OWWA Overseas Workers Welfare Administration, OWWA Center Building, FB Harrison corner 7th Street, Pasay City (2026)

Q: What is the address?

OWWA Center Building, FB Harrison Corner 7th Street

06/08/2026

𝗔𝗹𝗮𝗴𝗮𝗻𝗴 𝗢𝗪𝗪𝗔, 𝗡𝗮𝗸𝗮𝗮𝗴𝗮𝗽𝗮𝘆 𝘀𝗮 𝗺𝗴𝗮 𝗢𝗙𝗪 𝗻𝗮 𝗠𝗮𝘆 𝗦𝗮𝗸𝗶𝘁 𝘀𝗮 𝗥𝗼𝗺𝗮𝗻𝗶𝗮

Patuloy na pinalalakas ng Overseas Workers Welfare Administration (OWWA), katuwang ang Department of Migrant Workers (DMW) at Philippine Embassy sa Bucharest, ang paghahatid ng agarang tulong at welfare services sa mga Overseas Filipino Workers (OFWs) sa Romania.

Dalawang aktibong OWWA members na kasalukuyang nagpapagamot dahil sa cancer ang tumanggap ng financial assistance sa ilalim ng Welfare Assistance Program-Medical (WAP-Medical). Patuloy ding nakaagapay ang OWWA sa kanilang pagpapagamot. Para sa isang OFW, pangungunahan ng OWWA ang kanyang medical repatriation sa sandaling pahintulutan ng kanyang attending physician at magbibigay ng post-repatriation assistance sa kanyang pagbabalik sa Pilipinas. Samantala, ang isa pang OFW ay nananatili sa Romania upang ipagpatuloy ang kanyang libreng gamutan habang patuloy na tumatanggap ng suporta mula sa OWWA.

Personal ding binisita nina OWWA Administrator Patricia Yvonne V. Caunan at DMW Secretary Hans Leo J. Cacdac ang isang Pilipinang domestic worker na kasalukuyang nagpapagamot sa isang ospital sa Bucharest upang kumustahin ang kanyang kalagayan, tiyakin ang patuloy na koordinasyon sa kanyang gamutan, at ipaabot ang malasakit ng pamahalaan.

Nakipagpulong din sina Administrator Caunan, Secretary Cacdac, at Philippine Ambassador Noel E. Servigon sa mga lider ng Filipino community sa Romania upang pakinggan ang kanilang mga karanasan at mungkahing makatutulong sa higit pang pagpapabuti ng mga serbisyo para sa mga OFW. Kabilang sa mga pangunahing usapin ang OWWA membership ng permanent residents, pansamantalang matutuluyan para sa displaced OFWs, pananagutan ng recruitment agencies, at ang kahilingan para sa permanenteng presensya ng MWO at OWWA sa Romania.

Kasabay nito, muling pinagtibay ng Pilipinas at Romania ang kanilang pagtutulungan upang higit pang mapalakas ang proteksyon ng mga Pilipinong manggagawa sa pamamagitan ng ethical recruitment, ligtas na kondisyon sa paggawa, at mas matatag na labor cooperation.

Patuloy na makikipagtulungan ang OWWA sa DMW, Philippine Embassy sa Bucharest, at iba pang katuwang na ahensya upang matiyak na ang bawat OFW ay may maaasahang suporta sa bawat yugto ng kanilang migration journey.

Sa DMW, may tahanan ang bawat OFW. Sa OWWA, may pusong laging nakaagapay, lalo na sa mga OFW na may sakit at higit na nangangailangan ng ating kalinga.

May Alagang OWWA para sa bawat OFW at kanilang pamilya, saan man sa mundo. 🇵🇭💙

06/08/2026

𝗣𝗶𝗹𝗶𝗽𝗶𝗻𝗮𝘀 𝗮𝘁 𝗥𝗼𝗺𝗮𝗻𝗶𝗮, 𝗣𝗶𝗻𝗮𝗹𝗮𝗹𝗮𝗸𝗮𝘀 𝗮𝗻𝗴 𝗣𝗮𝗴𝗽𝗿𝗼𝘁𝗲𝗸𝘁𝗮 𝘀𝗮 𝗺𝗴𝗮 𝗣𝗶𝗹𝗶𝗽𝗶𝗻𝗼𝗻𝗴 𝗠𝗮𝗻𝗴𝗴𝗮𝗴𝗮𝘄𝗮

Mas pinaigting ng Pilipinas at Romania ang kanilang pagtutulungan upang higit pang mapalakas ang proteksyon, kapakanan, at mga karapatan ng mga Pilipinong nagtatrabaho sa Romania.

