01/09/2026
Dulot ng transboundary haze mula sa mga nasusunog na kagubatan sa ating mga kapitbahay na bansa, Inaabisuhan ang PUBLIKO na sundin ang mga nasabing TAGUBILIN.
Ayon sa ulat ng ating Pasay City DRRMO, nakararanas po tayo ngayon ng hindi magandang kalidad ng hangin sa ilang bahagi ng Metro Manila, kabilang ang ating lungsod.
Ito ay dulot ng tinatawag na transboundary haze mula sa mga nasusunog na kagubatan sa ating mga kapitbahay na bansa.
Sama-sama po tayong mag-iingat at sundin ang mga sumusunod na gabay:
😷 Magsuot ng angkop na Face Mask kung kinakailangang lumabas ng bahay upang mabawasan ang malalanghap na dumi sa hangin.
🏠 Manatili sa Loob ng Bahay hangga't maaari, lalo na ang ating mga kabataan, senior citizens, buntis, at ang ating mga kababayan na may hika o sakit sa puso at baga.
🏃♂️ Iwasan ang Matitinding Panlabas na Gawain (outdoor physical activities) habang mababa ang kalidad ng hangin.
🏫 Pag-aangkop sa mga Gawain: Pinapayuhan natin ang mga paaralan at tanggapan na bawasan muna ang mga aktibidad sa labas.
Patuloy na nakatutok ang ating Pasay City DRRMO, Pasay City Health Office, at mga barangay upang bantayan ang lagay ng ating hangin at tiyakin ang mabilis na responde para sa ating lahat.
Mag-iingat po tayo at alagaan natin ang ating kalusugan!
