Department of Economy, Planning, and Development

31/08/2026

𝐃𝐀𝐋𝐀𝐖𝐀𝐍𝐆 𝐋𝐈𝐍𝐆𝐆𝐎 𝐍𝐀 𝐋𝐀𝐍𝐆!

Habang patuloy na sinusuri at pinag-aaralan ng mga institusyon ang paggamit ng artificial intelligence (AI), patuloy ring nabibigyang-pansin ang mga usapin tungkol sa kaligtasan, pananagutan, at kahandaan ng mga ahensya rito.

Makakasama sa talakayan sina Undersecretary Joseph J. Capuno ng Department of Economy, Planning, and Development; Atty. Johann Carlos S. Barcena, CESO III, Privacy Commissioner at Chairperson ng National Privacy Commission; Undersecretary Wilford Will L. Wong ng Department of Budget and Management; at Assistant Secretary Johannes Paulus B. Acuña ng Department of Social Welfare and Development.

Magsisilbing moderator si Ms. Vivien E. Suerte-Cortez, Team Leader ng Institutions and Partnerships ng United Nations Development Programme sa Pilipinas.

🦋 Huwag palampasin ang mahahalagang talakayan sa 13th M&E Network Forum sa Setyembre 9, 2026.

With the Forum less than two weeks away, the spotlight now turns to Plenary 2🦋

As public institutions explore AI, questions of safeguards, accountability, institutional readiness, and public trust come to the foreground.

Joining the conversation are Undersecretary Joseph J. Capuno, PhD, of the Department of Economy, Planning, and Development; Atty. Johann Carlos S. Barcena, CESO III, Privacy Commissioner and Chairperson of the National Privacy Commission; Undersecretary Wilford Will L. Wong of the Department of Budget and Management; and Assistant Secretary Johannes Paulus B. Acuña of the Department of Social Welfare and Development. The discussion will be moderated by Ms. Vivien E. Suerte-Cortez, Team Leader for Institutions and Partnerships of the United Nations Development Programme in the Philippines.

See where it all leads at the 13th M&E Network Forum on September 9, 2026.

31/08/2026

🇵🇭 𝐌𝐀𝐁𝐔𝐇𝐀𝐘 𝐀𝐍𝐆 𝐀𝐓𝐈𝐍𝐆 𝐌𝐆𝐀 𝐁𝐀𝐘𝐀𝐍𝐈!

Ngayong araw, Agosto 31, ating ginugunita at binibigyang-pugay ang lahat ng Pilipinong nag-alay ng kanilang buhay, panahon, at serbisyo para sa kalayaan, kapayapaan, at kapakanan ng ating bayan.

Nawa'y magsilbing inspirasyon ang kanilang katapangan, sakripisyo, at pagmamahal sa bansa upang patuloy nating isulong ang tapat na paglilingkod at sama-samang pagkilos para sa mas matatag na bansa at mas maginhawa at panatag na buhay para sa bawat Pilipino.

30/08/2026

✨ IT’S ALMOST TIME! TWO DAYS UNTIL THE 2026 PFA! 🚀

Kilalanin ang ating mga inimbitahang speakers para sa nalalapit na 2026 Presidential Filipinnovation Awards National Competition! Pakinggan natin ang kanilang mga boses na nagbibigay-halaga sa inobasyon para sa ating bansa. 👀🎤

Get ready to hear from inspiring leaders and changemakers as they share their insights and perspectives on Filipino innovation. 💡

See you this September 2–3! Do not miss the livestream right here on the Filipinnovation page. 📺👇

30/08/2026

𝐏𝐀𝐍𝐎𝐎𝐑𝐈𝐍: 𝐊𝐚𝐩𝐢𝐡𝐚𝐧 𝐬𝐚 𝐈𝐥𝐨𝐜𝐨𝐬 𝐑𝐞𝐜𝐚𝐩

Tunghayan ang mga kaganapan sa Kapihan sa Ilocos at alamin ang mga ibinahagi ng mga miyembro ng Rehabilitation and Recovery Cluster-1 (RRC-1) ng Regional Disaster Risk Reduction and Management Council-1 (RDRRMC-1) sa talakayan.