Sa bilateral meeting na ginanap sa Bucharest noong 5 Agosto 2026, tinalakay ng dalawang bansa ang mga inisyatibong magpapahusay sa pangangalaga sa mga migranteng manggagawa. Kabilang dito ang pagsusulong ng ethical recruitment, pagpapatibay ng pananagutan ng mga employer, at pagtiyak ng ligtas at makataong kondisyon sa paggawa.

Pinangunahan ni Department of Migrant Workers (DMW) Secretary Hans Leo J. Cacdac ang delegasyon ng Pilipinas sa pakikipagpulong kina Romanian Minister of Labor, Family, Youth and Social Solidarity Dragoș-Nicolae Pîslaru at State Secretary Silvia Monica Dinică. Kasama sa delegasyon sina Philippine Ambassador to Romania Noel E. Servigon, OWWA Administrator Patricia Yvonne Caunan, OIC-Assistant Secretary for Sea-Based Concerns Augusto B. San Diego III, at Labor Attaché Geraldine C. Mendez.

Nagkasundo rin ang magkabilang panig na ipagpatuloy ang pagpapalakas ng labor cooperation sa pagitan ng Pilipinas at Romania, kabilang ang pag-renew ng umiiral na bilateral framework at ang pagdaraos ng kauna-unahang Joint Committee Meeting sa ilalim ng 2021 Memorandum of Understanding. Inaasahang higit nitong mapatitibay ang koordinasyon ng dalawang bansa sa pagsusulong ng ligtas, maayos, at makataong labor migration.

Binigyang-pansin din sa pulong ang pagpapalawak ng social protection para sa mga OFW, lalo na sa mga kababaihang migranteng manggagawa, gayundin ang pagpapatibay ng pananagutan ng mga employer sa kapakanan at karapatan ng kanilang mga empleyado.

Malugod ding tinanggap ng delegasyon ng Pilipinas ang mga repormang ipinatutupad ng Romania na naglalayong higit pang mapangalagaan ang mga dayuhang manggagawa. Kabilang dito ang mas mahigpit na regulasyon sa recruitment at ang pagbabawal sa paniningil ng placement fees at iba pang recruitment-related charges sa mga manggagawa.

Kasunod ng kanilang pagbisita sa Tulcea, ibinahagi rin ng delegasyon ang kalagayan ng mga Pilipinong naapektuhan ng mga insidente sa Northern Black Sea. Kabilang dito ang pagbibigay-pugay sa nasawing Pilipinong Chief Engineer at ang pakikipagpulong sa mahigit 200 OFWs na nagtatrabaho sa VARD Tulcea upang personal na kumustahin ang kanilang kalagayan, pakinggan ang kanilang mga pangangailangan, at tiyaking patuloy nilang natatanggap ang kinakailangang suporta at serbisyo ng pamahalaan.

Patuloy na isinusulong ng OWWA, katuwang ang DMW at iba pang ahensya ng pamahalaan, ang mga inisyatibong nagpapalakas sa kapakanan at proteksyon ng mga OFW saan mang panig ng mundo. Sa pamamagitan ng mas matatag na pakikipagtulungan sa mga host countries, higit na napapalakas ang mga mekanismong nagsisiguro ng ligtas na trabaho, makatarungang pagtrato, at sapat na suporta para sa bawat Pilipinong manggagawa at kanilang pamilya.

Mas matatag na ugnayan. Mas pinalakas na proteksyon. Mas panatag na kinabukasan para sa bawat OFW at kanilang pamilya. Yan ang Alagang OWWA. 🇵🇭

06/08/2026

𝗠𝗴𝗮 𝗠𝗮𝗿𝗶𝗻𝗼 𝗻𝗴 𝗠𝗩 𝗠𝗮𝗿𝗮𝘁𝗵𝗶 𝗮𝘁 𝗠𝗩 𝗦𝘁𝗮𝗿 𝗩𝗲𝗻𝘁𝘂𝗿𝗲, 𝗟𝗶𝗴𝘁𝗮𝘀 𝗻𝗮𝗻𝗴 𝗡𝗮𝗸𝗮𝘂𝘄𝗶 𝗺𝗮𝘁𝗮𝗽𝗼𝘀 𝗮𝗻𝗴 𝗠𝗴𝗮 𝗣𝗮𝗴-𝗮𝘁𝗮𝗸𝗲 𝘀𝗮 𝗕𝗹𝗮𝗰𝗸 𝗦𝗲𝗮

Patuloy ang ligtas na pag-uwi ng ating mga kababayang marino matapos makabalik sa bansa ang mga Pilipinong seafarers mula sa M/V Star Venture at M/V Marathi kasunod ng mga insidenteng kinasangkutan ng kanilang mga barko sa Black Sea.

