekers sa isa na namang mega job fair sa Parañaque City ...
20/09/2026

Iniimbitahan po ng inyong lingkod ang lahat ng Parañaqueño job-seekers sa isa na namang mega job fair sa Parañaque City Sports Complex sa darating na Martes, Setyembre 22, 2026.

Aabot sa 60 lokal o direct companies at limang overseas companies ang magbubukas ng kanilang pinto sa mga aplikante simula alas-8 ng umaga hanggang alas-4 ng hapon.

Ang panibagong job fair na ito ay base po sa ating direktiba na bigyang oportunidad ang mas maraming Parañaqueño sa pagkakaroon ng trabaho.

Isasakatuparan ang aktibidad sa pakikipagtulungan ng City Government of Parañaque sa tanggapan ni Sen. Sherwin Gatchalian, Department of Labor and Employment, Department of Migrant Workers, at sa Public Employment Service Office.

‎
‎
‎

Market Day na naman po para sa marami sa ating mga Parañaqueño, kaya narito po muli ang presyo ng mga pangunahing bilihi...
20/09/2026

Market Day na naman po para sa marami sa ating mga Parañaqueño, kaya narito po muli ang presyo ng mga pangunahing bilihin sa La Huerta Public Market ngayong Linggo.

Ang price monitoring po na ito ay hatid sa inyo ng Pamahalaang Lungsod, sa pamamagitan ng Consumer Welfare Office.

‎
‎
‎

19/09/2026

Matagumpay na naidaos ng Center for Children With Special Needs ang 3-araw na psychosocial training para sa mga caregiver, magulang, at guardian ng mga batang may kapansanan.

Mahigit 189 ang lumahok sa huling session ng training ngayong Miyerkules sa Parañaque City Sports Complex.

Ayon kay Rowena Gonzales, transition program head ng CSN Center, mahalaga ang pagsasanay para sa caregiver, magulang, at guardian dahil mas maraming oras nila kasama ang mga bata.

Pakay ng training na malinang ang kakayanan nila na ibigay ang tamang pag-aalaga sa children with special needs sa tuwing walang therapy session, aniya.

Sa kasalukyan ay may 1,323 children with special needs ang naka-enrol sa therapy sessions ng CSN Center, na nasa Brgy. Sto. Niño.

Ayon kay Gonzales, marami na ring bata ang matagumpay na nakapagtapos ng therapy at kasalukyan ay may mga nagtatrabaho pa bilang regular na empleyado sa botika.


‎
‎

Nagtungo po ang inyong lingkod sa Bulungan, Brgy. La Huerta, ngayong umaga para makiisa sa isinagawang paglilinis na bah...
19/09/2026

Nagtungo po ang inyong lingkod sa Bulungan, Brgy. La Huerta, ngayong umaga para makiisa sa isinagawang paglilinis na bahagi ng International Coastal Cleanup Day 2026.

Bago pa man ang araw na ito, ang Bulungan ay regular nang nililinis. Ngunit sa tuwing maalon ang Manila Bay o kaya'y mayroong high tide, may mga basurang napapadpad dito mula sa ibang lugar.

Ngayong araw po ay muli nating nasaksihan ang tulungan ng pribado at pampublikong sektor sa isang makabuluhang aktibidad. Sa mga volunteers at kawani ng City Government na nakilahok, maraming salamat at mabuhay kayo!


‎
‎

Address

9/F Legislative Building Parañaque City Hall
Parañaque
1715

Telephone

+63284031256

Website

Alerts

Be the first to know and let us send you an email when Mayor Edwin L. Olivarez posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Mayor Edwin L. Olivarez:

Shortcuts

Share