Ibinahagi ng mga kinatawan mula sa Office of Civil Defense Regional Office 1 (OCD RO1) at Mines and Geosciences Bureau Regional Office 1 (MGB RO1) ang kahalagahan ng kaalaman, kahandaan, at sama-samang pagkilos ng komunidad sa pagbangon mula sa mga sakuna.

Panoorin ang recap at alamin kung paano nakatutulong ang matibay na pagtutulungan at sapat na kaalaman ng mamamayan sa pagbuo ng mas ligtas at mas matatag na mga komunidad. 💪🌱🌏

🎥 DEPDev Regional Office I - Ilocos

30/08/2026

𝐈𝐂𝐂-𝐂𝐂, 𝐈𝐍𝐈𝐑𝐄𝐊𝐎𝐌𝐄𝐍𝐃𝐀 𝐒𝐀 𝐄𝐃 𝐂𝐎𝐔𝐍𝐂𝐈𝐋 𝐀𝐍𝐆 𝐓𝐕𝐄𝐓 𝐒𝐊𝐈𝐋𝐋𝐒 𝐃𝐄𝐕’𝐓 𝐏𝐑𝐎𝐆𝐑𝐀𝐌

𝗠𝗔𝗡𝗜𝗟𝗔 — Nagpulong ang Investment Coordination Committee-Cabinet Committee (ICC-CC) noong Agosto 26 upang suriin at talakayin ang mga panukalang proyekto ng iba't ibang ahensya ng pamahalaan.

Sa pangunguna nina Department of Finance (DOF) Secretary Frederick D. Go at Department of Economy, Planning, and Development (DEPDev) Secretary Arsenio M. Balisacan, tinalakay ng ICC-CC ang panukalang proyekto ng Technical Education and Skills Development Authority (TESDA), na naglalayong mapahusay ang kakayahan ng mga nagtapos sa technical-vocational courses upang mas madali silang makahanap ng trabaho at magkaroon ng mas malawak na access sa kalidad na pagsasanay.

Pinag-usapan din ang mga iminungkahing pagbabago sa isang proyektong pang-transportasyon ng Department of Transportation (DOTr) at Public-Private Partnership (PPP) Center, na inaasahang magpapabilis ng biyahe at magpapababa ng oras ng paglalakbay ng mga commuter at motorista.

Ang mga proyektong maaaprubahan ay isusumite sa Economy and Development (ED) Council, na pinamumunuan ni Pangulong Ferdinand R. Marcos Jr., para sa pinal na pag-apruba bago ang implementasyon.

29/08/2026

𝐀𝐒𝐄𝐀𝐍 𝐌𝐄𝐌𝐁𝐄𝐑 𝐒𝐓𝐀𝐓𝐄𝐒 𝐀𝐓 𝐃𝐄𝐕𝐄𝐋𝐎𝐏𝐌𝐄𝐍𝐓 𝐏𝐀𝐑𝐓𝐍𝐄𝐑𝐒, 𝐍𝐀𝐆𝐓𝐈𝐏𝐎𝐍 𝐏𝐀𝐑𝐀 𝐒𝐀 𝐇𝐈𝐆𝐇-𝐋𝐄𝐕𝐄𝐋 𝐂𝐎𝐍𝐅𝐄𝐑𝐄𝐍𝐂𝐄 𝐎𝐍 𝐂𝐎𝐍𝐍𝐄𝐂𝐓𝐈𝐕𝐈𝐓𝐘

Nagkaroon ng High-Level Conference on ASEAN Connectivity ngayong araw, Agosto 26, sa Pasay City upang talakayin ang mga paraan para mapalakas ang connectivity sa ASEAN, mapataas ang productivity at resilience, at makalikha ng mas maraming oportunidad para sa mga tao, negosyo, at komunidad sa rehiyon.