Kagabi, Agosto 5, dumating ang unang batch ng pitong (7) Pilipinong seafarers mula sa M/V Star Venture sakay ng Philippine Airlines Flight PR685 sa Terminal 1. Kasabay nito, nakauwi rin ang isang (1) Pilipinong seafarer mula sa M/V Marathi sakay ng Emirates Airways Flight EK334 sa Terminal 3.

Kaninang madaling araw, Agosto 6, dumating naman ang ikalawang batch ng labindalawang (12) Pilipinong seafarers mula sa M/V Star Venture sakay ng Philippine Airlines Flight PR895 sa Terminal 1.

Ang MV Marathi ay tinamaan ng dalawang drone habang nasa karagatan malapit sa Novorossiysk, Russia noong Hulyo 30, habang ang MV Star Venture naman ay tinamaan ng missile o aerial drone strike habang papaalis sa Odesa Port, Ukraine noong Hulyo 17, na nagdulot ng sunog at matinding pinsala sa barko.

Sa kanilang pagdating, agad silang sinalubong ng Overseas Workers Welfare Administration (OWWA) at Department of Migrant Workers (DMW), kung saan pinagkalooban sila ng airport assistance at Special Financial Assistance bilang agarang suporta.

Katuwang ang kani-kanilang Licensed Manning Agencies (LMAs), patuloy rin silang inaalalayan sa kanilang post-arrival needs, kabilang ang pansamantalang accommodation, medical assessment, at iba pang kinakailangang assistance bago ang kanilang pag-uwi sa kani-kanilang pamilya.

Patuloy na nananatiling nakaagapay ang sa ating mga marino at OFWs—mula sa kanilang ligtas na pag-uwi hanggang sa kanilang panibagong simula sa bansa, alinsunod sa direktiba ni Pangulong Ferdinand R. Marcos Jr. na tiyaking may maagap, komprehensibo, at may malasakit na suporta para sa bawat Pilipinong manggagawa saan mang panig ng mundo.

05/08/2026

𝗣𝗛 𝗚𝗼𝘃𝗲𝗿𝗻𝗺𝗲𝗻𝘁, 𝗡𝗮𝗴𝗯𝗶𝗴𝗮𝘆 𝗻𝗴 𝗛𝘂𝗹𝗶𝗻𝗴 𝗣𝗮𝗴𝗽𝘂𝗽𝘂𝗴𝗮𝘆 𝘀𝗮 𝗡𝗮𝘀𝗮𝘄𝗶𝗻𝗴 𝗠𝗮𝗿𝗶𝗻𝗼
𝗢𝗪𝗪𝗔, 𝗧𝗶𝗻𝗶𝘆𝗮𝗸 𝗮𝗻𝗴 𝗕𝗲𝗻𝗲𝗽𝗶𝘀𝘆𝗼 𝗮𝘁 𝗦𝘂𝗽𝗼𝗿𝘁𝗮 𝘀𝗮 𝗣𝗮𝗺𝗶𝗹𝘆𝗮 𝗻𝗴 𝗔𝗸𝘁𝗶𝗯𝗼𝗻𝗴 𝗠𝗶𝘆𝗲𝗺𝗯𝗿𝗼

Bilang pagtupad sa bilin ni Pangulong Ferdinand R. Marcos Jr. na tiyakin ang proteksiyon at kapakanan ng bawat OFW at kanilang pamilya, nagbigay ng huling pagpupugay ang Pamahalaan ng Pilipinas sa Filipino Chief Engineer na pumanaw dahil sa mga pinsalang tinamo sa insidenteng kinasangkutan ng MT Gas Lisbon sa Black Sea.

