Mayor Emi Calixto-Rubiano

05/06/2026

Batid natin na sa oras ng karamdaman at pagdadalamhati, napakahalaga ng mabilis at maaasahang tulong. Kaya’t personal nating inaabot at inihatid ang ating serbisyo upang matugunan ang pangangailangan ng bawat Pasayeño. Mahalaga din ang agarang pag-asikaso ng mga kahilingan para sa Medical at Burial Assistance sa ating tanggapan.

05/06/2026

Personal nating inasikaso ang mga requests para sa Medical at Burial Assistance sa ating tanggapan.

Batid natin na malaking tulong ang agarang suporta sa mga pamilyang may pinagdaraanan, lalo na sa panahon ng karamdaman at pagdadalamhati. Kaya naman patuloy tayong nakikinig at tumutugon sa abot ng ating makakaya.

05/06/2026

Masaya tayong binista sa ating tanggapan ng mga miyembro ng Board of Directors, Officers, at Employees ng Cebu Air.

Nagkaroon tayo ng pagkakataong magkumustahan at magpalitan ng mga pananaw ukol sa mga usaping may kinalaman sa ating lungsod at sa patuloy na pag-unlad ng sektor ng transportasyon at turismo.

Maraming salamat sa inyong pagbisita at sa patuloy ninyong ambag sa paglago ng ating bansa.

03/06/2026

03/06/2026

Sa pagsisimula ng panibagong taon ng pag-aaral, muli tayong nagkakaisa bilang isang komunidad upang ihanda ang ating mga paaralan para sa mas ligtas, maayos, at mas makabuluhang pagbabalik-eskwela ng ating mga mag-aaral. Sa pamamagitan ng Brigada Eskwela, naipapakita natin na ang tunay na lakas ng bayan ay nagmumula sa sama-samang pagkilos at malasakit ng bawat isa.

03/06/2026

Nagkaroon tayo ng pagpupulong kasama ang PhilHealth upang talakayin ang mga programang may kinalaman sa serbisyong pangkalusugan at kapakanan ng ating mga kababayan.

Mahalaga ang patuloy na koordinasyon at pakikipagtulungan upang mas mapalawak ang access sa mga benepisyong pangkalusugan at mas mapabuti ang serbisyong natatanggap ng bawat Pasayeño.

03/06/2026

Masaya tayong nakibahagi sa Brigada Eskwela 2026 na may temang “Bayanihan sa Paaralan: Magkakaisa para sa Kaayusan at Kaalaman.”

Muli nating ipinakita ang diwa ng bayanihan sa paghahanda ng ating mga paaralan para sa panibagong taon ng pag-aaral. Sa pagtutulungan ng iba't ibang sektor ng komunidad, mas nagiging handa at maayos ang kapaligiran para sa ating mga mag-aaral.

Ang edukasyon ay responsibilidad nating lahat, at sa simpleng pakikiisa, nakakatulong tayo sa paghubog ng mas magandang kinabukasan para sa ating mga kabataan.

02/06/2026

Hindi lamang ito simpleng pagbisita sa ating opisina, kundi isang mahalagang hakbang sa pagpapatibay ng ating ugnayan at pagtutulungan, tungo sa mas epektibo at makabuluhang serbisyo para sa ating mga minamahal na Pasayeños.

02/06/2026

Nakiisa tayo sa General Assembly Meeting ng Pasay TODA Federation, kung saan kinilala rin ang siyam na miyembro sa pamamagitan ng Tulong Damayan Program.

Mahalaga ang mga ganitong programa upang maipakita ang pagkakaisa at pagtutulungan sa hanay ng ating mga transport workers na patuloy na nagseserbisyo sa ating mga komunidad.

Patuloy nating susuportahan ang mga inisyatibang nagbibigay ng tulong at pagkilala sa kanilang mahalagang ambag sa lungsod.

02/06/2026

Isang karangalan para sa atin ang makibahagi sa 1st Official Induction Ceremony ng PCCI Pasay, na nagsisilbing mahalagang yugto sa pagpapatibay ng ugnayan ng pamahalaan at ng sektor ng negosyo sa ating lungsod.

Ang pagtitipong ito ay hindi lamang pagdiriwang ng bagong pamunuan, kundi isang malinaw na pahayag ng ating sama-samang hangarin na isulong ang masiglang ekonomiya, makahikayat ng mas maraming pamumuhunan, at makalikha ng mas maraming oportunidad para sa ating mga minamahal na Pasayeños.