Binigyang-diin ni DEPDev Secretary Arsenio M. Balisacan sa conference na nauunawaan ng Pilipinas ang mga hamon na dulot ng layo at pagkakahiwa-hiwalay ng mga lugar dahil binubuo ito ng maraming isla. Aniya, kailangan na mas patibayin ang ugnayan tungkol infrastructure, policies, standards, at institutions sa buong ASEAN upang mas mapakinabangan ng rehiyon ang lawak at diversity nito.

Dumalo rin sa conference kasama ni Secretary Balisacan sina Department of Foreign Affairs (DFA) Secretary Ma. Theresa Lazaro, Economic Research Institute for ASEAN and East Asia President Tetsuya Watanabe, Asian Development Bank President Masato Kanda, at mga kinatawan ng ASEAN Member States, development partners, at international organizations.

Basahin ang buong detalye dito: https://bit.ly/ASEANconnectivity

29/08/2026

📚 𝐀𝐧𝐨 𝐚𝐧𝐠 𝐃𝐞𝐯𝐞𝐥𝐨𝐩𝐦𝐞𝐧𝐭 𝐑𝐞𝐬𝐞𝐚𝐫𝐜𝐡 𝐌𝐨𝐧𝐭𝐡?

Tuwing Setyembre, and Philippine Institute for Development Studies (PIDS) ay nagsasagawa ng mga activities na nagbabahagi ng kaalaman tungkol sa mga mahahalagang usapin sa development, mga bagong research findings, at mga polisiya at programang humuhubog sa kinabukasan ng mga Pilipino.

Layunin ng Development Policy Research Month (DPRM) na palakasin ang kultura ng research at knowledge-sharing sa pamamagitan ng:

✅ Pagsusulong ng evidence-based policymaking
✅ Pagpapalawak ng kaalaman ng publiko sa kahalagahan ng policy research
✅ Pag-uugnay ng mga research at knowledge resources sa paggawa ng polisiya at pagpaplano.

💡Bisitahin ang website para sa karagdagang kaalaman: dprm.pids.gov.ph

29/08/2026

𝐀𝐏𝐀𝐓 𝐍𝐀 𝐏𝐑𝐀𝐘𝐎𝐑𝐈𝐃𝐀𝐃 𝐊𝐀𝐔𝐆𝐍𝐀𝐘 𝐍𝐆 𝐏𝐀𝐆𝐏𝐀𝐏𝐀𝐓𝐔𝐏𝐀𝐃 𝐍𝐆 𝐀𝐒𝐄𝐀𝐍 𝐂𝐎𝐍𝐍𝐄𝐂𝐓𝐈𝐕𝐈𝐓𝐘 𝐒𝐓𝐑𝐀𝐓𝐄𝐆𝐈𝐂 𝐏𝐋𝐀𝐍 𝟐𝟎𝟐𝟔-𝟐𝟎𝟑𝟓, 𝐈𝐁𝐈𝐍𝐀𝐇𝐀𝐆𝐈 𝐍𝐈 𝐁𝐀𝐋𝐈𝐒𝐀𝐂𝐀𝐍

Binigyang-diin ni DEPDev Secretary Arsenio M. Balisacan ang kahalagahan ng pagtugon sa mga pangunahing hamon sa pag-unlad at pagsusulong ng mga hakbang upang mapalakas ang koneksyon at ugnayan ng mga bansa sa ASEAN.

Sa kanyang mensahe sa High-Level Conference on ASEAN Connectivity (HLCAC) sa Pasay City, na may temang “From Strategy to Delivery: Implementing the ASEAN Connectivity Strategic Plan 2026–2035,” ibinahagi ni Balisacan ang apat na prayoridad sa pagpapatupad ng nasabing Plano.

Kabilang dito ang pagpapalakas ng ugnayan ng mga bansa upang makabuo ng higit na magkakaugnay na ekonomiya; pagbibigay-prayoridad sa mga koneksyon at proyektong may pinakamalaking ambag sa pag-unlad at katatagan ng rehiyon; pagsasalin ng mga prayoridad ng ASEAN sa mga konkretong proyektong maaaring pondohan at ipatupad; at pagsukat ng tagumpay batay sa aktuwal na benepisyong naidudulot ng mga ito sa mga mamamayan.