Pinangunahan ni Department of Migrant Workers (DMW) Secretary Hans Leo J. Cacdac ang delegasyon ng Pilipinas sa Tulcea County Hospital sa Romania. Kasama niya sina Philippine Ambassador to Romania Noel E. Servigon, OWWA Administrator Patricia Yvonne Caunan, OIC-Assistant Secretary for Sea-Based Concerns Augusto B. San Diego III, Labor Attaché Geraldine C. Mendez, at MWO Budapest Officer-in-Charge Charisse Mae Tiongson.

Nag-alay ng panalangin ang delegasyon bilang pagkilala sa tapat na paglilingkod, dedikasyon, at sakripisyo ng ating kababayang marino.

Noong 21 Hulyo 2026, naapektuhan ang MT Gas Lisbon habang naglalayag sa Black Sea. Agad na nailikas ng Romanian emergency responders ang lahat ng tripulante at dinala sa ospital ang tatlong sugatang Pilipinong marino. Dalawa sa kanila ang ligtas na nakauwi sa Pilipinas noong 3 Agosto 2026.

Patuloy na nagtutulungan ang DMW, OWWA, DFA, Philippine Embassy sa Bucharest, MWO, at mga awtoridad ng Romania upang mapabilis ang marangal na pagpapauwi sa labi ng Chief Engineer at matiyak na matatanggap ng kanyang pamilya ang mga kaukulang benepisyo, tulong, at serbisyong nararapat sa kanila.

Habang isinasagawa ang international coordination, agad ding nagtungo ang OWWA Regional Welfare Office V sa pamilya sa Caramoan, Camarines Sur upang personal na makiramay at umalalay. Ipinaliwanag sa pamilya ang mga benepisyong maaari nilang matanggap dahil aktibong miyembro ng OWWA ang nasawing marino, kabilang ang Death and Burial Benefits, Education and Livelihood Assistance Program, at iba pang naaangkop na welfare services.

Batid ng OWWA ang pangarap ng ating kababayang marino na mabigyan ng magandang kinabukasan ang kanyang limang anak sa pamamagitan ng edukasyon. Patuloy naming aalalayan ang kanyang pamilya at tutulungang maipagpatuloy ang pangarap na kanyang iniwan para sa mga anak.

Taos-puso rin ang pasasalamat ng delegasyon sa mga doktor, nars, emergency responders, Tulcea County Hospital, at mga awtoridad ng Romania sa kanilang agarang pagtugon at malasakit sa ating mga kababayang marino.

Sa panahon ng matinding dalamhati, hindi nag-iisa ang kanyang pamilya. May pamahalaang handang umalalay at may OWWA na patuloy na maglilingkod.

04/08/2026

𝗠𝗴𝗮 𝗢𝗙𝗪 𝗺𝘂𝗹𝗮 𝘀𝗮 𝗠𝗴𝗮 𝗖𝗼𝗻𝗳𝗹𝗶𝗰𝘁-𝗔𝗳𝗳𝗲𝗰𝘁𝗲𝗱 𝗔𝗿𝗲𝗮𝘀, 𝗟𝗶𝗴𝘁𝗮𝘀 𝗻𝗮𝗻𝗴 𝗡𝗮𝗸𝗮𝘂𝘄𝗶 𝘀𝗮 𝗕𝗮𝗻𝘀𝗮

Patuloy ang ligtas na pag-uwi ng ating mga Kababayang OFWs mula sa mga conflict-affected areas matapos dumating sa bansa ngayong araw, Agosto 4 ang 19 OFWs at 2 dependents mula Lebanon sakay ng Qatar Airways Flight QR934, gayundin ang dalawang (2) Pilipinong marino ng M/V Rostrum Optima sakay ng Qatar Airways Flight QR932, sa NAIA Terminal 3.

Ang dalawang marino ay kabilang sa mga tripulanteng naapektuhan matapos tamaan ng sunod-sunod na drone attacks ang M/V Rostrum Optima malapit sa Port of Taman, Russia noong Hulyo 18. Sa kabila ng insidente, ligtas silang nailikas at nakauwi sa Pilipinas.

Sa kanilang pagdating, agad silang sinalubong ng Overseas Workers Welfare Administration (OWWA) at Department of Migrant Workers (DMW) upang matiyak ang maayos na pagdating at maibigay ang kinakailangang agarang tulong.

Ang dalawang seafarers ay pinagkalooban ng airport assistance at Special Financial Assistance bilang bahagi ng agarang suporta ng pamahalaan. Katuwang ang kanilang Licensed Manning Agency (LMA), patuloy rin silang inaalalayan sa kanilang post-arrival needs, kabilang ang medical assessment at iba pang kinakailangang assistance bago ang kanilang pag-uwi sa kani-kanilang pamilya.

Samantala, ang mga OFWs at kanilang mga dependents mula Lebanon ay pinagkalooban ng airport at welfare assistance, kabilang ang pagkain, financial assistance, at pansamantalang hotel accommodation para sa mga nangangailangan, upang matiyak ang maayos at ligtas nilang pagbabalik sa bansa.

Patuloy na nananatiling nakaagapay ang sa bawat OFW—mula sa kanilang ligtas na pag-uwi hanggang sa kanilang panibagong simula sa bansa, alinsunod sa direktiba ni Pangulong Ferdinand R. Marcos Jr. na tiyaking may maagap, komprehensibo, at may malasakit na suporta para sa bawat Pilipinong manggagawa saan mang panig ng mundo.

04/08/2026

𝗗𝗮𝗹𝗮𝘄𝗮𝗻𝗴 𝗣𝗶𝗹𝗶𝗽𝗶𝗻𝗼𝗻𝗴 𝗠𝗮𝗿𝗶𝗻𝗼 𝗻𝗴 𝗠𝗩 𝗚𝗔𝗦 𝗟𝗜𝗦𝗕𝗢𝗡, 𝗡𝗮𝗸𝗮𝗯𝗮𝗹𝗶𝗸 𝗻𝗮 𝘀𝗮 𝗣𝗶𝗹𝗶𝗽𝗶𝗻𝗮𝘀 𝗠𝗮𝘁𝗮𝗽𝗼𝘀 𝗮𝗻𝗴 𝗜𝗻𝘀𝗶𝗱𝗲𝗻𝘁𝗲 𝘀𝗮 𝗕𝗹𝗮𝗰𝗸 𝗦𝗲𝗮

Dalawang (2) Pilipinong marino ng MV GAS LISBON ang nakabalik na sa Pilipinas matapos maapektuhan ng drone attack ang kanilang barko sa Black Sea. Dumating sila sa NAIA Terminal 3 sakay ng Qatar Airways Flight QR932 noong gabi ng Agosto 3.

Ang Liberia-flagged LPG tanker ay tinamaan at nasunog sa karagatan malapit sa baybayin ng Romania noong Hulyo 20. Dahil sa insidente, dalawang Pilipinong tripulante ang nagtamo ng burn injuries, habang isa nilang kasamahan ang pumanaw noong Hulyo 23.

Sa kanilang pagdating sa bansa, pinagkalooban sila ng Overseas Workers Welfare Administration (OWWA) at Department of Migrant Workers (DMW) ng airport assistance at Special Financial Assistance bilang bahagi ng agarang suporta ng pamahalaan. Katuwang ang kanilang Licensed Manning Agency (LMA), patuloy ding isinasagawa ang mga kinakailangang post-arrival interventions, kabilang ang pansamantalang accommodation, medical assessment, at iba pang kaukulang assistance bago sila makauwi sa kani-kanilang pamilya.

Samantala, patuloy na nakikipag-ugnayan ang DMW at OWWA sa pamilya ng nasawing Pilipinong marino upang matiyak na maibibigay ang kinakailangang suporta at tulong kaugnay ng repatriation ng kanyang mga labi at iba pang kaukulang assistance.

Alinsunod sa direktiba ni Pangulong Ferdinand R. Marcos Jr., nananatiling prayoridad ng pamahalaan ang kaligtasan at kapakanan ng ating mga OFWs at marino. Bilang social protection institution para sa mga OFWs, patuloy na naghahatid ang OWWA ng Alagang OWWA—mula sa panahon ng krisis hanggang sa kanilang pagbangon at muling pagsisimula kasama ang kanilang mga pamilya.

03/08/2026

🎓 𝗦𝗮 𝘂𝗻𝗮𝗻𝗴 𝗽𝗮𝗴𝗸𝗮𝗸𝗮𝘁𝗮𝗼𝗻, 𝗺𝗶𝘀𝗺𝗼𝗻𝗴 𝗺𝗴𝗮 𝗢𝗙𝗪 𝗻𝗮𝗺𝗮𝗻 𝗮𝗻𝗴 𝗺𝗮𝗴𝗶𝗴𝗶𝗻𝗴 𝗶𝘀𝗸𝗼𝗹𝗮𝗿 𝗻𝗴 𝗢𝗪𝗪𝗔 𝘀𝗮 𝗸𝗼𝗹𝗲𝗵𝗶𝘆𝗼.