Mababasa rito ang buong istorya: https://bit.ly/ASEANconnectivity

Basahin ang buong Keynote Address ni Secretary Balisacan dito: https://bit.ly/KeynoteASEANconnectivity

29/08/2026

𝐌𝐆𝐀 𝐁𝐀𝐆𝐎𝐍𝐆 𝐎𝐏𝐈𝐒𝐘𝐀𝐋 𝐍𝐆 𝐏𝐏𝐏 𝐂𝐄𝐍𝐓𝐄𝐑 𝐀𝐓 𝐂𝐏𝐃, 𝐍𝐀𝐍𝐔𝐌𝐏𝐀 𝐒𝐀 𝐓𝐔𝐍𝐆𝐊𝐔𝐋𝐈𝐍 𝐒𝐀 𝐃𝐄𝐏𝐃𝐞𝐯

𝐌𝐀𝐍𝐈𝐋𝐀 — Pinangunahan ni DEPDev Secretary Arsenio M. Balisacan ang panunumpa sa tungkulin nina Atty. Princess May Butron-Necesito bilang bagong Director III ng Public-Private Partnership (PPP) Center at Mr. Adreal Denver Chulahig Monterona bilang bagong Director I ng Commission on Population and Development (CPD) Regional Office IV-MIMAROPA noong Agosto 24 sa DEPDev Central Office sa Mandaluyong City.

Bilang Director III, tutulong si Atty. Butron-Necesito sa pangangasiwa ng mga legal na usapin ng PPP Center. Kabilang sa kanyang mga tungkulin ang pagrepaso at paghahanda ng mga kontrata para sa mga proyektong pinagtutulungan ng pamahalaan at pribadong sektor, gayundin ang pagbibigay ng legal na payo at suporta sa pagpapatupad at pagsubaybay ng mga proyektong ito.

Samantala, pamumunuan ni Director Monterona ang mga programa at operasyon ng CPD Regional Office IV-MIMAROPA. Pangangasiwaan niya ang pagpapatupad ng mga programang may kaugnayan sa populasyon at kaunlaran sa rehiyon, pakikipag-ugnayan sa mga lokal na pamahalaan at iba pang katuwang na institusyon, at pagsubaybay sa mga programang nakatutulong sa pag-abot ng mga layunin ng pamahalaan para sa pag-unlad ng mga komunidad.

29/08/2026

𝐀𝐒𝐄𝐀𝐍 𝐂𝐎𝐍𝐍𝐄𝐂𝐓𝐈𝐕𝐈𝐓𝐘 𝐀𝐓 𝐏𝐑𝐎𝐒𝐏𝐄𝐑𝐈𝐓𝐘 𝐂𝐎𝐑𝐑𝐈𝐃𝐎𝐑𝐒, 𝐒𝐔𝐒𝐈 𝐒𝐀 𝐏𝐀𝐆𝐋𝐀𝐆𝐎 𝐀𝐓 𝐊𝐀𝐓𝐀𝐓𝐀𝐆𝐀𝐍 𝐍𝐆 𝐑𝐄𝐇𝐈𝐘𝐎𝐍 – 𝐃𝐄𝐏𝐃𝐞𝐯

𝗠𝗔𝗡𝗜𝗟𝗔— Nanawagan ang Pilipinas para sa mas mabilis na pagpapatupad ng ASEAN Connectivity Strategic Plan 2026-2035, kasabay ng pagbibigay-diin sa kahalagahan ng Prosperity Corridors upang makalikha ng mas maraming pamumuhunan, trabaho, at oportunidad sa Timog-Silangang Asya.

Sa High-Level Conference on ASEAN Connectivity na ginanap noong Agosto 26 sa Pasay City, sinabi ni DEPDev Secretary Arsenio M. Balisacan na ang pagpapalakas ng regional connectivity ay dapat makatulong sa pagpapabuti ng buhay ng mga tao at paglago ng mga negosyo.

Mababasa rito ang buong istorya: https://bit.ly/ASEANconnectivity