Ngayong taon, 500 kwalipikadong OFWs ang bubuo sa unang batch ng LEAP-OFWs scholars. Sila ay bibigyan ng pagkakataong maipagpatuloy ang kanilang pag-aaral at mas mapalapit sa pangarap na magkaroon ng college degree.

Maraming OFW ang isinantabi ang sariling edukasyon upang unahin ang kinabukasan ng pamilya. Matagal nang sinusuportahan ng OWWA ang pag-aaral ng mga anak ng OFWs. Ngayon, katuwang ang CHED, mismong mga OFW naman ang tutulungan nating makapagtapos ng kolehiyo.

Sa ilalim ng Lifelong Learning Education Assistance Program for OFWs o LEAP-OFWs, maaaring makatanggap ang bawat kwalipikadong benepisyaryo ng hanggang ₱50,000 educational assistance para sa tuition at iba pang assessment-related costs sa pagkuha ng bachelor’s degree sa pamamagitan ng Expanded Tertiary Education Equivalency and Accreditation Program o ETEEAP.

Sa ETEEAP, maaaring kilalanin at bigyan ng katumbas na academic credits ang kaalaman, kasanayan, at karanasang nakuha sa trabaho. Ang bawat aplikante ay dadaan sa kaukulang assessment at kailangang matugunan ang mga requirement ng CHED at ng kinauukulang paaralan.

Matapos ninyong unahin ang pangarap ng inyong pamilya, panahon naman upang suportahan ang sarili ninyong pangarap.

500 OFW scholars sa unang batch. 500 pangarap na mas inilapit sa diploma.

Alamin ang qualifications at application process sa mga art card. Maaari ring magsimula sa reintegration.owwa.gov.ph at bisitahin ang eteeap.ched.gov.ph para sa karagdagang impormasyon.

Sa OWWA at CHED, ang karanasan ng OFW ay maaari nang maging daan tungo sa college degree. 💙🇵🇭

03/08/2026

⚠️ 𝗣𝗨𝗕𝗟𝗜𝗖 𝗔𝗗𝗩𝗜𝗦𝗢𝗥𝗬: 𝗕𝗔𝗕𝗔𝗟𝗔 𝗦𝗔 𝗡𝗔𝗚𝗣𝗔𝗣𝗔𝗡𝗚𝗚𝗔𝗣 𝗡𝗔 𝗢𝗪𝗪𝗔 𝗣𝗘𝗥𝗦𝗢𝗡𝗡𝗘𝗟

Ang gumagamit ng pangalang “Michael Dela Peña” ay 𝗛𝗜𝗡𝗗𝗜 kawani o awtorisadong kinatawan ng OWWA.

Ang numerong 𝟬𝟵𝟬𝟵 𝟬𝟵𝟳 𝟲𝟮𝟬𝟰 ay 𝗛𝗜𝗡𝗗𝗜 rin opisyal na numero ng OWWA.

Huwag magpadala ng pera sa personal na GCash, Maya, e-wallet, bank account, o anumang payment instruction na ipinadala lamang sa chat.

Para sa OWWA membership payment gamit ang GCash, gamitin lamang ang:

𝗚𝗖𝗮𝘀𝗵 > 𝗕𝗶𝗹𝗹𝘀 > 𝗚𝗼𝘃𝗲𝗿𝗻𝗺𝗲𝗻𝘁 > 𝗢𝗪𝗪𝗔

Ilagay lamang ang PRN at eksaktong halaga na ipinadala sa inyong opisyal na OWWA email.

Huwag ibigay ang inyong OTP, MPIN, password, o iba pang sensitibong impormasyon. I-block at i-report agad ang kahina-hinalang account o numero.

Para sa beripikasyon at agarang tulong:

☎️ OWWA Hotline 1348
📧 [email protected]
🌐 membership.owwa.gov.ph

Mag-ingat at laging dumaan sa opisyal na OWWA channels. 💙

02/08/2026

🎶 𝗠𝗔𝗬 𝗛𝗜𝗠𝗜𝗚 𝗞𝗔. 𝗠𝗔𝗬 𝗞𝗪𝗘𝗡𝗧𝗢 𝗞𝗔. 𝗣𝗔𝗡𝗔𝗛𝗢𝗡 𝗡𝗔𝗡𝗚 𝗠𝗔𝗥𝗜𝗡𝗜𝗚 𝗜𝗧𝗢. 🇵🇭

Hindi lang ito basta songwriting contest.

Ang 𝗛𝗜𝗠𝗜𝗚 𝗡𝗚 𝗕𝗔𝗬𝗔𝗡𝗜 ay isang one-of-a-kind OFW songwriting competition na nagbibigay-pugay sa talento, sakripisyo, at inspirasyong hatid ng mga Bagong Bayani sa pamamagitan ng orihinal na musika.

Kung ikaw ay isang OFW na may awiting isinilang mula sa iyong mga pangarap, laban, at pagmamahal sa pamilya at bayan—ito na ang iyong entablado.

✨ Baka ang susunod na awiting tatatak sa puso ng bawat Pilipino ay mula sa’yo.

📌 Basahin ang poster, i-scan ang QR code o i-click ang link para sa kumpletong mechanics, qualifications, at submission details.
https://forms.gle/uHnewqYasfPk6to66

🎼 Isulat ang iyong awit.
🎙️ Ibahagi ang iyong kwento.
🇵🇭 Hayaan mong marinig ng mundo ang HIMIG NG BAYANI.

31/07/2026

𝟭𝟭 𝗣𝗶𝗹𝗶𝗽𝗶𝗻𝗼𝗻𝗴 𝗠𝗮𝗿𝗶𝗻𝗼 𝗺𝘂𝗹𝗮 𝘀𝗮 𝗠𝗴𝗮 𝗕𝗮𝗿𝗸𝗼𝗻𝗴 𝗡𝗮𝗮𝗽𝗲𝗸𝘁𝘂𝗵𝗮𝗻 𝘀𝗮 𝗕𝗹𝗮𝗰𝗸 𝗦𝗲𝗮, 𝗟𝗶𝗴𝘁𝗮𝘀 𝗻𝗮𝗻𝗴 𝗡𝗮𝗸𝗮𝗯𝗮𝗹𝗶𝗸 𝘀𝗮 𝗕𝗮𝗻𝘀𝗮

Ligtas nang nakauwi sa Pilipinas ang 11 Pilipinong marino—anim (6) na tripulante ng MV INASE at lima (5) ng MV VENTURO—matapos maapektuhan ng mga drone attack sa karagatan ng Ukraine ang kanilang mga barko. Dumating sila ngayong Hulyo 31 sa NAIA, lulan ng Cathay Pacific Flight CX939 sa Terminal 3 at Philippine Airlines Flight PR301 sa Terminal 1.

Sa kanilang pagdating, sinalubong at inasikaso sila ng Overseas Workers Welfare Administration (OWWA) at Department of Migrant Workers (DMW), kung saan agad silang pinagkalooban ng airport assistance at Special Financial Assistance upang makatulong sa kanilang agarang pangangailangan habang nagsisimula silang makabalik sa kanilang mga pamilya.

Kasunod nito, tinanggap sila ng kani-kanilang Licensed Manning Agencies (LMAs), na magpapatuloy sa pagbibigay ng kinakailangang post-arrival support, kabilang ang pansamantalang accommodation, medical check-up, at iba pang kaukulang assistance bago ang kanilang pag-uwi sa kani-kanilang mga tahanan.

Bilang social protection institution para sa mga OFWs, patuloy na tinitiyak ng OWWA na ang bawat Pilipinong manggagawa ay may maaasahang suporta sa oras ng pangangailangan. Kaagapay ng DMW at iba pang mga ahensya ng pamahalaan, nananatiling handa ang OWWA na maghatid ng maagap, komprehensibo, at may pusong serbisyo—mula sa panahon ng krisis hanggang sa ligtas na pag-uwi at pagbangon ng ating mga OFWs at kanilang mga pamilya—alinsunod sa direktiba ni Pangulong Ferdinand R. Marcos Jr.

OWWA Overseas Workers Welfare Administration

06/08/2026

06/08/2026

06/08/2026

05/08/2026

04/08/2026

04/08/2026

03/08/2026

03/08/2026

02/08/2026

31/07/2026

Address

Telephone

Website

Alerts

Contact The Organization

Shortcuts

Share

Category

Listing takedown request